تجهيزات عرايس مصر الجزء ال 93

meshmesh_romio 28-08-2008 1,009 رد 29,415 مشاهدة
b


و ده ضهر الفستان
س
عاشقة الرحمن دينا;7123173:


ممكن تقولولي رأيكم في الفستان ده
انا مش عارفه اللينك هتشتغل و لا لا بس عاوزه رايكم و لو عجبكم فكره عشان يتقفل محجبات


حلو وممكن يتقفل ب بلورو لو
لكن دة عايز واحدة طويلة يكون احسن علشان الذيل يحب الطوال القصيرة الزيل هايبين قصرها وكمان عايز حد مش عندة ديفو فى جسمة من البطن
ولا من الظهر خالص لازم يكون فرعها سارح
ومعدهاش هانش كبير
ق
toty858;7121177:
بصي ياقمر انا جبت الخلاطات بتاعتى والحاجات دى من حوالي شهر ونص من محجوب اللى في البحر الاعظم
وبالنسبة لاسعار الدش طبعا متفاوتة على حسب الماركة يعنى الصينى بيبتدى من 300 وبعد كدة بئة في ماركات ب 600 وفي ب 2000 وشفت دش ب 15 الف :)
والفواطة الاستانلس بئة رخيصة هيا والاكسيسوريز بتاعت الحمام زى بتاعت المناديل و بتاعت الصابونة وكدة والفواطة بتكون في حدود من60 ل 150
والخلاطات الايديال بتبدا من 1200


ميرسى جدااااااااااااااااااا

انستاسيا;7121795:
موش فكرة عيوب يا قمر بس الصيني بجد ملوش بديل ده رأيي و اللي انتي ترتاحي له اعمليه يا قمرايا

بنات سؤال غريب بس معلش استحملوني:o بأذن الله بأذن الله ان عيشنا و كان لينا عمر ياااااارب رمضان السنة الجاية ممكن يكون امتي في الشهر الميلادي يعني بتتحسب ازاي


اطرحى 13 يوم.

Qlb Hassan;7121910:
ممكن تجيبيلو ماكينة حلاقه جيليت قيمه امواس مش كهربا
مقولتوليش يا بنات اسعار الملايات ايه عند العامريه واجيب كام وحدا
وبعدين انا لسه مش هجيب اوضة نوم دلوئتى يبئى اجيب الملايا مقاس ايه للسرير ؟


الملايات مقاس واحد.

sosiii;7121984:
متهيألي معظم السراير او كلها 180 هاتيها 180

يابنات ادخلوا شجعوني. اعملوا اي حاجة كدة

:21_176: http://www.3roos.com/forums/t377191.html


لا السراير فى منها 150 و160 و180 .

kitty_kity;7122908:

هاتيله فانوس :D
لا بجد..هاتيله مصحف التجويد..بيبقى جميل اوي وكل مايقرا فيه هتاخدي ثواب
انا شفت الحجم الكويس منه كبير بس مش اوي يعني وكان تقريبا ب40 جنيه
ايه رايك؟؟


بناااااااااات عايزة فتوى تقول ان رفض كتب الكتاب حرام:D:D
اصل بجد الي انا فيه كدا حرام..انا حاسه ان رمضان هيضيع مني ماينفعش مانكلمش بعض وف الوقت نفسه فتاوى ابن باز وابن عثيمين بتقول ان بعد عقد القران يجوز انهم يكلموا بعض او يبعتوا لبعض الرسائل :D
وبابا العزيز رااااااااافض بيقولي هاتيلي مبرر منطقي وانا اكتبه بكره
اريد حلا بسررررررررررررررعه


على فكرة الكلام مش حرام ولا حاجة طول مانتوا مخطوبين. عادى جدا انه يكلمك قبل الفطار او بعده. طالما بتتكلموا فى حدود يبقى خلاص. ومفيش كلام كده وكده يعنى. وده اصلا الحدود الطبيعية للخطوبة. بس لو بنعديها فى الاوقات العادية بلاش نعديها فى رمضان.
meroo012;7122726:
يابنتى ما فى عندك مولات فيها لس وحاجات فى 6 أكتوبر. مش كده ولا ايه؟ وعندك المهندسين والهرم اقربلك ميت مرة من مدينة نصر. واللى هتلاقيه هنا هو اللى هناك.


