افسخ الخطوبه؟؟؟؟

Batta_Fares 01-09-2008 75 رد 6,142 مشاهدة
B
هو زعقلى عشان كانوا يتفقوا على مين حيركب العربيه و مين حيروح بالمواصلات فقالى اروح معاهم فى العربيه بس حسيت ان انا حزنق الدنيا و مكنتش عايزة اتقل على حد فقلتله اروح معاك راح مزعقلى و قالى انى مش بسمع الكلام و زعقلى برضه لما كنا هناك الناس حطولنا اكل و انا مكانش عندى نفس اكل عشان كان لسه مزعقلى قبلها و كنت قاعده على السفره عشان الذوق بس مكنتش قادره اكل و اصلا احنا مكناش معزومين على الاكل هما حطولنا انا و هو كده و خلاص و محدش خالص كان حياكل عشان اصلا فيه سحور....
تخيلوا انه قالى انى ناشذ؟؟؟؟؟؟؟؟؟؟؟؟؟؟؟
انا ناشذ!!!!!!!!!!! طب ليه
انا حاسه انى مقهورة
g
انا مش فاهمة اى احجة يعنى ايه يزعقلق وزعقلق ليه واانتى اصلا قولتيله ايه يا بنتى خلاه كدة انا مش فاهمة اى حاججججججججججججججججججججججججججة وعيب اوى يشتمك انا اصلا دى سبب خناقتى كلمة معندكيش دم برضة
ا
اهدي بس يا بطوطة الله يكرمك و براحة علي نفسك و خلي عندك صبر بالله و تأكدي ربنا كريم انا بجد موش فاهمة انا كمان حاجة هو بيزعق لك علي كل حاجة يعني ولا ايه بالزبط يمكن انتي بتنشفي دماغك و موش بتسيسيه مثلا و لو مامته كويسة اتصلي احكي لها
ا
و ايه ناشذ دي و قالها امتي ناشذ دي كلمة كبيييييرة اوي وليها معني تاني و دي للمتجوزين لا قدر الله موش المخطوبين خالص هو واضح انه عصببببببببي و موش بيفكر في الكلام اللي بيقوله بجد فكري في موضوع تكلمي مامته بس طبعا لو كانت كويسة
ا
غااااااااادة

انا قريت مشكلتك الصراحة الصراحة مامتك شدت جامد ليه كدا يا بنتي الراجل قال حيعتذر يبقي خلاص خلصت و بعد كدا شوية عتاب و انتهينا و لو عايزة الحق الرد بردوا بتاع مامتك في البداية كان غلط اوك انها تقوله اه عشان قولت كذا و كذا و تروح بعدها قايلة له خلاص روق بقي و كلمتين حلوين و رد سارة عليكي عجبني اوي اعملي زي ما قالت لك و طمنينا عليكي يا قمر و مهما كان السبب بتاع المشكلة حاولي تلمي المواضيع ما تكبريهاش والله يا غادة ياااااااااااااااااااااماااااااااااا بيحصل اللي موش ممكن حد يتخيله و فجأة تلاقي نفسك في مشااااااااااااااكل كمان بس الأيمان بالله و الصبر و الثقة في الله اهم شيء و كمان حاولي تلمي انتي المواضيع من البداية ما تكبريهاش و اللخص لك الموضوع في كلمتين انتي بتحبيه ؟ ولا ممكن تتخيلي نفسك عايشة مع راجل غيره ؟ لو عادي و تتخيلي نفسك عايشة مع غيره يبقي الموضوع كله موش حيفرق معاكي لو لالالالالالالا و حتنهاري لو ده حصل يبقي بجد كنتي غلطانة من البداية و وسعتي الموضوع كان ممكن تلميه معاه و مع ذلك الراجل كان حيعتذر و قدام اهلك و بردوووووووووا وسعتوه اكتررررررر و ليهم كللللل الحق اهله انهم ما يتكلموش لأن كلام مامتك معناه بالسلامة لولا انه شاريكي كان جه فورا اخد حاجته
N
الصراحة الموضوع زاد عن حده

