خسرت خطيبي وحياتي انتهت

رووح حموودي 10-08-2008 45 رد 3,680 مشاهدة
&
انتي عصبتي وقلتي ان بغلق التلفون علشان مااطرشين له مسجات ،، وهو فسرها بطريقه ثانيه

وانتي بعد هو قالج بغلق فونتي للابد وفسرتيهاا بطريقه غلط

يعني انتي ما شاء الله عليج حرقتي بطاقتي ترى هالشئ يخليه يقول ان يمكن فعلا ماتبيني

يعني المفروض يكون بينكم تفاهم

مب بس حب ..
u
اعتقد بالنسبه لي كلامي واضح .

انتي اختي وايد كبرتي الموضوع معاه والتصرفات هذي للاسف تصرفات طفوليه .. ومافيها اي نضوج..

مع احترامي غلط .. ان اهلك يخلونكم تتكلمون مع بعض .. حتى لو كان بغرض التعارف .. والمفروض هالشي يكون محدد الفتره مب مفتوح .. لو جاز ..

يعني مب ماسنجر وتليفونات وحب وغراب .. ومادري شنو .. اختي .. لايجوز لايجوز... تبين ربج يبارك لج هالزواج .. اتبعيه في ما يرضيه ..

انتظري التخرج وبعدين سوو الي تبونه ... بعد الملكه ...

الله يهديكم بس

ام جنى
ب
رووح حموودي;6900069:
مشكورين بنات على ردودكم والي قالت لي مايجوز أكلمه لانه نحن مخطوبين بس فهذا عشان نتعرف على بعض لانه هو بدوله خليجيه وأنا بدوله ثانيه وأهلنا يدرون بها الشي ....
بنات أنا حرقت الكارد لاني طرشت له مسج عقب الي طرشه حقي وقلت له اني اعتذرت وسويت الي علي شو تبى اكثر من جي ووصله المسج من التقرير الي وصلني وعقب طرشت له مسج ثاني اني مابزعجه مره ثانيه ورح احرق بطاقتي بس هالمسج ماوصله لانه شكله غلق فونه على طول من أول مسج طرشته له انا هني اضايجت وما استحملت فعلا فحرقت الكارد وعادي اطلع بدل فاقد بس ما اريد انا أبدي لاني أحسه انه هو باعني برخيص عقب ماكان يقولي انه مايقدر يعيش دوني وانه يتريا اللحظه الي يتخرج فيها عشان نلتم فبيت وااحد والله العظيم يابنات بديت اشك بكلامه ومب عاارفه كيف أتصرف ... صحيح انا غلطتي وااايد عطيته ويه ودلعته وضحيت بوايد اشياء عشانه وهو يدري هالشي بس احس كرامتي مجروحه بنات قولولي شو اسوي كيف أتصرف والله اني أريده هو ومابي أخسره بس مابي انا الي أبدى ابيه يحس بالي سواه تعبت يابنات حييل حتى الصلااه والله العظيم أصليها وأنا جالسه ... شوروا علي دخيلكم ..


مثل ماقالت اختي Noor1979

علاقتكم خطأ .. الحب لازم يكون في الله مو جذي

انا رديت على اسااس انكم مخطوبين

الله يهديكم
ح
الله يصبرك
d
إنتوا مخطوبين واللا الوضع إيه؟
ر
هلا بنات بغيت أخبركم بأخر التطورات الي صارت ويااي ...

