واسوني خوات حياتي بتتحطم

سمعو حبيباتي ............
جى زوجي من العمل بدون تاخير وكان جايب معاه الغدا {هالفتره ما اطبخ تدرون بحوسة النقل }
المهم وواضح انه كان ناوي يتغدا معانا
اول ما دخل البيت سلم وعطاني الغدا سألته بتتغدا معانا قال اي
حطيت الغدا وتغدينا جلس يتكلم معاي في مواضيع عامه شوي يقام يسألني شنو الاشياء الناقصه للبيت الجديد وشترتيباتج
انا كنت اتكلم معاه بس احاول اسمعه اكثر من ا اتكلم وكنت احاول ما اصده بس اثقل عليه شوي
يعني موبس كلمني اقوم اقط وجهي عليه
بعدها قال بنام شوي وجلسيني بعد نص ساعه عندي شوية شغل بطلع اسويه وباليل نبي نطلع نشتري شوية اغراض للبيت الجديد
قلت له اوكي
تركته وطلعت اشوف الحلقه الاخيره من سنوات الضياع ههههههههههههه
قبل ما يخلص رحت اجلسه من النوم وتخيلو اش قال لي ؟؟؟؟؟؟؟؟؟؟؟؟؟؟؟؟؟؟؟؟؟؟؟
قعد يتميلح علي يبي حقه الشرعي هههههههههههههههههههه
انا فكرت ما اعطيه وجه بس قلت لا بالذات في هالموضوع مراح اقصر ولا راح اصده بس قلت له انتظر شوي باقي دقايق ويخلص المسلسل
بعدها رحت له وبعدها قعد يتكلم ويتفلسف في مواضيع عامه ويتكلم عن النفسيات والاكتئاب وشلون ياثر على الواحد ومن هالكلام الفاضي
وانا بس اسمع
بعدها دخل الحمام يتسبح وطبعا اخذ جواله معاه هههههههههه يعني ما في فايده
فتشت جيبه لقيت الجوال الثاني مقفل وجوال ثالث كان لي كان مستلفه واحد منه بس الظاهر انه رده المهم فتحته شفت مكالمات صادره لبنات {اللي سبق وراسلهم يبي يتعرف عليهم وحبيبة القلب طبعا }
اااااااااااااااااه تعبت جاني ياس ومتاكده انه اذا طلع من الحمام وبيشيك اذا انا حست في الجوال ولا لا
ترى انا وانا احوس مسحت اخر مكالمتين وحده باسم بوعادل {حبيبة القلب}والثانيه {ؤؤ}جذي مسجل الاسم
يعني عشان ما اعرف انهم بنات ههههههههههههه
بس كانهم بتاريخ امس ما عدا مكالمة بوعادل مومتاكده من تاريخها
لا وفي رساله من بوعادل {بنت ابليس}تبارك له رمضان ههههههههههههه والله انها مسخره
بنات جاني احباط ااااااااااااااااااااه ااااااااااااااااااه شالحل مع هالرجال.
بنات وينكم وين رسايلكم وردودكم ترى ما تدرون اش قد تريحني واشقد انتظرها