بيبو يا حبيبتى انتى مفهمتيش سوالى انا بسال ايه هيا انواع ماركات الانجيرى والاقيها فين مش بسال على لبس خالص بس عايزة اعرف الماركات ؟


سارة المزعورة;7123136:
انا عايزة اعرف هو اية الاحسن فى كنك القهوة
الاستالس ولا الالمونيوم ولا التيفال
وكمان براد الشاى الصاج ولا الالمونيوم والاستالس
وكمان انتوا بتحطوا الجبن والزيتون وكدة فى
علب بلاستيك ولا ازاز
وكمان احنا رتمنا لية بطىء فى الجزء دة
b
و انا اعمل ده كله ازاي يا ساره
انا طولي 165 و وزني 59
و كعب بقي و حركات و ممكن معملش ديل اصلا
انما البطن بقي اوديها فين
هوا عموما انا مش عندي بطن
بس المشكله ان مش لاقيه حد يعمله بسعر كويس
عشان انا بسأل في الاتيليهات عشان يطلعوه مظبط بيقولو 3000 و حاجات كده
طب 3000 و لا 3500 ما اشتري جاهز و لا انتوا ايه رأيكم
س
عاشقة الرحمن دينا;7123246:
و انا اعمل ده كله ازاي يا ساره
انا طولي 165 و وزني 59
و كعب بقي و حركات و ممكن معملش ديل اصلا
انما البطن بقي اوديها فين
هوا عموما انا مش عندي بطن
بس المشكله ان مش لاقيه حد يعمله بسعر كويس
عشان انا بسأل في الاتيليهات عشان يطلعوه مظبط بيقولو 3000 و حاجات كده
طب 3000 و لا 3500 ما اشتري جاهز و لا انتوا ايه رأيكم

والنتيجة برضة مش مضمونة

هو كدة برضة انتى تنزلى تجيبى المضبوط عليكى
لونة ماشى معاكى تفصيلتة ماشية معاكى
كلة على بعضة شبهك انزلى ولفى وشوفى
انتى وانتى بتلفى علشان تشترى هاتلاقى تشكيلة الابيض اكثر من الملون فى المحلات

بصى فى بنات هنا قالوا ان فى محلات فى ممر الكونتينتل وممر الشيراتون بيحيطوا فستاتين السوارية والخطوبة دى شغلتهم وان الفستان بقماشة بتفصيلة بيقف ب 1000 تقريبا 1000 وشوية
وان كل ما كان الفستان بسيط ومافيهوش حركات كثير والتطريز خفيف كل دة بيفرق فى السعر

انا من رايى تشوفى موضوع الفرست بوز دة
تشوفى اتيلية يخيطة على مقاسك وعلى حجمك وياجروا ليكى وترجعية المحل ثانى
يبقى منك لبستى حاجة على مزاجك ومنك وفرتى فى التكلفة ومنك ما كومنيش حاجة عندك مالهاش لازمة وبس

وبعدين انتى نفسك فى خطوبتك الى هاتعمليها فى اوتيل فى نادى دى طبعا هاتلبيسلها حاجة منفوشة ولو نفسك فى زيل مافيش مانع من الاخر مش هاينفع حاجة سوارية عادى لو انتى هاتعملى فى اماكن من دة لانك انتى العروسة ولازم يكون شكلك مختلف عن باقى الناس
وطبعا مش منطقى انك تستخدمى الفستان دة وانتى معزومة فى مناسبة هاتبقى اوفر جداااااااااااا
اما لو هاتعمليها فى البيت ففاطبعا مش هايكون فى مجال لفستان منفوش وكدة فهمتينى