طبعا مثل ما تعرفون اني حرقت بطاقة التلفون مالي وأمس قلت بدش المسن أجيك لاني والله العظيم أتحرقص أبي أي شي منه ما أبي أا الي أبدي أبيه هو الي يبدى فدشيت المسن وحصلته موجود وعلى طول كلمني طبعا انا اول شي سويته سألته عن المسج الي طرشه حقي فقالي انه هو ما كان يقصد وانه لو فعلا جاد جان غلقه أصلا وانه هذا اختبار لي ؟؟؟؟ أنا هني استغربت قلت له هذا مب اختبار هذا شرات السم الي تحطه فكوب ماي وتسقيه حقي طبعا يلس يعتذر وااايد وحس بغلطته وقالي أنه الغلط من البدايه ومن أوله بسبته وأنا طبعا ساكته وأدمع وقالي انه مستحيل يتخلى عني وانه يبيعني وانه شارني ولو شو ما يصير وأنا طبعا ساكته وماقدرت أرد عليه بشي مع أنه كان متلهف يسمع مني كلمه اني خلاص سامحته بس والله العظيم يابنات ما قدرت ما أعرف ليش وعقب قالي انتي شاكه بحبي لج ؟؟؟ أنا طبعا قلت له المسج الي طرشته مب هين ووايد جرحني وبصراحه ما اعرف شو ارد عليك وما أقدر أفكر بشي حاليا قالي دخيلج فكري وردي علي خبر .. وهو الحين يتريا مني رد على سؤاله بس ما أعرف شو أقوله لاني صج شااكه بحبه والله عقب الي صاار واايد صرت اخاف ومابي أرقوله جي عسب ماتستوي سالفه ثانيه لاني تعبت بصراحه من المشاكل ... أبيه يحس بغلطته وبالي سواه فيني صحيح أنه اعتذر بس والله قلبي مجروح منه خلااص ... طبعا هالفتره مارح أكلمه لين أطلع بدل فااقد وأنا مأجله هالشي لأني احس نفسي مرتاحه جي وبالمسن مابي أكلمه واايد ما أبااه يحس اني ميته عليه ابيه يعرف اني أقدر اشل عمري دونه ...
شوروا علياا بناات
&

حـلوو انج تفكريين كذا

ترى الرجال ما يحبون الي ترمي نفسها عليهم

يعني يحبون العنيده وبالقصد الثقيله


الله يخليكم لبعض وحاولي انكم ما تختلفون ع اشياء

صغيره يعني اذا هوو شد انتي رخي و ان شاء الله ربي يسعدكم


الله يوفقكم ويوفق المؤمنين والمؤمنات

تحياتي:روحي تحبه
م
يابنات حرام لايجيبوا كل اللوم عليه هى تحبه بجنون وخليته محور حياتها وده مش غلط لان اللى بيحب بجد مش بيشوف غير رضااللى بيحبه اختى اذا كنتى بتحبيه صح وهو بيحبك بجد راح ترجعوا لبعض لو كل الدنيا وقفت فى وشكم بس يمكن انتم محتاجين تبعدوا عن بعض شويه تتاكدوا من مشاعركم واذا تاكدتى اختى انك تحبيه اياااااااااااااااك تتخلى عن حبك لان الحب الحقيقى بيصادفنا مره واحده بالحياه وانشالله كمان بيكون هو بيحبك بس معصب او مضغوط من شى وربنا يوفقى للى فيه الخير يارب
r
الموضوع ما يستاهل كل هذا اختي ...

الاثنين غلطانين ... المفروووض ما تضاربون على هاي المسائل ...
انتي اهدي فترة وشوفي اذا هو رد يكلمج ولا يطرش لج ايميل عقبها حطي النقاط عل الحروووف واتفاهموا

والله يكتب لج اللي فيه الخير اختي
r
روحي تحبهـ;6906229:

حـلوو انج تفكريين كذا

ترى الرجال ما يحبون الي ترمي نفسها عليهم

يعني يحبون العنيده وبالقصد الثقيله


الله يخليكم لبعض وحاولي انكم ما تختلفون ع اشياء

صغيره يعني اذا هوو شد انتي رخي و ان شاء الله ربي يسعدكم


الله يوفقكم ويوفق المؤمنين والمؤمنات

تحياتي:روحي تحبه


انا مع الاخت .... حاليا خليج انتي الاعقل واتصرفي بحكمه والله يوفقج اختي
ا
رأي وبكل صراحه

الغلط ياي من عندج.. انتي تحبينه يعني تضحين من أجله..

تشوفين الرجال في فتره امتحانات ونفسيته تعبانه وحالته حاله المفروض ومثل ما هيأتيله الجو العدل للمذاكره وقفتي معاه تكملين للنهايه.. مب تزعلين منه الانه تأخر في دخلته للمسنجر!!!

التمس لاخيك المسلم سبعين عذا.. لو تحبينه صدق..

انتي ما تعرفين شو حاط في باله وقتها..

لو كلمتيه بالعدال وبهدوء وينك حبيبي ليش تأخرت علي اكيد هو بيجاوبج وبهدوء وبيخبرج اللي صار.. وبجذيه راح تختصرين على نفسج المشاكل وا لمصايب والكلام الجارح اللي سمعتيه منه بلحظه غضب.. بلحظه دخل فيها الشيطان بينكم وخرب الدنيا ووصلت للفراق..


