`~'*¤!||!¤`تجهيزات عرايس البحرين {التاسع و العشرون}*¤!||!¤*'~`

الف مبروووووووووووووك لكل الي انخطبوا وعرسوا عقب العيد ..

مبروك لطيف .. ياسمينة البحرين .. أم زينة ..

الله يسعدكم ويهنيكم و الله يسهل للباقي و عقبال العزابية يا رب ..



قلبك الآخر ..

حلوين البطاقات تغيير عن بطاقات مرمريز الي ما يتغيرون هذا هم نفسهم ..

بالبركة حبيبتي ولا تنسينا عاد شيلي بطاقة على جنب حقي عشان نجي نشوفج وانتي عروووس عالكوشة .. >>> عاد يصادف يوم ملجتي يعني اكمل سنة من انخطبت ..



انا الشوق ..

انا اقولج دمجي الاثنين معا يعني الفستان سويه قطعتين شيفون وحرير ,,

الحين هذي الموضة الفساتين طبقتين طبعا رجعت موضة الشيفون فانتي خلي الطبقة الاولى حرير وفوقه الشيفون عاد اختاري موديل يضبط على القطعة ..



صاحبة الظل ..

سوي الجلوة ستايل بحريني التقليدي ولبسي فيها ساري عاادي يناسب حبيبتي ..

انا احس الساري ارقى واحلى للجلوة في اللبس يالاخص اذا كملتيه بالاكسسوارات بتطلعين وااااو ..



بنات حق الحفاف انصحكم بصالون سمايل في القضيبية .. الي يحفون هناك تايلنديات وحفافهم فظييييييييع من قلب ويضبطون لكم الحواجب والحفة زين ..انا من خطوبتي وانا احف عندهم وجم مرة غيرت رحت صالون ثاني واختربو حواجبي واختربت حفتي ورديت رجعت لهم وعدلوهم .. اخر مرة حفيت كان للعيد كنت ابي اغير وحفيت جاينيز وضبطو لي الحفة وصارت وايد حلوووة حتى الكل قال حلووة طالعة الحفة عليج ..

انا خاطري في الجاينيز بس قالوا لي ان يقصون الحاجب
وناس قالوا لي بعد ان يشيلون بالموس

انتي شلون سوا لج بنت سالمين

3sool;7395913:
مرحبا بعرايس البحرين

حبيت أشاركم في هذا الموضوع الحلو ، و خصوصا لأني راح أكون عروس بإذن الله ، و محتارة واااااااااااااااااايد

حجزت الحنة عند ( منيرة ) ، و فستان خطوبتي فصلته في ( الأنامل الحريرية )

لكني للحين محتارة في الشعر و المكياج ... و ما أبي أنتقل بين صالونين ..

طبعا معروف ( صالون رونق ) عند بدرية أو وحيدة حاصل على الصدارة في تسريحات الشعر

و المكياج ؟ أبي مكياج ناعم ، و يبرز جمال العروس ، ما يغيرها جذريا!!!!

كنت أفكر في ( عايشة الريس ) فيا ريت اللي تعرف أهي تتعامل مع أي صالون ، أو رقمها الشخصي ...

أو ( ميساء القلاف ) في صالون أزاليا بعد وااااااايد حلو و ناعم و محترفة ما شاء الله عليها ... بس أبي أشوف لها عرايس في الطبيعة

شفت بعد إنتاج ( لطيفة ) شعر ، و ( شريفة ) ماكياج ، و الاثنتين في صالون ( ليلو ) بالرفاع

أما الحفاف ، فحلو شغل ( روز باتشي ) ...

و اللي شاف شغل وحدة من الماكييرات اللي ذكرتهم ، يا ريت تفيدني أكثر ، و لها مني صالح الدعاء

بس بعد أفضل أني أكون في صالون واحد للشعر و الماكياج

و الله يبارك لكل عرايسنا يا رب ، و يتمم لهم على خير :smile:

المكياج انا شفت شغل شريفة فولاذ ومكياجها واااااايد روووووووعة وحلوووووووو ماعليه غبار ..

