ناني فيبس;7122676:
بس المالتي كويك كمان يعتبر فيها كبه
لان ليها سلاح لفرم اللحوم وواحد تاني للخضار او التلج
الزيادة بس هو الخلاط فعلا
لكن الايد الطويله اللى في مالتي كويك دي اعتقد بتقوم بعمل الخلاط
لكن الكيتشين ماشين في حاجة تانيه لكن مش مهمة اوي زي اسلحة للتقطيع الترنشات كدة يعني
انا فتحت موقع براون وفضلت اقارن بينهم بس مفهمتش حاجة اكتر من الكلام دة
البراون دى انا محضره فيها دكتوراه
لانى كنت محتاره اوى فى موضوع الفود بروسر والكايتشين ماشين
وياترى اجيب كلهم بمتور واحد ولا اجيب كبه لوحده وخلاط لوحده وكده يعنى
وبجد بجد المالتى كويك بتاعة اسامه اطيب السته فى واحد دى تحفه فيها كل حاجه ماعدا العجانه الكبيره
الفرم والطحن والتقطيع والهرس ومضرب البيض وجرش التلج وفيها اسلحة البشر والترنشات
الا بقا هواة العجيبن والمعجنات والمحترفات يعنى هيحتاجوا عجانه
ومن كلام ناس كتير بيستخدموا بروان من اكتر من 15 سنه موتورها احسن من مولينكس
وحمالة قسيا وعمليه جدا
انا كنت هجيب المولينكس الــ 22 عمليه .. والله حسيت نفسى محتاسه وكذا قطعه
وفيها حاجات ملهاش لزمة وظيطه على الفاضى
طبعا دى وجهة نظرى وبس :D
boky2010;7123959:
بنااااااااااااات ازيكوووووووووا كلكوا اولا وحشتوووونى جدااااا
اولا عنى استفسار ونفسى كلكوا ترودوا علية ومتخذلونيش لانى بجد محتاجلكوا
ومحتاجة اسمع ارائكووووا
لانى محتارة جدا بجد
بصوا بقى انااااا عاجبنى تحت اوى ركنات موووووووف وانتريهات موووووف
عاجبنى اوى فلو جبتهممم موووووف طبعا هاعمل حيطة موف ايه رايكم ولا اللون هيبطل
هوووو الراجل قالى مش مشكلة يغيرلى القماش انا محتااااارة بين الموف والنبيتى
انى الاشيك والاحسن للعين
كمان عاوزة حاجة مش ترووح موضتهااااا بجد ارجوووووكم عاوزة ارئكم كلكم بجد يهمنى اعرف
وجهة نظر كل بنوتة منكم والف شكر مقدما وادعووووووولى بجد يابنات
سيبك يابوكى من الملل بتاع ده موضته هتروح وده موضته مش عارفه ايه
اشترى اللى عاجبك واللى مرتاحه فيهم مش كل حاجه بقى نقيد نفسنا بمليون قيد
هنعمل اللى نفسنا فيه امتى بقا
ده خايفين يتوسخ وده خايفين موضته تروح وده خايفين الناس تقول شكله مش قيم
بصى انا عملت ايه خليت الريسبشن كله فى لمسة استيل ((السفره والصالون ))
والنوم والليفنج والمطبخ غالب عليه المودرن واخترت الالوان اللى عجبتنى من غير اى قيود ومن غير ما انا وخطيبى ناخد راى حد فيهم خالص
بنختار باحسسنا واللى حسين اننا هنبقى مرتحين فيهم
لان دول اكتر حاجه هتستخدميها ولازم تحسى براحه اوووووووووووووى
واذا كا ياستى على موضوع اللون انت ممكن بعد كام سنه تغيرى اللوان المخدات وتغيرى لون حيطه
او الستائر مع شوية اكسسوارات والله هتحسى بتغير وهتهربى من موضوع ان موضيتهم راحت
واختارى الحاجه بذكاء وتكون مش غاليه اوى لان الليفنك ده بالذات انا شايفه ان المفروض كل سنتين يتغير عشان الواحد مش يحس بالملل
