بنات هذه مب أول مره أطرح لكم مشاكلي في هالقسم ويه خطيبي ... بنات أبي مساعده منكم أبي حل يريحني لاني تعبت والله اني أكتب لكم وأصيح مب عارفه كيف أتصرف كرهت نفسي وكرهت الحياه.. بنات بقولكم موقفي وابي رايكم دخيلكم وقولولي وين الغلط حتى لو كنت غلطانه لوموني لاني تعبت نفسيا صج ..
بنات أنا من دوله وخطيبي من دوله خليجيه ثانيه وطبعا نحن بس مخطوبين على أساس انه بيتخرج السنه اليايه وبنملج بنات انا واايد متعلقه فيه لدرجة وهو يعرف اني أحبه حيل وهو يقول انه يحبني ومستحيل يتخلى عني أو يفكر بشريكه ثانيه لحياته غيري والله العظيم اني بديت أشك في كلامه لأنه كل ما تضاربنا وصار بينا نقاش يتغير علي وعادي يودرني أسبوع كامل بدون مايرمسني وهو الي كان يقولي انه مايقدر يمر يوم الا اذا رمسني وعرف أخباري واطمن علي .. السالفه ومافيها يابنات انه هو اليومين الي طافوا كان وااييد مشغول على أساس دراسته وعنده امتحانات وجي فما كنا نرمس بس نطمن على بعض بالمسجات وانا قسم بالله كنت ويااه بكل لحظه صح انه هو بعيد بس سهرت ويااه وحسسته أني يالسه ويااه لين ماخلص مذاكره وجي وكان واايد مستانس فيني يقولي والله تحسسيني انج جريبه مب بعيده وجي المهم امس خلص امتحانه ونحن أصلا نسولف بالمسن أكثر شي صحيح يكون بينا فون بس اكثر سوالفنا مسن فهو عطاني رنه على اساس أدش المسن ودشيت وطبعا هو تأخر علي أنا تنرفزت وعصبت واحتشرت عليه هو طبعا زعل قالي مب مني المسن مب رااضي يدش وانا بطريقه حلوه قلت له خلاص انا اسفه وحقك علي بعد لاني مقهوره منك احتشرت عليك قالي يعني كل ماتعصبين بتعقين كلام شو قلت له لا مب جي بس خلاص واعتذرت أكثر من مره وهو مب رااضي كل شوي يعيد ويزيد وأخر شي قالي انا بخليج وفكري بكلامج وكلامي عدل وطلع وخلاني وانا والله العظيم دموعي على خدي أدري اني غلطت لما احتشرت عليه بس اعتذرت والله أكثر من مره وانا والله يابنات كنت قبلها ضايجه من سالفه بس ماخبرته عشاان ما اشغله عن دراسته وسكت بس هو حط كل اللوم علي ولا رضى يعذرني طرشت له مسج قلت له اعذرني ومب قصدي وفكر بكلامك انت بعد ترا كل انسان يغلط بدون حاسيه وأخر شي كتبت له انا بغلق فوني ورد علي بمسج (عمرج مابتفهمي هدفي من جي وأنا بغلق فوني للأبد بعد ) طرشت له مسج انت تتريا هالشي من زمان وانا اسفه خلااص وصدقني مابزعجك مره ثانيه واحين بحرق بطاقتي بعد وفعلا عقب هالسمج حرقت بطاقتي واحين بدون فون أنا ... بنات تحسون الموضوع يستاهل انه يوصل لها الدرجه ؟؟ والله العظيم أحسه بااعني برخيص لما قالي بغلق فوني للأبد أنا كان قصدي لما غلقت فوني اني ماأطرش له مسجاات لين ما أهدي والله العظيم بس هو فسرها بشي ثاني .. بنات والله العظيم تعباانه أحس عمري رخيصه وااايد أنا ابيه هو تعلقت فيه هو ومابي انسان ثاني بحيااتي غيره تعبت والله تعبت حييل ... قولولي شو اسوي دخيلكم
خسرت خطيبي وحياتي انتهت
ر
10-08-2008 | 10:55 PM
ا
10-08-2008 | 11:09 PM
وعسى ان تكرهو شئ وهو خير لكم
وعسى ان تحبو شئ وهو شر لكم
اذا كان الرجل مهب راعي عزم وجديه بها الامور فراقه عيد
وخلي نفسك عزيزة ....وهمة ملوك
ومن باعك لاتشتريه
وعسى ان تحبو شئ وهو شر لكم
اذا كان الرجل مهب راعي عزم وجديه بها الامور فراقه عيد
وخلي نفسك عزيزة ....وهمة ملوك
ومن باعك لاتشتريه
g
10-08-2008 | 11:10 PM
بصراحه أنا اول مره أقرى قصتج
أنا أقولج يا اختي انسيه خلاص
إلي يبيعج بيعيه
و إذا يبيج صج راح يتصل و يسأل عنج
إنتي سويتي الي عليج الحين دوره اهوا المفروض يتحرك