والحين مافي صالون كامل يعني تسوين المكياج بصوب والشعر بصوب ..

فاذا تبين روحي المكياج عند عايشة الريس او شريفة او ابتسام كمال او صفاء و الشعر في الرونق او عند سميرة الشكر في صالون مرياج ..

اذا تبين صالون واحد اخذي الرونق عند وحيدة او بدرية الشعر والمكياج عند عايشة البلوشي اذا حصلتيها ..

او عندج صالون سلوى حق مكياج وشعر هم حلووو ..

او عندج صالون مرياج الشعر مثل ماقلت عند سميرة الشكر والمكياج عند ابتسام السويدي ماكييرة فنانة ..

الاختيار لج في النهاية ..

وصــايــف;7403079:
انا خاطري في الجاينيز بس قالوا لي ان يقصون الحاجب
وناس قالوا لي بعد ان يشيلون بالموس

انتي شلون سوا لج بنت سالمين

اهو في كذا طريقة بعضهم يقصون الحواجب يعني نهاية الحاجب يقصونه بمقص و بعضهم بمووس ,,

انا قصتهم بالمقص خففتهم وبعدين شالتهم بالخيط .. والحين اكا رجع يطلع لي يعني عادي يردون يطلعون ..

وانا ما تغيرت حفتي وانما من النهاية قصتهم لي وصارو قصار

انا ماسويت جاينيز الطايرين الي كأنهم بس خط لا انا في النهاية يكونون فيهم كسرة صغيرة ..

اذا بتسوين سوي لج الي في النهاية كسرة مو تسوين الي طايرين مو حلويين كلش ..

أناااا رجعت

عاد الحين تعبانه حدي حدي يعني اذا خربطت لا تاخذون علي طوفووا
وماقدرت اقرا الا صفحتين

بس باقول لكم عن اللي سألوا عن البطايق وايد شفت محلات في الدمام عندهم عروض خاصه
وكاتبين 300 بطاقه ب15 دينار
وهم صايرين في المنطقه اللي عند الحياة بلازا، في كذا محل في نفس الشارع اذا المجمع على يسارج تمشين شوي وبتشوفون محل اسمه عادل هذا واحد
وفي واحد ثاني صاير كأنه ورا المجمع
ومحل ثالث بعد مادري وين خخخ، وكلهم كاتبين نفس الشي عرض خاص 300 ب150 ريال


مس هارودز

الفساتين عندج سوق الحريم في الدمام كله فساتين حلوووووه اشكال والوان وبكل الاسعار وفي بعد محلات الخلق ملبسين المانيكان الخلق بالموديل
وكله اشكال حلوه
وفي بعد مجمع الواحه أذكر كنت رايحة له من 3 سنوات يمكن حق عرس اختي

واذا تبين في الخبر عندج في جمعه سنتر والسويكت ومجمع فينيسيا، بس اغلى من الدمام

بس بعد وايد أرخص من هني

انا هالمره رحت الدمام واخذت لي من هناك، باركووا لي :bigsmile:

وخياط أم نواف في توبلي صاير في لفه مجابله طراده، بس من توصلين عند طراده التفتي الصوب الثاني وبتجوفين المحل

بس انا بارقد الحين، صج الرقده عجيبه بتصير عقب التعب
وان شالله باجر باسولف وياكم عدل :dd:

