تجهيزات عرايس مصر الجزء 90

صوت العيون ʚϊɞ ṨỠЙḍỠṧ ʚϊɞ 12-08-2008 1,011 رد 31,290 مشاهدة
أ
kitty_kity;6958682:
بصي انا اساسا اول مابشيل الطبق من على الترابيزة برمي الي فيه ف الباسكت واقوم منزلة فيه شوية مية ادوب الدهون مثلا بحيث مايجمدش فيه حاجه يقوم يقرفني ف تنضيفه..بس بتكلم هل بالطريقة دي لو حطيت فيها الطبق مفيهوش بواقي او حاجه..هتسعف ولا لا؟
كمان هل لازم اكون عاملالها فتحه تصريف ومواسير مية وكدا من الاول؟
والارقام هبعتهالك من عينيا :)


عند ماما غسالة فريش وبتسعف

بس بصراحة مش بتحسي إنها بتنضف زي الغسيل العادي، يعني بحس إنها بتخلي الكبايات مغيمة كده ومش بتلمع

ده غير نقطة مهمة جداً إنها بتمسح الرسومات اللي على الاطباق الأركوبال، اطباقنا قعدت 15 سليمة والغسالة هي اللي مسحتها، قلنا يمكن قديمة بس غسالة خالتي عملت نفس الحركة في اطباقها اللومينارك وكانت لسة جايباهم
l
كيف تجعلي غرفة النوم مريحة ومليئة بالحيوية؟

رفة النوم هي مكان الراحة والاسترخاء واستعادة الحيوية والنشاط ، ولذا يجب أن تتسم بالجو المريح، بقليل من الترتيب والاهتمام تجعلين غرفة نومك عشاً نابضاً بالحب والدفء
ابدئي أولاً بوضع سريرك تجاه جدا
ر صلد لضمان الاستمتاع بنوم هادئ ومريح في جنح الظلام، وأبعدي موضع السرير عن الباب قدر الإمكان لتقديم خصوصية أكثر ، وأضيفي مقدماً(رأساً) لسريرك (إذا لم يكن متوفراً فيه) فذلك يضفي منظر أنيق و حميم للسرير.
و لتحرصي أن تكون الغرفة مرتبة دائماً، فالفوضى تجلب الكآبة والتشويش والكسل فإذا فتحت عينيك في الصباح ووقع نظرك على كومة من الملابس في الغرفة فستشعرين بالتعب على الفور لأنك ستفكرين في ترتيبها قبل أن تبدئي نهارك الجديد.
هذه بعض الأفكار المقترحة لجعل غرفة نومك مكاناً يشعرك بالراحة:
1- حاولي استخدام الشموع والورود الحمراء لأنها تتدفق عاطفة وإلهاماً، وضعي بلورات زجاجية عند نوافذ الغرفة لتعكس أشعة الشمس داخلها.
2- غرفة النوم ليست المكان الملائم للتلفاز لكن إذا رأيت ضرورة لذلك فغطي شاشته بعد إغلاقه،أو ضعيه داخل الخزانة.

3-التوازن هو عنصر هام في غرفة النوم فاختاري طاولتين متماثلتين على جانبي سريرك و ضعي عليها مصابيح متقابلة وتحفاً مزدوجة وأنيقة.
4- علقي بعض اللوحات برسومات جميلة أو مناظر الطبيعية الخالية من صور ذوات الأرواح.
5- تجنبي استخدام الأغطية المبالغ في زركشتها، واستخدمي بلا مغالاة الوسائد الوثيرة التي تجعل سريرك ناعماً دافئاً كالعش يحتضن فراخه.
6- إذا سمحت المساحة حاولي إيجاد مكان للجلوس داخل الغرفة، فذلك يجعلها أكثر جاذبية وإغراء ولتحقيق التوازن فيها اختاري كرسيين متماثلين أو أريكة واحدة مزدانة بمساند وثيرة.
7- تعرفين طبعاً أهمية المرآة وكلما كنت كبيرة كانت أجمل, لكنها لن تكون جميلة إذا كان ما ينعكس فيها هو الفوضى والركام، لذلك دعي المرآة تعكس جمالك وجمال ما حولك.


