تجهيزات عرايس مصر الجزء ال 93

meshmesh_romio 28-08-2008 1,009 رد 29,415 مشاهدة
s
mishmish2010;7088573:
انا روحته يا جميل وبصراحه مش عاجبنى شغلهم مش حلو حسيته مش شيك خالصصصص وكمان مدخل المكان والمكان نفسه مش حلو ده رايى وانا مستنيه منك نمره اللى فصل لك الستاير ياريت تبعتلى التفاصيل كلها




عندك حق والله انا كمان حسيت كدة ومارتاحتش لما رحت بس علشان انا مش من القاهرة وماعرفش حاجة فماما قعدت تقوللي اجيبها وخلاص بقي والله انا بقي عندي اكتئاب من الموضوع دة طيب من وجهة نظرك ترشحيلي مين؟؟؟؟؟؟؟
ورقم بتاع الستاير باذن الله يكون عندك بكرة ماتقلقيش علشان بس الرقم مع ماما وهي نامت خلاص اول ماتصحي هاجيبهولك علي طول
أ
Qlb Hassan;7087546:
بيبو بتقولى فى الازهر من جوا
ممكن توصفيلى فين لانى رحت درب سعاده ملئتش محلات كتير والازهر ده فى كوبرى كدا وتحتيه عربيات وعلى الناصيه رجب العطار وجنبو بتوح مفارش سرير امشي فين تانى بئا؟


خلى رجب العطار على شمالك وامشى علطول هتلاقى بقى من جوه كدا بتوع القماش ستاير بقى وقماش تفصيل وسجاد وكل حاجه

sosiii;7088626:
عندك حق والله انا كمان حسيت كدة ومارتاحتش لما رحت بس علشان انا مش من القاهرة وماعرفش حاجة فماما قعدت تقوللي اجيبها وخلاص بقي والله انا بقي عندي اكتئاب من الموضوع دة طيب من وجهة نظرك ترشحيلي مين؟؟؟؟؟؟؟
ورقم بتاع الستاير باذن الله يكون عندك بكرة ماتقلقيش علشان بس الرقم مع ماما وهي نامت خلاص اول ماتصحي هاجيبهولك علي طول


بصى انتى ساكنه فين وانا هشوفلك كوافير



بنات ميرسى يا حبايبى على التقييم والله معرفش التقييم دا غير دلوقتى بالصدفه والله ميرسى ميرسى على الكلام الحلو المكتوب

ثانك يو
s
أسيرة حنانه;7088667:
خلى رجب العطار على شمالك وامشى علطول هتلاقى بقى من جوه كدا بتوع القماش ستاير بقى وقماش تفصيل وسجاد وكل حاجه



بصى انتى ساكنه فين وانا هشوفلك كوافير



بنات ميرسى يا حبايبى على التقييم والله معرفش التقييم دا غير دلوقتى بالصدفه والله ميرسى ميرسى على الكلام الحلو المكتوب

ثانك يو



جزاكي الله خير انا مش من القاهرة بس باذن الله هاتجوز واقعد في القاهرة وهاعمل الفرح في دار الهيئة الهندسية فكنت عايزة كوافيرة تجيلي الدار يوم الفرح او من قبلها بيوم مثلا علشان تعملي ماسكات قبل الميكب وحواجب وكدة ياريت والله تقوليلي لو تعرفي حد احسن انا متوترة اوي الايام دي وحالتي النفسية صعبة جدا:ss:
s
صحيح حد سمع عن واحدة اسمها سالي الخياط ؟؟ واحدة قالتلي عليها واداتلي الكارت بتاعها وعاملة جروب علي الفيس بوك حاطة فيه شغلها بس لسة مش فتحته علشان الكارت مع ماما برضو:o
ياتري حد يعرفها؟؟؟؟؟؟؟؟؟
B
اولا شكرا جدا جدا انكم ضيفتم اسمى معاكم... انا افتكرت انكم مش حتضيفوا اسمى...
ثانيا انا عملت زى ما قلت ملخص من موضوع جومانا لكل لملكن الافراح باسعارها و نظامها فى القاهرة و ضيفت كمان من اسكندريه... و حفضل اضيف من اسكندريه عشان انا لسه بلف على الحجز... يا ريت تبقوا تشوفوا الموضوع و تقولولى رأيكم http://go.3roos.com/U3J98GOr0Kz
ثالثا بقى ايه يا جماعه مفارش السرير الى تعقد الى انتم حاطين صورها دى.. على فكرة مينفعش كده لما تحطوا صورة حاجه حلوة قولولى بتتجاب منين عشان انا بشبط و بفضل افكر فيها طول الوقت و بأرف من حاجتى..