و إذا كان متمسك فيج راح يرجع
أختي اكثري من الدعاء و ان شاء الله ما راح يصير اله الخير
هذي نصيحتي لج و اتمنى انج تسمعينها
لأنه الولد لما يشوف الشي قريب منه يشوفه سهل
خليه يفقدج و يفكر شوي
:)
أنا أقولج يا اختي انسيه خلاص
إلي يبيعج بيعيه
و إذا يبيج صج راح يتصل و يسأل عنج
إنتي سويتي الي عليج الحين دوره اهوا المفروض يتحرك
و إذا كان متمسك فيج راح يرجع
أختي اكثري من الدعاء و ان شاء الله ما راح يصير اله الخير
هذي نصيحتي لج و اتمنى انج تسمعينها
لأنه الولد لما يشوف الشي قريب منه يشوفه سهل
خليه يفقدج و يفكر شوي
:)
&
10-08-2008 | 11:25 PM
بسم الله الرحمن الرحيم
اللهم صل على محمد وآل محمد
قال الله تعالى "[.... وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ]
اختي بحسب كلامك ان اللي عليك سويتيه وانتي ماقصرتي
حطيه قدام الامر الواقع ودوسي على نفسك شوي .. وااذا فعلا يبغاك بيجي لك لو بأخر الدنيا
واجهيه هذا افضل حل
تحياتي لك
اللهم صل على محمد وآل محمد
قال الله تعالى "[.... وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ]
اختي بحسب كلامك ان اللي عليك سويتيه وانتي ماقصرتي
حطيه قدام الامر الواقع ودوسي على نفسك شوي .. وااذا فعلا يبغاك بيجي لك لو بأخر الدنيا
واجهيه هذا افضل حل
تحياتي لك
ب
11-08-2008 | 12:36 AM
اختي ,, اسمحيلي الغلط من البداية منج
انتي حتى لو تحبينه المفروض ماتبينين له انج بتموتين بدونه لان بكون عارف هذا الشي انه مهما سوا انتي اللي بتتعبين ومابتقدرين على غيابه ...
حلو تحسسينه بالحب وانج وياه بس مو لدرجة انج تذبحين روحج عشانه
خلج طبيعية .. انتي يمكن تنرفزتي بس اعتذرتي وهو ماقبل وصار حجي بينكم وصلتون لانكم تتركون بعض؟ اشلون هاي اتصير
لازم اتكونين حكيمه وتعرفين متى تخلين الامور تهدا يعني اذا شفتينه متنرفز انتي سكتي خليه يقول اللي بقوله لان هو بعد معذور ضغط امتحانات وبعده عنج اكيد هالشي خلاه يصير جذي
والمشكله احسها ماتسوى عشان علاقة تنهدم ... لازم تكونون اكبر من هالاشياء
وانتي غلطانه وايد يوم قلتي بالمسج انج بتسكرين التلفون وماوضحتين قصدج هو اشلون بيفهم اذا انتي ماوضحتي
شي طبيعي يرد بمسج اقوى منه .... واللي زيد الموضوع رحتي وحرقتي الفون هذا تصرف صح ؟
حاولي تهدئين وتعرفي اشلون اتحلين مشاكلج معاه لان هذا بكون شريك حياتج ...
الله يهديكم ويفرج همكم ....
وصلي صلاة الليل بقصد قضاء الحاجة واقرئي سورة البقرة وقولي بسم الله الرحمن الرحيم ( امن يجيب المضطر اذا دعاه ويكشف السوء )
وعسى الله يفرج همومكم يارب
انتي حتى لو تحبينه المفروض ماتبينين له انج بتموتين بدونه لان بكون عارف هذا الشي انه مهما سوا انتي اللي بتتعبين ومابتقدرين على غيابه ...
حلو تحسسينه بالحب وانج وياه بس مو لدرجة انج تذبحين روحج عشانه
خلج طبيعية .. انتي يمكن تنرفزتي بس اعتذرتي وهو ماقبل وصار حجي بينكم وصلتون لانكم تتركون بعض؟ اشلون هاي اتصير
لازم اتكونين حكيمه وتعرفين متى تخلين الامور تهدا يعني اذا شفتينه متنرفز انتي سكتي خليه يقول اللي بقوله لان هو بعد معذور ضغط امتحانات وبعده عنج اكيد هالشي خلاه يصير جذي
والمشكله احسها ماتسوى عشان علاقة تنهدم ... لازم تكونون اكبر من هالاشياء
وانتي غلطانه وايد يوم قلتي بالمسج انج بتسكرين التلفون وماوضحتين قصدج هو اشلون بيفهم اذا انتي ماوضحتي
شي طبيعي يرد بمسج اقوى منه .... واللي زيد الموضوع رحتي وحرقتي الفون هذا تصرف صح ؟
حاولي تهدئين وتعرفي اشلون اتحلين مشاكلج معاه لان هذا بكون شريك حياتج ...