اختي و الله تأثرت من رسالتك بس صدقيني انا راح اقولك على نصيحة.......انا متزوجة لي 5 سنوات و الحمدلله علاقتي بزوجي جيدة جدا .....شوفي حبيبتي الرجال ما يطيح على حريم ثاني الا انه مولاقي اللي يبغاه في بيته فكري بينك و بين نفسك ايش الموجود في الحريم اللي يعرفهم و مو موجود فيكي صدقيني ماراح تلاقي عندهم اللي احسن منك نهائي يمكن تلاقيهم اقل منك بكثير في كل حاجة بس الشي الوحيد الموجود فيهم انهم حريم دماغهم فاضي يضحكون يمزحون معاه و الرجال يحب كدا يحب انه يرجع البيت يلاقي الزوجة اللي تضحك معاه و تسهر معاه و لا تحكيله على اي شي فيه هموم و ضيق و تستانس و ياه صدقيني انا عندي مشاكل رهيبة لو تقرين موضوعي بعنوان مشكلتي راح تدمرني نفسيا راح تعرفين ان مافي احد مرتاح لكن يوم اني اتضايق و ابغى اشكي لزوجي اختار الوقت اللي يكون فيه رايق و مستانس و احكي الموضوع بهدوء مرة واحدة فقط لان الرجال ما يحب الحريم اللي يعيدون و يزيدون في المواضيع و بعدين لا عاد احكي ثاني الموضوع.....حاولي لا تجيبيله هم العيال و لا مشاكلهم حاولي تحليها مع نفسك و دايم قوليله الاولاد مبسوطين و موفقين في مدارسهم الا اذا كانت مشكله ما قدرتي تحلينها وقتها احكيها بنفس الطريقة اللي علمتك عليها.....ثانيا حاولي تسوين نيو لوك لحالك كل فترة يعني تصبغين شعرك تسوين فيه حركات تسريحات لو حاسة جسمك مو مظبط سوي ريجيم حاولي تكونين مثل البنات اللي في التليفزيون و الله اني اسوي لزوجي كذا عشان كذا دايم واقف معي في كل شي و ما يرفضلي طلب......طالعي البنات في التليفزيون اشلون يحكون و يضحكون باستمرار و سوي مثلهم مو عيب هذا زوجك حلالك غيري من شخصيتك للاحسن و خليكي علطول قدامه رايقة و بالك فاضي الرجال تحب كذا البنت اللي تبسطه و تريحه صدقيني الرجال ما يناظر برا بيته الا اذا بيدور على حاجة ناقصاه.........................صدقيني لا تزعلي حالك و بدل ما تفكري في خيانته لك فكري اشلون تخليه ينسى كل الدنيا و يجي تحت رجليكي......و طمنيني عليكي و صدقيني و الله و الله و الله عن تجربه الرجال تيجي تحت رجلين زوجته لو كانت له مثل ما قلتللك مريحاه عالاخر..............و الله يصلح حالك و يوفقك انشا الله

جنننو الرجال هولاء الله يعيننا عليهم

اذا تبين نصيحتي خلش وياه عادي ومثل ما هو يبيش كوني له وحذاري تفتشين وراه لانش مارح تستفيدين اي شي غير عوار القلب ونفسيتش تتعب اكثر خلش على نياتش ماتدرين بسِوالفه علشان تقدرين تستمرين وياه والله يهديه ويهدي الجميع

حبيبتي انا من راييي انك تجلسي وياه وتصارحيه انك تعرفين عشان يعقل والله يفك لك كربتك 10 سنين مو هينة بس اؤكد لك انها مجرد علاقات عابرة نتيجة الروتين انت حاولي تجددي في حياتك وتهتمي به وان شاء الله يرد لك والله يلعن بنات ابليس الي ما يخجلو من انفسهن

والله انا قاعده احاول استعين بحد متخصص عشان اتغلب على هالمشكله بشكل صحيح

بس في كل الاحوال ما اعتقد اني راح اقدر اتحمل اكثر من جذي

هاذي اخر فرصه اعطيه اياها

والله قلبي ما يتحمل اكثر من جذي

بصبر وبحاول اصلح الامور مدة خمس او سة شهور او كحد اقصى سنه

بس لو ما نحلت الامور خلاص راح اطلب الطلاق

والله اريح لي

انتو ما تدرون كم مره اموت في اليوم الواحد والله اموت كل يوم اكثر من مره

تخيلو انفسكم مكاني {الله لايقولها} جد احيانا لما اجلس افكر استغرب من نفسي اشقد انا صبوره ومتحمله

ااااااااااااااااااااااااااااه اااااااااااااااااااااه قلبي يعورني احس نفسي عاجزه .