ايييه وعن الملف ترى باسويه موضوع بروحه فيه كل المعلومات
وان شالله يتثبت في القسم

وثنكس للبنات اللي ردوا علي
يعطيكم العافيه

همس الثلج;7402055:
السلام عرايس

أذا ما عليكم أمر

ابغي اسعار الصالات و شنو أحسن مخبز

وصالون وحفاف وكل شئ للخطوبة

مرمريز على حسب الاشخاص اقل قائمة 200 شخص بـ 1390

شهرزاد 380

الانوار 200

البركة 270

قصر المرجان 550

مصلى العيد 350

المطرود مدري شسمها الجديد 400

الدانة 400 الي فوق مطعم الونيس

هذا الي اعرفهم

المخابز عندش

المنار و الرسالة و المخبز الكوري و المرزوق

و الصالونات

عندش رونق للشعر

اما المكياج

عايشة الريس و فاطمة اللبنانية و ابستام السويدي

الحفاف
الاطراف الناعمة و واحد في جد علي نسيت اسمه و الامزون
و اي خدمة حاضرين

nujood;7401850:
بنات جربتون تحجزون لازواجكم عند شياتسوووو ترى عجيب انا حجزت له اول ما انخطبت يزعم هدية الخطوبه ههه والحين كل اسبوع يروح

وين مكانه وشنو الخدمات الي يقدمونها وبجم؟

طيف 22;7399922:
السلام عليييييييييييييييكم بنات شلووووووونكم شخباااااااااااااااااركم


وحشتووووووووووووني وايد وايد


الحمدلله تيسرت امور الزواج وكان من جد روووعه شوي عليه الحمدلله ياااااااااااااااااااااارب اشكر ربي وايد

بقولكم التفاصيل (يوم العيد رحت حق عروس البحرين موعدي وياهم الساعه 7 وتاخرت عليهم الى 7 ونص وقالت لي خلاص مانسوي تعالي باجر المهم ثاني يوم العيد رحت الظهر هناك وسوولي مو ذاك الزود مو حلوو حمامهم تحسينههم مايهتمون صالون باربي كنت اسوي عنده قبل 3 مرات على 7 و10 روووعه واحلى بوايد المهم بعدين خلصت المغربي سويت منكير وبدكير ومساج وريحت اعصابي ورجعت البيت ثاني يوم رحت حفيت جسمي ووويهي كامللللللللل وايد نظيف شغلهم عند العروسه بالمحرق من قلب يشيلون وايد عجبني وحواجبي ضبطتهم لي الحمدلله وييياتي ام شهد الساعه 9 تقريبا حلوو حناها بس عيبها نقشها ضعيف والنقشات نفسس الشي ماتتغير انا ماعجبني صراحه يعني شفت عرايس وايد يبين حناهم في وهوه انا مو حلوو صج وايد بنات سالوني عن الحنه بس انا شفته ضعيف ووموغامج مع انه الحنه يحبني يضيغ فيني

يييييييوم الجلوه رحت صالون لولو كنت حاجزه شعر بس ززززززحمه وايد وقالت لي ارقام طلعت ورحت جوليانا وسويت شعري استشوار بس وبعدين رحت حق ابتسام كمال طبعا شهادتي فيها مجرووووووووووووووووووووووحه البنت قمة في الروعه والذوق المهم سوتلي مكياج صج حق جلوه حلووو وفيه زهوه ولبست الساري طبعا وفوق راسي الذهب وشال فوق راسي يعني لبست وايد ذهب وصار وايد حلوو وجات الجلايه ام نادر فديتها رووووووووووووووووووعه تينن خلت البنات مايقعدون من الرقص والوناسه ودخلتي كانت مال اول البنات شايلين الفنر والسلال والمشموم والورد والمبخر حركات مال اول ودشيت وقعدت وكان وايد حلووو


وصلنا العرس 4/10 رحت الرونق الساعه 11 ونص وبدت فيني الساعه 1 وربع كانوو ماخذين لي رقم من قبل سوت شعري وايد حلوو وحيد وخلصت ورحت الفندق وانا طبعا اكثر شي ااحاتيه بالعرس المكياج والكوشه (المسرح) اول ماوصلت الفندق على طول رحت الصاله طليت على الكوشه كانت وايد حلوووووووه وغريبه وكلااااااااسيك سوتها لي نوال فلور والمسكه بعد كانت رووووعه وايد حلوه المهم ركبت فوق ياتني صفاااء الغرفه ترى البنت وايد تغيرت اخلاقها روووعه تسالف وتضحك وتنكت وسوت لي مكياججججج لاصار ولا ستوى ماشاءلله هالبنت ققققققققققمة في الذوووووووووووق يعني احس مافي مثلها بالمكياج تقعدين عندها وانتي مطمنه الحمدلله وعدلت لي الطرحه سوتلها لي بطريقه وايد حلووو ونزلت طبعا على زفة محمد عبده كنت شاريتها من السعوديه واااااايد حلووه والريااااااااش طبعا اببدع بالعرس