مش لدرجه يغلط عليكي
t
مش مستاهل الموضوع فسخ خطوبة
B
اصلا انا معرفش يعنى ايه ناشذ..... انا كلمت خالى و حكيتله قالى ده اكيد اتجنن... قالى انه حيتكلم معاه و قالى مجبش سيرة لاهلى دلوقتى علشان الموضوع مش يكبر..
أ
إنا لله وإنا إليه راجعون

اسمحي لي أقول لك خطيبك مش مؤدب
بجد بجد راجل مش مؤدب ومش عايزة أقولها بطريقة تبقى كأني بشتمه

دمي فاااااااااااااااااااار

بصي أنا متابعة الموضوع ده من الصبح وقلت في الأول مش مستاهلة أرد بس فعلا لأ لأ لأ
لما يشتمك دلوقتي بكرة يضربك لو محدش وقفه عند حده

والصراحة الراجل اللي محتاج حد يوقفه عند حده يبقى مش راجل أصلا

هو المفروض يبقى عارف يتعامل معاكي إزاي ولو مش بيعرف يتعامل عدل مع ستات يبقى ميتجوزش إلا لما يتعلم

وبعدين ناشز دي مش للمخطوبين أصلاً ملهوش إنه يمشي كلامه عليكي أصلاً

واسمحي لي انتي غلطانة انتوا مخطوبين تروحي بيته ولا بيت جدته ولا بيت معرفش مين لوحدك معاه ليه؟؟ ومن غير أهلك؟؟

قال ما بتسمعيش الكلام قال، وكل حاجة صوت عالي ولسان طويل

إيه ده

متزعليش مني بجد بجد متعصبة بس مش منك منه هو

بجد زعلانة لك

بصي يا جميلة انتي ربنا ابتلاك بعدم وجود مامتك جنبك، فعندك معلومات ناقصة عن كيفية التعامل مع البشر بس ده مش عذر إنك تستسلمي للوضع ده ومش تحاولي تعرفي الصح ايه

عند هنا قسم القضايا والحلول اقري واعرفي لما البنات يعملوا حاجة غلط بيتعمل فيهم ايه وازاي فيه رجالة بتاكل حقوقهم، وفي نفس الوقت لازم تعرفي حقوقك وايه اللي ليكي وايه اللي عليكي، علشان مش كل ما يعمل فيكي حاجة حد يقول لك صالحيه وحقك عليا

لأ مش حقك عليا، هو الراجل ده معناه انه لازم يبقى عاقل ويتصرف صح، ولو مش عارف الصح يبقى لازم حد يعرفه

أنا هسكت دلوقتي لأني حاسة اني متغاظة بزيادة

ربنا يكتب لك اللي فيه الخير
ت
Batta_Fares;7111558:
جماعه الحقونى انا اتكلمت معاه زى ما انتم قلتولى و شتمنى ... قالى معندكيش دم و مش تفتكرى نفسك اماله و قالى ان انا قرفان منك... قالى ان انا الى عملت فى نفسى كده انا الى استهال التهزيئ.... و والله يا بنات انا مش عملت حاجه استهال عليها كل ده... حتى مامته كانت بتقوله براحه شويه...
بجد انا مش عارفه اعمل ايه حاسه انى منهارة... و من ساعتها ببكى لحد ما دماغى وجعتنى مش عارفه اعمل ايه.....


خطيبك ده مستفز بصراحة وقليل الذوق انا آسفه لكن هو معملكيش قيمه ومش مقدر طيبتك دي
انا بصراحة من الكلام اللي قولتيه مش عارفه كنت هعمل ايه لو كنت مكانك !!!!
الله المستعان
والله اني نرفزني جدا
وبصراحة انا منصحكيش انك تكملي معاه
وطبعا انتي أكتر واحده تقدري تحددي انتي عايزه ايه
دي يا دوب لسه خطوبه وبيقولك كده
وبعدين ناشز دي أصلا للمتزوجين هو ميعرفش ولا ايه ؟؟؟؟ هو فاكر نفسه زوجك ولا ايه ؟؟؟
ولا هو بيعمل نفسه راجل قدام اهله وبيقولك كده عشان يتمنظر ؟؟؟
الظاهر يا حبيبتي ومعلش انتي السبب في الموضوع ده
انتي اديتيله حجم أكبر من حجمه وده اللي جرأه عليكي للدرجة دي والسبب التاني انك بتروحي معاه عندهم او عند قرايبه لوحدك وده أكبر غلط
المفروض مش تخرجي معاه خالص لوحدكم
متزعليش مني بس والله انا بجد في قمة نرفزتي
هو كل واحد يخطب واحده يبقا خلاص افتكرها مراته ؟؟ ولازم تبقا كلمته هيا الأولى والأخيرة ؟؟؟

