تجهيزات عرايس مصر الجزء ال 97

dandona om jou 23-09-2008 1,005 رد 32,660 مشاهدة
e
[QUOTE=boky2010;7283547]ياسلاااااااااااااااااااااام هودة اللى ناقص بجد والدفاية
هو فاكر نفسة عايش فين يابنتى صحية ليكون نايم
ايديتا انا بعمل عند نجار حلووووووو اوى الايامدى قومت قعدت ادورلك ملقتهاش الظاهرر
الاجندة فى اوضة بابا وماما بس حد فيهم يظهر ولا بابا الاوضة يتفتحوادخل اعكرتلك عليها واجبهالك[/QUOT

تسلمي يا قمر والله انت زي العسل .. يا ريت تبعتيهولي على الخااااااااااص وتسلم ايدك تاني
أ
هبه من عند الله;7283501:
هو لازم ألبسه أبيض ياجماعة ولا ممكن ألوان تانية


ابيض ... اوف وايت ... دهبى ... عايزين حاجات تلعلط كدة يا موزز
ه
(رقة مشاعر);7283513:
لا بجددى حاجة مملة والله
انا بئى ياستى هو لما جه خطبنى كانت شقته جاهزة ومتشطبة يعنى انا مكانش ليا اراء فى اى حاجة فالشقة ولما روحت اتفرج عليها كانت الفااااااااااجعة الشقتين نفس التشطيب بالمللى كل حاجة كل حاجة
السيراميك الوان الحيطان كل شئ شكل بعضه الشقتين نسخةمن بعض


إيه يابنتي اللخبطه دي بصي مش مهم إن الشقق زي بعض إنتي أكيد ف شقتك هيكون ليكي إسلوبك الخاص
وعلي فكرة لازم تحطي حدود من دلوقتي وإلا هتتعبي أوي بعد الجواز لازم يعرف إنك مش زي مرات أخوه مش زي أي بنت تانية زي ماهوكمان مش زي أخوه مش زي أي راجل تاني وبعدين عرفيه إن المقارنة هتتقلب ضده يعني لو هو قارن إنتي كمان قارني وكده لحد مايحرم هه حد يرد عليا بقي في حكاية الرماد
n
هتلاقىة فى استقبال اشكال و الوان منهم ... و كمان فى درب البرابرة فى حاجات بس مش حلوة قوى طبعا زى اللى فى استقبال


ايه ولا فين استقبال دا
-
أجمل ايام العمر;7283604:
ابيض ... اوف وايت ... دهبى ... حاسى حاجات تلعلط كدة يا موزز


طيب انا كنت شريت لانجري
لونه بينك هو كب كده وفيه خط دانتيل من النص وله الروب بتاعه شيك اوي
وكان ب 220 ... ماما بتقولي نجيب واحد ابيض لاول يوم وكده
بس انا بقول ان ده اخليه لاول يوم... واجيب حاجات تانى

ولا ايه؟
أ
nona_esam;7283633:
هتلاقىة فى استقبال اشكال و الوان منهم ... و كمان فى درب البرابرة فى حاجات بس مش حلوة قوى طبعا زى اللى فى استقبال


ايه ولا فين استقبال دا



سيتى ستارز
s
أجمل ايام العمر;7283265:
حبيبة قلبى مشاركتك كدة مخالفة .... الله يكرمك خللى بالك





قوليله انا مش مرات اخوك ... انا خطيبتك ( اسمك ) و متقارنيش بيها عشان احنا مش زيهم و المقارنة دى فى الاخر انت لوحدك اللى هتتعب منها ... و لازم تفصلى من لدوقتى طالما ساكنين فوقكم ... لاااااااااااااااااااااازم طالما هو كدة .. عشان متتعبيش .. و ربنا معاكى





انا جبت قميص قصير شيفون اوف وايت و بروب شيفون سورى من معرض سوريا اللى فات فى ارض المعارض و كان ب 250 نزلته من 400 .. بس حلو و شفته عندى فى الرحاب ب 500 ... بس للاسف لما لبسته بعدها ب 3 شهور .. جوزى انبهر بيه .. و قاللى حلو قوووووووووى اول مرة اشوفه .. اتصدمت ... و عرفت ان الرجالة زى ما ماما قالتلى مش كل حاجة فى اللانجيرى بيفتكروها عشان كدة متكتريش و نوعى دايما عشان يحس بالتجديد .. و ربنا معاااكوا كلكم يارب


