افسخ الخطوبه؟؟؟؟

Batta_Fares 01-09-2008 75 رد 6,142 مشاهدة
N
Batta_Fares;7116005:
انا بجد مكنتش متخيله ابدا ابدا ان فى ناس حتهتم بيا حتى من غير ما تشوفنى او تعرفنى... انا حدعيلكم كتيييير اوى و انتم عارفين دعوة المظلوم...
انا بجد صعبانه عليا نفسى... مش عارفه ازاى يتعمل فيا كده... تصوروا انه حتى مرفعش سماعه التليفون يسأل عليا من امبارح....
خالى قالى انه حيظبطه جامد اوى و حيفوقه بس انا حاسه انه مش كفايه... مش عارفه اقول لبابا و لا لأ؟؟؟؟
انتم عارفين انا متردده اقول لبابا ليه؟؟ عشان انا مش عارفه ايه الى حيحصل لو قلت لبابا... هل بابا حيوقف ضدى و لا معايا؟؟؟ و المشكله ان خطيبى قادر على انه يقلب الدنيا عليا .....
عشان كده انا بفكر استنى لحد ما خالو يقعد معاه... و اشوف ايه الى حيحصل...
انا حاسه انى مقبوضه اوى يا بنات و خايفه ... و الاكتر من ده كمان ان انا اهلى ضد تماما فكرة فسخ الخطوبه يعنى لو قلت انا عايزة انفصل حلاقى نار لا اول ليها و لا اخر اتفتحت فى وشى....
عشان كده لازم يوم ما اقول انا عايزة اسيبه يكون فعلا قرار نهائى مفيهوش رجعه عشان محدش يقول عليا عيله و بقول كلام و برجع فيه....
انا بس مشكلتى ان الصدمه الى انا فيها مخليانى مش عارفه افكر....
ادعولى بالله عليكم
عايزة كمان اقول ان الحده فى الكلام مش مزعلانى خالص بالعكس... انا مش حاسه ان فى اى حد قال اى حاجه غلط... انا حاسه ان كلكم اخواتى... انا عندى 22 سنه يمكن فيكم اكبر او اصغر بس كلكم دلوقتى اخواتى الكبار....
ربنا يكرمكم كلكم يا رب...
خالو قالى متصلش بيه خالص... و انا فعلا مش حتصل بيه بس ارجوكم ابقوا اطمنوا عليا مش تنسونى... عشان لو حصل انفصال اكيد حكون محتاجه انكم تكونوا معايا


يارب يهدي خطيبك ويرجع احسن من الاول امين يارب

بس لو مفيش فايده انفصالك منه ده خير ليكي على الاقل بان على حقيقته قبل ماتتجوزو

بس قبل كل ده اصبري يمكن ربنا يهديه
أ
المهم انتي مش تقلقي يا جميلة

وأيا كان اللي ربنا كاتبهولك هيبقى ده الخير

استخيري كتير وادعي إن ربنا يكتب لك الخير، مش يصلح الأمور بينك انتي وخطيبك أو ينهي المشاكل
لأ يرزقك الخير وربنا هيكرمك

بالنسبة للخطوبة وفسخها طبعاً كل العائلات بتبقى ضد الكلام ده، وأنا الصراحة مش حابة انك تبقي خايفة من خطيبك بالمنظر ده

هو في النهاية طلع ولا نزل مجرد إنسان، فيه الأقوى منه 100 مرة، ودي برضه علامة مش كويسة منه، الست المفروض تحس إن لو الدنيا دي مش فيها أمان خالص يبقى زوجها ده هو الأمان مش العكس رايحة تدور على الأمان عند حد غير زوجها علشان خايفة منه

استخيري يا بطة كتير وربنا هيكرمك ويكتب لك اللي فيه الخير
وأي حاجة مضايقاكي أو عاملة لك قلق اسألي احنا اخواتك بجد وربنا يعين كل واحدة على انها تقدم لك أحسن نصيحة عندها
ن
سامحينى ف الكلام دة انا حاسه ان كرامتك اعز عليكى من علاقتك بخطيبك وانك ليكى تار وعايزة تاخديه

