واسوني خوات حياتي بتتحطم

الله يعينك يارب حبيتي وييسرلك امورك ويسخرلك زوجك

الله يحفظكم جميعا ,مراح انسى وقفتكم معاي

المشكله ان زوجي انسان نفسيته متعبه على الاخر وعنده احباط وعلى طول يشوف ان الكل ما يحبونه وان الكل يستنقصونه ويشوفونه اقل منهم
قبل كان يشوف الكل جذيالا انا ,بس الحين صار حتى انا يشوفني مثل باقي الناس
اي تصرف يبدر مني حتى لو عادي يفسره ان استنقاص مني له

اااااااااااااااااااه ,وكل في صوب وعلاقته مع اهلي في صوب ,ما يحبهم كلللللللللللللللللللش
ويتلكك عليهم ,ويغار من رجال خواتي ,وكل يشوف ان اهلي يحبونهم اكثر منه ويعاملونهم باحترام اكثر منه
تعبت والله تعبت
يعني الحياه معاه متعبه وايد ,هاذا غير سالفة الخيانه
المشكله بعد ان انا مو قادره اتحمل جرح الخيانه وحتى اذا حاولت اتناسى ما يضبط الحال
مثلا اليوم ما راح الدوام الصبح الا وكل شي تمام التمام
قلت اكيد اليوم بتنكسر عينه مني وما بيكلم حد بس اللي صار انه لما دقيت عليه الدوام ما عطاني وجه وقعد يتصيد علي الكلام وقال لي انا يمكن اتاخر شوي
لما صارت الساعه ثلاث وثلث قلت بتصل عليه لانه لسه ماجى مع انه المفروض بالكثير الساعه ثنتين وخمس واربعين دقيقه اهو بالبيت
قلت بساله الى متى بيتاخر
بس لقيت الخط مشغول وظليت ادق وكل مشغول الا الساعه ثلاث وخمسين دقيقه
انا مت من القهر احترقت اعصابي ليش يعني لييييييييش بموت والله من سواياه
ولما رجع البيت وشفت جواله لقيت ان داق على ست الحسن والجمال من الساعه ثلاث
يعني ظل يكلمها خمسين دقيقه {يعل خمسين ملك يربطونها وبعدونها عن طريقي }

طبعا ما اقول لكم بعدها تهاوشت مع زوجي {طبعا ما كلمته لاعن رسايل ولا مكالات }بس كنا نتكلم في موضوع يخص البيت وشوي شوي تحول لهواش
انا من ناحيتي ما غلطت معاه ولا بكلمه بس هو كان متوتر وانا بعد تدرون شلون وضعي النفسي فكنت ابي اتكل وابيه يتكلم ,فكل ما يسكت احده يتكلم \
اااااااااااااااااااااااااااه الظاهر ان مشكلتي ما لها حل
بس امانه بنات اللي تعرف رقم اخصائيه في المشاكل الزوجيه بالذات في السعوديه _الشرقيه او في البحرين
تعطيني رقمها عنوانها اي شي
وبعد ودي الاقي رقم الدكتوره فوزيه الدريع
واذا في شي ممكن يخدمني في هالمجال ياليت ما تقصرون معاي
تكفون احس ان فعلا خلاص مشكلتي ما لها حلللللللللللللللللل.

الله يعينج اختيي

والله هالبنات الحرام في كل مكان <<سلاح بليس

اول شي ادعيي لزوجك

وحاولي ما تصدقيي كلامه لانه مدام جذب عليج مره يعني بيجذب الف

المهم حاوليي انج تاخذينه بالسياسه واعرضي عليه فكرت السفر لمده جم يوم بس من باب تغير الجوو وقوليي ليه بنطلع اي مكان بدون تيلفون!! جوفيه شنو يقول اذا مارضىى اكيد ما تاب ولا تركهاا

وخليج قويه تعدليي ليه غيري لوك صبغي شعرج غيري اثاث غرفه النوم سوي مساج يلي في بالج سويي وطالعي افكار وخبرات ان شاء الله البنات يفيدونج<<ادري قلبج يعورج بس هذه اختبار من الله سبحانه لج حبيبتي

ولا تخلين وقت فاضي عندج ابدا ومثل ما قلتي لازم تدرسين لانه الشهاده سلاح والزوج يقدر المرأه القويه المتعلمه وياخاف منها!!