الله المستعان
انا مش هتكلم تاني لأني حاسه اني اتكلمت كتير
ا
امة الله و مسلمة موحدة

الله يكرمكم بالراحة علي البنت هي موش ناقصة ولا مستحملة و اهدوا كدا و صلوا علي النبي يمكن يهدا و يعقل هو واضح انه عصبي بزيادة و معروف العصبي غلالالالالاط هو زودها حبتين اه بس مين عارف يمكن ربنا يهدي و اهي تبقي حاولت بردوا عشان لا قدر الله لو حصل حاجة ما تبقاش قدام نفسها انها ما حاولتش تصلح المواضيع و استسهلت و انفصلت و في نفس الوقت الأنفصال موش سهل طبعاااااااااا و كلنا عارفين ده الله يخليكم اللي تقول رأيي تحط نفسها جوة الموضوع ده موش عريس متقدم لوحدة و هي بتاخد رأينا علي مواصفاته تقبل ولا لأ ده بالفعل خطيبها و أكييييييييد في مشاعر و حب و حاجات كتير هي بس تحسها لكن احنا الكلام بالنسبة لنا ساهل

بطة يا قمرايا طمنينا عليكي و قولي كل جديد و ياااااااارب خالك يحلها و كلمة ناشز دي لا قدر الله اللي موش بتلبي جوزها اما يطلبها و حاجات كدا يعني للمتجوزززززززززين حتي المكتوب كتابهم ما يقولوهاش بصراحة عشان كدا الكلمة دي نرفزت كل البنات ربنا يهدي لك الحال يااااااااااااااارب اللهم امين يا رب العالمين
ا
عاوزة كمان اقولك حاجة لو جه اعتذر و حسيتي باعتذاره انه زعلان عشان عمل كدا اكيد حتسامحيه بس بجد لو ناوية فرح قريب او لو كنتي قراية فاتحة و لسا في حفلة خطوبة اجلي اي حفلة شوية و حطيه شوية تحت الأختبار عشان لو فضل كدا يبقي حيفضل كدا للأبد و حتتعبي في حياتك معاه و ربنا يسهلك امورك ياااااااااارب و صلي صلاة الحاجة و ادعي ربنا لو فيه خير يقربه منك و لو فيه شر يبعده عنك و ربنا يكتب لك الخير يااااااااارب حبيبتي
e
نصيحتي لج صلي صلاة الإستخاره ..
أ
السلام عليكم ورحمة الله وبركاته

حياكن الله جميعا وكل عام وانتن بخير

اولا اختي الحبيبة انصحك بالاستخارة

ولكن أقعدي مع نفسك كدة وشوفي العيوب وصدقيني ساعات واحدة تيجي تقول هو طيب اوي بس لما بيتنرفز

بيبهدلني وممكن يضربني مثلا طيب كام مرة ممكن أي واحدة تستحمل وسبحان الله الشواهد ادامك كتيرة

خطيبك حاسس انه املة واحسن منك وانه تكرم منه بارتباطه بيكي وصدقيني يا حبيتي دة عمره ما هيتعدل

الا في حالة واحدة اذا حصلت لية مصيبة كبيرة وربنا فوقه

انا ليا صديقة حبيبة ليا وصاحبة عمري قعدت تحب في زوجها للاسف خمس سنين وكمان قريبها المهم

اتجوزت اول اسبوع زواج ضربها بالقلم لانهم اختلفوا انا طبعا استغربت قالت ليه اصله كان بيشتمني

وبيقل ادبه عليا ومرة ضربني اثناء الخطوبة بالبوكس (تخيلوا) وبرضه كان حاسس انه املة بالنسبه ليها

وهيا احسن منه في كل حاجة ماديا اجتماعيا اهلها كل حاجة حتى تربيتها.