طيب يا حببتي قميص النوم مكنش شفاف اوى يعني كان عادي ولا اوفر معلش على السؤال الرخم ده بس اصل انا برده جايبه قميص نوم اوف وايت بروبه و فيه ورده موف كده و حاسه انه هيبقي حلو اوى لو لبسته اول يوم بس خايفه انه يكون شفاف اوى


(رقة مشاعر);7283296:
هههههههههههههه انا بضحك من غلبى نفسى اخلص من الهم التقيل بتاع الجهاز دا بئى واتجوز واروح شقتى لحسن دانا خلاص مبئاش فيا عقل
طب الحقى دى كمان كان عاوزنى اجيب التلفزيووووووون والدفاية


يا حببتي المفروض كل الاجهزه دي تبقي على العريس و حتى لو عليكي مش هو اللي هيفرض انتي تجيبي ايه و مش تجيبي ايه هاتى اللي يريحك انتى و ملكيش دعوة بكلامه

(رقة مشاعر);7283358:
بنات انا عندى احساس غريب كل ماحس انى هتجوز وهاسيبم ماما وابعد عنها احس انى خايفة وعاوزة اعيط خصوصا انى هتجوز فى بلد تانية محافظة تانية يعنى
واوقات احس انى فرحانة
مش عارفة دى حالة هبل ولا دا طبيعى


ده طبيعي جدا خصوصا لو انتى مرتبطه بمامتك اوى انا عامله لماما مناحه في البيت كل ما تجيب سيره الجواز و الفرح و ان انا هبعد عنها اعد اعيطلها لما خلاص بقيت امينه رزق مع اني اصلا لسه محددتش معاد الفرح

boky2010;7283371:
احم انا هاقول رايى المتواضع يمكن يكون غلطويمكن يكون
صح اولا انا مكنتش مقتنعة باانة لازم لون معين هاتى لون يليق عليكى
وكنت عاوزة اجيب قصير لانى قصير ورفيعة وحلتى بلبلا وقلت لو جبت طويل هبقى شبة فطوطة
بس حسيت ان الطويل برضة ليه اناقتة وطبعا بيبقى عاكس خجل اول يوم جواز لازم طويل وروبة
والابيض بيخلى اى حد زى ملاكوطولة بيعكس معنى الخجل عندك وانك مكسوفة منة
ومش واخدة عليه
مش من اولها نبينلة الفضايح وعريان وقصير وشوية وهنغتصبهم بقى لا لا لا يقول ايه واخدة على كدة
ولا ايه
مستخدمة قبل كدة يوزد يعنى لالالالالا نوووووووووووووووووووو لا ارخم عليه واخليه لف ورايا زى مزلنى ايام الخطوبة والطلعة على عنية
الظاهر انة خطب ونسى ان فى خطوبة بعد الخطوووبة


على فكره هو لو بيفكر كده اصلا يبقي تفكيره فيه حاجه غلط او ان هو اساسا من الاول شاكك في الانسانه اللي معاه او مش واثق في نفسه اصلا

Kolkola;7283428:
رقة

اعععععععععععععاااااااااا :confused::confused:

لاقيت حد في نفس المشكلة

والله فكرت زيك كده


اقولك... ابسط مثال نزلت عشان اختار البانيو البانيو بتاع الحمام راحوا جابو نفسه لاخو خطيبي
وعشان اخو خطيبي قال لمراته((كاتب كتابه)) مش هتهدي حيطة كانت عاوزة تهدها يعنى

انا كمان مش هينفع اكبر شباك عاوزة اكبره شويه

معلش استحملي كده
وان شاء الله يجى يوم ويفهموا


على فكره يا بنات مينفعش ان خطيبك يشبهك بمرات اخوه او يفرض عليكي حاجه لمجرد انها عملت كدا او جابت كدا هو اصلا مش المفروض انه يشبهك باى حد في الدنيا لازم كل واحده تفهم خطيبها ان هى حاجه و اى حد تانى حاجه تانيه مينفعش تتقارن بيها لان كل واحده في الدنيا و ليها بيئتها و عاداتها و الحاجات اللي هى متربيه عليها مينفعش ان يبقوا الاتنين شبه بعض في كل حاجه و المقارنه هتبقي ظالمه الاتنين
e
nona_esam;7283633:
هتلاقىة فى استقبال اشكال و الوان منهم ... و كمان فى درب البرابرة فى حاجات بس مش حلوة قوى طبعا زى اللى فى استقبال


