بجد بجد بجد الرغي مش طبيعي:eek:
ارحموا نفسكم
الموضوع ده لسة مفتوح من يومين
(رقة مشاعر);7282957:
بنات الحقوووونى خطيبى بيكلمنى حالا بيقولى لازم تجيبى ميكرويف دا مهم دا ناقص يقولى الميكرويف اهم منك هاتيه ومتجيش انتى
اعمل ايه بصراحة انا محرجة اقول لماما يبئى معنديش دم دانا مطلعة عينها فالمصاريف
(رقة مشاعر);7283139:
بيقولى عشان تسخنى فيه العيش الكايزر ههههههههه
اللى غاظنى بئى وهو بيقولى مرات اخويا جابته
عارفة انا قولت لماما عليه قالتلى بداله اجيبلك غسالة اطفال صغيرة تستعمليها فى الاول بدل الاتوماتيك للهدوم الخفيفة يعنى تخيلى لما قولتله كدة يقولى مرات اخويا بردو جابتها وجابت الميكرويف
الصراحة خطيبك عجيب
ايه الكلام الفاضي اللي هو بيقوله ده
سوري يعني عيب أوي يفضل يقول لك مرات أخويا جابت وعملت، انتوا بتتجوزا ولا باديين بيزنيس مع بعض
edta;7282961:
بناااااااااات انا كنت سالتكم قبل كده عن فكرة للعيد ميلاد لفردين والبنات ما قصروا والله وقالولي الكافيهات بيعملوا حركات جلوة ويشغلوا هابي بيرث دي وكده سؤال بأه حد يعرف Cilantro او Chillis بيعملوا الحركات دي ولا لا ؟؟؟؟؟؟؟
chilli's أكيد هتلاقي عندهم، cilantro مش عارفة بس هو قعدته مش فيها خصوصية كده
وشوفي beano's زي ما بوكي بتقول أو cortigiano ممكن تلاقي عندهم برضه، بصي دوري على حاجة ليها جو مطعم أكتر من كافيه علشان بيبقى فيها خصوصية كده للناس اللي قاعدة وكمان علشان تضمني إن المكان مش يبقى فيه عيال قاعدين في الترابيزة اللي جنبكم وصوتهم قد كده ومش عارفة تسديهم
اللي بيسألوا عن اللبس في الشتا، صيف شتا العروسة بتلبس لبس ملوش لازمة، أقصر وأخف حاجة في البلد، اللينجري الصراحة لا أحبذ خالص فكرة النوم بيه مش لطيفة، ويا ريت كمان لو تستحمي قبل ما تنامي علشان أنضف، وبعدها البسي بيجاما بنوتي كده (صيفي طبعاً) نوب بحمالة وشورت أو كده، بالنسبة للجو أنا نصحت بالدفاية في أوضة النوم
بالنسبة للحمل أنا حامل في التاسع وبلبس بنطلونات في البيت لحد النهاردة :D المشكلة بتبقى في التوبات، إنها بتترفع.
ايه تاني ... ايه تاني...
بالنسبة لأكل ليلة الدخلة الصراحة أنا شايفة انه عيب تبقى العروسة مسفرينها من بلدها لبلد غريبة، لأ وتبقى هي كمان اللي عاملة الأكل وتبعت توديه، من وجهة نظري ده يدل على مدى بخل أهل العريس وانهم مش بيعرفوا يضايفوا، أنا لما اتجوزت الفندق كان باعت لنا أكل من البوفيه ليلة الفرح لأني مش كلت في الفرح تقريباً
وبالنسبة للطبخ أنا مش مفيدة لأني فضلت من غير بوتاجاز لمدة شهر تقريباً بعد الجواز، فكنا عايشين عالة على المجتمع :)
ايه كمان...
البنوتة اللي بتسأل على المكتبة في الريسبشن أو الليفينج روم، ده يعتمد على شكل المكتبة، لأن فيه مكتبة بتبقى بتاعة كتب وفيه مكتبة بتاعة تلفزيون وبيتحط فيها الكتب مجاملة، فلو المكتبة بتاعة كتب أصلاً ممكن تتحط في الريسبشن (عيشوا دور الشباب المثقف على الضيوف) ولو بتاعة تليفزيون تبقى في الليفينج روم
أنا مكتبتي بتاعة كتب وفي الليفينج روم لأنها بيلت إن (بعيش دور الشابة المثقفة على جوزي)
ايه تاني...
بوكي ربنا يكرمك أنا نقلت كود العضوية بتاعك، ممكن ابقى أستخدمه لو عزت حاجة من عند أوريفليم؟؟
ده اللي أنا فاكراه
بشويش شوية ويا ريت بلاش تكرار الأسئلة كتير علشان الواحد فعلا بيتلخبط والصفحات بتروح على الفاضي
ربنا يكرم كل بنوتة سألت عني (كنت فاكرة الأسامي والله بس علبال ما خلصت كانوا طاروا :eek:) أو حتى ما سألتش عني أنا لسة مش ولدت، وإن شاء الله أول ما اولد هتلاقوني عاملة لكم فرح في المنتدى مش تقلقوا