رابعا: بالنسبه لصور الشبكه اولا الف مبروك لاختك ثانيا نصيحه بجد بلاش الاطقم لان صحبتى جابت طقم اولا مش بيبقى قيم اوى ثانيا الكوليه و الحلق تقريبا مركونين... ففكرى كده مثلا الشبكه فى حدود 5 الاف لما تجيبى بال 5 دول خاتم و اسورة طقم مع بعض اقيم و لا لما تجيبى طقم مكون من 5 قطع؟؟؟؟

خامسا انا مضايقه و نفسيتى فى الارض اليومين دول عشان مفتقده ماما اوى... و كل ما اشوف حماتى و هى مهتمه بخطيبى احسده... و انا اخواتى كلهم رجاله كبار مش فاضيينلى :( ادعولى بقى

سادسا انا نفسى اعمل كتب الكتاب يكون فى نفس يوم الفرح... ايه رأيكم فى الفكرة؟؟؟ ز ازاى ممكن تتنفذ؟؟
h
نسيتي تقولي تبوس ايدة ور جلة علشان عطف عليها واتجوزها


سارة المزعورة;7073813:
كل فتاه

متزوجه وغير متزوجه...


وهذا موضوع حساس

لكن هذه الامور قد تفيدكم في حياتكم ومشمش العروسة





من حق الرجل على زوجته (وهذا حق متبادل) ان ينظر اليها كأنثى وليست ست بيت فقط.. مهام المرأة في البيت، أولاً وقبل كل شيء، تبدأ بالزوج ثم تأتي باقي المسئوليات تباعا.. قد تقول قائلة: إنها لا تقصر في حقه فهي تطبخ له أطيب الأكلات، وتغسل ملابسه بأجود المساحيق، وتجعل البيت يلمع ويبرق وغيره وغيره.. والرد المنطقي المطروح على هذا الكلام هو أنه لم يأت بك إلى بيته لتطبخي وتغسلي وتنظفي ..كان يقدر أن يأتي بخادمة وانتهى الأمر..

فالزوج بحاجة الى أن ينظر اليك كأنثى ترغب به قبل أن يرغب بها هو فالرجل يحتاج الى الإحساس أن شريكته تحبه وترغب في التواصل الحميم معه في أي لحظة اي أن لا تكون الرغبة من طرف واحد فقط.. ومن حقك أن تطلبي منه ذلك إذا كان سلبياً دون مبرر لعدم رغبته تلك كمرض إو ارهاق شديد لا يحتمله.
من الأساليب الفعالة لدعوة الزوج إلى الفراش هو التعامل الذكي مع حواسه وهذا ما سنوضحه لكِ في السطور التالية:

العين: عين الرجل تنظر الى أماكن في المرأة لا تتوقعها لذا يجب عليها أن تلبس له أجمل الثياب وليس شرطا هنا ان تكون ثياباً شبه عارية فالرجل بطبعه يمل من كل شيء عند التكرار ولكن يوماً بيوم فيوم تلبسين له ثيابا تكشف أكثر مما تستر كالثياب الضيقة او القصيرة جدا او التي تكون عبارة عن خيوط تكشف وتغطي في آن واحد.. ويوماً تلبسين له ثوبا يسترك من رأسك لقدميك ولا يظهر منك شيء ليس هذا فقط بل يمكنك ان تُعملي خيالك فتبتكرين له من الازياء ما لا يخطر على باله كأن تأتي بفستان عادي ورخيص وتضيفي عليه لمساتك الخاصة فتجعلينه عندما يراكِ وهو نائم يستيقظ ولا يستطيع النوم مرة ثانية وهكذا..
ومن المسائل المحببة إلى الرجل التغيير والتنويع في المظهر مثل تغيير تسريحة شعرك وأيضا طريقة مكياجك يوم خفيف ويوم ثقيل يوم ألوان فاقعة ويوم ألوان هادئة ومن الوسائل النسائية الفعالة في جذب الزوج خطواتك وطريقة مشيك أمامه عليك أن تظهري له ما تقدرين عليه من دلال.