ودى وجهة نظرى ويارب اكون فدتك ياقمر
شموسه (:;7107500:

ايه رائيكم يابنات فى الكاسات دى


m@hy;7107550:
حلو اوى الكاسات دى
بكام لو سمحتى؟
للاسف هما هديه يامى :(
مش عارفه هما بكام
dyana;7108932:
شموسه الكاسات تحفه اوى ممكن بليز تقوليلى جايباهم منين وبكام ؟:wink:
انا مبسوطه انهم عجبوكوا
ان شاء الله هحطهم فى النيش
lele_love;7109815:
جميله مووووووووووووووووووت انا جايبه منها بس طويله شوية مش قصيرة زي بتاعتك وكانت ب45 جنيه انتي جايباها بكام ولو عندك صور لباقي حاجتك حطيها
طب بالله عليكى تقولى لى جايبه الطوال من فين عشان هموت واجيبهم عشان يبقوا طقم كده وهيبقى شكلهم حلو اوى فى التقديم( فى الصينيه ) لما الضيوف يكونوا كتير :D
[QUOTE=سارة المزعورة;7109834]كاااااااااااااااام 45 ازاى
دى الى تحت دة سفل والى فوق دة حفر
انا جيباها ب 150 الستة
انتى جايبها منين
منين 45؟
اسم على مسمى ياساره
ههههههههههههههههههه
يابنتى زعرتينى وزعرتى البنت
45 من 150 مش كتير
ههههههههههههههه
ياترى اصدق مين فيكم بقا !!!
يارت تقولوا كل واحد جابت من فين عشان انا عايزه اشترى الطوال
:D:D:D
اشرى;7109849:
ميرسى يا سويتى على الرد هحاول بس يارب اقدر بجد مشكلتى الحقيقية انى بحب اشوفة على طول وبقولة كدة دايما ولما بيجى ويقرب يمشى بجد ببق هعيط وفعلا مرة عيط عيلة مش كدة معرفش دة ايةدة واللة يلا ربنا يشفينى ويتوب عليا
فى سوال بقا بجد لية المبالغة فى حاجة المطبخ بجد هيا الناس مش حاسة بالدنيا ولا اية وبجد يا بنات بلاش التهريج دة فى حاجة المطبخ لية يعنى لازم تيجيبى التيفال والبيركس والالمونيوم والاستالس ستيل والصاج وطقم الصينى والبيركس العسلى والبورسلين الى هو 20قطعة وشنطة المعالق والمعالق الفرد.................... بذمتكم زهقتم صح انتوا بقا عارفين شوية الحاجات الى انا قولتها دى هتعمل كام الف؟ بجد بجد ركزوا معايا كدة ونقول مع بعض اية المهم واية الى نص نص واية الاستهبال
عندك حق مليون فى الميه والله انا اى حاجه قبل ما اشتريها بفكر دى هستخدمها فى ايه بالظبط وياترى عندى بديل ليها بيقوم بنفس الدور
وفى مكان للمطبخ ليها وهحطها فين بالظبط
والحمد لله لحد دلوقتى ما فيش حاجه حاسه انى جبتها افترى
حتى الحاجات اللى بحس انها تشبه بعضها ببدل مع اختى او صحبتى او اديها لماما لانى اصلا بكره الكركبه وفوق كل ده والله هنتسال على كل حاجه جيبنها
من اول الحاجات ام 2.5 لحد اغلى حاجه
خاصة والله يابنات ان فى بنات فى العشوائيات بيجوزا من غير حتى الحلل
والحمد لله انا وصاحبى عاملين جمعية خيريه
والسنه اللى فاتت بفضل الله جوزنا خمس عرايس وعرسان
وكل واحد فينا طلع حاجات من الجهاز بتاعه
بالله عليكوا يابنات فكروا دايما فى الناس اللى اقل منا وفى ان كل ما هنبسط الدنيا هندى الشباب والبنات اللى اصغر مننا انطباع ان الجواز مش صعب وان احنا اللى ممكن نسهل كل حاجه
وسمحونى على الاطاله
:o