المهم:
الحل:
لازم تعرفي ان اي راجل يحب الست او البنت الحنونه + اللى شخصيتها قويه = معادله صعبه
فعلا الحل صعب ازاى ابقىحنينه وف نفس الوقت يعرف حدوده علشان بش يدوس عليكى

سيبيه لما يتصل واتفاهمى معاه وحطى النقط ع الحروف

نصيحه ما دخليش حد في امورك عشان المشاكل بش تكبر دة لو كان المشكله بينك وبينه
اما لو كانت علنى ذى حالتك قولى لبابكى واهلك وانا اعتقد انه خايف يتصل لانك من الطبيعى انك قولتى لاهلك للاسف الراجل بيخاف من البنت او الست اللى ليها اهل يدافعو عنها
B
انا مش عارفه اقولكم ايه... انا النهاردة قلت لخالتى الى فى مقام والدتى عشان تقولى اتصرف ازاى قالتلى انىمينفعش اقول لبابا لان بابا مينفعش يدخل الا فى انهاء الموضوع و فسخ الخطوبه لكن مشكلتك لازم انت تحليها بنفسك...
انا بجد حاسه انى ضايعه ووحيده و مش مصدقه انه هان عليه و لا حتى يسأل عليا مجرد سؤال...
انا مش عارفه اعمل ايه... خالى قالى مش اتصل عليه خالص ...
أ
Batta_Fares;7118607:
انا مش عارفه اقولكم ايه... انا النهاردة قلت لخالتى الى فى مقام والدتى عشان تقولى اتصرف ازاى قالتلى انىمينفعش اقول لبابا لان بابا مينفعش يدخل الا فى انهاء الموضوع و فسخ الخطوبه لكن مشكلتك لازم انت تحليها بنفسك...
انا بجد حاسه انى ضايعه ووحيده و مش مصدقه انه هان عليه و لا حتى يسأل عليا مجرد سؤال...
انا مش عارفه اعمل ايه... خالى قالى مش اتصل عليه خالص ...


ما دام خالك قال لك مش تكلميه يبقى اسمعي كلامه

ولو فضل خطيبك مش بيتصل فكل ده بيكشف لك عن حقيقته أكتر، ومش تضعفي لأنك انتي اللي اتشتمتي وانتي اللي اتغلط فيكي يعني هو اللي المفروض يتكلم يصالحك

وافضلي استخيري يا قمر وبإذن الله ربنا ييسر لك الخير
ت
أمة الله لم تدع لنا كلاما لنقوله

جزاها الله كل خير

والله يوفقكِ اختى بطة وينور لكِ بصيرتك
ا
Batta_Fares;7118607:
انا مش عارفه اقولكم ايه... انا النهاردة قلت لخالتى الى فى مقام والدتى عشان تقولى اتصرف ازاى قالتلى انىمينفعش اقول لبابا لان بابا مينفعش يدخل الا فى انهاء الموضوع و فسخ الخطوبه لكن مشكلتك لازم انت تحليها بنفسك...
انا بجد حاسه انى ضايعه ووحيده و مش مصدقه انه هان عليه و لا حتى يسأل عليا مجرد سؤال...
انا مش عارفه اعمل ايه... خالى قالى مش اتصل عليه خالص ...


معلش يا بطة و احمدي ربنا انه بيكشف لك كل حاجة عنه و بيفكر ازاي و زي ما قالت امة الله فعلا ما تضعفيش و ادعي ربنا كتير يسهل لك الحال و لو فيه شر يبعده عنك و لو اتصل بيكي شوفي اسلوبه حيبقي ازاي و ندمان ولا لأ و ما تفرحيش بمجرد اتصاله لالالا لازم تعرفي كويس هو بيتكلم ازاي و جواه ايه ربنا يوفقك يااااااااااارب
B
انا فعلا قررت انى حسيبه خالص لحد ما اشوف هو حيعمل ايه... و لو مش حس بغلطته يبقى هى دى النهايه....
المشكله انى اول ما بفكر فيه بحس بحاجه غريبه اوى... بحس انى دايخه و عينى مزغلله و نفسى رايح و رجلى مش شايلانى و فى رعشه فى كل جسمى.... هو انا محتاجه دكتور و لا ايه؟؟؟
أ
Batta_Fares;7122983:
انا فعلا قررت انى حسيبه خالص لحد ما اشوف هو حيعمل ايه... و لو مش حس بغلطته يبقى هى دى النهايه....
المشكله انى اول ما بفكر فيه بحس بحاجه غريبه اوى... بحس انى دايخه و عينى مزغلله و نفسى رايح و رجلى مش شايلانى و فى رعشه فى كل جسمى.... هو انا محتاجه دكتور و لا ايه؟؟؟