الأنف: الرجل لا يحب النوع الواحد من العطور، لذا عليك التنويع في رائحتك وكل مرة تضعين عطرا لا تكرريه في اليوم الثاني، مرة عطرا ومرة بخورا وهكذا حتى إن الرجل أحيانا قد يحب أن يشم رائحة شريكته على طبيعتها بدون أي عطور أخرى وقد يعتبر رائحتها أفضل من أي عطر من أغلى العطور.

الأذن: الصوت المغناج يثير خيال الرجل اذا سمعه من وراء جدر فكيف اذا كان أمامه.. فالرجل يحب سماع صوت شريكته لذا عليك إخفاض صوتك والحديث معه بدلال وصوت يكاد يذوب من الرقة، والهمس أكثر إثارة..
- دلليه بطريقتك، فمثلا لو كان مرهقا من العمل اعملي له "مساجاً" ودلكيه برفق ونعومه وستلاحظين أنه سيكون البادئ في مداعبتك وسيسعى إلى تبديل الأدوار ليقوم هو بعمل المساج لكِ.
- قبليه كثيرا، وقت النوم وعندما يصحو، وقت مغادرته للعمل وعند العودة، واهمسي في أذنيه بأنك ستكونين بانتظاره وستشتاقين اليه كثيرا.
- أتصلي به في العمل بين الحين والآخر وأخبريه كم أنت مشتاقة اليه ولسماع صوته.
- فاجئيه بالمناسبات المهمة التي تغيب عن ذهنه، كأول يوم تعرفتِ عليه ويوم الزواج والخطوبة وفاجئيه بحفلة بسيطه يحضرها أنتما الأثنان فقط والبسي له ما شئت كفسان ضيق قصير وشبه عاري، وقدمي له هدية حتى لو نسى هو هذه المناسبة لا تعاتبيه بل أشعريه بأنك لا يمكنك نسيان هذه التواريخ المهمة والسعيدة، ودوني هذه التواريخ في مفكرة صغيرة.
- اجعلي البيت نظيفا ومرتبا وتفوح منه الروائح الطيبة، وجهزي ملابسه دوما وبخريها وعطريها ولمعي أحذيته.
- الزوج عادة يشعر براحة بالغة اذا كنتِ تحترمين أهله وتبتعدين عن افتعال المشاكل، فحاولي أن تكسبي حب واحترام أهله وبالأخص والدته لأن الكثيرات يعانين من المشاكل مع حمواتهن، حاولي أن تحترميها وتحبيها كوالدتك، قبليها فوق رأسها كلما زرتِها أو حتى لو كنتِ تسكنين معها، قدمي لها الهدايا المناسبة واشتري لها ما تشترين لوالدتك فذلك يسعدها.
- اذا وجدتِ زوجك مهموما ومتضايقا، فحاولي التخفيف عنه بالكلمة الطيبة، واذا لم يقبل هدّئيه بدلالك له وكأنه طفل صغير.
- تسوقي معه وحاولي أن تشتري حاجياتك برفقته، لكي تأخذي ذوقه فذلك يشعره بالفخر، وبالأخص في ملابس النوم التي سترتدينها له وتختاري الألوان التي تعجبه، ولا ضرر في مفاجئته بملابس اشتريتها وحدك.
- إذا كنتي زوجة عاملة، فساعديه في مصروف البيت ولا تبخلي بشيء.
- .
- أطيعيه واسمعي كلامه، ولا تخرجي من غير إذنه واذا ذهبت الى حفلة أو مناسبة مسائية فحاولي ألا تتأخري، وضعي في الحسبان أن هناك زوجاً ينتظرك ويريد الاطمئنان عليك.
- وهناك الكثير من الطرق ما يجعلك أسعد إنسانة بوجود زوجك في حياتك.
__________________
منقوووووووووووووووووووووووووووووووووووووووول علشان الحلوين
السويت يا حلوين ازاى بتمسوكوها ؟
P
على طريق العرس;7088279:


