واسوني خوات حياتي بتتحطم

يااااااااااااااقلبي عليج الله يكون بعونج :(

الله يهدي زوجج ويبعد عنه بنات الحرام كما باعد بين المشرق والمغرب اكثري من قول ((اللهم اكفينهم بما شئت))

حبيبتي انا مومتزوجه يعني ماأقدر افيدج :( للأسف بس بدعيلج من كل قلبي ان الله ينصرج عليهن ويسخرلج
زوجج كما سخر النار لنبينا ابراهيم ويرجعه لج ولعياله كما رجع يوسف لأبيه

وصبري عليه وحاولي تجذبينه لج ولاتلتفتين لشيطآن ديري بالج طنشيه ترا يحب يفرق بين الأحبه وبذات الأزواااج !! خلي بالج على روحج وعلى زوجج

واكثري من الأستغفااار وادعيله بسجودج

وحااولي ترجعينه مثل اول لاتيأسين دام زوجج معدنه طيب وخلوق عيل هاذي نزوووه وبتروح صبري حياتي ولاتيأسييييييين ديري بالج !!

وانا انصحج تدخلين (المواضيع المميزه ) راح تستفيدين وااااااااااااايد من نصائح البنات بارك الله فيهن

لكِ مني كل الحب والموده غاليتــي :)

لج الف شكر حبيبتي ماتدرين اشكثر فرحتيني لما قلتي انج بتدعين لي من قلب

انا فعلا هاذا اللي محتاجته

وانا بحاول الله يقدرني ان شاء الله بسوي اللي اقدر عليه والباقي على اله

بس هالله هالله بدعواتكم خواتي

تكفون ادعولي من قلب ادعولي في صلواتكم وخلوا عيايزكم يدعون لي

محتاجه الدعوات

حبيبة قلبي خلاص ابشــــــري والله ماراح انساج من الدعااااااء :)
وانتي بعد الله الله بقيام الليل والدعااء والأستغفااااار , والألحااح بدعااء ...
الله يحقق لج امنياتج ويسخرلج زوجج ويبعد عنه بنات الحرام اللهم آميــن ...

استودعج الله الذي لاتضيع وداائعه

معلش يا حبيبتى والله قطعتى قلبى وهدعيلك ان شاء الله وربنا يبعده عن الحرام ويحليكى فى عينه كمان وكمان
بصى انتى ست عاقله وعندك عيال ودا شاب مكنش ليه مغامرات وكان ماشى عدل ميه فى الميه الواحد بيجى عليه لحظات مش بيكون نفسه اعتبرى الفتره دى كده وان الشيطان بيلعب معاه مهمتك انتى ازاى ترجعيه لحضنك ولعيالك ولبيتك انتى بتقولى بتدلعه وانا عارفه انك قيداله صوابعك العشرة شمع بس اللى بطلبه منك زودى جرعه الدلع حبتين واعمليه الجو الرومانسى اللى بيكون ايام الحب قبل الجواز لانه معاشوش والا جربه رسايل على الموبايل جوابات تحت المخدات وفى الهدوم كلام غريب منك فى اللحظات الخاصه حسسيه انه مهم اوى وليه تأثير فى حياتك خلى عيالك تقرب منه زياده ووصى اللى بيتكفلم فى عيالك يروح يقوله بنحبك اوى يا بابا ربنا ميحرمناش منك انت واحشنا ومالناش غيرك وصدقينى هيرجعلك تانى لانه هيحس بعذاب الضمير
وربنا يهديهولك

وش بيدي يالغاليــة عليج غير الدعـــاء.. قلبي يعورني لما اقرأ مشكلة خيانات والله

الله يهديه ويرد لطريق الصووواب ويبتعد عن هالمهاترات ..
ادعي له ان الله يفرف بينه وبين كل بنت حرام مثل مافرق بين المشرق والمغرب ..
وادعي له في كل صلاة ولاتنسين الإستغفـــــــــــار واضبي عليه .. وصلاة الليل "هالله هالله في صلاة الليل" فعلاً سهامها تصيب ...

الله يهديـــــــــــه يارب ..