لا يا قمر لا محتاجة لدكتور ولا حاجة

انتي قلبك واجعك لأنك كنتي أقلمتي نفسك على إن ده زوجك في المستقبل وكنتي حاطة عليه آمال عريضة من انه يسعدك ويحن عليكي ويشيلك في عنيه

انتي بس مصدومة فيه ودي حاجة ربنا سبحانه وتعالى بيعالجها بالزمن

ربنا يوفقك ويكتب لك اللي فيه الخير
B
شفتم يا جماعه الى حصل النهارده...
النهارده الصبح كلمنى و بمنتهى البرود بيقولى مش حننهى القصه دى... رحت بصراحه فتحت فيه و قلتله انت مش حاسس انك غلطان؟؟؟ قالى لأ و لو انا غلطان فانا غلطان عشان شتمتك غير كده لأ ده انا سيبتك يومين قلت زمانك فكرتى و حسيتى ان انت الى غلطانه....قلتله يعنى هو ده اخر كلام عندك... قالى اه... قلتله يعنى عادى عندك كده انى اتهزأ ادام اهلك... قالى ده نتيجه تصرفاتك... قلتله خلاص خايك على موقفك احسن و نهيت المكالمه... و انتابتنى حاله بكاء شديده و من ساعتها مكلمنيش و لا عبرنى...
و المشكله بقى ان حصلت حاله وفاة عند مامته و احنا بكرة حنروح نعزيها الصبح انا و خالتى... و انا مش عايزة اروح...
خالتى بتقولى لازم يحس ان مفيش حد عرف حاجه عشان الموضوع مش يكبر...و اصلا مامته اتكلمت معايا و مع خالتى عادى و لا كأن فى حاجه... واضح ان معندهاش خبر...
ايه رأيكم؟؟؟؟
a
بطه اولا انا بايد كلام امه الله ومسلمه


ثانيه لو مش عاوزه تروحى ماتروحيش عزى بالتليفون واعتذرى باى حجه تعبانه مثلا او اى حاجه مقنعه وبعد ما الظروف دى تعدى كلمى والدته ايوا كلميها

بصى يا بنتى الراجل لما يلاقى الست الى قدامه بيتغلط فيها ومش بتقلب عليه الدنيا مش بيحترم نفسه والكلام ده والله عن تجربه بينى انك ممكن تقلبى الدنيا عليه فى بيتكوا وفى بيتك ومع احترامى لكل الاراء الاب اكتر واحد بعرف يعمل كرامه لبنته ومهما اتهيالك ان باباكى ممكن يفركش بالعكس هو الوحيد اللى حيعرف يشده ويرجعهولك محترم والدك لازم يعرف لا خالك ولا خالتك حيقبلوا ده على بنتهم ولا حيعرفوا يعملولك كرامه زى ابوكى

ومع احترامى للكل لما دلوقت ما توسعش الموضوع امال توسعه امتى لما ترجع لابوها مضروبه ومرمى عليها يمين الطلاق نبقى ساعتها نقول ياريتها حكت

والدته ووالدك لااااااااااااااااااااازم يعرفوا ووالله ما حيتلم ويلم لسانه الا لما الكبار يدخلوا وده عن تجربه

وربنا يوفقك وطمنينى عليكى
g
كلام امه يا بطة روووووووووووووووووووووووووووووووووووووووووووووووووووووووووووعة بجد اسمعى بنصيحتهاااااااااااااااا
M
الله يجمعكم على خير ان شا الله ...
n
صـررررراحه كلام العرايس صح 100%
ا
Batta_Fares;7122983:
انا فعلا قررت انى حسيبه خالص لحد ما اشوف هو حيعمل ايه... و لو مش حس بغلطته يبقى هى دى النهايه....
المشكله انى اول ما بفكر فيه بحس بحاجه غريبه اوى... بحس انى دايخه و عينى مزغلله و نفسى رايح و رجلى مش شايلانى و فى رعشه فى كل جسمى.... هو انا محتاجه دكتور و لا ايه؟؟؟