ايه ولا فين استقبال دا


في سيتي ستااااااارز
أ
Kolkola;7283649:
طيب انا كنت شريت لانجري
لونه بينك هو كب كده وفيه خط دانتيل من النص وله الروب بتاعه شيك اوي
وكان ب 220 ... ماما بتقولي نجيب واحد ابيض لاول يوم وكده
بس انا بقول ان ده اخليه لاول يوم... واجيب حاجات تانى

ولا ايه؟


هيبقى جااااااااااامد ان شاء الله .. يارب تبقى ليلتك بمبى فى بمبى .. والف مبروووووووك مقدما .. وا للانجيرى 15 كفاية قوووووووووووووى
أ
sweetyronaaa;7283652:
طيب يا حببتي قميص النوم مكنش شفاف اوى يعني كان عادي ولا اوفر معلش على السؤال الرخم ده بس اصل انا برده جايبه قميص نوم اوف وايت بروبه و فيه ورده موف كده و حاسه انه هيبقي حلو اوى لو لبسته اول يوم بس خايفه انه يكون شفاف اوى


بالعكس كان حلو .. كان شفاف بس مش قوى .. يعنى درجة الشفافية دى الروب كان مغطيعها شوية الروب كان قصير برضه طول القميص .. و عجب جوزى قووووى الحمد لله و دى اهم حاجة ... عقبالك ان شاء الله ... توكلى على الله و على ضمانتى

يا حببتي المفروض كل الاجهزه دي تبقي على العريس و حتى لو عليكي مش هو اللي هيفرض انتي تجيبي ايه و مش تجيبي ايه هاتى اللي يريحك انتى و ملكيش دعوة بكلامه



ده طبيعي جدا خصوصا لو انتى مرتبطه بمامتك اوى انا عامله لماما مناحه في البيت كل ما تجيب سيره الجواز و الفرح و ان انا هبعد عنها اعد اعيطلها لما خلاص بقيت امينه رزق مع اني اصلا لسه محددتش معاد الفرح

انا قعدت 3 شهور اعيط كل لما اشوف ماما ... و كل لما اروح و ارجع بيتى افضل طول الليل اعيط .. لحد ما اتعودت .... بالمناسبة انا بايتة النهاردة عند مااما عشان كدة بكلمكم .. مش عندى نت فى البيت .. اعااااااااااااااااااااااااااااااا


على فكره هو لو بيفكر كده اصلا يبقي تفكيره فيه حاجه غلط او ان هو اساسا من الاول شاكك في الانسانه اللي معاه او مش واثق في نفسه اصلا



على فكره يا بنات مينفعش ان خطيبك يشبهك بمرات اخوه او يفرض عليكي حاجه لمجرد انها عملت كدا او جابت كدا هو اصلا مش المفروض انه يشبهك باى حد في الدنيا لازم كل واحده تفهم خطيبها ان هى حاجه و اى حد تانى حاجه تانيه مينفعش تتقارن بيها لان كل واحده في الدنيا و ليها بيئتها و عاداتها و الحاجات اللي هى متربيه عليها مينفعش ان يبقوا الاتنين شبه بعض في كل حاجه و المقارنه هتبقي ظالمه الاتنين
-
هبه من عند الله;7283620:
إيه يابنتي اللخبطه دي بصي مش مهم إن الشقق زي بعض إنتي أكيد ف شقتك هيكون ليكي إسلوبك الخاص
وعلي فكرة لازم تحطي حدود من دلوقتي وإلا هتتعبي أوي بعد الجواز لازم يعرف إنك مش زي مرات أخوه مش زي أي بنت تانية زي ماهوكمان مش زي أخوه مش زي أي راجل تاني وبعدين عرفيه إن المقارنة هتتقلب ضده يعني لو هو قارن إنتي كمان قارني وكده لحد مايحرم هه حد يرد عليا بقي في حكاية الرماد



انتى صح
(y)(y)