الله لايحرمني من دعواتكم ..................مشكورين وايد

انا اليوم حسيت اني وصلت حدي واني راح انفجر ,عشان جذي كلمت واحد من خواني وعلمته كل شي {طبعا اخوي هاذا اثق فيه وفي رجاحة عقله وحكمته }
طبعا قبل ما اتكلم مع اخوي حلفته ان الكلام اللي راح اقوله يكون بيني وبينه
اخوي ما قصر خذ ما بخاطري وحضنته وصحت وحسيت اني ارتحت شوي
نصحني اخوي اني اهتم فيه بس ما ابالغ {قال لي ان بعض الرجال لما يبدا يغازل ويلاحظ اهتمام زايد من زوجته ينبسط ويحس انه مطلوب في البيت ومطلوب بره البيت وبدال ما يحس بالذنب ويعقل بالعكس يستمر ويتشجع }
قال لي اهتمي فيه بس بدون ا يكون للسالفه اي تاثير يعني حاولي تتناسين
وفي نفس الوقت خلاص لاتفتشين وراه لانج كل مره راح تفتشين وراه بتلاقين دليل خيانه ومراح تلاقين دليل براءه

انا حاليا عازمه اني اعطيه فرصه خاصة ان شهر الخير جاي ان شاء الله
وباذن الله احاول استقل هاذا الشهر وليلة القدر والله يوفقني ان شاء الله

وبشوف شهرين ثلاثه ان شفت في تقدم زين لاكن لو شفت تدهور فعلا راح اطلب الطلاق بدون تردد
لان نفسيتي صارت في الحضيض تعبت من مشاكله النفسيه وصبرت وفوق هاذا خيانه
اهدرت من كرامتي لاجله الكثير ولسه راح اهدر ,لاكن الى حد معين وخلاص ستوب

عموما حبيباتي ادعولي ادعولي من قلوبكم وتذكروني في رمضان وبالذات ليالي القدر تكفون ادعولي .

ياااااااااااااحياااااتي ولله رحمتك اكثري من الدعاااااااااااااااء باالهدااااايه له

استغفر الله العظيم من كل ذنب عظيم

رائعتي والله تعبنا من هالرجاجيل اللى مالهم أمان .... نصيحة أخاك رائعة وبما انه رجل فهو يعرف
الرجال ... وما يدور بهم ... توكلي على الله والله يسهل امرج ويرد لج زوجج ويعمي قلبه عن كل
الحريم اللى تعرف عليهن ويكون لج يا رب


العتب

الله يعطيكم العافيه حبيباتي
ويسمع دعواتكم يييييييييييييييارب اللهم امين

انا خايفه وايد واحس انه مستحيل يرجع وكان ما صار شي

هقوتكم ممكن يرجع وينسى كل شي ويتذكرني انا بس؟

قط سمعتو عن قصه مثل قصتي وفي الاخير تاب الرجال ورجع لزوجته ؟

الله يهدي زوجج ويبعد عنه بنات الحرام
لكن لو تشغلين وقتك بالشغل أو الدوام أو حتى كملي دراسة ع الأقل تهدى نفسيتك

عزيزتي الله يكون بعوونج بس لام تسوين شي عشان تنقذين هالزوااج

هاي عشر سنين ماشاء الله مو سنه ولا سنتين

ان شاء الله لو تكلمينه ولا شي اتمنى يترااجع عن قراره

ولا اهو بنفسه ينقذ هالزوااج قبل الا يتهدهم

دعواتي لج عزيزتي

اختي الحبيبة مااقول إلا الله يعينك ويصبرك يارب ياكريم ويهدي لك زوجك ويرده لك أحسن من أول ..
أختي شوفي وين الفجوة اللي حصلت بينكم وش السبب فيها حاولي تلصحينها.. حاولي تجددي في حياتك غيري فيها بأسلوبك بشكلك بمعاملتك مع زوجك خاصة وإنت لك 10 سنوات متزوجة والعمر كله إن شاء الله يارب يتمم عليكم ..
ثانيا مدام زوجك يعرف أكثر من واحدة في نفس الوقت فهو قاعد يتسلى فقط لأنه لو كان الأمر جد فما تلقي إلا واحدة بس ...ومع كذا انتبهي خاصة من الرقيقة على قولتك لا تتركينها تسيطر عليه وعلى مشاعره ابدي حرب معها وانت اللي لازم تنتصري ... لاتستسلمي زوجك وابو عيالك حاسس بالملل فقط وربما نقص عاطفة أو اهتمام فحاولي تشغلين وقته بأشياء يفضلها معك واهتمي فيه دلعيه المرأة عندها أساليب تلف راس الرجال واهم شي التجديد ............والله يهديه لك يارب