المهم كملت الخطوبة قال عشان بتحبه قال وبعدين اية اللي حصل طبعا عيشتها معاه زي الزفت وقلة الادب

والافترا زاد لانها طيبة وبنت ناس معاه اوي وواضح ان دي سمة في معظم الرجالة بتوعنا اما الست تكون طيبة

وتحب وتظهر مشاعرها وتتدلق زي ما بيقولوا يبدأ بقا نوع من التغيير والتعالي على الراجل لية مش عارفة.

عشان كدة حبيتي انصحك بالاستخارة اولا ومتسمعيش كلام اي حد هيقولك اصله هيتغير بعد الجواز

مافيش حد بيتغير لو طبعه وحش او اخلاقه وحشه الا من رحم ربي!!!

ولاننا مجتمع فيه غرابة اوي لو جية لواحدة واحد والناس عارفة انه مش كويس يخافوا يشهدوا شهادة الحق

قال عشان البنت تستر طيب ما هي هتتستر وترجع بيت ابوها بعدها بكام شهر ويمكن معاها عيل

انتي اللي تقدري تحددي شخصيته بس عشان تبقي عارفة الشخص العصبي اللي ميعرفش يحكم نفسه وكلامه
وتصرفاته لو انتي مش ناوية تسيبيه يبقا تسمعي كلامه واوعي تتناقشي معاه وانا بقلك كدة عن تجربة

الاعتذار مش كلام لازم يحس انك نعمة من ربنا لازم تتصان ولو شايفة انه وحش افسخي الخطوبة وصدقيني

باذن الله هتلاقي اللي احسن منه الخسارة القريبة احسن من البعيدة يا حبيتي



وفقكي الله لما يحب ويرضى
أ
انستاسيا;7113776:
امة الله و مسلمة موحدة

الله يكرمكم بالراحة علي البنت هي موش ناقصة ولا مستحملة و اهدوا كدا و صلوا علي النبي يمكن يهدا و يعقل هو واضح انه عصبي بزيادة و معروف العصبي غلالالالالاط هو زودها حبتين اه بس مين عارف يمكن ربنا يهدي و اهي تبقي حاولت بردوا عشان لا قدر الله لو حصل حاجة ما تبقاش قدام نفسها انها ما حاولتش تصلح المواضيع و استسهلت و انفصلت و في نفس الوقت الأنفصال موش سهل طبعاااااااااا و كلنا عارفين ده الله يخليكم اللي تقول رأيي تحط نفسها جوة الموضوع ده موش عريس متقدم لوحدة و هي بتاخد رأينا علي مواصفاته تقبل ولا لأ ده بالفعل خطيبها و أكييييييييد في مشاعر و حب و حاجات كتير هي بس تحسها لكن احنا الكلام بالنسبة لنا ساهل

بطة يا قمرايا طمنينا عليكي و قولي كل جديد و ياااااااارب خالك يحلها و كلمة ناشز دي لا قدر الله اللي موش بتلبي جوزها اما يطلبها و حاجات كدا يعني للمتجوزززززززززين حتي المكتوب كتابهم ما يقولوهاش بصراحة عشان كدا الكلمة دي نرفزت كل البنات ربنا يهدي لك الحال يااااااااااااااارب اللهم امين يا رب العالمين


مع احترامي ليكي يا جميل احنا لما شدينا مش بنشد عليها هي وأنا وضحت لها كويس من مشاركتي انه هو اللي معصبني مش هي

هي صعبانة عليا علشان مش لاقية حد قريب منها يعرفها اللي ليها

وفي نفس الوقت الانفصال مش سهل ماشي، بس ايه الأحسن نفضل نطبطب عليها ونقول لها اصبري يمكن يتغير يمكن ما عرفش ايه، ولما تتجوز وتخلف تبقى بجد مش طايقاه ويذلها ولا هتطول منه حق ولا باطل؟؟ ولا توقفه عند حقه دلوقتي ولو ما اتعدلش تنساه وتكمل حياتها، من قلة الرجالة يعني في البلد