لا يا قمر موش محتاجة دكتور ولا حاجة ده من حالتك النفسية و ممكن كملن تحسي ان معدتك وجعاكي خلي بالك من نفسك حبيبتي و ادعي ربنا

Batta_Fares;7125110:
شفتم يا جماعه الى حصل النهارده...
النهارده الصبح كلمنى و بمنتهى البرود بيقولى مش حننهى القصه دى... رحت بصراحه فتحت فيه و قلتله انت مش حاسس انك غلطان؟؟؟ قالى لأ و لو انا غلطان فانا غلطان عشان شتمتك غير كده لأ ده انا سيبتك يومين قلت زمانك فكرتى و حسيتى ان انت الى غلطانه....قلتله يعنى هو ده اخر كلام عندك... قالى اه... قلتله يعنى عادى عندك كده انى اتهزأ ادام اهلك... قالى ده نتيجه تصرفاتك... قلتله خلاص خايك على موقفك احسن و نهيت المكالمه... و انتابتنى حاله بكاء شديده و من ساعتها مكلمنيش و لا عبرنى...
و المشكله بقى ان حصلت حاله وفاة عند مامته و احنا بكرة حنروح نعزيها الصبح انا و خالتى... و انا مش عايزة اروح...
خالتى بتقولى لازم يحس ان مفيش حد عرف حاجه عشان الموضوع مش يكبر...و اصلا مامته اتكلمت معايا و مع خالتى عادى و لا كأن فى حاجه... واضح ان معندهاش خبر...
ايه رأيكم؟؟؟؟


موش قولت لك يا بطة كلمي مامته احكي لها لو كانت ست كويسة و خالك لسا مكلموش ولا ايه ؟؟؟؟؟؟؟؟؟؟؟ و قولي لخالك انتي كدا حتحكي لباباكي شوفي ايه رأيه بس بلاش ينيم الموضوع كدا انا كنت فاكرة حيتصل يعتذر علي الأقل بس كدا لالالالالالا بقي و بعدين هو انتي عملتي ايه يستدعي كل ده ما سألتهوش ايه هي تصرفاتي دي اللي بتقول عليها ؟؟؟؟؟؟؟ و ربنا يكتب لك اللي فيه الخير ياااااااااااااارب و طمنينا عليكي دايما حبيبتي
أ
Batta_Fares;7125110:
شفتم يا جماعه الى حصل النهارده...
النهارده الصبح كلمنى و بمنتهى البرود بيقولى مش حننهى القصه دى... رحت بصراحه فتحت فيه و قلتله انت مش حاسس انك غلطان؟؟؟ قالى لأ و لو انا غلطان فانا غلطان عشان شتمتك غير كده لأ ده انا سيبتك يومين قلت زمانك فكرتى و حسيتى ان انت الى غلطانه....قلتله يعنى هو ده اخر كلام عندك... قالى اه... قلتله يعنى عادى عندك كده انى اتهزأ ادام اهلك... قالى ده نتيجه تصرفاتك... قلتله خلاص خايك على موقفك احسن و نهيت المكالمه... و انتابتنى حاله بكاء شديده و من ساعتها مكلمنيش و لا عبرنى...
و المشكله بقى ان حصلت حاله وفاة عند مامته و احنا بكرة حنروح نعزيها الصبح انا و خالتى... و انا مش عايزة اروح...
خالتى بتقولى لازم يحس ان مفيش حد عرف حاجه عشان الموضوع مش يكبر...و اصلا مامته اتكلمت معايا و مع خالتى عادى و لا كأن فى حاجه... واضح ان معندهاش خبر...
ايه رأيكم؟؟؟؟


مساء البرود بجد الراجل ده عجيب!!!

