`~'*¤!||!¤`تجهيزات عرايس البحرين {التاسع و العشرون}*¤!||!¤*'~`

معجبنات امبرس نفسهم اللي خذت منهم نايس قيرل المني باستري الصغنونيين؟
حلوين وين محلهم بالضبط؟
و بكم الكيلو؟
عجبوني بعد

عروس أمين;7405403:
معجبنات امبرس نفسهم اللي خذت منهم نايس قيرل المني باستري الصغنونيين؟
حلوين وين محلهم بالضبط؟
و بكم الكيلو؟
عجبوني بعد

اي نفسهم
في الرفاع صوب صالون الجوزاء
الكيلو بـ6
حده لذيذ

يؤ كله اكتب و ينمسح بنتحر...

المهم جدت زوجي الله يرحمها كانت تسوي منهم و اظن بيت عمي عندهم خير الله ... بس على كلام نايس قيرل الله يذكرها بالخير انه مسرحها و تجهيز 10 طاولات من الجفير و الملال و اللي فيهم تكفل بهم المحل نفسه طلعو عليها كلهم ب 280
فانه باجر اذا صار باذن الله بروح لهم و بجوف على حسب متطلبات جلوتي و بجوف سعرهم...و يا رب الله يقدم اللي فيه الخير

صاحبة الظل الخفي;7405322:
انه الحين ابي اجمع الافكار من بدايه دخلتي لي نهايتها
التوزيع لحد الحلين مفكرة في ملال حلوة ورهش
التقديم زنجباري وقرص عقيلي ووشي اخله الو ومن فوق مهياوة ماعرف شيسمونه ومعجنات من امبرس
والنسوان سألت نايس قيرل على النسوان وقالتلي بتيبلي ارقامهم بخليهم يدخلون قبلي ولين وصلت المسرح يرقصولي رقص مال اول وببعدي بخلي ام نادر تجليني


جوفيه عدلته الحين

ايه نفس الشي العضوة اسمها نايس قيرل حبيت مسرحها وايد وبسوي نفسه بإذن الله

و الله بنتحر كله يروح الحجي اوووووووووووووووووووووووووووووووووووووووف
قريب كنت بخلص

المهم كنت كاتبة عن اذا الرهش و الحلوى بتوزعينهم لكل وحدة يعني ؟؟ اذا البكسات كبار و المعازيم واجد بكلفش اظن بس الفكرة حلوة عجبتني....و سالفة المهياوة مو الكل يستزيغها و ما ادري الصراحة .... و سالفة النسوان ثنتينهم حلوة حركتهم بس انه لمحدودية البجت استعضت ببنات من اهلي ان شاء الله يرضون خخخخخ... بس حركة يوصلون و يرقصون مال اول فن الصراحة هالسوالف يبيلها تجيبين فيديو فن تصير...و المسرح وايد حلو .. بس ما قلتين في وين بسوين جلوتش؟؟؟

اي و المعجنات اذا المنيز واجد شكلهم عجبني و ترى فكرة البوفيه اللي بالاكلات الشعبية حركات خخخخخخ .. بس الناس الي بجون لازم يكونون جواعة ...

الله يهنيش عمري...
و نبي افكار بعد

صاحبة الظل الخفي;7405416:
اي نفسهم
في الرفاع صوب صالون الجوزاء
الكيلو بـ6
حده لذيذ

وين صالون الجوزاء دليني بوضوح اكثر يعني دليني على محلات معروفة

صاحبة الظل الخفي;7405416:
اي نفسهم
في الرفاع صوب صالون الجوزاء
الكيلو بـ6
حده لذيذ

سؤال غبا صوصو
الكيلو
يكفي صينيه وحده او شلون..؟؟
لو مثلا بسوي لي 3 صوااني بكم راح يكلف عليي تقريباا (a) خخخخخخ
سوري بس حبيت اسئل عشان ماتصل وخسر كرت واخسر بترول
بورحه كرتي كمل:rolleyes: تلقونات مني مناك