واخذيي رقم البنيه واتصلي فيها على رقم ثاني وهدديها وقولي ليها انج بتخبري اهلها عشان يورونها شغلها الله يكفينا شرهم

ادعيي ليج من كل قلبي

مشكوره اختي {اميره عند زوجي }عساج دوم اميره عنده

والله حبيبتي بالنسبه لفكرة اني اكلمها مراح تفيد لان زوجي بيعاند اكثر خاصة اهو من النوع العنيد {اعرفه زين}

وبنت ابليس مراح تخاف لامن اهلها ولا من غيرهم {هاذا اذا ما كانت تسوي جذي بعلم اهلها }

وانا ادري ومتاكده انه لسه يكلمها ,البارح توه مكلمها وامس العصر مكلمها

وما له نيه يتركها

الشكله الحين فيني انا ,مو قادره اتجاوز مشاعر الغضب ,مو قادره اتعامل مع المشكله بشكل صحيح

انا كل يوم اجلس بيني وبين نفسي واقول لنفسي كلام قمة العقل واني راح اسوي جذي وجذي

بس للاسف الاقي نفسي تصرفت بجنون

تدرون انا اشوف ان مهم جدا في الفتره هاذي اني اتماسك وابين قدام زوجي اني قويه وما اوريه دمعه على خدي

ادعولي اقدر اتماسك

انا ابي اطلعه من هاحفره اللي اهو فيها بس اذا كنت مو قادره اوقف على رجولي اشلون بطلعه اهو

ااااااااااااااااااااااه ااااااااااااااااااااااااااااااااااه

احس قلبه قسى علي وصار ما يهمه لادموعي ولا انهياري

بس بنات تكفون اللي تقدجر تساعدني برقم معالج زواجي {متخصص او متخصصه في العلاقات الزوجيه }

وافضل يكون في السعوديه {الشرقيه },وابي رقم الدكتوره فوزيه الدريع ضروري

واي شي ممكن يفيدني في هالمجال تكفون .

اختي والله انه مشكلتك قاعده تزيد انه انصحج انج تاخذين رقم اخصائيه لو رقم فوزيه الدريع

عشان تقدر تفيدج

وربي يسهل عليج

وهذه امتحان من الله لعبيده

تحملي ياختي

حبيبتي استهدي بالله وتعوذي من الشيطأن وعدي للمليون قبل لاتفكرين بالطلاق !!

اول شي لأن الطلاق موبسهل وابغض الحلال عند الله الطلاق واذا مجرد مافكرتي بالطلاق اهتز عرش الرحمن سبحانه

وثاني شي انتو بينكم يهال حرام يضيعون ويتشتتون ويتعقدون بسبة وحده ماتخاف الله !! حسبي الله عليها

حبيبتي لاتناقشين زوجج واهو متوتر او اذا انتي متوتره اختاري الوقت المناااسب

وحاولي تنسين لازم تصبرين هاذي الحياه يوم لك ويوم عليك محد مرتاااااااااااااااااااااااااااااح صدقيني

ياليت اقدر افيدج برقم من ارقام الأخصائيات بس للأسف ماعرف والله :(

بس اكو اهني اخصائيه (ساعة غروب ) جزاها الله خير ان شاءالله تساعدج وتفيدج

وهذا الراابط

http://www.3roos.com/forums/250/


اسأل الله بأسمائه الحسنى ان يفرج همج ويهدي زوجج ويشرح صدرج اللهم اميين استغفري كثير غاليتي والله بترتاحين

ولاتنسين طمنيني عليج ترا احاتيج واااااااااااااااااااايد


ربي يسعدج


::

اختي {اميره عند زوجي } على ايدج تكفين عطيني رقم دكتوره فوزيه الدريع
شمعة محبه لج كل الشكر ولا تنسيني من الدعاء .

يابعد عمري اختي {مها والحلا لها }

حبيبتي يشهد الله حبيتج لله ماقصرتي معاي عساني اوقف معاج في الافراح

انا اليوم وحده من الخوات {اسفه نسيت اسمها }{خبركم عقلي مو معاي }
ارسلت لي على الخاصرقم مركز استشاري ودقيت عليهم كلمني استشاري اسري وقعد يتكلم معاي شوي
وقال لي انتي اهدي وركزي ولا تخلطين الامور ببعض
قال لي ان احتياجات الرجل تنحصر في اربع جوانب رئيسيه 1_الماكل 2_الملبس3_العاطفه 4_العلاقه الشرعيه
قال لي انتي لازم تعرفين في اي من هالجوانب عنده نقص او محتاج تركيز اكثر
عشان جذي ابتدي بجانب جانب
يعني لمدة اسبوع ركزي علىالجانب الاول بشكل مكثف {طبعا هاذا الجانب يشمل اعداد الطعام ,اختيار الاطباق المفضله له ,طريقة تقديمه ,الاجواء الي يقدم الطعام فيها ....الخ }
والاسبوع اللي بعده ركزي على الجانب الثاني وهاكذا .................

قال لي الفايده الي راح ناخذها من هالتجربه ان نعرف اي جانب اثر في زوجك اكثر وبالتالي نركز عليه ونبدا العلاج منه مع اني مبدئيا اقول لج ان الجانب العاطفي هو اكثر جانب زوجك حتاج تركيز عليه .

