sweet_toota;6957404:
طب عندك فكرة عن بوتوجاز جليم جاز الايطالى دة؟ اصله عند حماتى و حلو اوى بس هى بتقلى انه قديم و متعرفش اذا كان موجود ولا لا و اذا كان بنفس الجودة ولا لا...حد يعرف عنه حاجة؟
كنت في اسكندرية أول جوازي (مكنتش لسة جبت بوتاجاز:o) وشفناه في شارع مليان محلات أجهزة منزلية أعتقد كان اسمه شارع بور سعيد بس للأسف مش فاكرة اسم المحل لأننا أخدنا منه كارت بس بعد كده إديناه لحماتي لأن كان عليه نمرة التوكيل بتاعهم بس للأسف الكارت ضاع منها
هي عندها بوتجاز جليم جاز من حوالي 15 سنة وما شاء الله لا قوة إلا بالله زي الفل والإشعال الذاتي بتاعة شغال مش زي البوتجازات الكفتة اللي في السوق دلوقتي
وشفناه هنا في شارع عبد العزيز بس احنا كنا بندور على الصغير فأنا مش فاكرة كان عندهم كبير ولا لأ
بس بوجه عام هو طبعاً أغلى من كريازي والكلام ده كان الصغير ب3000 من حوالي 6 أو 7 شهور
لو السعر ده بالنسبة لك كويس يبقى خدي أريستون أحسن لأن جليم جاز ضمانه سنة واحد أريستون ضمانه 10 سنين
ولو عندك براح في السعر ومش فارق معاكي سيبك من الاتنين وهاتي البوش أغلى بس الفرق بينه وبين البوتجازات التانية زي الفرق بين العربية الBMW والعربية ال127 كده
بس بوجه عام الجليم جاز سمعته زي الفل وأريستون سمعته زي الفل برضه بس هما أغلى من الباقيين