قلبك الأخر;7405513:
قلبي يعورني كل مايقرب الوقت:(:21_164::21_164::21_164::21_164:
حاسه بخوف والم ومريضه وخايفه مايروح عني الزكااااااااااااااام
باقي اسبوع لازم يخف عني ولله بتبهدله بهدله عمري كلهاا:(
وش اسويي
بندول شربت
حبوب مستشفي شربت
كلشي شربت مو فايد شي

ماعليج شر حبيبتي اجر وعافيه ان شاءالله
روحي اللعياده خل يطقونج ابره وان شاءالله بتصيرين زينه

قلبك الأخر;7405505:
سؤال غبا صوصو
الكيلو
يكفي صينيه وحده او شلون..؟؟
لو مثلا بسوي لي 3 صوااني بكم راح يكلف عليي تقريباا (a) خخخخخخ
سوري بس حبيت اسئل عشان ماتصل وخسر كرت واخسر بترول
بورحه كرتي كمل:rolleyes: تلقونات مني مناك

ماعرف بس من شكل الصينيه يبين ان اكثر من كيلو
سألي نايس قيرل واهيه الي قالت الكيلو بـ6

عروس أمين;7405473:
وين صالون الجوزاء دليني بوضوح اكثر يعني دليني على محلات معروفة

والله ماعرف صديقتي دلتني لان يصير الكوفي شوب لأهل زوجها بس انه ماقبظت شي برجع اسألها وبخبركم

صحوبه وعروس امين

افكاااركم وااايد حلوة حق الحنه واحس يتطلع روعه وعن الجفير ترى تدرين وين تلقينهم مافي مكان مال الاعمال اليدويه كل نسوان مال اول يقعدون فيه اهو لهم مكان نسيت اسمه كل مال اول واللي عندهم حرفه جيكي هناك واحس بتااخذون افكاارا واايد وجيكي سوق الايراني ( السوق الشعبي احس بتحصلون )

اهم شي وزعوا حنه خخخخخخخخخخ احس وناااسه
شكلي باقط الفيس وبايي حنتكم ثنتينكم خخخخخخخخخخخخخخخ

الله يوفقكم وييسر اموركم ان شاء الله

عروس أمين;7405460:
و الله بنتحر كله يروح الحجي اوووووووووووووووووووووووووووووووووووووووف
قريب كنت بخلص

المهم كنت كاتبة عن اذا الرهش و الحلوى بتوزعينهم لكل وحدة يعني ؟؟ اذا البكسات كبار و المعازيم واجد بكلفش اظن بس الفكرة حلوة عجبتني....و سالفة المهياوة مو الكل يستزيغها و ما ادري الصراحة .... و سالفة النسوان ثنتينهم حلوة حركتهم بس انه لمحدودية البجت استعضت ببنات من اهلي ان شاء الله يرضون خخخخخ... بس حركة يوصلون و يرقصون مال اول فن الصراحة هالسوالف يبيلها تجيبين فيديو فن تصير...و المسرح وايد حلو .. بس ما قلتين في وين بسوين جلوتش؟؟؟

اي و المعجنات اذا المنيز واجد شكلهم عجبني و ترى فكرة البوفيه اللي بالاكلات الشعبية حركات خخخخخخ .. بس الناس الي بجون لازم يكونون جواعة ...

الله يهنيش عمري...
و نبي افكار بعد

سوي كوبي لكتابتج عشان اذا تمحى يكون عندج

لا مابسوي ملال كبار بسوي صغار
والمهياوة انه كلش مااحبه بس اخر مره رحت عرس جربته روعه كنت كل ما اروح اشوف الناس تاخذ وانه ماجرب صوبه لين ماقلتلي صديقتي جربيه كلش مافي طعم مهياوة وصج جربته مافيه طعم المهياوة وعجبني وايد
انه كنت مفكره اخلي احد من هلي يلبسون نفس الشي واهما الي يقومون بالدور بس بعدين قلت خلني اييب النسوان احسن عشان يأدون دورهم عدل ومايخربطون
الجلوة بسويها في بيتنه او صاله يم بيتنه لحين ماقررت
انتي متى جلوتج؟

اي نسيت اقولكم هااي المعجنات الصغار في اللي في الرفاع مكان اسمع امينه اظن كان ارخص مو 6 الكيلو اقل لان من فترة خذينا بس ماذكر مادري بعد اذا غلوووا وفي وحده تسوي في بيت بعد في الرفااع احس ارخص بيطلع عليكم