الله يهديكم ويفرج همكم ....
وصلي صلاة الليل بقصد قضاء الحاجة واقرئي سورة البقرة وقولي بسم الله الرحمن الرحيم ( امن يجيب المضطر اذا دعاه ويكشف السوء )
وعسى الله يفرج همومكم يارب
غ
11-08-2008 | 12:53 AM
لن تخسري حياتكِ بخسارة شخص !
استعيني بالله واهتمي بنفسك وانظري ما تحتاجه هذه الروح للوصول الى جنات ربك
لو كانت محبتك لله ورسوله فوق كل شيء لهانت عليكِ أي مصيبة .
لكن الشيطان يزيّف لك الموضوع ويجعلك تشعرين أن فراقه صعب
وصدق القائل : من أحب شيئا غير الله عُذب به
نوّر الله بصيرتك وفرّج همكِ.. عليك بالدعاء واشكي الى الله .. تضرعي له ...
استعيني بالله واهتمي بنفسك وانظري ما تحتاجه هذه الروح للوصول الى جنات ربك
لو كانت محبتك لله ورسوله فوق كل شيء لهانت عليكِ أي مصيبة .
لكن الشيطان يزيّف لك الموضوع ويجعلك تشعرين أن فراقه صعب
وصدق القائل : من أحب شيئا غير الله عُذب به
نوّر الله بصيرتك وفرّج همكِ.. عليك بالدعاء واشكي الى الله .. تضرعي له ...
ر
11-08-2008 | 01:12 AM
افهموني والله اني قلت له بغلق فوني لاني ما اريد اطرش له شي واصلا خبرته لاني خفته يتصل ويجوفه مغلق لانه مره اتصل وجافه مغلق احتشر علي وقالي يلست أتنافض وخايف عليج لانج غالقه فونج وثاني مره اذا بتغلقينه خبريني عسب جي غلقته افهموني دخيلكم ..
والله تعبت تعبت حيييل
والله تعبت تعبت حيييل
M
11-08-2008 | 02:09 AM
اختي الموضوع مابيستاهل كل هالشي منو ابدااااااااااااا , شو يعني اذا اتعصبتي وقلتي كلمتين فساعة غضب وبعدها اعتذرتي ؟؟ مافيها شي اذا فعلا بيحبك ومشتاقلك كان يقدر ويفهم لوحدو انك ممكن تكوني مضايقة من شي , بس احنا نقول ممكن هو كمان كان عندو شي معصبو او شي مشكلة او ضغط دراسة او او او
تعرفي اصل المشكلة شو ؟؟ انك من الاول دلعتيه اكثر من اللزوم وخليتيه ياخد على هالعادة انه لما يزعل تعتذري بسرعة وانت اللي مدلوقة عليه
بس الحين اللي صار صاااار , انت عملتي اللي عليك بررتي موقفك واعتذرتي و ترجيتي وبعتي مسج ولاحياة لمن تنادي صح؟ خلاص شوفي اذا بيتصل هو ولا لا واوعي تتصلي خليه وشوفي شو بيعمل
اذا مااتصل حيكون مش فارقة معه ... ان شاءالله يتصل ويحس بانه زودها معك اكثر من اللزوم
وانت وسعي خاطرك ولاتزعلي ولا تنقهري حتى اذا مااتصل ومااهتم مش نهاية العالم "وعسى ان تكرهو شيئا وهو خير لكم"
تعرفي اصل المشكلة شو ؟؟ انك من الاول دلعتيه اكثر من اللزوم وخليتيه ياخد على هالعادة انه لما يزعل تعتذري بسرعة وانت اللي مدلوقة عليه
بس الحين اللي صار صاااار , انت عملتي اللي عليك بررتي موقفك واعتذرتي و ترجيتي وبعتي مسج ولاحياة لمن تنادي صح؟ خلاص شوفي اذا بيتصل هو ولا لا واوعي تتصلي خليه وشوفي شو بيعمل
اذا مااتصل حيكون مش فارقة معه ... ان شاءالله يتصل ويحس بانه زودها معك اكثر من اللزوم
وانت وسعي خاطرك ولاتزعلي ولا تنقهري حتى اذا مااتصل ومااهتم مش نهاية العالم "وعسى ان تكرهو شيئا وهو خير لكم"
s
11-08-2008 | 02:20 AM