هى رقة تحاول تعمل زيي تغير براحة وبأسلوبها ديكور البيت ومعلش

هو عاوز مش يكون حد احسن منه


المهم بصي يا قمر موضوع الرماد ده
قالوا الباقي من البخور اللي بيتحرق في المبخرة
واكيد بعد ما يبرد
-
أجمل ايام العمر;7283663:
هيبقى جااااااااااامد ان شاء الله .. يارب تبقى ليلتك بمبى فى بمبى .. والف مبروووووووك مقدما .. وا للانجيرى 15 كفاية قوووووووووووووى



طيب عاوزة اسألك علي حاجة بما انك متزوجة
(a)
انا بقول انى مش اكتر في موضوع اللانجري ده لسبب

انا مش عارفه ذوق لسه ذوق خطيبي اللي هيكون زوجى ان شاء الله في الموضوع ده

فممكن بعد ما اعرف هو بيحب ايه ومش بيحب ايه ابقي اجيب بعد ما تزوج

ولا ايه رأيك؟
أ
Kolkola;7283742:
طيب عاوزة اسألك علي حاجة بما انك متزوجة
(a)
انا بقول انى مش اكتر في موضوع اللانجري ده لسبب

انا مش عارفه ذوق لسه ذوق خطيبي اللي هيكون زوجى ان شاء الله في الموضوع ده

فممكن بعد ما اعرف هو بيحب ايه ومش بيحب ايه ابقي اجيب بعد ما تزوج

ولا ايه رأيك؟


ممكن جدا طبعا ... بصى جوزك لما هيشوفك بعد الجواز .. هو نفسه هيبقى نفسه فى حاجات معينة .... يعنى مثلا هو هيبقى حابب القصير اكتر او الطويل اكتر او اروان معينة كدة يعنى .. فانتى كل فترة تجيبى واحد كدة لذيذ .. ده الاصح ... بس فى بنات بتزعل منى و تقوللى يعنى ابقى عروسة و بعد 3 او 4 شهور انزل اشترى لبس .. دى تبقى عيبة فى حق العيلة .. ولا عيبة و لا حاجة .. انا عن نفسى اخدت حق الهدوم و بجيب كل فترة حاجة بعد جوازى مع جوزى .. نختارها سوا ... عادى جداااااااااااااااا .. انا جوزى كمان بيشجع فكرة التجديد .. و ان انا اجيب لبس من لبس السيزون الجديد كل فترة حاجة جديدة ... عادى جدا و نشحت القديمم ناس تستفيد بيه .. مش بنكنز احناالهدوووووم الحمد لله
-
[QUOTE=sweetyronaaa;728





على فكره يا بنات مينفعش ان خطيبك يشبهك بمرات اخوه او يفرض عليكي حاجه لمجرد انها عملت كدا او جابت كدا هو اصلا مش المفروض انه يشبهك باى حد في الدنيا لازم كل واحده تفهم خطيبها ان هى حاجه و اى حد تانى حاجه تانيه مينفعش تتقارن بيها لان كل واحده في الدنيا و ليها بيئتها و عاداتها و الحاجات اللي هى متربيه عليها مينفعش ان يبقوا الاتنين شبه بعض في كل حاجه و المقارنه هتبقي ظالمه الاتنين[/QUOTE]


معاكى يا رونا يا قمراية

انهم اخوات فمش عاوز حد فيهم يبقي احسن من التانى
فمن اللي بيتظلموا في النص احنا
عشان هى بتكون شخصية وانا مثلا شخصية تانى
هو الموضوع ده عاوز صبر و كلام كتير


المهم
كنت عاوزة اسأل

ايه غساله بيبي نور دي؟
s
صحيح يا بنات انا مش بحب قمصان النوم الطويله بس جبت 3 بس طوال و منهم واحد بروبه اجيب تانى طويل ولا ايه و كمان انا برده مش بحب العبايات و الجلاليب و ماما مصممه انى لازم اجيب و فعلا جابتلى كزا عبايه بتقول انى هحتاجهم بعد كده بس انا بصراحه بفكر اسيبهم في بيت ماما و هينفعوا في الهدايا يعني لما هى تيجي تهادي حد تهادي بيهم ايه رايكم اعمل ايه
ل
يا بنات ممكن كل واحدة تقولى جابت صوانى التقديم الاستناناس اللى هى بايد مدهبة دى منين وبكام وبتصدى ولا لا اصل خالتو جابتها وصدت من تحت وياريت لو واحدة عندها صورة ايها توريهالى
M
(رقة مشاعر);7281124:
بصى ياهبة عشا ليلة الدخلة دا عن نفسى دا اللى هعمله يعنى احنا سئلنا شيف وقال افضل شئ
ديك رومى كبير يتسوى طبعا بطريقة معينة شغل مطاعم يعنى وحوالييه 6 حمامات محشيين بئى رز او فريك زى ماتحبى وطبق لحمة مشوية دا بيكون اكل العرايس ليلة الفرح العشا بتاعهم يعنى وكمان يفضل لو اللى يعملهولك مطعم ويلفلك بئى الاكل بطريقة جميلة