وطبعا اهم حاجة فى اليوم دة انك نكونى واثقة فى نفسك وانك تكونى نايمة كويس وتكون اعصابك هادية لان كل دة بيبان على الوش
والف مبروك يا ست البنات
b
سارة المزعورة;7123371:
والنتيجة برضة مش مضمونة

هو كدة برضة انتى تنزلى تجيبى المضبوط عليكى
لونة ماشى معاكى تفصيلتة ماشية معاكى
كلة على بعضة شبهك انزلى ولفى وشوفى
انتى وانتى بتلفى علشان تشترى هاتلاقى تشكيلة الابيض اكثر من الملون فى المحلات

بصى فى بنات هنا قالوا ان فى محلات فى ممر الكونتينتل وممر الشيراتون بيحيطوا فستاتين السوارية والخطوبة دى شغلتهم وان الفستان بقماشة بتفصيلة بيقف ب 1000 تقريبا 1000 وشوية
وان كل ما كان الفستان بسيط ومافيهوش حركات كثير والتطريز خفيف كل دة بيفرق فى السعر

انا من رايى تشوفى موضوع الفرست بوز دة
تشوفى اتيلية يخيطة على مقاسك وعلى حجمك وياجروا ليكى وترجعية المحل ثانى
يبقى منك لبستى حاجة على مزاجك ومنك وفرتى فى التكلفة ومنك ما كومنيش حاجة عندك مالهاش لازمة وبس

وبعدين انتى نفسك فى خطوبتك الى هاتعمليها فى اوتيل فى نادى دى طبعا هاتلبيسلها حاجة منفوشة ولو نفسك فى زيل مافيش مانع من الاخر مش هاينفع حاجة سوارية عادى لو انتى هاتعملى فى اماكن من دة لانك انتى العروسة ولازم يكون شكلك مختلف عن باقى الناس
وطبعا مش منطقى انك تستخدمى الفستان دة وانتى معزومة فى مناسبة هاتبقى اوفر جداااااااااااا
اما لو هاتعمليها فى البيت ففاطبعا مش هايكون فى مجال لفستان منفوش وكدة فهمتينى

وطبعا اهم حاجة فى اليوم دة انك نكونى واثقة فى نفسك وانك تكونى نايمة كويس وتكون اعصابك هادية لان كل دة بيبان على الوش
والف مبروك يا ست البنات


ميرسي يا حبيبة قلبي
ممر الكونتنينتال عارفاه مش ده اللي في وسط البلد؟؟
انما ممر الشيرتون ده فين معلش الجهل وحش
اه و كنت عاوزه اسال علي حاجه كمان في الاجزاء القديمة من المنتدي كان في بنانيت بتتكلم عن محلات في الموسكي اسمهم ابو النيل و تيوليب و ندي
تعرفي حاجه عنهم او عن الموسكي
k
انا جبت فستاني من ندا ياعاشقه الرحمن
بس من مدينة نصر
بس لما استلمته كنت هروح ف يوم كان في موكب رئاسي فبعتهولي الموسكي لان مدينة نصر مقفولة..عشان الزيارة وكدا
فلما رحت الموسكي حسيتها زحمة اوي ومعرفتش اركز ف حاجه اساسا فيها بس بنت خالتي كانت بتدور على سواريه يوميها بس ماشفناش حاجات حلوة اد كدا
m
mrba_riko;7119324:
هااااااااااااااااااااااااى يا بنات ازيكم وحشتووونى جدا جدا جدا
اتأخرت عليكم و فاتنى جزء كامل ومش هاقدر اقراه فاعذرونى لو سألت على حاجة متكررة
وانشاءالله هاصور لكم شقتى قريب

اول حاجة
الف الف الف مبروووووووووووووووووك ل حبيبتنا مشمش روميو وربنا يهنيكم ويفرحكم ومستنيين ترجعى لنا تانى