قال لي اهدي عشان تعرفين تتصرفين بحكمه وعقل وذكاء ولا تفكرين تتصارحين مع زوجك في موضوع الخيانه

انا بصراحه كلامه هداني وايد خاصة ان قال لي لاتشكين في قدراتك انا من وجهة نظري انك شخصيه قويه وتعرفين اش تبين توصلين له وعندج حكمه ومتلقيه جيده ,بس ريلج نفسيته نفسية مراهق حساس ومايتقبل اي نقد
ومثل الطفل اللي يتالم بس رافض التجاوب مع الدكتور واهني مهمة الدكتور {اللي هو انا } اصعب بكثير من اي حاله .
والله كلامه ريحني شوي .........وان شاء الله انا من بكره راح ابدا التركيز على اول جانب وبشوف ان شاء الله خير
وجوالاته اليوم ما حركتها وان شاء الله ا اقرب منها لاني انضر وما استفيد .
هاذي اخر اخباري وان شاء الله ترد ايام الفرح وتولي الاحزان {ومعاها الشينه بنت ابليس}

حبيباتي ..................هلا فيكم اشتقت لكم وايد وينكم ؟؟؟؟؟؟؟؟؟؟؟

سمعوا ان شاء الله المشكله بدت تنحل

زوجي طول هالمده رافض يجلس يتنا قش معاي او يتفاهم ومع انه حاس الا يمكن متاكد اني ادري بمكالماته الا انه مطنشني على الاخر ومو هامه نلقى حل
بس اليوم ولله الحمد {طبعا البارح مانمت الا وانا ادعي واتوسل ربي يفرجها }
اليوم جلس وتكلم معاي صحيح ما نا قش كل شي بس على الاقل التفت علي وحاول انه يلاقي حل مبدأي على الاقل وقال لي بالحرف الواحد ان اذا طبقتي الاتفاق اللي بينا {اهو اقترح اتفاق نمشي عليه الفتره الجايه }قال لي اذ طبقتي الاتفاق اللي بينا صدقيني اخذي عيوني وما ني ملتفت على غيرج لا بزواج ثاني ولا بتيلفون {مع اني ما جبت سيرة الجوال ابد بس هو واضح انه حاس اني ادري }
المهم ان الحمد لله شكلها بدت تفرج وان كان الحل موسريع يعني يبي لنا وقت لا باس فيه عشان نتجاوز كل اللي صار ونحل مشكلتنا من جذورها عشان ما نقع في المشكله مره ثانيه
بنات ببركة دعائكم بدت تفرج ولله الحمد تذكروني بأستمرار وادعو لي ربي يجزيكم كل خير ويقضي حوائجكم اللهم امين اللهم امين اللهم امين .

اشكر كل من دعت لي
واسالكم الدعاء لي باستمرار خاصة اني احس ان قلب زوجي قسى علي
وا عاد مثل لول
ادعو لي ان ربي يسخر زوجي لي ويلين قلبه علي تكفووووووووووون.

ياقلبي الله يصبر قلبك ويقوي ايمانك انا حاسه فيك لاني اخاف من الخيانه الله يصخرلك زوجك انشاء الله وخليك عاقله وحاولي انك تحلين الموضوع بدون مايحس انك حاسه بشي وحاولي انك ماتبينين له انك اريه بشي ودلليه ترا الرجل مثل الطفل اكي انه فاقد حنانك احتويه وانشاء الله بيرجع لحضنك واكثري من الدعاء والاستغفار واحنا بندعيلك في ظهر الغيب انه يردل لك قلب زوجك ويصخره لك ويصخرلي يارب زوجي ويحنن قلبه علي ولا يغير علينا اللهم اااااااااامين يارب
وباالتوفيق

الرجال = كذب = خيانه =لف ودوران

انا لو منك اخذ الشريحه حقته على جواله واحطهم بكرسي الحمام اذا سال عنه قولي له حطيته في كرسي الحمام لانه المكان المناسب

قلبي عورني وربي وش نقول غير الله يعين بس

ههههههههههههههههههههههههههه ياحليلج يا ام وليد

تدرين لو اسوي هالحركه قسم بالله اني ما اوتعي الا وجايبها لي قدامي حسد لي

وقاطني بيت اهلي وما خذ العيال وما عطيها اياهم

ترى زوجي اذا حس السالفه تحدي يصير مجنون رسمي

انا ما ابي الا دعائكم لي ثم دعائكم باستمرار

تكفون قلبي يعورني وتعبانه وايد ااااااااااااااه

احسه تغييير وااايد يكلمني من طرف طرف خشمه وعلى طول ما يسوي لي اي شي الا يحسسني بالمنه

وعلى الجوال واضح انه ما تغير شي اصلا على طول الجوال معاه حتى لما يدخلل الحمام ياخذه ولما ينام يحطه تحت راسه