ـــــــــــــــــــــ
ـــــــــــــــــــــ

طريقة ترتيب الوسائد كما في المجلات


طريقة ترتيب الوسائد على السرير يعطي شكل أجمل للسرير و نوع من التغير و التجديد لغرفة النوم خصوصاً لو تم تجديدها باستخدام ذوق عالي و خيال واسع ....
إذا لم يكن مع طقم مفرش السرير وسائد متنوعة فيمكنك
عملها بنفسك بحيث تختارين الأقمشة و الكلف و الإكسسوارات بألوان متناسقة مع مفرش سريرك و ديكور غرفتك ....
الفكرة (1):
استخدمي وسائد من الأشكال التالية :

- زوج وسائد مقاس كبير .
- زوج وسائد مقاس أصغر و بلون مختلف عن السابق .
- زوج من الوسائد الأسطوانية ذات لون يجمع بين اللونين السابقين .
رتبيها كما في الشكل


الفكرة (2):
إذا كان مقاس السرير (king size ) يمكن عمل هذه الفكرة
استخدمي ما يلي من الوسائد:

- ثلاث وسائد كبيرة مربعة الشكل ( قياسات أوروبية عرضها 26 بوصة )
- ضعي أمامها وسادتين من المقاس (king و بلون مختلف .
- في المنتصف بين الوسادتين ضعي وسادة بمقاس عادي و لون مشابه للوسائد المربعة .
- على يمينها و شمالها زوج من الخدايات الصغيرة بألوان تختلف عن ما سبقها لكن متناسقة مع الديكور عموماً .
- أما الوسادة ذات المقاس العادي يمكن وضع وسادة صغيرة مستطيلة الشكل تجمع في ألوانها جميع الألوان السابقة ....
- إذا كانت السرير ( queen size ) يمكن تقليل الوسائد المربعة الخلفية إلي اثنتين فقط و تحويل الوسائد التي أمامها للمقاس (queen )...
- يمزج بين الألوان و التصميم و الخامات كما يمكنك إدخال الكلف و الأشرطة و القيطان في تجميل الوسائد .
فكرة (3) :
استخدمي ما يلي :

- زوج من الوسائد ذات الحجم العادي .
- وسادة مربعة الشكل ( قياسات أوروبية ) وتوضع بين زوج الوسائد السابق بحيث يكون الركن متوجه لأعلى أي بشكل معين تقريباً .
- ضعي فوقها زوج من الوسائد العادية أيضاً .
- أخيراً ضعي وسادة مستطيلة صغيرة في المنتصف بينهما .
- طبعا لا تنسي التنويع في الألوان و الخامات و التصميم لكن بشكل متناسق يعطي انطباع عن ذوقك العام ...
k
انا شارياها ياحرم سي حسن..وعند ماما ومرات عمي وبيقولو جميله
وميزتها عن الفل اوتوماتيك انك ممكن توقفيها ف اي وقت
وممكن تحطي اي كمية
وربنا يبارك لك فيها :)
k
بجد بتمسح الرسومات ياامه الله؟؟؟؟؟؟؟؟؟؟؟
شكرا جدا للتنبيه..وياريت لو حد يقولنا حصلت معاه ولا لا
طب ماسالتوش مثلا ده من ايه
جايز سائل التنضيف لان اعرف ان فيه انواع بيبقى نسبة حمض الكبريتيك عاليه جدا لدرجة كاوية
أ
حرم سي حسن;6960485:
انا مشكلتي مشكلة...ان ماما بتنزل معايا وانا بشتري اي حاجة في الجهاز...دي مش حاجة وحشة انا عارفة..بس هي مش بتديني فلوس عشان لو عجبني حاجة اشتريها..وكمان انا ببقى عايزة حاجات هي شايفاها مالهاش لازمة..ومش بترضى تخليني اجيبها..عشان كده بضطر اني اشيل مصوفي كلة واشتري بيه اللي يعجبني من غير ماهي تعرف..بس المصروف طبعا مش بيقضي..وانا كمان بحس اني تايهة ومش عارفة اجيب حاجة..قولولي ايه الحاجات اللي ممكن اجيبها ..بجد مخنوقة والله العظيم:confused:..ومش عايزه ادخل في نقاش مع ماما في الموضوع ده لاني تعبت..وكمان قولولي انا هافرش اوضة للاطفال..بس عاملاها عشان تنفع الاطفال في المستقبل يعني سريرين كبار وكمان لونها بني..بس مش عارفة ايه الديكورات اللي تمشي مع الاستايل ده..وكمان عايزة اسال عن الترابيزات الصغيرة بتاع الانترية..اللي بتتحط جنب الكنبة...دي اسعارها ايه..في دماغي اسالة كتير وماحدش هايفدني غيركو يابنات....