رقة المشاعر انتى حاسبه نفسك هتاكلى الاكل ده كلو

ولا هتبصيلو كل بنات عمامى باختى بخالتى وببنات خالاتى مبصوش للاكل يعني لو كلو مخلصوش حمامايا واحده من الى اتعملت وده من الخضة والجو الجديد ورهبتك فإستقبال الحياة الجديده بالوضع الجديد
ووالله اغلبه اترمي فيه الى حمض لانك مش هتوعي اصلا انك تحطى ده ولا تغلي ده تانى ولا تغلفي ده وتحطيه فالتلاجه هتنسي الاكل خالص يومها انا عن نفسي هعمل محشي لانى بموت فالمحشي وهيبقي بمقدار يكفي اليوم ده والحمام بقي هعملو واحطو وابقي اسخنو تانى يوم ما انتى لازم تتعبي يا اما هتاكلى الاكل بايت يا اما هتاكلى اكل مكرر تزهقي منو



أسيرة حنانه;7281404:
والله بصوا دى أراء يعنى بس انا مش هعمل كدا

انا ناويه اعمل محشى ورق عنب بأذن الله ومكرونه بالبشاميل وحمام محشى لكل واحد فينا كام حمامايه كدا
وممكن بطايه ليا لوحدى عشان بحبها واحشيها رز وكبد مممممممممممم يا سيييدى :D

والحلو كريم كراميل

وعصير كمان بس انا هعمل تمر هندى ومحدش يتخض بس عشان دا افضل عصير عنده بيمووووووووت فيه او جوافه بردو شغال



جوعتيني بس اقولك هو ده فايدة الميكرويف انا كنت ضده وشايفاه من الكماليات الى اصلا لو معاكى فكرى فحاجه تانيه غيره لكن حسبتها فعلا انتى عندك اكل بيحتاج متطلبات خاصه انك تسخنيه طبعا عندك محشي مثلا زى ماهو هترميه

لا طبعا تبقي غلبتي مدام فشخره منظر
يبقي تسخنيه تانى ومثلاالمكرونه البشاميل تسخنيها تانى
اكتشفت ان الميكرويف بينجز اووووووى ربنا يقدرنى او يقدرو واجيبو يا يجيبو :D


أجمل ايام العمر;7283265:



قوليله انا مش مرات اخوك ... انا خطيبتك ( اسمك ) و متقارنيش بيها عشان احنا مش زيهم و المقارنة دى فى الاخر انت لوحدك اللى هتتعب منها ... و لازم تفصلى من لدوقتى طالما ساكنين فوقكم ... لاااااااااااااااااااااازم طالما هو كدة .. عشان متتعبيش .. و ربنا معاكى



دوستى عالوجع يااجمل ايام العمر ده الى بحارب فيه من دلوأتى انا فنفس موقفها وحالتها وسلفتى فوق حماتى وحماتى فوقيا ومن دلوأتى بيحصل مقارنه بيني وبين سلفتى عالطباع وعالعادات وعالاسلوب وعالحركات
ودايما اقول وانا مالى انا مش هعمل حاجه عشان فلانه بتعملها ومش عايزة مقارنه عشان مكرههاش

عايزة لما اعمل حاجه اعملها عشان انا عايزة اعملها مش انفذها عشان فلانه بتعملها فانا لازم ابقي زيها او احسن منها
مبحبش الى يحطني فوضع حياة تجبرنى علي حياة مش حياتي



نسمة وداع;7283349:
صحيح يا بنات ممكن نلبس اكسسوري على قمصان النوم حلقان و عقاد سمبل كده و لا بلاش؟؟؟
انا جبت تاتو و خلخال دول بقى البسهم على هيكونوا حلوين ياترى