شوفي اختي انا حصل لي موقف مقارب لقصتك بحكايه الفون وهو حكى انه راح يسكره للابد وخلاص ومن هذا الكلام بس كله وقت العصبيه وبعدها لاسكره ولا شي بس لاني بدئت حرقت السم كارد فكر انه مااريد احكي معاه(الرجال هكذا يفكرون) ثاني وجلس يوم مايسئل عني بالايميل وبعدها رسل لي ايميلات وبعث لي لرقمي مسجات لما رجعت السم كارد قريتها وانا بوقتها فكرته انه باعني وانه خلاص وهو الي كان يحكي انه ماراح يتخلى عني بس والله كلها بوقت اعصاب صدقيني انتي رجعي رقمك ويارب تلاقي مسج منه او شيكي ايميلك وشوفي وطمنينا عنك ولاتفكري انه باعك بس هم هيك وقت الاعصاب وربنا يوفقكم ويسعدكم يارب وسامحيني طولت عليك بحكايتي
m
11-08-2008 | 02:22 AM
حبيبتي مشكلتك بسيطه لاقصى درجة ليش كبرتيها بدي الطريقه ممكن تعصبي عليه وتزعلي وهو بعد من حقه يعصب عليكي ويزعل لكن ليش تقفلون جوالاتكم وماتتكلمون وليش تكبرون الموضوع السالفه اصلا بسيطه
مو قصدي اهيف من موضوعك بس انا مو لاقيه مشكلة ومو معقول لو انتي قلتيله لاتكلمني خلاص او هو قالك نفس الشي معناه انه خلاص انتهت علاقتكم مو انتم مخطوبين رسمي صح ولو حتى مو برسمي عادي نعصب على بعض بس مو نخسر بعض لسبب تافه
راجعي نفسك وغلط عليكي انك حرقتي بطاقتك مو لدي الدرجة وهو الله يهدي لكي ويرجعه لكي بخير
مو قصدي اهيف من موضوعك بس انا مو لاقيه مشكلة ومو معقول لو انتي قلتيله لاتكلمني خلاص او هو قالك نفس الشي معناه انه خلاص انتهت علاقتكم مو انتم مخطوبين رسمي صح ولو حتى مو برسمي عادي نعصب على بعض بس مو نخسر بعض لسبب تافه
راجعي نفسك وغلط عليكي انك حرقتي بطاقتك مو لدي الدرجة وهو الله يهدي لكي ويرجعه لكي بخير
د
11-08-2008 | 04:45 AM
صدقيني
سحابة صيف وبتعدي
وما اعتقد انتي سويتي جريمه في بنات غيرك تسب وتطرد خطيبها ويرجع زي الشيسمونه
تعرفين ليش لانها ما تبين حبها وتمسكها الزايد فيه.
غيري نفسك شوي واثقلي عليه وغيري معاملتك معه علشان يتسنع
تحياتي
سحابة صيف وبتعدي
وما اعتقد انتي سويتي جريمه في بنات غيرك تسب وتطرد خطيبها ويرجع زي الشيسمونه
تعرفين ليش لانها ما تبين حبها وتمسكها الزايد فيه.
غيري نفسك شوي واثقلي عليه وغيري معاملتك معه علشان يتسنع
تحياتي
ع
11-08-2008 | 06:17 AM
اكتر الرجال لما يعصبو يقولو ماحكلمك اني او انسيني
كان كبرتي عقلك شوي وسبتيه يتكلم براحتو الين لما يهدا اكيد حيحس بغلطو ويعتذر
الله يعوضك باحسن منو
واعتقد انو حيرجع لك لانو المشكله ماتستاهل انكم تفسخو
كان كبرتي عقلك شوي وسبتيه يتكلم براحتو الين لما يهدا اكيد حيحس بغلطو ويعتذر
الله يعوضك باحسن منو
واعتقد انو حيرجع لك لانو المشكله ماتستاهل انكم تفسخو
G
11-08-2008 | 07:49 AM
[FRAME="13 70"]السلام عليكم ورحمة الله وبركاته
مرحبا اختي ...
لا تزعلين ولا تخــافين ولا شي ... حسيت من الموقف ان هو يموت فيج مثل ما انتي تموتين فيه ...
بس تدرين اطباع كل واحد غير عن الثاني .... يعني انتي بسرعه تعترفين مثلا بالغلط .. بس هو لا
مـا يرضى بسرعه ... يعني يبي له وقت ودلع لين يرضى ...
صدقيني هاي خرابيط بتردون لبعض ... ما عليــج من الهـرج ...