ولا يهمك يا جميلة بنات كتير ده حالهم

انتي هاتي اللي عاجبك وحدة وحدة وفكري في كلامها برضه لأن فيه حاجات فعلا مش بيكون لها لازمة، فانتي حطي ده في اعتبارك علشان تستريحي برضه بعد ما تتجوزي بإذن الله

ترابيزات الكورنر بتاعة الأنتريه سعرها يعتمد على عددها وحجمها والشغل اللي فيها بس ممكن تلاقي حاجات حلوة في حدود ال200 أو ال300 وهتبقى أربع ترابيزات وشكلهم قيم

أما أوضة الأطفال فحاولي إنك تنقي لها ثيم، يعني استايل معين زي الغابة أو كده تنقي المفروشات بتاعتها على أساسه علشان يتناسب مع لون السراير وفي نفس الوقت يبقى أطفالي، وممكن تفرشيها عادي، أنا أوضتي شخصياً لما كنت صغيرة كانت كده وواحدة صاحبتي لما رحنا زرناها علشان نبارك لها على البيبي لقيناها فارشة أوضته عادي سرير كبير وبلاكار وكلام من ده بي على جنب حاطة سرير البيبي.
n
السلام عليكم ورحمة الله وبركاته
مساء الخير عليكو يا حلوين
دي أول مشاركة ليا معاكم فى المنتدى الجميل ده بس أنا متبعاكوا من زمان
عندى سؤال أنا فى شقتي الحمد لله خلصنا السيراميك وهو شكله على شكل الباركية ولونة لون الباركية وبفكر أعمل الحيطة عندى لونين وبيفصل بينهم بوردر وعاجبنى يكون لون منهم منجاوى بس محتارة فى اللون التانى أعمله أيه وأعمل المنجاوى فوق ولا تحت
ياريت حد يفيدنى ويديني رأيه وشكراً
ص
غساله الاطباق الى عندنا مش بتمسح وكانت بتخلى الكوبايات مش بتلمع بس تقريبا دا من المسحوق الى كنا بنشتريه معاها لان لما غيرناه بقت حلوة والكوبايات نضيفه

وهى زانوسى
s
لقاء ممكن تقوليلى اللحفة اللى كنتى حطاها فى الجزئ اللى فات بيتباعوا فيييين
l
nourzad;6962636:
السلام عليكم ورحمة الله وبركاته
مساء الخير عليكو يا حلوين
دي أول مشاركة ليا معاكم فى المنتدى الجميل ده بس أنا متبعاكوا من زمان
عندى سؤال أنا فى شقتي الحمد لله خلصنا السيراميك وهو شكله على شكل الباركية ولونة لون الباركية وبفكر أعمل الحيطة عندى لونين وبيفصل بينهم بوردر وعاجبنى يكون لون منهم منجاوى بس محتارة فى اللون التانى أعمله أيه وأعمل المنجاوى فوق ولا تحت
ياريت حد يفيدنى ويديني رأيه وشكراً