تانى حاجة
sossii انا كنت عاملة فرحى عند ms بس الكلام ده كان من 3 سنين وهو بنفسه بيعمل الشعر وممتاز بس فيه مشكلة ضخمة جدا ان ميعاد فرحى كان 7 خرجت من عنده 7 الا ربع وفيه مشكلة تانية كمان ان زباينه بيديلهم اهتمام اكبر بس دى مش مشكلة لان الاتنين بيخرجوا حلوين من عنده وبالنسبة لمشكلة الاولى انتى ممكن تقولى له ان ميعادك بدرى ساعتين مثلا

تالت حاجة
رحت ماك ولقيت عنده مشايات ودواسات تحفة
كل اللى ناقصاها دواسات تروح عليه على طول


ميرسى ياقمر ربنا يخليكوا ليا يارب وعقبال كل البنات يارب
انا عايزه اجيب دواسه لباب الشقه من بره بكام هناك؟


اشرى;7119445:
بجد معلش بقالى يوم زنص مش عارفة ادخل النت كان فى مشكلة عندى معلش بقا
انا اخر مشاركة ليا كنت بقول ان حاجاة المطبخ بجد فى حاجات كتير ملهاش لازمة ومش عملية ولازم نعترف ان احنا بنجيبها عشان فلانة جايباها وعلانة عندى وبنت خالتك جابت؟هو انتى اقل منها؟ ....................... كلامى مظبوط ولا لا انا هقولكم بقا انا هعمل اية وهجيب اية باذن اللة وشوفى كلامى صح ولا لا؟ ولو غلط نصحح مع بعض انا عندى سعة صدر احنا اخوات ولا اية؟


(y)(y)(y) كلام جميل وكلام معقول مقدرش اقول حاجه عنه ههههههههههههههه

Qlb Hassan;7119509:
البنات اللى اتجوزو سؤال تانى معلش
بتنضفو الشقه بايه بتلبسو ايه يعنى ؟


انا لسه مدخلتش دنيا ههههههههه بس انا واخده معايا حاجات كنت بلبسها فى بيت ماما قلت البسها وانا بنضف عشان مبهدلش هدومى الجديده
m
mashimaro16;7120020:
مبروك يا مشمش رومو خلاص هانت يا جميله على خير :)

بنات بصوا
انا خطيبى كان مسافر وجه من السفر الحمدلله وطبعا جايبلى هدايا معاه وكل مره بييجى يزورنى بيبقى جايبلى معاه حاجه
وهوا قالى انه جابلى الفانوس :)
انا بقى عايزه اجبله هديه ومش عارفه
جبت قبل كده كل حاجه اعتقد ممكن تتجاب
جبت برفيوم وجبت قميص وساعه وميداليه فضه ... وحاجات تانيه عبيطه
قوللولى هديه اموره اجبهاله بس متبقاش غاليه :)

حد يعرف المحلات بتفتح بعد الفطار الساعه كام؟


الله يبارك فيكى يامشموشه وعقبالك
بصى ممكن تجبيله ماكينه حلاقه جيليت هى بحوالى حاجه وخمسين كنت جايباها هى بتقعد كتير ولو معاكى فلوس تانى هاتى معاها الفوم بتاع الحلاقه مثلا او افتر شيف حاجه كده يعنى
س
عاشقة الرحمن دينا;7123411:
ميرسي يا حبيبة قلبي
ممر الكونتنينتال عارفاه مش ده اللي في وسط البلد؟؟
انما ممر الشيرتون ده فين معلش الجهل وحش
اه و كنت عاوزه اسال علي حاجه كمان في الاجزاء القديمة من المنتدي كان في بنانيت بتتكلم عن محلات في الموسكي اسمهم ابو النيل و تيوليب و ندي
تعرفي حاجه عنهم او عن الموسكي