مشاكل اول سنة داااايمــا لانكم ما تعرفون طبايع بعض .. بس عقب ان شاء الله كل شي راح ينتسى ...
وبعطيج نصيحة ...
لا تكلمينه مسن ... لان هذا بس كلام .. مافيه احاسيس ... تعابير ... مشــاعر ... !!!! ... مهما يكون فيه
ما يكون تأثيره نفس التليفون ....
انتي كلميه بالفووون والله أبرك لج الف مـرة ... احس تفهمـون بعض اكثر ... الحدود راح تنـزاح ... بتعرفينه
ويعرفج من طريقة الكــلام .. حتى لو متضايق ... مريض لا قدر الله "انتوا الاثنين" ...
يعني الفون وايد احسن لج من المسـن ... غيري الطريقة والله يسهل لج ان شاء الله
أختـج ..
فتاة الخليج[/FRAME]
مرحبا اختي ...
لا تزعلين ولا تخــافين ولا شي ... حسيت من الموقف ان هو يموت فيج مثل ما انتي تموتين فيه ...
بس تدرين اطباع كل واحد غير عن الثاني .... يعني انتي بسرعه تعترفين مثلا بالغلط .. بس هو لا
مـا يرضى بسرعه ... يعني يبي له وقت ودلع لين يرضى ...
صدقيني هاي خرابيط بتردون لبعض ... ما عليــج من الهـرج ...
مشاكل اول سنة داااايمــا لانكم ما تعرفون طبايع بعض .. بس عقب ان شاء الله كل شي راح ينتسى ...
وبعطيج نصيحة ...
لا تكلمينه مسن ... لان هذا بس كلام .. مافيه احاسيس ... تعابير ... مشــاعر ... !!!! ... مهما يكون فيه
ما يكون تأثيره نفس التليفون ....
انتي كلميه بالفووون والله أبرك لج الف مـرة ... احس تفهمـون بعض اكثر ... الحدود راح تنـزاح ... بتعرفينه
ويعرفج من طريقة الكــلام .. حتى لو متضايق ... مريض لا قدر الله "انتوا الاثنين" ...
يعني الفون وايد احسن لج من المسـن ... غيري الطريقة والله يسهل لج ان شاء الله
أختـج ..
فتاة الخليج[/FRAME]
ع
11-08-2008 | 09:13 AM
ياالغاليـــة لاتحاتيــن وهذي مب مشكلــة .. هذا سوء تفاهم بسيط يحصل بين أي اثنين مخطوبــين او متزوجيــن..
اذا كان يعرف رقم بيتكم او رقم اختج مثلاً اكيد راح يتصل بيسأل عنج.. وبإمكانج تطلعين بدل فاقد وبتشوفين أكيد هو يحبـج وبيصل يدور عليج .. هذي زلة لسان طلعت منج واللي كان في قلبج غير عن اللي هو فســره بعقليــته .. لو صار ان شاء الله وتكلمتوا مع بعض لاتفتحين السالفة مباشرةً بس قولي له وجهة نظرج وقولي له ان لايتخذ أي حكم وقرار الا اذا تأكد من اللي انتي تقصدينــه.. لاتخافين وادعي من الله سبحانه ان ترجع المياه لمجاريــها..
ملاحظـــة: بنات عروس .. اخواتي الغاليــات اللي يردون في قضايا وحلول .. مو أي مشكلــة تقول تطلقوا او انفصلوا ياناس هذي حياة مو لعبــة!! انتبــهوا الله يخليكم لردودكم .. ردودكم إحتمالية ان تكون مصيــر لأخوات وتنهدم بيوتهم .. الحياة يبي لها صبر .. لو كل وحدة صارت مشكلة بسيطة وقلتوا لها الله يعوضج بزوج أحسن كان ماتمت وحدة على زوجــها ..
اذا كان يعرف رقم بيتكم او رقم اختج مثلاً اكيد راح يتصل بيسأل عنج.. وبإمكانج تطلعين بدل فاقد وبتشوفين أكيد هو يحبـج وبيصل يدور عليج .. هذي زلة لسان طلعت منج واللي كان في قلبج غير عن اللي هو فســره بعقليــته .. لو صار ان شاء الله وتكلمتوا مع بعض لاتفتحين السالفة مباشرةً بس قولي له وجهة نظرج وقولي له ان لايتخذ أي حكم وقرار الا اذا تأكد من اللي انتي تقصدينــه.. لاتخافين وادعي من الله سبحانه ان ترجع المياه لمجاريــها..