طيب ياقمرايا ممكن تقوللنا اتكلف كم للمتر ولا بيكون اية نظامة والف مبروووووووك عليكي ياجميلة
ص













s
صوت العيون;6961872:
ما شاء الله

قوليلى جيبتى عفشك منين والمطبخ عملتيه فين




عفشى جبته من دمياط

والمطبخ عملته فى معرض مطابخ فى المقطم اسمه البيت الحديث للمطابخ

البيت الحديث للمطابخ
6 ش عبد الحكيم الرفاعى
مدينة نصر, القاهرة, القاهرة.

وفرع المقطم فى ش 9 بجوار لابوار
l
soha ibrahim;6962713:
لقاء ممكن تقوليلى اللحفة اللى كنتى حطاها فى الجزئ اللى فات بيتباعوا فيييين


انا ياقمر هنا في امريكا شايفاهم كتير

بس انا قلت ممكن تلاقوها في محلات المفروشات في سيتي ستارز وسان ستيفانو في اسكندرية
ص
salad;6962743:
عفشى جبته من دمياط

والمطبخ عملته فى معرض مطابخ فى المقطم اسمه البيت الحديث للمطابخ

البيت الحديث للمطابخ
6 ش عبد الحكيم الرفاعى
مدينة نصر, القاهرة, القاهرة.

وفرع المقطم فى ش 9 بجوار لابوار


طيب هو مطبخك حجمه اد ايه واتكلف كام ولو تعرفى تصوريه

وجزاك الله خير
s
محدش يا جماعة يعرف حاجة عن الطوب الزجاجى شكلة اية و هل هو موضة و لا لأ
أ
m@hy;6961572:
بنااانيت قولولى عن اماكن بتبيع موبيليا كويسة فى اسكندرية تكون استيل

و كمان عاوزة اسم منتج حلو يخلى السيراميك نضيف و بيلمع
عشان ننضفة بعد النقاشة

انا سمعت ان مية النار بتعمل بيها عشان تشيل بواقى البويا و المعجون من على السيراميك
ولا ممكن تبوظة؟؟؟؟؟

ياريت تنورونى فى موضوعى:)
http://www.3roos.com/forums/t371893.html


لو فيه بوية وجبس على الأرض وكده بتجيبي حاجة اسمها تينر thinner من عند محطة البنزين أو محلات البوية

تحطي منها على اليقع وتسيبيها حبة صغيرين وبعدين تنضفيهم بليفة خشنة شوية

وبعد كده تمسحيه عادي

أنا بستخدم خلطة ترانيم كانت قالت عليها في قسم التجارب والخبرات (كلوروكس + ديتول + صابون سائل) بحط كباية من كل حاجة في جركن 3 ليتر وأكمل الباقي مية وبعد كده باخد من الخلطة دي في كوز وأخففها تاني بمية (ربع كوز خلطة و 3/4 مية) بتنضف بسرعة موووووووت وتخلي الأرض بتلمع وريحتها نضافة
s
[QUOTE=m@hy;6962404]ميرسي يا توتا
طب كدة سعرة كويس ولا غالى
و اقولة على طول 400 او 450 ولا اية؟



فاصلي معاه علي قد ماتقدري وطبعا سعره رائع دنا جايبة بتاعي بالفين
s
m@hy;6962045:
حد يا بناااااااااااات اشترى مفرش سرير من المعرض السورى اللى فى نادى سموحة
يقولى وصولو لاخر الفصال لحد كااااااااااام
عشان انا هنزل اشترى


kitty_kity;6961955:
سلاد الف شكر..شجعتيني اجيبها
بس ياريت تفيدينا بخبرتك وتقوليلنا ايه بنجيبه ومابنحتاجهوش فعلا..من واقع خبرتك :)
عشان احنا كمان مانكومش كراتين