الف مبروك لها وعقبالك
طيب مينفعش صور للحاجات دى :o



[Batta_Fares


عندى صورة السفرة هجيبهالكم لما اروح الشغل كمان شوية انما المطبخ هسألها
P
Batta_Fares;7088772:


خامسا انا مضايقه و نفسيتى فى الارض اليومين دول عشان مفتقده ماما اوى... و كل ما اشوف حماتى و هى مهتمه بخطيبى احسده... و انا اخواتى كلهم رجاله كبار مش فاضيينلى :( ادعولى بقى

أولا لازم تعرفى ان فى ناس كتير حواليكى بتحبك أنا مش عارفة مامتك فين بصراحة يمكن فيه بوست وقعت منى بس بجد احنا هنا كلنا اخواتك و انا اول واحده أهو يا ريت بجد تعتبرينى أخت ليكى أنا كمان مفتقدة ماما (متوفية من زمان) بس ده النصيب و قضاء ربنا و اكيد ربنا شايلنا عنده حاجة حلوة يعوضنا بيها فدايما كده خلى بالك أن ربنا معاكى و من بعده الناس اللى بيحبوكى

سادسا انا نفسى اعمل كتب الكتاب يكون فى نفس يوم الفرح... ايه رأيكم فى الفكرة؟؟؟ ز ازاى ممكن تتنفذ؟؟


ممكن المأذون يجيلك القاعة بتحصل كتير جدا

P
Princess_miro;7089383:
عندى صورة السفرة هجيبهالكم لما اروح الشغل كمان شوية انما المطبخ هسألها


سفرة صاحبتى اللى النجار عملهالها يا بنات

ع
بتجهزوا اسمحولي اسالكم سؤ ال مستعجل قوي
عاوزه اشتري مفرش سر ير اللي يكون معه طقم حمام كامل وياريت لوحد منكم يعرف سعره تقريبا ومنين بالضبط وفيه الوان منه يارت تردوا عليا بسرعه

انا سالتكم ومحدش رد ياريت تردوا عليا بسرعه لانيمحتاجه قوي وانا حامل ومش قادره الف ادور ياريت تفيدوني بسرعه
k
زيكم يابنااااااااات انا جيت تاني
ف الجزء الي فات على طريق العرس كانت بتتريق على موضوع الهجري والميلادي :)
واحب من موقعي هذا اقولها جملتي الشهيرة :)
الفضا يعمل اكتر من كدا هههههههههههههههه
وبعدين هي مناسبه واحده الي بنهتم بيها اوي كدا..ووخصوصا ان تاريخها الهجري بردو مميز :)

وبعدين ياستي ادينا بنتسلى ..امال هنقضي السبع تمن سنين ازاي

نيجي للمهم بقى..انا كنت ف القاهرة وهقولكم نتيجة جولاتي تباعا
في ف بي تك شفت بوتاجاز وفرن بلت ان ..اليونيفرسال كان المسطح 5 شعله ب1400
والفرن ب2270

والبقية تاتي :)
k
برنسيس السفرة دي عملهالها بكام؟ ومين الي عملهالها؟ وطلعت ايه نظامها؟

عروس حيرانة؟ مش فاهمه ازاي مفرش سرير معاه طقم حمام
P
kitty_kity;7089527:
برنسيس السفرة دي عملهالها بكام؟ ومين الي عملهالها؟ وطلعت ايه نظامها؟

عروس حيرانة؟ مش فاهمه ازاي مفرش سرير معاه طقم حمام


أولا يا ستى أنا تقولى لى ميرو (برينسيس بين البرينسيسات؟:rolleyes:)

ثانيا السفرة عملهالها تقريبا بسبعة أو سبعة و نص و طلعت نسخة ما شاء الله تحفة

ثالثا أنا كمان مش فاهمة يا عروس حيرانة
ق
مشتاقة الى الجنة;7087196:
الف مبروك يابنات على الجزء الجديد جاية متأخرة معلش وياربيكون فاتحة خير علينا كلنا
وليه سؤال هو انى احسن البطانية المفرد وله المجوز انا بصراحة احترت وياريت لو فيه مجوز مريحة حد يقولى عليها وايه احسن انواع البطاطين

بصى لماالبرد بيكون لسة فى اوله بنستعمل البطانية المفرد. ولما الشتا بيدخل جامد بنستعمل بطانيتين فوق بعض او مكانهم المجوز بس كده.

