شنو صار بالنسبة اللي وظفوهم في تخصص الخدمة الاجتماعية في وزارة التربية

يمكن بينزل ليكم مال شهرين تاريخ 26 الشهر الجاي يعني تستلمون تقريبا 900 دينار

مبروك بنات المعاش نزل اليوم

ها بنات انشاء الله استفدتوا من الدورة ,,, انه عن نفسي وايد استفت ...

اي استفدنه بس كنت حابة اعرف من هي بنت السيف وبنتي حبيبتي وفي الاخير ما عرفت ولا وحدة في المنتدى قولوا ليي انتون وين قاعدين بالضبط اليوم

بنات اليوم سجلت في دورة ICDL .... وانتوا بنات سجلتوا فيها ؟؟؟؟؟؟

اليوم نزل المعاش الثاني ما قلتون ليي شنو تخطيطكم بالضبط من فكرت تاخد سيارة جديدة او شئ ثاني اني من ناحيتي صراحة افكر اشتري سيارة جديدة بس مترددة لأن مثل ما انتون عارفين المعاش مو ذاك الزود ولو بطلع سيارة بروح نص المعاش بس شنو رايكم اعطوني رايكم بالضبط ابغي نصايحكم بخصوص السيارة

اجازة سعيدة بنات ,,, اختي كتكوتة كلامج صح ... بان الراتب ما يتحمل لشراء سيارة .. في ظل غلاء المعيشة .. الله كريم اختي ..

بنات من نزل لها الزيادة السنويه ال10 دينار

وهل احنا من ضمن اللي راح يرفعون رواتبهم او لا

ما تشملنه اختي الزيادة لان ما كملنه سنة في الشغل .. انشاء الله بداية السنة الياية ..

الف مبروك يابنات
طبعا الدرجه الرابعه راح تاخذونها بعد سنتين توظيف
واعتقد اللي عندهم بس تربيه والله العالم

اشعطوكم في الدورة ؟؟؟؟؟؟؟؟؟؟؟
لو سمحتو قولولي بالتفصيل لان انا ما حضرت
رجاءا خبروني باسرع وقت ؟ وجم يقتطعون من الراتب اذا شريت خمس سنوات من الخدمة ؟؟؟؟؟؟

الدورة للحين ما بتدت .. بس قدمنا امتحان تحديد مستوى وكان امتحان صعب بعض الشيء .. وطلعت النتيجة على الانترنت و نجحت الحمد لله وانه في المستوى الثالث .. بالنسبه لشراء خمس سنوات في البداية اعتقد ان الاقتطاع بيكون كبير ... بس ما نقدر نحدده إلا بعد استلام اسليب الراتب ...
بس يمكن اتسألين قسم المالية في وزارة التربية والتعليم .
بالمناسبة بنات شحضرتوا للكورس الياي .. بالنسبة لي حضرت مجموعة من البرامج ومحاضرتين عن السلوك والارشاد المهني ... بالاضافة لإعداد الكثير من الاستمارات والسجلات الجديدة..

انا اقصد الدورة اللي رحتولها في اخر اسبوع قبل الااجازة اللي مدتها يومين مو دورة الكمبيوتر .

مسامحة اختي ( رحيل ) ظنيت دورة الكمبيوتر .... انتي قصدج دورة برنامج التهئية للمرشدين الاجتماعيين المستجدين في مدرسة رابعة العدوية ... كانت دورة مفيدة جدا ومن اهم المواضيع التي تم التطريق إليها ..
1- كيفية إعداد خطة الارشاد الاجتماعي المدرسي
2- طرق تنفيذ دليل الارشاد النفسي والاجتماعي
3- كيفية معالجة حالات التأخر الدراسي
4- كيفية إعداد ورشة عمل
5- المرشد الاجتماعي الفعال
6- اهم الخدمات النفسية
7- مفاهيم الارشاد المهني وأدواته
8- كيف ينظم المرشد الاجتماعة وقته
9- دور المرشد الاجتماعي في تعزيز الصحة المدرسية

مشكورة اختي بنت السيف يزاج الله خير ، والله فاتتني الدورة بس مادري فيه اوراق كتيبات عطوكم حتى تستفيدون منها ولا لاء ، ومن الجهة المنظمة للدورة هل هي الخدمات الطلابية في مدينة عيسى ولا من ؟

رحيل الروح;8810092:
مشكورة اختي بنت السيف يزاج الله خير ، والله فاتتني الدورة بس مادري فيه اوراق كتيبات عطوكم حتى تستفيدون منها ولا لاء ، ومن الجهة المنظمة للدورة هل هي الخدمات الطلابية في مدينة عيسى ولا من ؟

تسلمين يالغالية .. اي عطونا بعض الاوراق من دليل الارشاد .. بس الاوراق ناقصة .. طلبي من قسم الخدمات الطلابية يعطونج دليل الارشاد كامل احسن .. وفيه الاستمارات الازمة للسجلات ..
وعلى فكرة خلج على اتصال بقسم الخدمة الاجتماعية في ادارة الخدمات الطلابية للأستفسار وتنسيق المحاضرات وغيرها... لا تحطين يدج على خدج وتقولين ما حد ساعدني ... ساعدي نفسج ... لان التقييم بيكون لج انتي ولأعمالج وسجلاتج ..وعلاقتج مع ادارة المدرسة وايد مهمة .. وخاصة (( المديرة )).

يالله .. مع السلامة ,,,

مشكورة اختي بنت السيف يعطيج العافية ما قصرتي .....