معلش أنا وانتي مصريين وعارفين الرجالة المصريين لما بيتعوجوا بيبقوا عاملين ازاي، وأنا والله والله والله وأنا غير حانثة عمري ما بنصح واحدة بحاجة أنا مش هعملها لو أنا مكانها

بصي يا قمر اللي بيخلي الرجالة يفردوا عضلاتهم علينا إننا بنديهم أكبر من حجمهم، الراجل بياخد حجمه بتصرفاته وبأخلاقه ولا هما بس عارفين حقوقهم وحقوق الستات محدش اداهم فكرة عنها وتلاقي كل فكرته عن الستات انهم ناقصات عقل ودين ولا هو فاهم الحديث ولا هو بيفهم أصلاً لأنه لو كان راجل بجد كان عرف ازاي يحافظ على احترام خطيبته أو مراته ويكبر نفسه في عنيها بجد مش بالخوف

وفي النهاية أنا لي بس تعليق جانبي صغير على مشاركتك الخطوبة مش معمولة علشان نحب بعض فيها، لأ دي معمولة علشان أفهم الراجل اللي قدامي ده صح وأحكم عقلي قبل قلبي الراجل ده ينفع أبني معاه حياة تخلي ربنا يرضى عني وتدخلني الجنة في الآخر ولا لأ
بس الحب ممكن يحصل طبعا غصب عن الواحدة بس في النهاية لازم تختار بعقلها لأن قلبها هيكره الراجل ده بعد 6 شهور لو فضل يتعامل بالمنظر ده وتبقى ساعتها لا قلبها ارتاح ولا عقلها ارتاح

يا ريت بجد محدش يزعل مني ربنا وحده يعلم إني بتفاعل مع مشاكلكم زي ما تكون مشاكلي أنا ومش ببخل على واحدة بحاجة أنا عارفاها

فيا ريت تعتبريني أختك الكبيرة اللي اتعصبت لك مش اتعصبت عليكي
أ
معلش إضافة صغيرة للموضوع

ماما الله يكرمها كانت دايما تقول لي اللي ميشلنيش تاج على راسه ما البسوش جزمة في رجلي

يعني أنا أهلي ربوني ودلعوني ولا عمري اتشتمت ولا اضربت في بيتنا وبعدين ييجي راجل غريب يشتم ويهزأ لأ وبكرة يضرب كمان لأنه شايف انها مش أملا هو اللي أملا

طيب لو قلنا هي قلت أدبها عليه كنا قلنا لها عيب ونعذر الراجل أعصابه فلتت بس هي مش عملت له حاجة أصلا

أمال لو كانت عملت له حاجة كان عمل فيها ايه؟؟ يقتلها بقى علشان مش تعمل كده تاني

والله يا بطة انتي لو فكرتي بعقلك هتعرفي تعملي ايه من غير كل الرغي اللي أنا عمالة أرغيه ده

ربنا يوفقك للخير
ت
انستاسيا;7113776:
امة الله و مسلمة موحدة

الله يكرمكم بالراحة علي البنت هي موش ناقصة ولا مستحملة و اهدوا كدا و صلوا علي النبي يمكن يهدا و يعقل هو واضح انه عصبي بزيادة و معروف العصبي غلالالالالاط هو زودها حبتين اه بس مين عارف يمكن ربنا يهدي و اهي تبقي حاولت بردوا عشان لا قدر الله لو حصل حاجة ما تبقاش قدام نفسها انها ما حاولتش تصلح المواضيع و استسهلت و انفصلت و في نفس الوقت الأنفصال موش سهل طبعاااااااااا و كلنا عارفين ده الله يخليكم اللي تقول رأيي تحط نفسها جوة الموضوع ده موش عريس متقدم لوحدة و هي بتاخد رأينا علي مواصفاته تقبل ولا لأ ده بالفعل خطيبها و أكييييييييد في مشاعر و حب و حاجات كتير هي بس تحسها لكن احنا الكلام بالنسبة لنا ساهل