بصي يا بطة والله ربنا يعلم إني بكره أقوم واحدة على خطيبها أو زوجها بس فكري معايا في جملة هو اللي قالها ((ده نتيجة تصرفاتك)) وتخيلي حياتك بعد الجواز هتبقى عاملة ازاي

الرز شاط = خناقة
فاتورة كهرباء عالية = خناقة
طفل خبط نفسه أو حصل له حاجة في المدرسة = علقة معتبرة

وكله نتيجة تصرفاتك من وجهة نظره لأن ده رد فعله إنك اقترحتي عليه رأي مخالف لرأيه

أنا شايفة إنك تروحي تعزي مامته لأن علاقتك بالست كويسة وأحب انك تفضلي صاحبة واجب لآخر لحظة

طبعاً على ما يبدو إن خالك مش كلمه أو كلمه والباشا ولا همه،

أنا مش مع رأي إنك تكلمي مامته لأنك المفروض هتتجوزيه هو مش مامته، يعني لو مامته زي الفل وهو بيعاملك بطريقة مقرفة هي مش هتقدر حتى تنصرك دايماً،

قولي لباباكي يا بنتي، وصلي النهاردة صلاة استخارة انك تسيبيه واللي باباكي يقول لك عليه اعمليه احكي له بالتفصيل وقولي له كل حاجة حاسة بيها،

ولو مامته عايزة تعرف انتي بتسيبي ابنها ليه مش تخبي لأ قولي لها علشان تعرف أخلاق ابنها كويس وعلشان هو يتفضح قدام أهله يمكن يتربى ويبطل يعمل كده في بنات الناس

ولو حاولت تضغط عليكي إنك تستحملي وتدي له فرصة والكلام ده، ده بقى يرجع للي انتي وباباكي اتفقتوا عليه، ولقدرتك النفسية أولا وأخيراً لو انتي تقدري تدي له فرصة يتعدل (وإن كنت أشك جداً في الموضوع ده) وباباكي هيساندك فادي له فرصة، ولو مش قادرة قولي لها معلش يا تانت أنا خلاص مش عايزاه

ومش عايزاكي تزعلي وتتقهري على نفسك لو الخطوبة اتفسخت، انتي مش مطلقة ولا حاجة وبركة يتقدم لك اللي أحسن منه مليون مرة، ولما يتقدم لك حد تاني ويسأل ليه سيبتي خطيبك الأولاني يتقال له علشان بيتعامل بقسوة قلة أدب علشان لو واحد قليل الأدب يبعد عنك من أولها ويعرف إنك مش بتسكتي عن حقك

والله يا بنات فيه حقوق معينة عادي إنك تضحي بيها، مش مشكلة أصلا ولا تزعلي عليها بس إلا حق المحاملة بالحسنى وحسن الخلق، أوعي تسيبي حد يشتمك ويهزق فيكي، وطبعاً من باب أولى مش محتاجين نقول إن اللي مش عايزة تتهزق متعملش حاجة تجيب لها التهزيق، يعني عيب الست تزعق لزوجها قدام الناس أو تشتم جوزها أو تضربه لأن ساعتها هو لو عاملها بالمثل يبقى الراجل مغلطش

والله يا بنات طول ما انتي مؤدبة وملتزمة محد يعرف يغلط فيكي واللي يغلط فيكي اكسري دماغه بقلب جامد لأن محافظة على أخلاقك من الأول

ربنا يوفقك يا بطة للي فيه خير في الدنيا والآخرة يا رب
B
بجد انا مش عارفه ايه الردود الرائعه دى... انا حاسه ان ورايا رجاله بجد...
جماعه... انا قررت افسخ الخطوبه...
انا اديتله فرصه يصلح الى هو عمله بس مفيش فايده.. و انا بجد متأكده انى لا استحق المعامله المهينه دى...
تصوروا ان خالى كلمه و مع ذلك برضه كلمنى بعوجان... انا لما حكيت لخالى... خالى قالى انا و الله كلمته جامد و فهمته بس واضح ان هو مش بيفهم و مخه تعبان....
انا النهارده لمحتله بده فى رساله بعتها له قلتله فيها ان هو كده تخطى كل الحدود ز ان انا مقدرش اتحمل المعامله المهينه دى و انى اتصرفت بالاصول معاك لحد اخر وقت...
و قلتله ان ممكن يكون سهل عليه انه يجرحنى بالشكل ده لانه مش حاسس بقيمتى ... لكن بكرة لما تشوف البنات التانيين و تعرف الفرق حتعرف ان ربنا كان باعتلك واحده تحبك لشخصك بس انت الى مش عرفت تصونها و لا تحافظ عليها و عمرك ما حتلاقى واحده تحبك زى ما انا حبيتك...
و قلتله انى خلاص مش منتظرة منه اى حاجه و ده اخر كلام بينى و بينه و قلتله انه يستغل فرصه رمضان انه يدعى و يطلب من ربنا العفو و المغفرة لانه ظلمنى و لانى عمرى ما حسامحه على الظلم ده....
ها ايه رأيكم فى الرساله؟؟؟
انا بعتها له قبل ما انام و لما قمت عشان اتسحر لاقيته متصل بيا مرة واحده باليل.... بس انا بصراحه مش حتصل بيه و حتحجج بأى حاجه بكرة و مش حروح... و كده و لا كده مامته بتحبنى جدا جدا و عارفه انى كنت ذوق جدا معاهم لاخر وقت... و بكده ابقى انا بمهد للنهايه....
ايه رأيكم؟؟؟؟
ف
حبيبتي بطــة