والحمدللللللللللللللللللللللللللله عدا العرس على خير واي سؤال او استفسار انا موجوده


مشكوره صاحبة الظل الخفي على السؤال والتباريكككككككككك فديتج

بالبركة حبيبتي والله يرزقج بالذريه الصالحه
طيوفه ماشاءالله ترتيباتج حلوة
عروس البحرين سمعت جم مره انه شغلهم مو لذاك الزود
باربي حده عجيب هالصالون انه اسوي الحلاوة عندهم والمانكير والبديكر
العروسه بعد مجربتهم وشغلهم حلوة للحلاوة والمانكير والبدكير
طيوفه قوليلي بالضبط شلون كانت جلوتج لاني بسوي جلوة

بنات تعروفون وين مطاعم يسون اكلات شعبيه

لاني بسوي البوفيه اكلات شعبيه مثل الهريس
والمضروبه والعصيده وعيوش و.....

بيه يممممممممممممممممه خرعتوني من مكياج عايشه لبلوشي صج مو حلووو وايد من احلى منها ؟؟؟؟

والله عادي بلعنه العربون ردوووووووووووو بليييييييييييز انا اصلا حاجزه صفاء وبتسام حق اهل زوجي بالفندق بعد بس انا واهلي عايشه بالفندق اتقولون اغير ؟؟؟

دلولةالبحرين;7404010:
بيه يممممممممممممممممه خرعتوني من مكياج عايشه لبلوشي صج مو حلووو وايد من احلى منها ؟؟؟؟

والله عادي بلعنه العربون ردوووووووووووو بليييييييييييز انا اصلا حاجزه صفاء وبتسام حق اهل زوجي بالفندق بعد بس انا واهلي عايشه بالفندق اتقولون اغير ؟؟؟

عايشه مو كل الوجوه تضبطهم واظن اغلب الماكيرات جذي بعني كل مكيره مرات تجوفينها حلو ومرات مو حلو

متى عرسج؟

اللي سالت عن التغليف تراه غالي وهو يختلف على نوع القماش والتركيب انا غلفت قاعتي مع انها صغيره 1800 دينار هذا بس الشيفون غير الزل 1000فمادري دورت ارخص فيه بس التركيب لوعه يعني ماتحطين احسن بدل يحلي ايكره المكان وانتي لج الخيار

واذا تبين بعطيج رقم اللي سوالي

عرسي نهايه الاسبوع

السلام عليكم بنات شخباركم؟

بغيت اخبركم عن محل عبايات في سوق واقف حددددددددددددده عجيب ورخيص بعد
خواتي مسويين عندهم
تسوي لج إلي تبين ب25 دينار بس تبين تطريز وكريستالات بعد كل شي موجود عندهم وسعرهم وايد حلو بالنسبة لغيرهم

انا بس حبيت اخبركم عشان تستفيدون بعد وخصوصا للعرايس

اسم المحل رسين اهو يصير فوق محل ياسين للاحذية

لا جد خبروني اذا عايشه مو حلووووووووووووو بلييييييييييييييييز

دلولةالبحرين;7404010:
بيه يممممممممممممممممه خرعتوني من مكياج عايشه لبلوشي صج مو حلووو وايد من احلى منها ؟؟؟؟

والله عادي بلعنه العربون ردوووووووووووو بليييييييييييز انا اصلا حاجزه صفاء وبتسام حق اهل زوجي بالفندق بعد بس انا واهلي عايشه بالفندق اتقولون اغير ؟؟؟