بطة يا قمرايا طمنينا عليكي و قولي كل جديد و ياااااااارب خالك يحلها و كلمة ناشز دي لا قدر الله اللي موش بتلبي جوزها اما يطلبها و حاجات كدا يعني للمتجوزززززززززين حتي المكتوب كتابهم ما يقولوهاش بصراحة عشان كدا الكلمة دي نرفزت كل البنات ربنا يهدي لك الحال يااااااااااااااارب اللهم امين يا رب العالمين


أولاً جزاكِ الله خيرا على التنبيه

ثانيا انا اتمنى ان مشكلتها تتحل بإذن الله زي ما أتمنى لنفسي بالظبط لو عندي اي مشكلة

ثالثا يا حبيبتي في بعض النقاط يمكن عديت عليكي او مخدتيش بالك منها

أول حاجة انتي قولت الأنفصال مش سهل أكيد كلامك صح بس هيا طلبت رأينا وانا قولت رأيي من باب حب لأخيك ما تحبه لنفسك ووالله الذي لا إله إلا هو أنا بقول الكلام ده بصدق لأني لو اتحطيت في نفس الموقف مش هتحمل ان حد غريب يعاملني بالطريقة دي ولا حتى هديله فرصه انه يكمل كلامه لأني معلش يعني انا من بيت ناس وناس محترمين الحمد لله وأحسبهم على خير وده مش أسلوبنا في حياتنا يبقا ايه اللي هيجبرني على كده ؟؟؟ يا فرحتي بالحب والمشاعر اللي مفيهاش احترام ومعاملة كلها ذل!!!!
فما بالك ان ده هيبقا زوجها بإذن الله وعلاقة من أسمى العلاقات فين بقا الموده والرحمه وهو قالها كلمة أعتقد انه مش فاهم معناها ونسى كلام سيد الخلق علية الصلاة والسلام ( رفقا بالقوارير) (وأتقوا الله في النساء) تفتكري انه بالأسلوب ده بيتقي الله فيها ؟؟؟ وأكيد انت كمان متحبيش لنفسك كده والأسلوب ده ولا ايه رأيك ؟؟؟

تاني حاجه يا حبيبتي بالنسبة لموضوع الخطوبة هيا الخطوبة دي أصلا تعتبر وعد بالزواج لأ أكثر يعني والهدف منها انك بتشوفي هو ده الزوج الصالح المناسب ليكي ولا لأ
أما موضوع الحب ده بقا فممكن يجي أثناء الخطوبة وممكن ميجيش إلا بعد الزواج بالعشرة الطيبة والمعاملة الحسنة واللي أهم من الحب الإحترام ومعلشي يعني هيا لسه في الأول وبتتعرف عليه ده حتى في ناس بتحاول تبقا كويسه في فترة الخطوبة وتتجمل عشان تبين لخطيبتها انها كويسه فما بالك انها بتقول انه بيهينى وبيشتمني وبيقلل من قيمتها
تفتكري هتشوف منه المعاملة الكويسة امتى بعد الزواج !!!
قلما في ناس بتتغير بعد الزواج إلا من رحم ربي
وعلى رأي واحده صحبتي كانت دايما بتقولي اللي يبيعني ابيعه واكسب فيه

ده كل اللي كان في بالي وربنا شاهد عليا
وربنا يعملها اللي فيه الخير ليها
والله المستعان
ا
امة الله و مسلمة موحدة

ايه يا بنات انتو زعلتوا مني ولا ايه والله ما قصدي حاجة تضايقكم و فاهمة كلامكم جداااااا و عارفة انكم بتنصحوها بس انتو اتنرفزتوا جامد في ردودكم عليها و انا وضحت في ردي ان كلامه هو اللي نرفزكم و مسلمة حبيبتي كلامك صح و طبعا ما ارضاش بكدا و لو تلاحظي قولت لها لو اتصالحتو ما تعمليش اي حفلة قريب عشان تدرسه لأن اللي فيه داء عمره ما حيبطله و لو اتكرر منه ده تاني يبقي ما خسرتش حاجة و وقتها حتبقي مقتنعة بالأنفصال اكتر و ده كله حيبان من رد فعله و ربنا يوفقها للي فيه الخير يااااااااارب