زى ما قلتلك الغساله حلوه جدا بصى انا كنت بجيب من كل حاجه اتنين او تلاته ولو قلتلك على اللى جايباه مش هتصدقى يابنتى انا عندى تحت السيرير الكبير مليان كراتين والصغير كمان مليان كراتين ده غير ان عندى ترابيزه السفره فيها درفه فى كل رجل مليانين فحاولى لما تشترى حاجه تكونى مقتنعه بيها مليون فى الميه عشان متشتريش نفس الحاجه بشكل اخر

أمةالله;6962459:


عند ماما غسالة فريش وبتسعف

بس بصراحة مش بتحسي إنها بتنضف زي الغسيل العادي، يعني بحس إنها بتخلي الكبايات مغيمة كده ومش بتلمع

ده غير نقطة مهمة جداً إنها بتمسح الرسومات اللي على الاطباق الأركوبال، اطباقنا قعدت 15 سليمة والغسالة هي اللي مسحتها، قلنا يمكن قديمة بس غسالة خالتي عملت نفس الحركة في اطباقها اللومينارك وكانت لسة جايباهم


اناعندى غسالتى وايت ويل فيها برنامج للاركوبال والاطباق اللى عليها رسومات مش بيخلى اى حاجه تطلع وشغاله بيها كل يوم من 8 شهور ما شاء الله

وعلى فكره مهندس الشركه قالى افضل نوع مسحوق هو فينش بودره او سائل لكن الاقراص بتضر الغساله
ومن الافضل انك تحطى زيت مع المسحوق فى الدرج الخاص بيه بصراحه بيخلى الاكواب والمعالق فى منتهى اللمعان

صوت العيون;6962764:
طيب هو مطبخك حجمه اد ايه واتكلف كام ولو تعرفى تصوريه

وجزاك الله خير

مطبخى مش كبير قوى هو كان حرف يو وداخل فيه الاجهزه هو 3* 2.45 واتكلف 17 الف وهحاول اصوره وانزل صوره
أ
صوت العيون;6962359:
اعملها شكل اوكى فين بقا اعملها وبكام وخامتها هتكون ايه


مممم مش عارفة والله يا صوت

بس أعتقد والله أعلم إن الموضوع ممكن يبقى فيه تكسير وانتي كنتي قلتي السيراميك ركب

هفكر كده وابص على أفكار ولو اللمبة نورت هدخل أقول لك يا جميل
أ
kitty_kity;6962620:
بجد بتمسح الرسومات ياامه الله؟؟؟؟؟؟؟؟؟؟؟
شكرا جدا للتنبيه..وياريت لو حد يقولنا حصلت معاه ولا لا
طب ماسالتوش مثلا ده من ايه
جايز سائل التنضيف لان اعرف ان فيه انواع بيبقى نسبة حمض الكبريتيك عاليه جدا لدرجة كاوية


أنا شفت الموضوع ده مرتين ومن غسالتين نوعين مختلفين

بتاعتنا فريش وبتاعة خالتي وايت ويستنجهاوس باين بس حاجة نضيفة ومستوردة

يمكن نوع المسحوق بقى مش عارفة والله

احنا بنستعمل بايوكلينا هسأل خالتي بيستعملوا عندها ايه في البيت لو نفس النوع يمكن ده يبقى سبب المشكلة

والبنات كانوا قالوا إن مشكلة الطبقة الجيرية دي حلها الزيت، بس بصراحة فريش مش لقينا مكان الزيت بتاعها فين
ل
[QUOTE=Jumanaa;6956149]معلش ياقمر انا اصلى معرفش الهرم اوى عايزه اعرف هو فى شارع الهرم نفسه ولا فين؟؟؟

اة ياحببتى فى شارع الهرم نفسه فى الطالبية عند سنتر 6 اكتوبر بس تحت
X