ملاحظـــة: بنات عروس .. اخواتي الغاليــات اللي يردون في قضايا وحلول .. مو أي مشكلــة تقول تطلقوا او انفصلوا ياناس هذي حياة مو لعبــة!! انتبــهوا الله يخليكم لردودكم .. ردودكم إحتمالية ان تكون مصيــر لأخوات وتنهدم بيوتهم .. الحياة يبي لها صبر .. لو كل وحدة صارت مشكلة بسيطة وقلتوا لها الله يعوضج بزوج أحسن كان ماتمت وحدة على زوجــها ..
u
11-08-2008 | 09:21 AM
مرحبا اختي ...
بنات انتو لا حظتو ردودكم .. او لا .... ؟؟
البنت مب مالجه .. الريال خطيبها ووبس ... انامادري هو جا مع اهله اخطبج يعني ولا شالقصه ..
ثاني شي انتي مب مكتوب كتابج عليه ... يعني ما يجوز تتكلمين معاه .. حــــــــــــــــــــــرام ..
لا يحل لج ولا شي ..
والي تسوونه غلط انتو الاثنين .. واذا كان يبيج ... يجيك بعد الدراسه .. يعني أهلك راضيين تكلمين و احد غريـــب .. على اساس هو خطيبك ....
انا بكلمك بصفه دينيه . اختي .. تقطعين كلامك معاه .. وتخلون كلامكم لين بعد الملجه .. وبعدها تزعلون تتضاربون .. سوو الي يعجبكم ... انتو حلال بعض .. لكن الحين اختي هالشي مايجوز
بنات ماشا ءالله تبارك الله .. عليهم .. مكتوب كتابهم ,, وما يقدرون يتكلمون كلمه مع ازواجهم .. حتى مسج يستحون .. وانتو ماخذين راحتكم وايد .
والي يبيج ... اختي .. يشتريج .. مو ترمين نفسج جذي وانتي غاليه .. ووالبنت معززه مكرمه ببيت اهلها لين يجي زوجها ياخذها ..
يعني ليش تذلين نفسج مع واحد اساسا مب ريلج ...... لو مكتوب كتابج كنت بقولج حل ثاني ..
بس في هالشي ماقدر اشجعج عليه ...
اتمنى وضحت كلامي ..
والله يصلح الحال ..
ام جنى
بنات انتو لا حظتو ردودكم .. او لا .... ؟؟
البنت مب مالجه .. الريال خطيبها ووبس ... انامادري هو جا مع اهله اخطبج يعني ولا شالقصه ..
ثاني شي انتي مب مكتوب كتابج عليه ... يعني ما يجوز تتكلمين معاه .. حــــــــــــــــــــــرام ..
لا يحل لج ولا شي ..
والي تسوونه غلط انتو الاثنين .. واذا كان يبيج ... يجيك بعد الدراسه .. يعني أهلك راضيين تكلمين و احد غريـــب .. على اساس هو خطيبك ....
انا بكلمك بصفه دينيه . اختي .. تقطعين كلامك معاه .. وتخلون كلامكم لين بعد الملجه .. وبعدها تزعلون تتضاربون .. سوو الي يعجبكم ... انتو حلال بعض .. لكن الحين اختي هالشي مايجوز
بنات ماشا ءالله تبارك الله .. عليهم .. مكتوب كتابهم ,, وما يقدرون يتكلمون كلمه مع ازواجهم .. حتى مسج يستحون .. وانتو ماخذين راحتكم وايد .
والي يبيج ... اختي .. يشتريج .. مو ترمين نفسج جذي وانتي غاليه .. ووالبنت معززه مكرمه ببيت اهلها لين يجي زوجها ياخذها ..
يعني ليش تذلين نفسج مع واحد اساسا مب ريلج ...... لو مكتوب كتابج كنت بقولج حل ثاني ..
بس في هالشي ماقدر اشجعج عليه ...
اتمنى وضحت كلامي ..
والله يصلح الحال ..
ام جنى
b
11-08-2008 | 09:44 AM
مرحبا خيتي..
والله اني لما قريت موضوعك فكرت فيه سبب قوي!لان الموضوع بجد يخرع!
شوفي وانا اختك هذا موضوع وسبب ابدن مايخليك تسوين هالشي تقفلي تليفونك او تحرقيه او او او
ومثل ماقالت اختي يعني هالدرجة موضوع الطلاق او فسخ الخطبة سهل !! على سبب اقل من تافه تنفصلوا عن بعض !! اسمحيلي اللي يحبون بعض من جد مايتركون بعض عشان هذي الاسباب واذا من البداية تزعلوا على بعض وتتخاصموا على اشياء تافهه كيف بتقدروا تكونون اسرة وعيال والله الزواج مسؤولية فووووووووووق هالاشياء بكثيييييير انا مااخوفك لا بالعكس انا اقول لازم تتخطين هالمرحلة زعل وخصام وغيره انا مااقول لاتزعلي او شي لكن الزعل والخصام وغيره هذا يكون لاسباب قوية مو لهالسبب بكرة اذا جبتي لك ولد والا بنت كيف بتقدروا تديروا شؤوونهم والله مو شي سهل ابد..