كنت متابعة موضوعك من البداية بس من بعيد لبعيد


:)



عزيزتي في رأي الخاص ... تصرفك صح 100%

وانا معاكِ

والرسالة اللي بعتيها واضحة وصريحة


لأني عندي قناعة انو غلط وحده ترتبط بشخص على أمل انها تغيره !!


وربنـــــا يعوضك باللي يستاهلك ... ويسعدك آمين


^_^
أ
Batta_Fares;7129042:
بجد انا مش عارفه ايه الردود الرائعه دى... انا حاسه ان ورايا رجاله بجد...
جماعه... انا قررت افسخ الخطوبه...
انا اديتله فرصه يصلح الى هو عمله بس مفيش فايده.. و انا بجد متأكده انى لا استحق المعامله المهينه دى...
تصوروا ان خالى كلمه و مع ذلك برضه كلمنى بعوجان... انا لما حكيت لخالى... خالى قالى انا و الله كلمته جامد و فهمته بس واضح ان هو مش بيفهم و مخه تعبان....
انا النهارده لمحتله بده فى رساله بعتها له قلتله فيها ان هو كده تخطى كل الحدود ز ان انا مقدرش اتحمل المعامله المهينه دى و انى اتصرفت بالاصول معاك لحد اخر وقت...
و قلتله ان ممكن يكون سهل عليه انه يجرحنى بالشكل ده لانه مش حاسس بقيمتى ... لكن بكرة لما تشوف البنات التانيين و تعرف الفرق حتعرف ان ربنا كان باعتلك واحده تحبك لشخصك بس انت الى مش عرفت تصونها و لا تحافظ عليها و عمرك ما حتلاقى واحده تحبك زى ما انا حبيتك...
و قلتله انى خلاص مش منتظرة منه اى حاجه و ده اخر كلام بينى و بينه و قلتله انه يستغل فرصه رمضان انه يدعى و يطلب من ربنا العفو و المغفرة لانه ظلمنى و لانى عمرى ما حسامحه على الظلم ده....
ها ايه رأيكم فى الرساله؟؟؟
انا بعتها له قبل ما انام و لما قمت عشان اتسحر لاقيته متصل بيا مرة واحده باليل.... بس انا بصراحه مش حتصل بيه و حتحجج بأى حاجه بكرة و مش حروح... و كده و لا كده مامته بتحبنى جدا جدا و عارفه انى كنت ذوق جدا معاهم لاخر وقت... و بكده ابقى انا بمهد للنهايه....
ايه رأيكم؟؟؟؟


ربنا ييسر لك اللي فيه الخير يا حبيبتي ويرزقك باللي يعاملك أحسن معاملة

أوعي تقللي من نفسك أو تستصغريها بجد بسبب الموضوع ده بالعكس

اللي بيكبر نفسه بيفضل طول عمره كبير، والعكس صحيح برضه، وهو اللي خسران في الموضوع ده والله مش انتي بالعكس انتي كسبانة كتير، كسبانة راحة بالك وكسبانة احترامك لنفسك وسعادتك في المستقبل برضه بإذن الله، واللي مش يعاملك بالطريقة اللي انتي تستاهليها يبقى خسارة تضيعي عليه نص ساعة حتى من وقتك تفكري فيه

ربنا يوفقك وابقي طمنينا دايماً عليكي
B
يعنى افهم من كده ان الى انا عملته ده و الرساله صح؟؟؟
X