انا شايفه ان اللنجرى مينفعش يتلبسلهم حلقان ولا اكسسوارات كبيرك اوى حلق فص بموت فالحلقان دي بتنور الوش اوى بالاضافه ان اللانجرى بيحسسك انك ملاك كده كيوت اوى فيه فبلاش المهرجانات مع اللانجرى لانو لوحدو احلى من المهرجانات دى

(رقة مشاعر);7283358:
بنات انا عندى احساس غريب كل ماحس انى هتجوز وهاسيبم ماما وابعد عنها احس انى خايفة وعاوزة اعيط خصوصا انى هتجوز فى بلد تانية محافظة تانية يعنى
واوقات احس انى فرحانة
مش عارفة دى حالة هبل ولا دا طبيعى


ده احساس طبيعي

من غير ما ازعلك الاهل دول عزوة انا مقدرش ابعد عنهم احساسي انهم جنبي احساس جميل انهم سندى وملجأى فأى وقت ربنا ميجيبش حاجه وحشه

فدى حاجه طبيعيه اهلك بردو وناسك واقرب حاجه ليكي وفرحك عشان هتبقي مع اقرب حاجه هتبقي ليكي بردو :)




بنات الى جاب بيبي ليس يقولى جابها منين وبكام

وبراحة شويه عالموضوع ده مش شات :D
y
هبه من عند الله;7279740:
ميرسي ياجماعة علي الردود وميرسي يايوميزو كنت عايزة بقي أسألكم بالنسبة لمنتجات دوف حد جرب دوف بدي ميلك أو دوف بدي سيلك وحد جرب دوف سيروم معالج التلف للشعر وكلين كلير للرؤوس السودا وبانتين بديل زيت ومنتجات اولاي اولاي ناتشرال وايت إيه نظامه أنا خطيبي باعتلي الحاجات دي من السعودية ياريت تفيدوني أستخدمها إزاي

كريم السعد ده وكريم أصالة بيتباعوا عند أي عطار ولا مكان معين وهل ممكن الاقيهم في الصيدالية

وأكون شاكرة ياجماعة لو قلتولي أنا شعري حلو بس فيه كسرة بسيطة وبيهيش ف كنت عايزة أفرده قبل الفرح أفرده قبلها بقد إيه وبعد الفرد أستخدم إيه علشان شعري يفضل ناعم ومفرود وهل ممكن أستخدم سشوار ومثبت بعد الفرد ولا لأ أفيدوني أصلي عمري ماعملتها ويارب اللي ترد عليا ربنا يدخلها الجنة آمين



هبه من عند الله;7279799:
ميرسي ليكي ياقمر طيب ماتعرافيش دوف سيروم الشعر نظامه إيه

ياجماعة طيب أستخدم الحاجات دي من دلوقتي ولا أستنى لقبل الفرح بشهر أنا لسه علي فرحي ٥ شهور إن شاء الله


لا استعمليها من دلوقتى عشان الحاجات دى بتبتان اثارها مش قبل تلات شهور خصوصا الشعر

pippo;7279908:
الكريستال عايز صالونات مدهبة
انتى ممكن تجيبى النجف الاستيل نحاس كده وبيلمع بس مش قوى..

فى عندك الاستايل ده:





او ده:


يميم الصور تحفة
انا عايزة اعرف اجيب الحاجات اللى بتتحط تحت الأطبق شبه كده منين؟


والله انا كنت جايباهم من دبي بس هنا مش عارفه بدور عليهم برده عشان مامتى اول مالاقيهم هقولك على طول
بس عامه انا شفت منها في دبي والسعوديه او عند ايكيا بالاصح لو عندك اى حد في دولع عربيه او اوربيه برا يروح لمحل ايكيا وينقيلك من هناك في منهم قماش وبلاستيك وباغه ناشفه قريبه للزجاج كده ومشمع وخشب ( الخشب بس اللى شفت منها هنا في معرض ففي نادى الصيد كانت بتتباع مع الحوامل بتاعت السخن والشمع بتاعها كمان ) بس مش كويسه ممكن تتكسر بالساهل يعنى اشكال وخامات كتير اوى بس احسنهم القماش عشان سهل تنظيفه بالغسيل او المشمع او الازاز برده سهل تتنضف بمايه وصابون وفوطه مبلوله وخلاص
بس حقيقي بتدى منظر تحفففففففففه للسفره