ومثل ماقالوا خواتي اثقلي عليه ولا تحسسيه بانك راح تموتي بدونه!بالعكس حسسيه انك عزيزة وبتشوفين كيف راح يرجع لك والله الرجال اغلبهم يحبون المرة الثقيلة وصدقيني اذا هو يحبك صدق راح يجيك ويطلب يملك عليك اليوم قبل بكرة ..
اتمنى انك ترجعين له ولا تفكري بسالفه فسخ خطبة او غيره مادامكم تحبون بعض
تحياتي لك
bnt fahed
والله اني لما قريت موضوعك فكرت فيه سبب قوي!لان الموضوع بجد يخرع!
شوفي وانا اختك هذا موضوع وسبب ابدن مايخليك تسوين هالشي تقفلي تليفونك او تحرقيه او او او
ومثل ماقالت اختي يعني هالدرجة موضوع الطلاق او فسخ الخطبة سهل !! على سبب اقل من تافه تنفصلوا عن بعض !! اسمحيلي اللي يحبون بعض من جد مايتركون بعض عشان هذي الاسباب واذا من البداية تزعلوا على بعض وتتخاصموا على اشياء تافهه كيف بتقدروا تكونون اسرة وعيال والله الزواج مسؤولية فووووووووووق هالاشياء بكثيييييير انا مااخوفك لا بالعكس انا اقول لازم تتخطين هالمرحلة زعل وخصام وغيره انا مااقول لاتزعلي او شي لكن الزعل والخصام وغيره هذا يكون لاسباب قوية مو لهالسبب بكرة اذا جبتي لك ولد والا بنت كيف بتقدروا تديروا شؤوونهم والله مو شي سهل ابد..
ومثل ماقالوا خواتي اثقلي عليه ولا تحسسيه بانك راح تموتي بدونه!بالعكس حسسيه انك عزيزة وبتشوفين كيف راح يرجع لك والله الرجال اغلبهم يحبون المرة الثقيلة وصدقيني اذا هو يحبك صدق راح يجيك ويطلب يملك عليك اليوم قبل بكرة ..
اتمنى انك ترجعين له ولا تفكري بسالفه فسخ خطبة او غيره مادامكم تحبون بعض
تحياتي لك
bnt fahed
م
11-08-2008 | 10:47 AM
Noor1979;6897967:
مرحبا اختي ...
بنات انتو لا حظتو ردودكم .. او لا .... ؟؟
البنت مب مالجه .. الريال خطيبها ووبس ... انامادري هو جا مع اهله اخطبج يعني ولا شالقصه ..
ثاني شي انتي مب مكتوب كتابج عليه ... يعني ما يجوز تتكلمين معاه .. حــــــــــــــــــــــرام ..
لا يحل لج ولا شي ..
والي تسوونه غلط انتو الاثنين .. واذا كان يبيج ... يجيك بعد الدراسه .. يعني أهلك راضيين تكلمين و احد غريـــب .. على اساس هو خطيبك ....
انا بكلمك بصفه دينيه . اختي .. تقطعين كلامك معاه .. وتخلون كلامكم لين بعد الملجه .. وبعدها تزعلون تتضاربون .. سوو الي يعجبكم ... انتو حلال بعض .. لكن الحين اختي هالشي مايجوز
بنات ماشا ءالله تبارك الله .. عليهم .. مكتوب كتابهم ,, وما يقدرون يتكلمون كلمه مع ازواجهم .. حتى مسج يستحون .. وانتو ماخذين راحتكم وايد .
والي يبيج ... اختي .. يشتريج .. مو ترمين نفسج جذي وانتي غاليه .. ووالبنت معززه مكرمه ببيت اهلها لين يجي زوجها ياخذها ..
يعني ليش تذلين نفسج مع واحد اساسا مب ريلج ...... لو مكتوب كتابج كنت بقولج حل ثاني ..
بس في هالشي ماقدر اشجعج عليه ...
اتمنى وضحت كلامي ..
والله يصلح الحال ..