Qlb Hassan;7087546:
بيبو بتقولى فى الازهر من جوا
ممكن توصفيلى فين لانى رحت درب سعاده ملئتش محلات كتير والازهر ده فى كوبرى كدا وتحتيه عربيات وعلى الناصيه رجب العطار وجنبو بتوح مفارش سرير امشي فين تانى بئا؟


بصى انا مش فاكرة المكان بالظبط بس هسألك ماما ان شاء الله. بس احنا لما رحنا ماكناش عارفين وسألنا بياعين القماش اللى هناك على محلات الملايات وهم قالولنا.

على طريق العرس;7088279:


ازيك يا بيبى يا قمر كنتى فين الفتره اللى فاتت؟؟؟؟ ولا انا اللى مكنتش بدخل :o
بنت خالتى عملت كده برضه كانت شقتها ما شاءالله 5 اوض وصالتين ومكنتش عارفه تعمل فيهم ايه وقفلت اوضه ودلوقتى لما جابت اولاد وكبروم وفرشتهم مش عارفه تحط الحاجه بتاعتها فين من كترتها



انا جايبه فرشة الازايز دى من كارفور اسكندريه واكيد هتلاقها فى القاهره ان شاءالله



ميرسى يا قمر. كنت مسافرة:D
يارب الاقي من الفرش دى النوع الكويس عشان كل اللى بلاقيه قدامى اى كلام. لو رحت كارفور بقى ان شاء الله ابقى ابص عليها. ميرسى ايا جميل.

Batta_Fares;7088772:
اولا شكرا جدا جدا انكم ضيفتم اسمى معاكم... انا افتكرت انكم مش حتضيفوا اسمى...
ثانيا انا عملت زى ما قلت ملخص من موضوع جومانا لكل لملكن الافراح باسعارها و نظامها فى القاهرة و ضيفت كمان من اسكندريه... و حفضل اضيف من اسكندريه عشان انا لسه بلف على الحجز... يا ريت تبقوا تشوفوا الموضوع و تقولولى رأيكم http://go.3roos.com/U3J98GOr0Kz
ثالثا بقى ايه يا جماعه مفارش السرير الى تعقد الى انتم حاطين صورها دى.. على فكرة مينفعش كده لما تحطوا صورة حاجه حلوة قولولى بتتجاب منين عشان انا بشبط و بفضل افكر فيها طول الوقت و بأرف من حاجتى..

رابعا: بالنسبه لصور الشبكه اولا الف مبروك لاختك ثانيا نصيحه بجد بلاش الاطقم لان صحبتى جابت طقم اولا مش بيبقى قيم اوى ثانيا الكوليه و الحلق تقريبا مركونين... ففكرى كده مثلا الشبكه فى حدود 5 الاف لما تجيبى بال 5 دول خاتم و اسورة طقم مع بعض اقيم و لا لما تجيبى طقم مكون من 5 قطع؟؟؟؟

خامسا انا مضايقه و نفسيتى فى الارض اليومين دول عشان مفتقده ماما اوى... و كل ما اشوف حماتى و هى مهتمه بخطيبى احسده... و انا اخواتى كلهم رجاله كبار مش فاضيينلى :( ادعولى بقى

سادسا انا نفسى اعمل كتب الكتاب يكون فى نفس يوم الفرح... ايه رأيكم فى الفكرة؟؟؟ ز ازاى ممكن تتنفذ؟؟


ربنا يعينك يا جميل ويقويكى. واحنا كلنا اخواتك هنا.(f)
انا برضه هكتب كتابى يوم الفرح ان شاء الله فى القاعة. بعد الزفة وكده واول مابندخل القاعة المأذون بيجى ونكتب الكتاب وبعد كده باقى فقرات الفرح بتتم عادى ان شاء الله.
وربنا يتمملك بخير.(f)
m
ازيكم يا بنوتات وحشتونى ووحشنى الموضوع بتاع العرايس
انا كان فرحى يوم 17-7 و استفدت من هنا جدا
و يا ريت لو حد عاوز حاجة يسألنى

على فكرة يا بيبو انا كمان عملت كتابى فى نفس يوم الفرح اقتصادا للمصاريف
ق
manshooo;7089736:
ازيكم يا بنوتات وحشتونى ووحشنى الموضوع بتاع العرايس
انا كان فرحى يوم 17-7 و استفدت من هنا جدا
و يا ريت لو حد عاوز حاجة يسألنى

