شنو صار بالنسبة اللي وظفوهم في تخصص الخدمة الاجتماعية في وزارة التربية

يا بنات خبروني ويش نقدر نسوي يعني نسكت عنهم الى متى اذا فيه شئ نسويه خلنه نتفق ونتجمع احد يخبرني ويش نسوي لن الجرايد ما فيها فايدة والتصريحات اللي فيها كلها جذب بس علشان الاعلام ياخد صورة زينة والتصريح اللي صرحت فيه وداد الموسوي طكله جدب يمكن كانت تحت ضغعط ومنحرجة وما عندها كلام تقوله علشان جدي قالت قريب وهذلين اذا يقولون قريب يعني عقب سنة .
الحين ابغيكم كلكم تدخلون وتردون عليي شنو نقدر نسوي بس خلاص ما يصير نسكت سكتنه بما فيه الكفاية اذا انتون بتسكتون اني ما بسكت ابفغيكم تردون عليي ونتحرك بشكل عاجل قبل ما تطوف لكورس ويجي الكورس الثاني وما ندري بعد هل بوظفونه لو لا
احد يخبرني وين نقدر نروح ااحد منكم يعرف مسؤؤل في التربية لأن الموظفين ما يعطون وجه وما يدرون بالدنيا .

اختي الكتكوتة

اللي خايفة منه ان يأجلون توظيفنا للسنة الدراسية القادمة

هذي اللي مخوفني عدل واللي أحاتيه

بس لو يعطونا موعد محدد متى راح يوظفونا ؟؟؟؟؟؟؟؟؟؟

يعني شنو هالتطنيش والتهميش لنا

بروحنا موقعين على تعهد بعدم المطالبة بترقية

الصراحة من القهر مب عارفة شقاعدة اكتب الحين ؟؟؟؟؟؟؟؟؟؟؟؟؟؟؟؟:mad2:

تفألوا الموظفين يقولون خلال شهر اكتوبر

اللى صبر شهر يصبر اسبوع

توني متصلة بالصحفية زينب التاجر وسألتها الوزارة ما حددت متى التوظيف بالضبط . قالت لي ان الميزانية اعتمدت وان الوزارة مخلصة كل شئ بس هي مسألة وقت .

وخبرتني ان المفروض يتصلون لكم خلال هالاسبوع ..وإذا ما اتصلوا بنعيد الخبر في جريدة الوسط بداية شهر نوفمبر ..

واطلبت مني إذا اتصلت الوزارة لنا عشان انداوم اتصل لها واخبرها عشان تعلن الخبر في الجريدة ..

يالله انشاء الله راح الكثير ما بقى إلا القليل

الله يبشرش بالخير يا بنت السيف ويوفقش على هالخبر الحلو بس ان شاء الله يتصلون هالاسبوع لأن مو باقي شئ شوفوا بنات احنه ننتظر هالاسبوع واذا ما اتصلوا فينه هالاسبوع بس خلاص ما اعتقد ان بعد فيه وقت او مجال حق انداوم شهر 11

:groupwave::groupwave::groupwave:

النعيمي: ترقية 600 معلم من غير الحاصلين على دبلوم التربية


أعلن وزير التربية والتعليم ماجد بن علي النعيمي أن الوزارة وتجسيدا للدعم اللامحدود من القيادة الحكيمة للتعليم، تعمل على الارتقاء بوضع المعلمين على الصعيد الوظيفي بموازاة البدء في تنفيذ مرحلة التمهين التي ستشمل الجميع، حيث يأتي الارتقاء بوضع المعلم ضمن أولويات عمل الوزارة، والذي أكدت عليه في أكثر من مناسبة. وفي هذا الإطار أعلن الوزير أن الوزارة قد استلمت موافقة ديوان الخدمة المدنية مشكورا على ترقية المعلمين والمعلمات بالدرجة التعليمية الثالثة من غير الحاصلين على دبلوم التربية إلى الدرجة التعليمية الرابعة بعد استيفائهم سنتي الخبرة المطلوبة للترقية حسب معيار الوظائف التعليمية بمدارس الوزارة، على أن يبقى شرط حصولهم على الدرجة التعليمية الخامسة مرتبطاً بنيلهم دبلوم التربية واستيفاء الشروط المنصوص عليها بكادر المعلمين الجديد.
وأشار النعيمي إلى أن ديوان الخدمة المدنية قد وافق على مقترح الوزارة المتمثل في منح هذه الدرجة لكافة المعلمين الذي لم يتمكنوا حتى الآن من الحصول على دبلوم التربية والمصنفين على الدرجة الثالثة التعليمية، ممن أمضوا سنتين أو أكثر على هذه الدرجة، على أن يستكملوا في الفترة القادمة متطلب الدبلوم للحصول على الدرجة الخامسة التعليمية، مشيرا إلى أن عدد المستفيدين من هذه الترقية يصل إلى نحو 600 معلم ومعلمة، والذين سوف يكون في وسعهم الحصول على الدبلوم، عبر البرنامج التمهيني الذي تنفذه الوزارة من خلال كلية البحرين للمعلمين أو عن طريق البرنامج الذي تنفذه في إدارة التدريب والتطوير المهني.
وأوضح ''أن هذا الانجاز المهم لصالح هذه الفئة من المعلمين والمعلمات، يأتي لدعم وضعهم الوظيفي وتسهيل عملية ترقيهم إلى الدرجات الأعلى، بحيث لا يحول عدم حصولهم على الدبلوم حاليا دون انتقالهم إلى الدرجة الرابعة التعليمة، ونقل هذا الشرط إلى الدرجة الخامسة، بما يؤكد حرص الوزارة على تعزيز وضعهم الوظيفي وتشجيعهم على التنمية المهنية المستدامة''.
وقال ''ان الوزارة سبق لها رفع هذا المقترح إلى ديوان الخدمة المدنية في ضوء الدراسة التي أنجزتها الجهة المختصة بالوزارة، وفي ضوء تقارير الاجتماعات التي عقدت مع ذوي العلاقة والمختصين في الميدان التربوي من مديري المدارس، ومديري المناطق التعليمية وجمعية المعلمين البحرينية، واللجنة الاستشارية للمعلمين إضافة إلى تقارير بيوت الخبرة، مشيدا في هذا السياق بتعاون المختصين بديوان الخدمة المدنية لتسهيل تحقيق هذا الانجاز للمعلمين''.
يعني اذا توظفنه خلاص بيشيلون التعهد اللي وقعنه عليه وبرفعونه بعد سنتين الى الدرجة الرابعة