أختي أنا قرأت الموضوع كامل.....................أختي أصبري لا تفكرين تطلبين الطلاق لا الحين ولا بعدين أختي زوجك إنسان طيب مو معقولة تنسين عشرة السنين هذي كلها عشان نزوة....تعرفين ليش نزوة لأن زوجك في سن المراهقة ما جرب أنه يعاكس ويكلم بنات وهو الحين مو مكتفي بوحدة لا قاعد يكلم أكثر من بنية وبنت ابليس على قولتك وحدة منهم ماتعني له أي شي.....وهالفترة الي يمر فيها فترة مراهقة لا أكثر ولا أقل....وبمجرد ما يرجع لعقله راح يرجع مثل أول وأحسن....أنتي طنشيه هذي الفترة وأكثري من الإستغفار و القيام .....وصدقيني أختي بيرجع مثل أول وأحسن

اممم

انه متابعه قصتج وربي يكون في عونك صراحه يبي لها صبر السالفه

عندي تعليق على نقطه بس بالنسبه حق حقه الشرعي لازم قبل ما تعطيه حسسيه بشئ من عدم الرضا اتجاهه عشان يحس فيك حتى في هاللحظات

وعموما لازم طبقي نصايح الخوات وتستفيدي يعني تغيري من شكلك وطريقه شعرك ولبسك وترىى يأثر اختيييييي



واهم شي انه يجي على البيت ويكلمك يعني في مجال انك تصلحينه!!


وان اشاء الله ربنا وياك ومايضيع احد

بس انتي بعد لازم تخططي وتحاولي تكسبينه بدون ما ترميي حالك عليه وقت ماشوفيه

صباح الخير

اختي شخبارك

بداتي تطبقي النصائح ولالا

غيرتي شوي من اسلوب حياتك مع اني ادري انك مالك خلق بس لازم اختي عشان يحس

متابعه معك اختي

حبيبتي أنا بكلمك عن خبرة وتجربة شخصية والله زوجي رجعلي ورجع ندمان كتير كتير ما تيأسي من رحمة ربنا وخليكي عم تقرأي كل يوم (وألف بين قلوبهم....) سورة الأنفال
وترى اعتبريه مريض وانشاء الله يشفى ويرجعلك وانشاء الله لك جزاء الصابرين

بنات انا فرحاااااااااااااااااااااااااااااانه

اليوم كلمت اخصائيه وريحتني بكلامها وايد

بس قالت لي مشكلتج يبيلها وقت عشان جذي طولي بالج وصبري

وقالت لي زوجج واضح ان عنده جوع عاطفي انتي شبعيه من هالناحيه بس بالتدريج

يعني شوي شوي

قالت لي كلام وايد ريحني وخلاني اتفائل

وحولتني على اخصائيه نفسيه ان شاء الله راح اتواصل معاها وتتابع مشكلتي

قولو يارب الله ييسر اموري ويهدي زوجي .

ان شااااء الله هذا بدايه الخير

وتنحل مشاكلكم

واهم شي الاطفال لا يحسون بمشاحناتكم

خليهم بعيد عن هالسوالف

لانها بتأثر في نفسيتهم كثيرررر

حتى في حياتهم المستقبليه

الحمد الله يااختي

فرحت كثير لما قريت كلامك

الله يهديه وييسر لكم اموركم

هلا خواتي احس مشتاقه لكم وااااااااايد

عن اخر اخباري .........لاجديد

زوجي له كم يوم متغير للافضل معاي بس هاذا ما يعني انه ترك خرابيطه

وانا القلق ماكل قلبي احس بقلق وخوف

خاصة ان امس زوجي تقريبا جلس اغلب الوقت في البيت بس لما طلع ورد حسيته مضايق ولما سالته قال ما فيني شي
انا خايفه انه مضايق لان كلمها وحس بتانيب ضمير او لانه ما كلمها ومشتاق لها .......ما ادري عقلي يودي ويجيب
هاليومين احسه يترك جواله قدامي بالعمد كانه يقول لي فتحيه
ما ادري اهو يبيني افتحه لان هون ما يكلمها {على الاقل خلال هاليومين } او يبي يختبرني
او مغير سياسته مثل ما يقولون ,ما ادري شالسالفه
بس المتاكده منه انه لسه يكلم وما قطع علاقاته {احساسي جذي يقول }عللى قولة دكتوره فوزيه الدريع قرون الاستشعار عندي تقول لي وضعه لسه مثل ما هو الا يمكن ازيد يعني احسه صار احرص