بنات الي بتتزوج شهر 11 وين بتروح شهر العسل واي احس سفريات للحجز ومكان

رومنسة;7405575:
صحوبه وعروس امين

افكاااركم وااايد حلوة حق الحنه واحس يتطلع روعه وعن الجفير ترى تدرين وين تلقينهم مافي مكان مال الاعمال اليدويه كل نسوان مال اول يقعدون فيه اهو لهم مكان نسيت اسمه كل مال اول واللي عندهم حرفه جيكي هناك واحس بتااخذون افكاارا واايد وجيكي سوق الايراني ( السوق الشعبي احس بتحصلون )

اهم شي وزعوا حنه خخخخخخخخخخ احس وناااسه
شكلي باقط الفيس وبايي حنتكم ثنتينكم خخخخخخخخخخخخخخخ

الله يوفقكم وييسر اموركم ان شاء الله

قصدج الاسر المنتجه اذا اهما وين مكانهم؟
وحياج الله تنورين عرسي

انه حددت 20/11 ليلة جمعة و الله يستر و يتمم على خير ... كان خاطري اسوية 1/11 مثل يوم خطوبتي بس بنت عمي و رفيقتي اليوح بيوح خخخخخخ سبقتني و انه متغربله على الشيرة و الحفاف وهقة و خاطري اتعدل و استانس لانه عرسها بسويه حفلة كبيرة يؤؤؤؤؤؤؤؤؤؤؤؤؤؤؤ ...

و عن التوزيعات فكرتهم حلوة انه ما ادري اسوي وله ما اسوي..
رومنسية خيو شكرا على ردش و حياش معزومة من الحين

صاحبة الظل الخفي;7405622:
قصدج الاسر المنتجه اذا اهما وين مكانهم؟
وحياج الله تنورين عرسي

اي بالضبط هااي اللي اقصدهم صراحه مادري وين مكانهم يسره يمكن بس بااسال لج باجر وباقولج ان شاء الله

فديتج حبيبتي ماتقصرين عرسج اكيد بيكون منور باحلى عروسه فيه

عروس أمين;7405647:
انه حددت 20/11 ليلة جمعة و الله يستر و يتمم على خير ... كان خاطري اسوية 1/11 مثل يوم خطوبتي بس بنت عمي و رفيقتي اليوح بيوح خخخخخخ سبقتني و انه متغربله على الشيرة و الحفاف وهقة و خاطري اتعدل و استانس لانه عرسها بسويه حفلة كبيرة يؤؤؤؤؤؤؤؤؤؤؤؤؤؤؤ ...

و عن التوزيعات فكرتهم حلوة انه ما ادري اسوي وله ما اسوي..
رومنسية خيو شكرا على ردش و حياش معزومة من الحين

انا انصحج سوي توزيعات خفيفه يعني حلاته حنه شي جذي يحلي الحفله اكثر وذكرى بعد

وماتقصرين عمري و ربي يتمم لكم بخير يارب بس اهم شي واافونا بالتطورات وحطوا لنا الصور وكان يت عروسكم :) ايه عليكم والله

احم احم

بنات اول شي مشكورين على ردودكم باللي طلبته

وبخصوص صحوبه
حبيبتي في محل يم الكازينو شفتي راعي التكه مجابله في محل يسوي هريس اشوف بيتنه مطيحين عنده نظيف وخوشي

بخصوص عندي جم فكره ان شاءلله اتفيدكم ياربي

للي حفلتها بتسويها هنديه هاي رابط وان شاءلله يفيدكم

http://www.3roos.com/forums/t346926.html

وانيي للحفله اللي بستايل بحريني

اول شي الديكور سواء بالتأجير او شغل محلي بيتوتي
بيتوتي:
يوم حق بنت خالتي شنو سوينه حطينه الخلق الاحمر والاخضر على الطوف وسوينه مطارح تناسبهم وحطينه ثوب نشل ورى قعده بنت خالتي وعلى فناره ورمامين وحطينه مناظر كبار وجفران