نفس ماقالو الاخوات مافيه ماكييرة تضبط كل الوجوه .. انا فخطوبة بنت اختي ما اعجبني مكياج عايشة البلوشي على العروس بالمرة .. فستانها بحري skyblue مع سيلفر وابيض .. حطت لها رمادي مع براون ولمعة ذهبية والروج احمر على اورانج .. والاساس كان على احمر .. و لااهتمت فيها كعروس لان صديقاتها كلشوي يدقون عليها مواعدتهم بتطلع فخلصتنا انا وهي في ساعة تقريبا.. حتى الكل استغرب من السرعة اللي خلصنا فيها .. وتقريبا نفس الالوان .. انا حطت لي اخضر مع براون ولمعة ذهبية وهم الروج نفس لون العروس .. والاساس نفس الشي .. الكل قال ان العروس في ملجتها كان ازهى وافخم بواجد مكياجها اللي حطته لها عايشة الريس .. حتى اللي ما حضروا الملجة وشافوه بالصور بعد قالوا نفس الكلام .. تحسفت قد شعر راسي لان حجزتها للخطوبة .. لين اليوم اقول يا ليتني حجزت لها عايشة الريس بعد فالخطوبة كانت بتطلع خيااال ..



طبعا هذا رايي نقلته بامانه و الناس اذواق في النهاية .. والله يبارك لج مقدما ويتمم لج بخير و تصيرين احلى عروس ..


فديتج ياليت ترسلين لي اسم ورقم اللي بيغلف لج القاعة .. ووين بيكون عرسج؟ فاي قاعة؟ انتي اللي بتتزوجين فالنوفوتيل اذا ماخانتني الذاكرة صح؟

صاحبة الظل الخفي;7403599:
بنات تعروفون وين مطاعم يسون اكلات شعبيه

لاني بسوي البوفيه اكلات شعبيه مثل الهريس
والمضروبه والعصيده وعيوش و.....

هلااا صحووبة.. جربي الوسمية وعندج فالمحرق كذا مطعم شعبي يسوون .. اللي جنب مدرسة المحرق الثانوية للاولاد ما اتذكر اسماءهم بالضبط .. وهم فيه واحد اتذكر جنب مخبز ديلمون او شي جذي على هالشارع اللي من بعد الكازينو .. اسم ام ... للولائم مب متذكرة ام شنو ..

وعندج اللبناني يسوي هريس و عيوش .. و بعد في خط البديع في عندج مطابخ يسوون هالشغلات .. مثل مطبخ الخباز و مطبخ عبدالامير ومطبخ السادة ..

انا يوم يقصون مهر بنت اختي مسوين بوفيه من ضمنه هريس خذناه من مطعم عبدالامير لذيذ و نظيف ..

اذا تذكرت شي برجع اكتب لج .. ربي يتمم لج بخير ..

الترجيه;7401961:
مبروووك للي عرسوا

بنات رفيجتي ماحصلت ابتسام حق ملجتها يوم الجمعه

كلشي صار بسرعه من ارشح لها برايكم

شرايكم بثاجبه مالت دان

اهي تقولي تبي تروح الراقيه شرايكم فيه للعادي مابتقول انها عروس
تعرفون تبي تطلع بزهوتها ليوم الحفله

وبنات عندي وحده تسوي قلايد الله الشاهد على شغلها

يعني مابتطلعون من عندها الا منعجبين بشغلها

واللي تبي الرقم من عيوني مابي الا دعوه صالحه منكم بالزوج الصالح

خليها تجرب مكياج شيماء بوجيري و ان شاء الله بيعجبها ..