تعبت والله تعبت بس مالي الا الله ثم انتوا ادعولي من قلوبك ان ربي يسخره لي ويهديه لي ولعياله ويلين قلبه لي ااااااااااااااامين ياربالعامين

الله يهدي زوجج ويرد مثل اول واحسن

بس يقولج وراء كل رجل عظيم امرأة

حاولي تغيرين من روتين حياتكم

وتجددين حياتج الزوجية في كل ادق التفاصيل

الريال يحب المراة الدلوعة الرقيقه الحلوة الانيقة اللي تهتم فيه وادلعه ليش تخلين المجال مفتوح لغيرج؟؟؟

لا تقولين ريلي يحبني ويموت علي وواثقه فيه

الحين الدنيا كلها مغريات واكيد اهوا يقابل بنات ووايد اثناء العمل وحياته اليوميه و يجوف اشكال والوان ولاتخلين ريلج يقارنج بوحده ثانيه خليج انتي الكل في الكل القمر في عيونه في كل شي

حتى اسمحيلي في العلاقة الجنسية لازم يكون في تغيير وتجديد

والمراه لما اتييب عيال تنسى نفسها وريلها وتنشغل بعيالها

انا الان اعمل واجوف رياييل اشكال والالون وبالذات المتزوجين يكون عندهم حريم مثل العسل وبعد يطالعون غيرهم شو السبب تعتقدين اكيد في شي ناقص بحياتهم صح؟

ليش نحن مانملي عيون ازواجنا ونعطي لغيرنا المجال؟؟؟

خليج بنت اليوم حتى لو عمرج كبير وخليج انتي الصديقة والاخت والحبيبة والقمر في عيونه

اتمنى رسالتي وصلت

ولو عجبتج ادعيلي بالزوج الصالح

والله يوفقج ويهديلج ريلج ويهدي بالج

والله انك طيبه وبنت حلال وربي راح يجازيك كل خير

انتي كثيرر صبوره والله انا ماعندي مثل صبرك

ان شاء الله الامور كلها راح تتصلح وسوي لي قالك عليه الدكتور

وان شاء لله بالقريب العاجل راح نسمع منك اخبار زينه

بس داومي على قيام اللليل واستغفار

مشكوره حبيبتي على النصايح ..............بس تدرين كل اللي قلتيه مو مشكلتي

مشكلتي الحقيقيه ان زوجي كاااااااارهني كااااااااااااااااااارهني حده

ومو ما عطيني اي فرصه للتغيير او التجديد باستمرار قاعد يجرح فيني

يعني قاعد يتصرف وكانه يقول لي انا ما ابي اتخذ قرار الطلاق بنفسي انا ابيج انتي اللي تطلبينه

يالله اذا عندج شوية كرامه طلبي الطلاق .

تعبت تعبت والله تعبت ما ادري شسوي حياتي صارت اكثر من صعبه الا مستحيله

تخيلي اليوم قاعد يقول لي وقدام عيالي انتي مافيج ولا شيييييييييييييييي ولا اي شي زين ابداااااااااااااا

تعبت والله موقادره اصبر كل ما حاولت اهو يبعد ويجرح ويهين

شسوي انا الحين جالسه اكتب زانا منهاره على الاخر اكتب ودموعي تسبق حروفي احس خلاص ما عاد لي اي كرامه ولا اي احترام اليوم على الغدا يقول لي اكلي قلت له ماني مشتهيه اكل قال لي اكلي تحسبين اذا طحتي علي بوديج ركض المستشفى وبقعد ادوربج والله بقطج المستشفى وامشي

قال لي انا كارهج وما لج في قلبي اي مكان احس اني عاجزه ما ادري شسوي
تدرون اش يبي ني هالفتره
يبيني اتخلى عن اي ذره باقيه من كرامتي يبيني اعيش بدون كرامه ويمكن بعد ستة شهور على قولته يقدر يسامحني
المشكله كلامه كبير كبير وايد يعني اللي يسمعه يقول ما ادري شمسويه فيه ذابحته
والله اقعد افكر بيني وبين نفسي اقول انا اشسويت له ليش كل مشاعر هالكره اللي اموجهها لي اااااااااااااااه
ياليت الانتحار حلال كان والله ا نتظرت لحظه .
ادعولي ادعولي

حبيبتي انا اسفة لو كان كلامي قاسي

اقولج على حل بيريحج

دوم ادعي وقومي الليل وصلي وتمي ادعي

وقومي بوجباتج كلها عادي واستحملي

وان شاء الله ماراح يصير الا الخير وربج رحووووووم وبترتاحين لما تكونين قريبه منه

لا اله الا انت سبحانك اني كنت من الظالمين

يارب هون على - جارت الدنيا علي - واهديلها زوجها