واهم شي اللي الكل مايحط له اعتبار البيت وتزينه
خوو ليش اعروس قبل احلى وازهى؟
يحطون هذيج الليتات على البيت من فوقه لي تحته وهذاك السعف على الباب انتوا صج حفلتكم اغلبيتكم مو بالبيت بس بعد شلون تحسون روحكم عرايس والفريج فيه احد بيعرس؟
فكره بسيطه:
بما ان الجو في اعتدال نسبيا وخاصه للي بيعرسون بنص 11 و بدايه 12 جو بيكون الجو حلوو وفيه هوى اللي بتحط ليتات على بيتهم خل تقول حق صاحب الليتات ان يشبك وياهم قواطي
اي قواطي يالغاليات فاضين بعد ماتشربونهم قضوهم من النص وخل يشيرونهم بالسلك مال الليتات وياسلام اخذووا الحركه وفكروا فيها

وقت مايدور الهوى تلقونهم يتصافقون ويعطونكم حس شحلاتها وحركه يمكن محد فكر فيها

عجب ماجهزتوا البيت نروح لمكان الحفله اذا كان التجهيز على محل:
اول شي المسرح خلوه بسيط لان بساطته بحلاته بتكون بطلب جفران وهالاشيه يعني لاتكثرون

انيي للتوزيعات:
انا احس ان يكون كلشي محلي مال اول طبعا شنو هاي عاد
باقولكم
هريس او مضروبه لاتسون الاثنين مهطه ترى حرام
نخي خباز اللي يحطون وياه فلفل حمر
سمبوسه
مهياوه
زنجباري وانصحكم بمحل في الحاله ماعرف اسمه يصير عقب حلويات المروج صج فن

للحلويات:
بثيث
حلوى ويا خبز
او رهش ويا خبز
لقيمات
رطب
ساغووو يمي يمي اهم شي اعرف وحده تسويه خوشي
جكلمه(غريبه) هم اهي اللي قلت لكم عنه تسويه والله من يومين مطرشه لفيجتي قطر من حلاته
وغيره
واحلى شي مره رحت جلوه مسوين خبز رقاق على الحبه السوده شنو عجيب

طبعا هاي الشي تقدرون توزعونه وهو محطوط بجفران او بصواني تقديم بس ماتعجبني فكره الصواني هالحزه اخذوو جفران او حصير صغنون قد كل غريضه وحطوا فيه ووزعوا منه وانا شفت واحد على طريج جامعتي يقعد ادى المغربيه تلقونه
يقعد على الشارع اللي منه بيوديكم برادات الجزيره من عقب الفاتح

انزين وفي بعد فكره اذا كانت الميزانيه تسمح للتفنتق انكم تاخذون جدور صغيره قد جف اليد وتحطون فيها مثلا الهريس والباقي نفس ماقلت لكم

بنات اللي بتكون حفلتها بالبيت وقت العشى والقدوع تحموا تحطون سماط ترى كلش غلط اخذو لكم حصير جم واحد على قد المكان ووزعوهم

انزين انيي للمدخل

طبعا حلوو وبتستانس اللي عندها بنات وايد باهلها ويكونون هابين ريح
اول شي طلبوا من اهاليكم يلبسون لبس قديم قد مايقدرون عساه بس جلابيه واللي باماكانه ثوب نشل تلبس واللي بامكانها تلقى ثوب نشل الكويت هم تلبس وللعلم بما اني احب هالسوالف عندي رقم وحده من م عيسى شفتها يوم معرض العطورات تسوي ثوب نشل وشفت عندها الكويتي يعني حاضره لكم

انزين طبعا اول شي بتحطون طاوله لاتحطون عليها القدوع احس هالحركه جنكم تعيلون في الاوادم معليش حطون جفير رطب ويمه دله القهوه والشاي ومبخر وعود ونثروا مشموم

انزين الحين وقت دخول عروستنه الحلوة كل وحده وشطارتها يعني تلقين وحده عندها افكار بس ماتعرف شلون تترجمها
قلت لكم اهم شي يكون عندكم بنات بالعيله او صديقاتكم اي ورى ماقالو الصديق وقت الضيق شوله الخساير تروحون تدورون نسوان وغيره الاقربون اولى بالمعروف لبسوهم بين الستايل البحريني والكويتي يعني بحدو 6 بنات والسابعه بقولكم شتسون لها