ام جنى
ب
11-08-2008 | 10:52 AM
أنا اشوف انكم كبرتوا السالفة وهي صغيرة
الموضوع مومستاهل وبكرا لا تزوجتوا وش راح تسوون في الحياة
لما تتزوجون غصب راح تعصبون وتصارخون وتتزاعلون يعني من أول الطريق راح تنفصلون
هدي بالج وانشاء الله قريب راح ترجعون مثل أول واحسن وحاولوا تحلون المشكلة مايصير اتمون جذيه
لازم لم واحد من الزوجين يعصب الثاني يطوف له
واللي تقول أنه باعج بالرخيص تراها مكبرة السالفة ولا تنسي أنج ةفي نظره اللي أنهيتي السالفة
حشى على طول حرقتي الكرت بيقول ماصدقت قتلها خلاص قالت لاتوريني وجهك ولا عاد أسمع حسك
الله يهديكم
الموضوع مومستاهل وبكرا لا تزوجتوا وش راح تسوون في الحياة
لما تتزوجون غصب راح تعصبون وتصارخون وتتزاعلون يعني من أول الطريق راح تنفصلون
هدي بالج وانشاء الله قريب راح ترجعون مثل أول واحسن وحاولوا تحلون المشكلة مايصير اتمون جذيه
لازم لم واحد من الزوجين يعصب الثاني يطوف له
واللي تقول أنه باعج بالرخيص تراها مكبرة السالفة ولا تنسي أنج ةفي نظره اللي أنهيتي السالفة
حشى على طول حرقتي الكرت بيقول ماصدقت قتلها خلاص قالت لاتوريني وجهك ولا عاد أسمع حسك
الله يهديكم
m
11-08-2008 | 01:37 PM
حااولي معااه مره ثاانيه بس اذا تحسين انه صدق بايعنج ف رايي من راي الاخوات لأنج صدق بتتعبين معااه
ماادري والله شو اقولج بس اتمنى انه الله يرزقج بشخص احسن
والله يوفقج عزيزتي
ماادري والله شو اقولج بس اتمنى انه الله يرزقج بشخص احسن
والله يوفقج عزيزتي
ر
11-08-2008 | 01:48 PM
مشكورين بنات على ردودكم والي قالت لي مايجوز أكلمه لانه نحن مخطوبين بس فهذا عشان نتعرف على بعض لانه هو بدوله خليجيه وأنا بدوله ثانيه وأهلنا يدرون بها الشي ....
بنات أنا حرقت الكارد لاني طرشت له مسج عقب الي طرشه حقي وقلت له اني اعتذرت وسويت الي علي شو تبى اكثر من جي ووصله المسج من التقرير الي وصلني وعقب طرشت له مسج ثاني اني مابزعجه مره ثانيه ورح احرق بطاقتي بس هالمسج ماوصله لانه شكله غلق فونه على طول من أول مسج طرشته له انا هني اضايجت وما استحملت فعلا فحرقت الكارد وعادي اطلع بدل فاقد بس ما اريد انا أبدي لاني أحسه انه هو باعني برخيص عقب ماكان يقولي انه مايقدر يعيش دوني وانه يتريا اللحظه الي يتخرج فيها عشان نلتم فبيت وااحد والله العظيم يابنات بديت اشك بكلامه ومب عاارفه كيف أتصرف ... صحيح انا غلطتي وااايد عطيته ويه ودلعته وضحيت بوايد اشياء عشانه وهو يدري هالشي بس احس كرامتي مجروحه بنات قولولي شو اسوي كيف أتصرف والله اني أريده هو ومابي أخسره بس مابي انا الي أبدى ابيه يحس بالي سواه تعبت يابنات حييل حتى الصلااه والله العظيم أصليها وأنا جالسه ... شوروا علي دخيلكم ..
بنات أنا حرقت الكارد لاني طرشت له مسج عقب الي طرشه حقي وقلت له اني اعتذرت وسويت الي علي شو تبى اكثر من جي ووصله المسج من التقرير الي وصلني وعقب طرشت له مسج ثاني اني مابزعجه مره ثانيه ورح احرق بطاقتي بس هالمسج ماوصله لانه شكله غلق فونه على طول من أول مسج طرشته له انا هني اضايجت وما استحملت فعلا فحرقت الكارد وعادي اطلع بدل فاقد بس ما اريد انا أبدي لاني أحسه انه هو باعني برخيص عقب ماكان يقولي انه مايقدر يعيش دوني وانه يتريا اللحظه الي يتخرج فيها عشان نلتم فبيت وااحد والله العظيم يابنات بديت اشك بكلامه ومب عاارفه كيف أتصرف ... صحيح انا غلطتي وااايد عطيته ويه ودلعته وضحيت بوايد اشياء عشانه وهو يدري هالشي بس احس كرامتي مجروحه بنات قولولي شو اسوي كيف أتصرف والله اني أريده هو ومابي أخسره بس مابي انا الي أبدى ابيه يحس بالي سواه تعبت يابنات حييل حتى الصلااه والله العظيم أصليها وأنا جالسه ... شوروا علي دخيلكم ..