بس بتفائل وبحاول على قولة الاخصائيه انتي في حرب والحرب عمرها ماكانت حلوه ولاسهله

لما تكلمت معاها قالت لي ان كل الهوشات اللي صارت مع زوجي وكل الكلام اللي قاله لي ماقاله لان بنت ابليس راكبه راسه ولا لانه فعلا كرهنني
قالت لي زوجج ضميره يأنبه تجاهج وهاذا اللي يخليه يختلق هالمشاكل يبي يريح ضميره لما يعطي نفسه مبرر للخيانه
ولما خبرتها انه يوم الخميس طلعنا تغدينا وبدون ما اطلب وانه بدون ما افتح معاه اي موضوع او اي كلام
كل شوي يقول لي :صدقيني انا احبج وعمري ما تحلى في عيني غيرج لو مين ما كانت
شوي يقول لي :انتي اصيله .,ترى بس الاصيله بنت الاصول اللي تصبر وتتحمل ولا غيرها بس يصير اي شي تترك وتروح
شوي رد وقال :الواحد لصارت عنده زوجه اصيله لو مهما اغرته غيرها ما يبي الا زوجته وما تعجبه الا هي غيرها شهر شهرين وبيمل منها اما زوجته هي اللي يبيها وما يقدر يفارقها
قالت لي الاخصائيه كويس معناتها انه قاعد يقارنج فيهم وترى مستحيل زوجج يفكر يتزوج وحده منهم

انا خايفه خايفه احس زوجي صار احرص من قبل وبصراحه ما احسه ابد ناوي يترك الخرابيط مع انه واضح انه مايبي يفقدني
خايفه الموضوع يصير عنده ادمان {وهاذي مشكله اغلب اللي يكلمون}
ادعولي ربي يوفقني ويبعد عننه بنات الحرام ويسخره لي يارب ويقويه على نفسه .

حبيبتي

بس انتي اهتمي بي وصيري صديقته سولفي معا عن العمل والبيت والاطفال

والتقي بوجه يضحك ونسي همومه وحته صاحباته

واكيد فراش الزوجيه يقرب بين الزوجين اكثر

والله كريم

اختي مدام اهووه قام يتكلم وعزمج وقام يمدح فيج

انتي اللحين لازم تبدين وتردين عليه بس شلون!!

اهم شي انج ما تقطعين علاقتج فيه يعني كلميه عن كل شي

صيري صديقته ,, قضوو وقت جميع يم التلفزيون على لعبه تلعبونها قبل على سوالف على كلام وذكريات

اهم شي انج تكسبينه وتسلينه

ترى وايد بيتأثر وزوجج ترى يعزج وحتى لو كان يلعب ويخربط يا ماله بيتركها وانتي الوحيده يلي تقدرين تخلينه يبطل هالسوالف والخرابيط

وخطيي لسفر او رحله وشوفي شنو رايه؟؟

والله ماادري احسه اتنه شخص غريب الاطوار كل يوم وحاله

انتي سوي مثل ما قالت الاخصائية وحاولي تبدلي شوي من روتين البيت

وانصحك لا تفتشي جوال زوجك

ورمضان على الابواب الله يهديه

سؤالي لك اختي زوجك بيصلي

ممكن تقولينه لو ممكن تروحو برمضان المبارك لعمره

ربنا يفرجها عليكى

مشكورين خواتي وجزاكم الله عني كل خير

انا صار لي كم يوم ما افتح جوال زوجي بس احسه لسه يكلم ,احيانا بدو ن سبب احسه متضايق ولما يطلع برا البيت ويرجع يكون رايق

عموما انا اليوم اتصلت في طبيبه نفسيه وحجزت معاها موعد لي يوم الاربعاء الصباح
طبعا زوجي مراح يعرف وانشاء الله اخوي هو اللي بيوديني لها
وان شاء الله استفيد يارب
ادعولي انها تطلع دكتوره شاطره واشوف على ايدها الحل بأذن الله
حاليا هي الامل بالنسبه لي
ادعولي في جوف الليل .ادعولي قبل الفطور ,ادعولي عند كل صلاه
ربي يجزيكم خير الدنيا والاخره

الله يكون معك .اصبري و الله مارح ا يخيبك