السابعه سلمكم الله في لبس نفس الدفه ومطرز بالزوايا خلقه ثقيل شفتوا مريم بن زيمان يوم في اغنيه آه ياسلمان؟ هلون

انزين والعروس تقدر تتم بزيها او تلبس نفسه

المهم في حلين اما تدخل العروس بروحها بالاول وبعدها البنات او العكس
او تدخل اذا كانت البنت ضعيفونه على زوليه وشايلينها بنات بعد بس غير اللي قلت لكم عنهم

انزين طبعا البنات الاولين مابيدخلون جي ولا حلو تعطونهم مشموم ومادري شنوو صج مال اول بس لازم الوحده تبدع

انزين ثنتين يشيلون صندوق مبيت وتخلون فيه قطعه خضره حمره اي لون اهم شي يجذب النظر وتخلون جزي من هالقطعه طالع لبرع وشوي تخلون عقد لوولوو طالع منه

وثنتين يشيلون حصير عود ملكوت
وثنتين يشيلون بقشه ملكوته على راسهم

واللي قلت لكم لابسه الدفه السوده في يدها عصه ضعيفونه

بنات انا تعبت وبكمل لكم اذا عجبتكم افكاري

ودعيتوا لي بان الله يرزقني الريل الصالح ويستر علي دنيا واخره

صاحبة الظل الخفي;7403554:
وين مكانه وشنو الخدمات الي يقدمونها وبجم؟

في مجمع الخليج الطبي طبعا هو للرجال فقط اهم شي :tongue: هو مركز متخصص في المساج يعني عندهم جميع انواع المساج وفيشل وحمام مغربي واسعارهم كلش اوكي انا خذيت الفوجر بـ 25 دينار وسووو له مساج لمده ساعتين تقريبا وصخور بركانيه لكن طلع فرش هالمره بحجز له حمام مغربي

موناليزا البحرين;7404160:
السلام عليكم بنات شخباركم؟

بغيت اخبركم عن محل عبايات في سوق واقف حددددددددددددده عجيب ورخيص بعد
خواتي مسويين عندهم
تسوي لج إلي تبين ب25 دينار بس تبين تطريز وكريستالات بعد كل شي موجود عندهم وسعرهم وايد حلو بالنسبة لغيرهم

انا بس حبيت اخبركم عشان تستفيدون بعد وخصوصا للعرايس

اسم المحل رسين اهو يصير فوق محل ياسين للاحذية

اغراضه اصليه ؟؟؟

عروس أمين;7404738:
في وين هذا و حق مساج و حمام مغربي مثلا ..خبريني خيو اذا جذي بسويه اليه هدية لانه قربت ذكرى خطوبتنه .. و بكم الاسعار و ثانكس

nujood;7406699:
في مجمع الخليج الطبي طبعا هو للرجال فقط اهم شي :tongue: هو مركز متخصص في المساج يعني عندهم جميع انواع المساج وفيشل وحمام مغربي واسعارهم كلش اوكي انا خذيت الفوجر بـ 25 دينار وسووو له مساج لمده ساعتين تقريبا وصخور بركانيه لكن طلع فرش هالمره بحجز له حمام مغربي

الترجيه;7401961:
مبروووك للي عرسوا

بنات رفيجتي ماحصلت ابتسام حق ملجتها يوم الجمعه

كلشي صار بسرعه من ارشح لها برايكم

شرايكم بثاجبه مالت دان

اهي تقولي تبي تروح الراقيه شرايكم فيه للعادي مابتقول انها عروس
تعرفون تبي تطلع بزهوتها ليوم الحفله

وبنات عندي وحده تسوي قلايد الله الشاهد على شغلها

يعني مابتطلعون من عندها الا منعجبين بشغلها

واللي تبي الرقم من عيوني مابي الا دعوه صالحه منكم بالزوج الصالح

اختي دزي لي رقمها
شلون أسعارها؟ في حدود كم تقريباً؟