الله يهدي زوجك بس نصيحه لا تستعيلي باامر الطلاق خاصه انه بينكم عيال والله حرام شو ذنبهم بس زين انك كلمتي اخوك حاولى تشوفي النقص وين ؟ احتمال مقصرة معاه ترى الروتين يملل الريال حاولى تلفتي انتبهاه وتشغليه هذا الامور اخبر بها الحريم يعني اكيد تعرفيها ................انا ماالومك اكيد فيك حرقه بداخلك بس انتي شوفي واذا مااتعدل صارحيه يمكن يخجل من حركاته ويرجع ..اما امر الطلاق ابعديه نهائيا والله يكون بعونك اختي

الله يعينج ويصبرج ,,,,,,,شوها البنات مايستحن صدق تاقصات عقل ,,,,,,,,,,حرام عليج تطلبين الطلاق بينكم اولاد وعشره بتطلبين الطلاق عشان بنات مايسون ضفرج خلهن وخليه بيشبع ومصيره بيرد لج واذا انتى مب قادره تستحملي واجهيه وقوليله ف شو مقصره شو ناقصه ,,,,,,,,,,اف اكره الخيانه الله يصبرج واسمحيلي

بشرو حبيباتي الظاهر ان دعواتكم بدى مفعولها هههههههههههههههههههههههههههه

حبيباتي انا جلست مع زوجي من قبل ولمحت له {مجرد تلميح } لان اغلب الرجال ما يتحملون ينحطون في موقف من هالنوع قدام زوجته ,فانا لمحت له بحيث انه فهم كلامي بس بدون ما احطه في موقف الانكسار
المهم اني بينت له اني ما اتحمل يوم من الايام حد يشاركني فيه باي شكل من الاشكال حتى لو كانت مجرد وحده تلعب ورد عليها يهزئها
عطاني وعد انه حتى لو يوم من الايام فكر مجرد تفكير يتزوج علي انه بيصارحني قبل ما يتخذ اي خطوه جاده
لاكن لما طلبت منه وعد انه ما يرد على اي وحده تلعب عليه {مسويه نفسي قدامه ما ادري ان هو اللي يكلم ويلعب}المهم انه قعد يراوق ويراوق وما عطاني وعد ولارضى يغير رقم جواله وقال لي اذا اصريتي علي بغير الرقم بس بكون زعلان ,وقال لي ان عنده رقم ثاني ما خذه من اخوه لان كان رقمه مقطوع {بس اهو يكذب الرقم مو حق اخوه الرقم اهو مطلعه للخرابيط}
قال لي برجع الرقم لاخوي
طبعا لارجع الرقم ولا هم يحزنون
بس اليوم ياخواتي {الله يحفظكم لي فعلا الظاهر دعواتكم الله استجابها }

اليوم كنت ناويه اني اطبق نصيحة اخوي واني ابد ما افتح معاه اي نقاش
بس تدرون كانت الغبنه في حلجي طول الوقت, طول الليل مانمت وانا اتخيل اشلون حياتي وحيات عيالي بدونه
طول اليل اتخيل اني جالسه اكلمه واقوله ابي الطلاق
ااااااااااه يابنات قلبي يعورني تدرون اني والله لي تقريبا اسبوعين مانام الا ساعتين في اليوم ولا اكل
منهاره نفسيا لابعد الحدود
واليوم بالذات كنت منهاره عشان جذي من جلست وانا حيل تعبانه ومو قادره اوقف على رجولي وزوجي يسالني ليش ؟اقوله يمكن لاني جايعه .حاول اني اكل بس كنت ارفض فعلا نفسي قافله ومو قادره ابلع لقمه بعدها قعد يقول لي ليش نفسج قافله ليش اتسوين بروحج جذي وانا اقوله ما ادري {اهو حاس اني صايدته بس مو متاكد ومو عارف ان كنت شايفه كل شي ولا بس مكالمه وحده مثلا }