ايوة فى وسط البلد
انا معرفش فين بتاع الشيراتون وعمرى ما روحتة بالصراحة

الموسكى قالوا فيها فساتين افراح بس فى ناس قالوا كويسة وفيها تحف وناس قالو مش قد كدة روحى وشوفى
ابو النيل وتيوليب فى عمارات العبور الالثنين جنب العجيل
ندى دة بتاع فساتين تاجير ومعرفش مكانة بالضبطولية فرع فى الموسكى
k
لا ندى بيع بس مفيهوش تاجير ياسارة :)
او كان كدا على ايامي
س
بيبو انت عملتى اقتباس لمشاركتى الى عن كنك القهوة ولم تردى عليا يا ترى لية
وكمان كيتى انتى بتجهزى فى حاجتك ولا لسة مش ابتديتى ؟
س
ديانا وسالى لية مش باينين
الفستان قبل الفرح باد اية؟
k
ايوا ياسارة انا ابتديت اجهز
او بمعنى ادق انتهيت هههههههههههههههه تقريبا جبت كل حاجه بس فاضل حاجات بسيطة
بنات البشكير الي بيتلف ده عملي ولا البرنس احسن؟
b
joy&peace;7116580:
بصي يا جميل انا كمان مطبخي صغير بس عملت حاجة في بار استانلس بيتعلق عليه الحاجات ممكن تعلقي عليه حاجات كتير ماجات - مساكات - طاسات كده


معلش انا محتاجه صوره جدا لا انا في امس الحاجه لصوره لاني المطبخ حق حق حق
سؤال هو فيه بنوته هتتجوز في رمضان ولاانا بهيس اكيد بهيس صح؟
بنات فيه واحده مننا اقترحت اقتراح لذيذ ان اللي شاريه او مفصله فستان فرح او خطوبه تعرضه واحنا ناجره والله يا ريت
اولا هتستفيد بدل ماهي ركناه خصوصا لو كان فستان فرح مركون مركون يا ولدي
ثانيا هنتعرف علي بعض اكتر ونشوف بعض
ثالثا وده الاهم والعملي اننا نحمي نفسنا من جشع اصحاب الاتيليهات لانهم بصراحه حاجه صعب وتقرف
انا ده رايي بصراحه وشوفوا وفكروا انا شخصيا من اكتر الحاجات اللي قرفاني موضوع فستان الفرح ونفسي فعلا في حاجه زي دي انا اصلا صاحبتي عرضت علي فستانها بس انا بامانه مش معجبه بيه اطلاقا بس لقيتها فكره لطيفه وعمليه
م
بعد اذنكو يا يساعدني ربنا يخليكو وحسنة قليلة تمنع بلاوي كتيرة
حد يعرف اسعار اتيليه عادل ابو هميلة لفساتين الفرح ياريت تردوا عليا ربنا يكرمكو دنيا وآخرة يارببنات لو ممكن حد
b
الميك اب حلو جدااااااااااااا
و الطرحه تجنننننننننن
ما شاء الله
التفاصيل بسرعة
فين وعند مين و بكام و كده
ن
انا كل اللى اعرفة من صاحبتي ان البنت اسمها ريهام عدلي ومكنها في سالي مول
المول دة ورا السراج مول في شارع مكرم عبيد عموما انا ريحلها ان شاء الله وهجبلكوا كل التفاصيل الممله
م
صباح الخير يا بنات
ياريت حد يقولى على نوع كريم او زيت للشعر الجاف او ماسك
او اى حل:sm215:
b
سارة المزعورة;7123459:
[

يالهوي انتي هتوديني ف داهيه :D
انا لسا مش كتبت كتابي ياسارة وبابا مش موافق لان مش شايف مبرر منطقي
وانا شايفه ان في مبرر منطقي الي هو ان غصب عننا ساعات الكلام بيكون رومانسي وماعتقدش ده حلال..فهمتي حاجه؟؟؟


اة فهمت وبقولك مش حرام اتكلمى زى ما انتى عايزة بس ماتزوديهاش قوى
انتى تعرفى تعملى كنترول كويس
وكلام بابكى صح كتب كتاب اية وانتوا لسة امامكم 2 سنة
احنا بنهرج ولا بنهرج :D
يا بنتى زى ما ربنا هو مولف القلوب هوة برضة مقلب القلوب
متزعليش منى لكن هى دى الحقيقة
انا افهم حد يكتب كتاب قبلها بشهر اثنين او 5 زى امة اللة لكن 2 سنة لالا اهوا دة الحرام بجد
اية الفاكهة المحرمة اية الزل دة [/QUOTE]

انا مش شايفه زيك كده بصراحه ليه بقه لاني حاسه بيكي جدا جدا جدا
انا شايفه انه كتب الكتاب في الحلات دي ضروري
بصي صعب اوي تاخدي علي حد كده والكلام ليه اخر يعني ليه اخر
الحب والرومانسيه موجودين بس فيه اخر للخطوبه وفيه مرحله بيقف فيها الكلام في الزور
بصي هو ايه الجواز الفه وعشره بين اتنين مشكلتنا الوقتي ان الالفه والعشره لما بتطول زي 4 سنين بتبقى خلاص لازم تنتقلي للمرحله التانيه وهي دي اللي انا كمان في موقفك وبطالب بيها بس احنا عندنا مشاكل من نوع اخر وعقد بعيد عنك فحاسه بيكي انا وصلت اني قلتها لخطيبي كده انا خلاص شايفه ان بعد كل السنين دي 5 سنين علي فكره انا خريجه 2004 وعرفنا بعض في اخر سنه رابعه في الكليه بجد قلتله لازم يكون فيه خطوه تانيه مش قادره اقولكم الاكتئاب اللي الواحد بيكون فيه لما يحس انه مش المفروض اكلمه في رمضان
ياااااااااااااااااااااااااااااه بصوا انتوا خايفين عشان لسه سنتين صح
طب ليه لسه سنتين انا بسالك لانه ممكن تفكروا ازاي تختصروا الوقت يعني مش معقول هتكتبي كتابك سنتين بحالهم يا بنتي الشيطان شاطر دي بقه بجد وجع قلب عن حق اكتر حتى من الخطوبه
احنا بنحاول نعجل الجواز علي قد ما نقدر لدرجه اني كنت بفكر الغي موضوع الزفاف مع اني اصلا والله لبسنا الدبل سرا كده ولا اي منظر كنت لابسه انا وهو كاجوال اصلا و اختي وانا كنا لابسين لبس واحد كان طقم كاجوال حربي كده ههههههههههههههههههه
بس قلت اخيرا وافقوا مش مشكله المهم نتخطب وخلاص
فكري ازاي تسرعي الجواز وتصلي استخاره وصلاه حاجه لله عشان ربنا يسير لك الخير وتتجوزوا وخلي بالك انه مهما كان بيحبك صعب كتب الكتاب لمده سنتين لانه بيحبك فاهماني ولا لا ؟:o
عشان مكونش مخالفه هقولكم اشتريت ايه في البلاستيكات وبكام للفايده
اولا الجردل بالشرشوبه الهلال والنجمه بتلاتين جنيه
وايد الشرشوبه فيه ب2 ونص
وفيه الايد الصيني ب 1 جنيه
انا اشتريت اتنين صيني وواحده ب 2ونص قلت اجرب
و بتاع غسيل ب 19 جنيه سبت غسيل يعني
و الجاروف ببتاعته تقريبا ب 9 مش فاكره بصراحه
مكنسه ب 9 جنيه الهلال والنجمه
و 12 شماعه بلاستيك ب 7ونص
وتلات شماعات خشب صيني ب 6 جنيه
و طبق غسيل صغير ومحندق ب 10جنيه
و طبق للنقع صغنون ب 2ونص من محلات 2ونص
حبل للنشير المتر ب20 قرش جبت 20 متر
والنهارده هشتري طبق كبيييييييييييييييييييييييييييييييييييييييييييييييييييييييير اوي
وهشتري بتاعة الحمام بتنظيف
وهشتري راس العبد دي
X