بنات بليز ما بقى على عرسي شي و للحين ما خذت لي فستان .. ابي فستان ابيض ناعم كلش لانه بسوي بس جلوة و عائلية بس هم حلو ابيه و سمعت اخت ضياء النجوم تقول اكو محلات واجد في شارع الحب في سوق الحريم في السعودية ابيكم ادلوني وين بالضبط لانه خطيبي يبي شي بالضبط عشان ما يضيع علينه الوقت بليز ساعدوني و تسلمون حبايبيني

انا الشوق بالنسبه حق الدليل سوري عمري توني جايفه يوم تردين وتقولين تبين الاسماء انا باقولج الصالونات اللي اعرفهم بس تقيم ما باقيم خخخخ اخاف اظلم احد في تقيمي


اول شي مكيااج :

1- فردوس
2- عايشه الريس
3- ابتسام كمال
4- فاطمة اللبنانية
5- فاطمة البهبهاني
6- منيرة سبت
7- صفاء
8- صفية شويطر
9- ابتسام السويدي
10- معصومة

مكياج عادي :

1- صالون وصال عند ام حسين (جدعلي)
2- صالون لاميزون (بحير)
3- صالون اميرة (الزنج)
4- صالون سلوى عند مروة
5- شريفه في صالون فاطمة شويطر (الرفاع)
6- صالون نسميه (محرق)
7- صالون لولو (محرق)

شعر عرايس:

1- وحيده واختها في صالون الرونق
2- بدور صالون ايلاف
3- نورية صالون سلوى

شعر عادي :

1- صالون اشرقت
2- صالون لوران
3- صالون سما
4- صالون نسيمة


شعر بس فنادق :

1- فندق الخليج


ضبغه شعر :

1- فندق الريجنسي
2- فندق الخليج (ربيع)
3- فندق كارلتون (مجدي)
4- صالون غصون (عراد)
5- صالون ايفا (السهله)
6- صالون لولو (محرق)

باقات و ورد :

1- ريفيرا
2- نوال فلور
3- الزنبقة
4- مزاهير

مسارح :

1- الايام (جدعلي)
2- الانصاري (مدينه عيسى )
3- جندل
4- ريفيرا
5- بعد في واحد في جدعلي محله بين محلات الثيااب اللي مجابل الف واثنين بس ماعرف اسمه واايد حلو شكله اهو صغير

فساتين :

السعوديه
1- مجمع فنسيا
2- مجمع جمعة
3-سوق الحريم


بطايق :


بدكير منكير :

1- بيرفكت نيلز
2- انتي سبا اظن اسمه اللي على شارع الخدمات
3- choic

حق الجسم :

1- بروفايل
2- جاك ديسانج
3- غصون
4- لطيفة

حفاف جسم :

1- عروس البحرين

حفاف حواجب :

1- العروسة
2- ايلاف
3- الاطراف الناعمة
4- لطيفة

حنايات :

1- منيرة
2- ام شهد

هاي احسن ثنتين عندي انا وفي بعد غيرهم ومنهم

3- زينب
4- هند


وبس هااي اللي اللحين في بالي وانا افضل حبيبتي ان اي شي بشكل عام يخص العروس نحطه وحتى لو امكان في السعوديه مثل البطايق او قطر لان اكثريتهم العرايس يوصون من هناك ان اي وحده تعرف شي تقول اسماااي المحلات ووحده من الاخوات قالت محل في السعوديه اسمع عادل اكيد تقرينه ياريت تحطينه ومع الوصف ويزاج الله الف خير على الفكرة الحلوة لان احس بتوفر واايد على بنات من الاسئله المتكرره وغيرة واي فكرة ثانيه في بالي باقولج :) واي شي ثاني تبين انا حاضره عمري

اهئئئئئئئئئئئئئئئئئ كنت كاتبة سؤال وش طوالته و اتمحى بنتحر:UP202:

المهم اقولكم انه ماخذة لي قطعتين حق جلابيات اذا بروح بيت عمي او في بيتنه جمعت اهل يعني لاني ما ابي البس العباية يكفي شيلة و جلابية..

انزين وحدة بسويها ستايل صيني حتى لو راحت موضته خاطري لاني ما سويت ...و القطعة الثانية مو عاجبتني لديك الدرجة.. بس ما عندي لها موديل فشنو اقتراحاتكم ابي شي ناعم بس شي حركة فيه... او دلوني على خياط زين و مرتب و اسعاره زينة و عنده موديلات حلوة و ناعمة...قريب مني يا قريب من الجنبية او من عالي و تسلمون:shy: