newlife;7090458:
ممكن يا بنات نمرة رضوى رشوان طلبتها كذا مرة أرجوكم عدم التطنيش
كمان يا جماعة لو الواحدة حتتجوز فى الشتا حيبقى ايه الحل فى موضوع اللانجيرى يعنى حيتلبس ازاى ممكن توضحولى
أنا اتجوزت في الشتاء
وشقتي برررررررررررررد
فجبت دفاية :D
بصي الموضوع مش بيبقى سهل أوي بس انتي هاتي دفاية وهاتي سيشوار ومش لازم تعملي شعرك سيشوار كل مرة تستحمي بس لو الدنيا برد أوي ممكن تشفيه نص تنشيف كده علشان مش تتجمدي (أصلي مش بعرف أنام وشعري مبلول:ss:)
Batta_Fares;7090969:
انا اصلا ضد فكرة انى ابات فى اوتيل او ابات برة اول كام يوم من الجواز.... انا عايزة مثلا نقضى اول اربع خمس ايام فى البيت و بعد كده نسافر او نعمل اى حاجه.. عشان نحس ان ذكرى اول يوم زواج مرتبطه بالشقه مش بمكان غريب... خصوصا لو حبينا نحتفل بعيد زواجنا حيبقى طعمه احلى انى اعمله عروسه زى ليله الدخله بالضبط حتكون اسهل فى احياء الذكرى و لا ايه رأيكم...؟؟؟؟
في البيت كمان حاجتك كلها بتبقى حواليكي وصدقيني هتحتاجيها، فبتحسي بنوع من الألفة بس الصراحة أنا اقرف إن ليلة الدخلة تبقى في الأوتيل، بوجه عام أنا بقرف من الفنادق مووووووت
سارة السويت بتتعمل قبل الفرح بأقل فترة ممكنة يعني لو ينفع تعملي اليوم اللي قبل الفرح علطول اعملي
عادة بتبقى ليلة الحنة قبل الفرح بيوم أو اتنين بالكتير أعملي سويت يوم الحنة الصبح وخلي المنطقة الحساسة تبقى قبل الفرح بيوم واحد لو انتي متعودة على السويت ومش بيطلع لك حبوب أو كده
فراشة الإيمان;7091077:
انا يابنات مش عارفه احجز فرحى فين
انا عايزة حاجة مايكونش سعرها عالى
لانه اصلا معهوش فلوس للفرح
يعنى هايستلف علشان نعمل فرح
فعايزة حد يقولى على قاعه تكون شكلها كويس
وسعرها بردو كويس
لاحسن الموضوع ده قالقنى قوى ونفسيتى بقت زفت من موضوع الفلوس دى
المبلغ اللي هيستلفه قد ايه؟؟ وانتوا عازمين ناس قد ايه تقريباً؟؟ علشان العدد هيفرق في المكان والسعر.
m@hy;7091361:
بنااااااااااااااات بالله عليكم ردو علياااااااااااااااااااا
عاوزة حاجة تخلى السراميك يرجع يلمع
بلييييييييييز
النقاش قالى اعملى جاز و زيت على بعض هيلمع
هو ايه اللي حصل له؟؟ لو وقع عليه بياض شيليه الأول بجاز أو تينر وبعدين يتمسح كويس أنا بمسح عندي في البيت بخليط كلوروكس على ديتول على صابون سايل حوالي كباية من كل حاجة واملا بقية الجركن (3 ليتر) مية لما بنمسح بيه السيراميك بيبقى منور بفضل الله ، وأكيد طبعاً مش بستعمل الجركن كله بناخد منه شوية ونخففهم بمية تاني وندلق على الأرض بيعمل رغوة كتير وبعدين أعمل بفرشة خشنة علشان أي حاجة لازقة تطلع وفي الآخر يتشطف.