ايه رأيكم بكرة عند الفطار ندعو لها كلنا و لكل البنات ياااااااااااااااااارب ياااااااااااارب ربنا يفك كربنا اللهم امين يااااااااارب العالمين
ت
انستاسيا;7114679:
امة الله و مسلمة موحدة

ايه يا بنات انتو زعلتوا مني ولا ايه والله ما قصدي حاجة تضايقكم و فاهمة كلامكم جداااااا و عارفة انكم بتنصحوها بس انتو اتنرفزتوا جامد في ردودكم عليها و انا وضحت في ردي ان كلامه هو اللي نرفزكم و مسلمة حبيبتي كلامك صح و طبعا ما ارضاش بكدا و لو تلاحظي قولت لها لو اتصالحتو ما تعمليش اي حفلة قريب عشان تدرسه لأن اللي فيه داء عمره ما حيبطله و لو اتكرر منه ده تاني يبقي ما خسرتش حاجة و وقتها حتبقي مقتنعة بالأنفصال اكتر و ده كله حيبان من رد فعله و ربنا يوفقها للي فيه الخير يااااااااارب

ايه رأيكم بكرة عند الفطار ندعو لها كلنا و لكل البنات ياااااااااااااااااارب ياااااااااااارب ربنا يفك كربنا اللهم امين يااااااااارب العالمين


لا يا حبيبتي مزعلتش والله بس أحيانا البتر بيكون أفضل العلاج ومينفعش يكون في حل وسط
انا اللي زعلني الأسلوب بتاع خطيبها وحاسه انها طيبة أوي أوي لأقصى درجة ومش عارفه تاخد حقها


بإذن الله هدعيلها وكل بنات المسلمين وربنا يفك كرب كل مكروب ويوفقنا إلى ما يحب ويرضى
وجزاكِ الله خيراً

آمين آمين آمين
B
انا بجد مكنتش متخيله ابدا ابدا ان فى ناس حتهتم بيا حتى من غير ما تشوفنى او تعرفنى... انا حدعيلكم كتيييير اوى و انتم عارفين دعوة المظلوم...
انا بجد صعبانه عليا نفسى... مش عارفه ازاى يتعمل فيا كده... تصوروا انه حتى مرفعش سماعه التليفون يسأل عليا من امبارح....
خالى قالى انه حيظبطه جامد اوى و حيفوقه بس انا حاسه انه مش كفايه... مش عارفه اقول لبابا و لا لأ؟؟؟؟
انتم عارفين انا متردده اقول لبابا ليه؟؟ عشان انا مش عارفه ايه الى حيحصل لو قلت لبابا... هل بابا حيوقف ضدى و لا معايا؟؟؟ و المشكله ان خطيبى قادر على انه يقلب الدنيا عليا .....
عشان كده انا بفكر استنى لحد ما خالو يقعد معاه... و اشوف ايه الى حيحصل...
انا حاسه انى مقبوضه اوى يا بنات و خايفه ... و الاكتر من ده كمان ان انا اهلى ضد تماما فكرة فسخ الخطوبه يعنى لو قلت انا عايزة انفصل حلاقى نار لا اول ليها و لا اخر اتفتحت فى وشى....
عشان كده لازم يوم ما اقول انا عايزة اسيبه يكون فعلا قرار نهائى مفيهوش رجعه عشان محدش يقول عليا عيله و بقول كلام و برجع فيه....
انا بس مشكلتى ان الصدمه الى انا فيها مخليانى مش عارفه افكر....
ادعولى بالله عليكم
عايزة كمان اقول ان الحده فى الكلام مش مزعلانى خالص بالعكس... انا مش حاسه ان فى اى حد قال اى حاجه غلط... انا حاسه ان كلكم اخواتى... انا عندى 22 سنه يمكن فيكم اكبر او اصغر بس كلكم دلوقتى اخواتى الكبار....
ربنا يكرمكم كلكم يا رب...
خالو قالى متصلش بيه خالص... و انا فعلا مش حتصل بيه بس ارجوكم ابقوا اطمنوا عليا مش تنسونى... عشان لو حصل انفصال اكيد حكون محتاجه انكم تكونوا معايا
X