وأوضح ''أن هذا الانجاز المهم لصالح هذه الفئة من المعلمين والمعلمات، يأتي لدعم وضعهم الوظيفي وتسهيل عملية ترقيهم إلى الدرجات الأعلى، بحيث لا يحول عدم حصولهم على الدبلوم حاليا دون انتقالهم إلى الدرجة الرابعة التعليمة، ونقل هذا الشرط إلى الدرجة الخامسة،

يعني لازم ناخذ الدبلوم عشان نترقى للدرجة الخامسة.... الحمد لله .. بس انشاء الله يستعجلون في توظيفنا ... لان الوقت يمشي واحنا مكانك سر.

خلهم يوظفونا اول بعدين يشيلون التعهد

هذا ويهي اذا ما كن مقلب عشان يسكتونا

بنات الوزارة قاعدين يحصرون الشواغر في المدارس عشان التوزيع

وبيتصلون فينا خلال ايام قليله ان شاء الله

في اعتقادي ان خبر الترقية للمعلمين وليس للمشرفين الاجتماعيين

لان الخبر خص المعلمين وما قال المشرفين

اهم شي يتصلون فينا ......

يعني احنا بروحنا 49 ليش التأخير ليييييييييييييييييييييش ؟؟؟؟؟؟؟؟؟؟؟؟؟؟؟؟؟؟؟؟؟

:con1::con1::con1::con1::con1:
بنات

ابشركم

ابشركم

اليوم ان شاء بيتصلون لنا

عشان انكمل الاجراءات باجر

خبر من مصدر موثوق

خلوا تلفوناتكم يمكم


يارب يوفق الجميع

انشاااااااااء الله
الله يسمع منج

متى يعني بيتصلون فينه العصر يمكن لأن اكو الصبيان اتصلوا فيهم اليوم الصبح وقالوا ليهم تعالوا باجر حق تكملة الاجراءات يمكن احنه العصر يتصلون فينه واي احد يتصلون فيه يخبرنه الله يخليكم

وصلت 3 وما تصلوا شالسالفه يمكن بس الصبيان

شدراني اكو التلفون صوبي ومن اسمع صوت اقوم اركض ما يندرى يمكن الساعة اربع يتصلون شمعنى الصبيان اتصلوا فيهم يعني احنه ما لينه رب

انا سمعت ان يمكن يخلصون اول اجراءات الاولاد ويعدين احنا يعني على اسبوووووووووع


والله اني قاعدة على اعصابي

بعد اسبوع ما نقدر نتحمل والله بلوة اذا فيه شئ خلهم يتصلون لا يعورون راسنه ترى مصخوها احنه ننتظر الاتصل اليوم العصر واذا ما اتصلوا يمكن اروح بكرة اشوف شنو السالفة تراهم مصخوها هم كلهم 9 صبيان يعني العدد مو واجد ليش يتدلعون علينه جدي

والله ما ادري ذلونا ذل على هالوظيفه اخاف يخلصون الاجراءات وبعدين ينقعقونا

بنات خبروني اتصلوا لكم ولا لاء

جاوبوني بسرعة واللي يسلمكم

انا للحين ما اتصلولي ؟؟؟؟؟؟؟؟؟؟؟؟؟؟!!!!!