بعده قعد يقول لي لاتخوفيني عليج اهتمي بنفسج ,اهني انا انهر وقمت اصيح واهو يسكتني ويقول لي العيال يطالعونج وانا اقوله خلهم يشوفوني حاضنتك وانت تسمي علي لاتخاف عليهم
قعد يقول لي انتي خايفه اتزوج عليج انا عطيتج وعد والله ماني متزوج ,قلت له انا واثقه فيك وايد بس موقادره اتحمل مجرد فكرة ان وحدهتشاركني فيك حتى لو بالتيلفون ,حتى لو انت ما عطيتها وجه وبس رديت بعد ما تحمل
وقعدت اصيح بحرقة قلب واهو يحضني ويهديني بعدها قال لي {وبدون ا اطلب منه}وعد بغير رقم جوالي قلت له ورفيجك الجديد {اللي انا متاكده ان نص البلاوي من تحت راسه}خفف علاقتك معاه قال لي اوكي وعد وسالته عن الجوال الثاني اللي على قولته حق اخوه قال لي مابعد ارجعه بس وعد اني ارجعه ابيعه المه ما بخليه عندي
ووعدني ان حتى لو اتصلت عليه اي وحده ما يرد
وسمى علي وقال لي انتي حبيبتي وعمري ما افكر في غيرج ولا تخافين علي انا مو راعي خرابيط
انا عقلي يحكمني وان شاء الله بتشوفيني مع شهر رمضان راح تتغير سلوكيات كثيره

والله يابنات انا الحين فرحانه احس تطمنت
وان شاء الله ان شهر رمضان يكون خير علينا يارب
واشكركم من كل قلبي لانكم ما قصرتو معاي دعيتو لي بظهر الغيب والله ما يرد دعوة المؤمن لاخيه خاصة بظهر الغيب {على فكره انا مانمت البارح اللى بعد ماصليت صلاة اليل وتوسلت ودعيت والحمد لله دعواتي ودعواتك شكلها جابت نتيجه }

بس المهم تظلون تدعون لي ,ما لي غناة عنكم ولا عن دعواتكم
وانا ان شاء الله راح ازودكم باخباري دايما

على فكره الاخت اللي نصحتني اشغل نفسي وادرس مشكوره على النصيحه وانا فعلا افكر بشكل جدي اني السنه ادرس لاني ما امن تقلبات الزمن .

ان الله مع الصابرين وما تخربين بيتج خلاص اصبري والريال فالبيت ملكج الخاص وفالشارع الله يعلم دام هو يحترمج ويقدرج فالبيت حاولي تكسبينه مرة ثانية وبدون ما تحسسينه انج عرفتي الرقم الموضوع بيكبر وكل مرة بيسويها بيرد يقول بتسامحني اكتمي الموضوع وان شاء الله يرد لصوابه ويكون عند حسن ظنج والله يهدي الجميع

الله يتمم عليكم يارب ويهديه لك ...فرحتينا الله يبشرك بخير وسعادة

يااقلبي اقسم بالله فرحتيييييييييييييييييييييني فرحتلج جنج اختي فديت قلبج
والله كنت احاتيج ومانسيتج من الدعااء وداايماً ادخل موضوعج اقول لعل وعسا اشوف حالها صار احسسن
شفتي حبيبتي ربي سبحانه ماينسا عبده بس لو الواحد فينا يشتد ويلح بالدعااء ويلتزم بكل شي يرضي الله سبحانه جل جلاله ..

عموماً ربي يسعدج ويديم الفرحه عليج ولايغير عليكم اللهم اميــن ولاتنسينا من الدعاء ترا بعد احنا محتاجين دعاائج غاليتي خصوصاً بشهر الخير ,, والله يبارك لنا في شعبان ويبلغنا رمضان ...

حبيبتى شوفى الرابط دة يعجبك كتير [FRAME="11 70"]اللى عايزة ترجع جوزها لحضنها من بق الاسد - منتدى فتكاتt"][/FRAME]اللى عايزة ترجع جوزها لحضنها من بق الاسد - منتدى فتكاتt[/URL]