(رقة مشاعر);7281143:
يابنتى املى التلاجة بئى والرز والسمنة والزيت والحاجات دى بتكون خزين البيت بتاعك على اد مقدرتك محدش هايجبرك على كمية معينة فاهمانى

لا طبعا مش هينفع ليلة الدخلة تقفى فالمطبخ وتسوى وكدة هو زى ماقولتلك توصى مطعم يعمل الاكل اللى تحبيه او زى اللى قولتلك عليه فوق ولو انتى مسافرة بلد تانية الاكل دا بيسبقك فيومها يعنى وانت مروحة مامتك اكيد بتوصلك هى وحد من قرايبك بيطلعو قبلك يفتحو ويحطو الاكل

اانا اول يوم كنت في فندق ومروحتش بيتى غير بعد الفرح ب 10 ايام
ماما بقى ربنا يخليها كانت جايبالى اكل على اد التسخين او التحمير ( حمام محشي - سبيط محشي - فراخ ) يعنى حاجات كده لحد ماتقدمى شويه وتبداى تاخدى الخطوة انك تتدبسي نفسك وتقفي وتتشمللي وتعملى انت لوحدك :ss:


الصبح مثلا على سب طبيعة فطاركو انتو الاتنين يعنى مثلا جبن ولبن وبيض ابدعى بئى ههههههههههههههه وبعدين هو المفروض اللى يصحى الصبح اول يوم يحضر الفطار هههههههه هى دى ايام الدلع


بنات بسرعة قولولى رايكو
انا كنت روحت اختارت التلاجة
وايت ويل 16
اخويا ماما راحو يحيبوها حالا اتصلوا بيا بيقولولى اختارى لون السيلفر او الابيض ايه رايكو اختار ايه ردوا بسرع


السيلفر لو عندك حاجه في المطبخ لونها سيلفر يعنى بوتجاز شفاط اى حاجه يبقى هاتيها عشان لونها يرد على التانيه ويبقى حلو لكن لو لوحدها يبقى الابيض عشان مايبقاش سيلفر لوحده مزعزع كده

(رقة مشاعر);7281392:
بالنسبة للضيوف هاتى كارتونة بست وقدمى منها بدل ماتاعدى تطلعى كوبايات وكاسات ووجع دماغ


أسيرة حنانه;7281613:
يا هبه يا قمر مشاركتك دى مخالفه واللى قبلها مخالفه
نتى مش ملاحظه ان المشرفه شالتلك كام مشاركه؟؟؟


خدى بالك الله يكرمك


بنات عايزه اجيب غطا غساله والعليقه اللى ورا الباب اجيبهم منين
وعايزه البتاعه الجلد دى اللى بتمسح الازاز عارفينها؟؟؟


دودو1;7281737:
يا بنتى فى اى محل عنوان ايه؟؟ انتى مش عارفه منتجات الهلال والنجمه ؟؟ العرض ده بييجى فى التليفزيون

انتى روحى اى محل ادوات منزليه اللى بتتباع فيه الحاجات دى يعنى واسالى عليها هتلاقيها ان شاء الله(f)


كنت هاقول نفس الكلام او ممكن تلاقيها عند اى بنزينه ممكن تشتريها منهم او عند اى محل ادوات مننزليه بتتباع فردانى من غير الجلانس
وفيها منها كمان بيبقى من ناحيه مساحه وتحتها سفنج عشان المايه اللى تنزل من المسح متسرسيبش على الازاز وتنقط لا اللاسفنج يشربه ويبقى شكله حلو ونظيف
وفي منها كمان نوع مزود ببتاعه كده يتحطله المنظف وزرار يرش على الازاز

boky2010;7281975:
بنات محدش يعرف البيبى ليس بكام والاحسن اجيب سشوار ولا
مكواة سيراميك
انا شعرى ناعم بس ساعات بيهيش اجيب انهى انا هجبها رخامة مش محتجاهم اوى
بس لما اكوووون عاوزة اعمل شغل فى نفسى بس


انا كنت جايبه البيبي ليس من شهر ابريل اللى فات من عمر افندى ب 300 تقريبا
وعلى فكره في معلومه لازم تعرفوها عشان كلكوا مش عارفينها
المكواه السيراميك الرفيعه بتبقى للشعر القصير والعريضه للشعر الطوووووووووووويل