على فكرة يا بيبو انا كمان عملت كتابى فى نفس يوم الفرح اقتصادا للمصاريف


مبروووووووووووووووووووووووك يا عروسة (f) وعقبال البيبى ان شاء الله (f)

لا انا هعمله يوم الفرح عشان بابا مش موافق نكتب الكتاب قبليه. ولو وافق نكتبه يوم الفرح يبقى كتر خيره بصراحة :ss:

قوليلنا بقى اللانجيرى فعلا مش بيستعمل الا بأعداد قليلة ولا ايه؟
وعملتى الميكب بتاعك فين؟
J
Batta_Fares;7088772:
اولا شكرا جدا جدا انكم ضيفتم اسمى معاكم... انا افتكرت انكم مش حتضيفوا اسمى...
ثانيا انا عملت زى ما قلت ملخص من موضوع جومانا لكل لملكن الافراح باسعارها و نظامها فى القاهرة و ضيفت كمان من اسكندريه... و حفضل اضيف من اسكندريه عشان انا لسه بلف على الحجز... يا ريت تبقوا تشوفوا الموضوع و تقولولى رأيكم http://go.3roos.com/U3J98GOr0Kz
ثالثا بقى ايه يا جماعه مفارش السرير الى تعقد الى انتم حاطين صورها دى.. على فكرة مينفعش كده لما تحطوا صورة حاجه حلوة قولولى بتتجاب منين عشان انا بشبط و بفضل افكر فيها طول الوقت و بأرف من حاجتى..

رابعا: بالنسبه لصور الشبكه اولا الف مبروك لاختك ثانيا نصيحه بجد بلاش الاطقم لان صحبتى جابت طقم اولا مش بيبقى قيم اوى ثانيا الكوليه و الحلق تقريبا مركونين... ففكرى كده مثلا الشبكه فى حدود 5 الاف لما تجيبى بال 5 دول خاتم و اسورة طقم مع بعض اقيم و لا لما تجيبى طقم مكون من 5 قطع؟؟؟؟

خامسا انا مضايقه و نفسيتى فى الارض اليومين دول عشان مفتقده ماما اوى... و كل ما اشوف حماتى و هى مهتمه بخطيبى احسده... و انا اخواتى كلهم رجاله كبار مش فاضيينلى :( ادعولى بقى

سادسا انا نفسى اعمل كتب الكتاب يكون فى نفس يوم الفرح... ايه رأيكم فى الفكرة؟؟؟ ز ازاى ممكن تتنفذ؟؟


اولا ياحبيبتى احنا هنا كلنا اخواتك ومش عايزه نفسيتك تتعب خالص ثانيا اللينك مش شغال
ثالثا فكرة كتب الكتاب فى الفرح حلوه وبيبقى ليها بهجه اختى كانت عامله كده فى فرحها وكان حلو اوى
manshooo;7089736:
ازيكم يا بنوتات وحشتونى ووحشنى الموضوع بتاع العرايس
انا كان فرحى يوم 17-7 و استفدت من هنا جدا
و يا ريت لو حد عاوز حاجة يسألنى

على فكرة يا بيبو انا كمان عملت كتابى فى نفس يوم الفرح اقتصادا للمصاريف


مانشو ياجميه
مبروك
قوليلنا اخبار الجواز ايه ولو ليكى اى نصيحه كلنا اذان صاغيه
m
pippo;7089756:
مبروووووووووووووووووووووووك يا عروسة (f) وعقبال البيبى ان شاء الله (f)

لا انا هعمله يوم الفرح عشان بابا مش موافق نكتب الكتاب قبليه. ولو وافق نكتبه يوم الفرح يبقى كتر خيره بصراحة :ss:

قوليلنا بقى اللانجيرى فعلا مش بيستعمل الا بأعداد قليلة ولا ايه؟
وعملتى الميكب بتاعك فين؟


الله يبارك فيكى و عقبالك ان شاء الله تبقى احلى عروسة
والله يا بنتى كتب الكتاب فى نفس اليوم احسن كتير وخلى بالكوا ان دلوقتى لازم تعملوا كشف طبى قبل الجواز احنا ماخدناش القسيمة الا لما جبنا شهادات طبية للمأذون:ss:

اللانجيرى بينفع طبعا:wink: مش موضوع عدده اد ايه حسب ميول جوزك انا كنت جايبة 6 منوعين من قمصان لبيبى دول و بنوع فيهم مش كل يوم يعنى لا كل كام يوم كدة

و كنت عاملة حاجة حلوى اوى مثلا عندى بيبى دول لحمر فى اسود عبارة عن برا و بيكينى و شورت
فلبست البرا و البكينى دول مع روب قميص نوم احمر
فاهمة يعنى تعملى ميكس بينهم


الميكب عملته عند اسماء الجندى اللى هى مساعدة عشوب و بجد طلع تحفة وهى فنانة و بتعرف تظهر جمال الوش و تدارى العيوب كل الناس عجبهم جدا

و جاتلى ب 1200 جنيه ولو روحتيلها بتاخد 800
m
Jumanaa;7089827:
اولا ياحبيبتى احنا هنا كلنا اخواتك ومش عايزه نفسيتك تتعب خالص ثانيا اللينك مش شغال
ثالثا فكرة كتب الكتاب فى الفرح حلوه وبيبقى ليها بهجه اختى كانت عامله كده فى فرحها وكان حلو اوى


مانشو ياجميه
مبروك
قوليلنا اخبار الجواز ايه ولو ليكى اى نصيحه كلنا اذان صاغيه


الله يبارك فيكى يا حبيبتى
الجواز الحمد لله جميل طول ما فى تفاهم بين الاتنين و استعدادهم انهم يفهموا بعض و يريحوا بعض
نصيحتى ليكوا انكم تدخلوا الحياه الجديدة دى و فى بالكوا الاتى:
- انك اكيد فى حجات هتغيريها فى نفسك علشان تريحى جوزك و بالعكس فى حجات هتغيريها فيه علشان تقربى المسافة.
- ان مهما كنتوا بتحبوا بعض لازم هيحصل صدام لاختلاف بعض السلوكيات او المفاهيم لازم يبقى عندك سعة صدر و تتقبلى منه النقد وتحاولى تتفاهمى معاه بالراحة
- اكيد هيحصل شد و جذب لازم تفتكرى حبك ليه وحبه ليكى علشان الموضوع ما يكبرش
- مهما حصل مفيش حاجة تخرج برة اوضت النوم .
- واخيرا اوعى جوزك ينام و هو زعلان منك او حتى انتى زعلانة صفى الموضوع اول بأول.

و ربنا يوفقكوا ان شاء الله
س
manshooo;7089873:
الله يبارك فيكى و عقبالك ان شاء الله تبقى احلى عروسة
والله يا بنتى كتب الكتاب فى نفس اليوم احسن كتير وخلى بالكوا ان دلوقتى لازم تعملوا كشف طبى قبل الجواز احنا ماخدناش القسيمة الا لما جبنا شهادات طبية للمأذون:ss:

اللانجيرى بينفع طبعا:wink: مش موضوع عدده اد ايه حسب ميول جوزك انا كنت جايبة 6 منوعين من قمصان لبيبى دول و بنوع فيهم مش كل يوم يعنى لا كل كام يوم كدة

و كنت عاملة حاجة حلوى اوى مثلا عندى بيبى دول لحمر فى اسود عبارة عن برا و بيكينى و شورت
فلبست البرا و البكينى دول مع روب قميص نوم احمر
فاهمة يعنى تعملى ميكس بينهم


الميكب عملته عند اسماء الجندى اللى هى مساعدة عشوب و بجد طلع تحفة وهى فنانة و بتعرف تظهر جمال الوش و تدارى العيوب كل الناس عجبهم جدا

و جاتلى ب 1200 جنيه ولو روحتيلها بتاخد 800


الف مبروك ويارب تكونى مبسوطة ويكون حكاية الجواز دة فرقة معاكى للاحسن طبعا
ممكن تليفون اسماء الجندى وممكن لو صورة لشغلها اذا سمحتى او حتى السايت بتاعها
وانا ملاحظة ان رتم المشاركات بطء وان التواصل بيننا اصبح بطيىء مش كدة ولا انا مش واخدة بالى
X