(رقة مشاعر);7282115:
ياريت المتزوجات يجاوبو على السؤال دا فعلا هننام بايه بترنجات مثلا ولا ايه


لا ياروحى اى حاجه قطن تحبيها
قميص بقى ولا بيجامه شورت او بانتى وبرا سبورت كده اى حاجه تحبيها
المهم تتدفي كويس عشن منطقه الحوض ماتخدس برد عشان غلط اوى عليكى البرد في المنطقه دى في الاوائل كده

هبه من عند الله;7282153:
ياحبية قلبي إبقي شغلي الدفاية ماهو مش معقول عروسة قمر تلبس مقفول في البيت بس بليز حافظي علي نفسك من البرد وابعدي عن تيارات الهوا خلي ربنا يعديهالك علي خير ومبروك ياقمر بالمناسبة ياجماعة أنا خطيبي عامل مكتبة أحطها في الليفنج روم ولا في الريسبشن أحلي

(y)(y)(y)
(رقة مشاعر);7282254:
يانهار ابيض الموضوع دا صعب اوى بصاحة
انا شكلى هرجع فكلامى ومش هتجوز

عندى سؤال
هو لازم العروسة تدخل بالميكرويف ولا دا عادى ولا ايه


لا ياروحى عادى دى كماليات تجيبيه اى وقت بعدين مش مهم
لو عندك مقدره ومكان لهم وفلوس تجيبيهم الاول هاتيهم واخلصي

هبه من عند الله;7282295:
طيب بما إني مش هاأحط فيها التليفزيون هل ممكن أحطها في الريسبشن ولا مش هتبقي لذيذه ولو حاطتها أحط فيها إيه غير الكتب معاها يعني


المكتبه بتحطى فيها التلفزيون والكتب والكاسيت والدي في دي DVD والبلاي ستيشن
انا عارفه كل ده مش بيبقى موجود الاول بس لازم تعملى حسابهم في الرفوف و الوصلات من الاول
وكمان شويه انتيكس على كام صوره ليكوا وخلاص
أ
sweetyronaaa;7283811:
صحيح يا بنات انا مش بحب قمصان النوم الطويله بس جبت 3 بس طوال و منهم واحد بروبه اجيب تانى طويل ولا ايه و كمان انا برده مش بحب العبايات و الجلاليب و ماما مصممه انى لازم اجيب و فعلا جابتلى كزا عبايه بتقول انى هحتاجهم بعد كده بس انا بصراحه بفكر اسيبهم في بيت ماما و هينفعوا في الهدايا يعني لما هى تيجي تهادي حد تهادي بيهم ايه رايكم اعمل ايه


انا ملبستش ولا جلابية من يوم ما اتجوزت حتى لما كنت حامل .. مش عملليييين و الامهات بيصروا عليهم مش عارفة ليه ؟؟؟؟؟؟؟؟؟؟؟؟؟

كفاية 3 طوال طالما مش بتحبيه .. و انتى ادرى باللى بيليق عليكى و يظهر الامكانيات .. اهم حاجة الامكانيات الله يكرمكم

واهم حاجة التنويع ... يعنى لا كله طويل و لا كله قصير
-
sweetyronaaa;7283811:
صحيح يا بنات انا مش بحب قمصان النوم الطويله بس جبت 3 بس طوال و منهم واحد بروبه اجيب تانى طويل ولا ايه و كمان انا برده مش بحب العبايات و الجلاليب و ماما مصممه انى لازم اجيب و فعلا جابتلى كزا عبايه بتقول انى هحتاجهم بعد كده بس انا بصراحه بفكر اسيبهم في بيت ماما و هينفعوا في الهدايا يعني لما هى تيجي تهادي حد تهادي بيهم ايه رايكم اعمل ايه


بصي لو انتى مش بتحبي قمصان النوم الطويلة اعتقد يبقي كفايه دول
وجيبي اللي انتى بترتاحى له مؤقتا

وموضوع الجلاليب والعبايات انا زيك كده بردو

بس ابسط حاجه بتتقالي حطيهم في الدولاب وخلاص... حاجة تملي الدولاب
ولو العبايات شيك علقيهم في الدولاب وخلاص

وبعدين تبقي تتصرفي فيهم
X