ديما الحرمه اللي تبا تحافظ على زوجها تهدء الموضوع.. بالذات ريايل هالزمن مصيبه تراه اذا ما لقوا الاستقرار عن حريمهم يكون لهم عذر انهم يدورون غيرها انتبهي..

ولو حسيتي انه يلعب عليج نصيحه خبري اهلج وهم بينصحونج...

ونصيحه اخيره.. خلج اقوى شوي ولا تذبحين روحج بالحب الانج بتتعبين وايد وبتعذبين.. احنا البنات عاطفيات زياده عن اللزوم.. وهذا يخرب علينا وايد لازم نوزن الامور..

انا اقول روحي اليوم ورجعي بطاقتج وكلميه وعيشو حياتكم وحاولي تكسبينه مب اطفشينه.. دام انه عصبي..

فكري قبل لا تسوين الشي..

ص
بصراح الغلط فيج تعرفين ليش انتي واااااااااااااايد حساسة
ليش ما فكرتي شو فايدة الصياح والزعل هل هو يسمعج او يحس فيج
صح انتو منزاعلين بس ان شاء الله تتفاهمون لان الموضوع ما يستاهل وبعدين الريال مضايق
خلي يهدء وبترجع الامور الى مجاريها بس نصيحتي لج فكري لو مره ليش انا اصيح اذبح نفسي وعقب بنتراضا
جسمج امانة يعني عيونج قلبج نفسيتج فلا تسوين فنفيج جي
واللة يهدي النفوس يا رب
M
أنا بصراحة رايي من راي الحيرانة-88
الرجاجيل مايستحملون كلمة منا.. والرجال يجي بالكلمة الحلوة عاملية كأنة طفل وشوفي اشلون بتملكينة
والله يهديكم ويوفقكم
p
اختي انتي مخطوبه فقط ولا مالك عليك ؟؟؟
اذا بس خطبه اصلن المفروض انك ماتكلمينه ...واذا بينكم ملكه المفروض انكم ماتعاملون بعد جذي يعني تصرفج بحرق الكرت تصرف غلط
ش
الله يهديكم وبعد الزواج بتصير ذي ذكريات مضحكة وبتقولون كنا نتهاوش علي شغلات تافهه الله يهدي نفوسكم
ع
حبيبتي اذا هذي بدايته خليه يولي وانسيه

وانا ما اشجع على فترة طوووويلة من الخطبة لان يكثر فيها المشاكل والله يعينج على ما بلاج :)
أ
amoula000;6895948:
اختي الموضوع مابيستاهل كل هالشي منو ابدااااااااااااا , شو يعني اذا اتعصبتي وقلتي كلمتين فساعة غضب وبعدها اعتذرتي ؟؟ مافيها شي اذا فعلا بيحبك ومشتاقلك كان يقدر ويفهم لوحدو انك ممكن تكوني مضايقة من شي , بس احنا نقول ممكن هو كمان كان عندو شي معصبو او شي مشكلة او ضغط دراسة او او او
تعرفي اصل المشكلة شو ؟؟ انك من الاول دلعتيه اكثر من اللزوم وخليتيه ياخد على هالعادة انه لما يزعل تعتذري بسرعة وانت اللي مدلوقة عليه
بس الحين اللي صار صاااار , انت عملتي اللي عليك بررتي موقفك واعتذرتي و ترجيتي وبعتي مسج ولاحياة لمن تنادي صح؟ خلاص شوفي اذا بيتصل هو ولا لا واوعي تتصلي خليه وشوفي شو بيعمل
اذا مااتصل حيكون مش فارقة معه ... ان شاءالله يتصل ويحس بانه زودها معك اكثر من اللزوم
وانت وسعي خاطرك ولاتزعلي ولا تنقهري حتى اذا مااتصل ومااهتم مش نهاية العالم "وعسى ان تكرهو شيئا وهو خير لكم"
س
خليه اشوي يفكر ويذوق بعادك عنه

وبعدين ليش المساءل توصل لكذا

بينكم

اكثري من الدعاااااااااء وثقي بالله
وعسى ان تكرهوا شيئا وهوخير لكم
وعسى ان تحبوا شيئا وهو شرا لكم
ن
انا رايي ما تتركيه
كان يصير بيني وبين خطيبي مثل كذا واكثر ولكن الحمد لله نحن مع بعض ونحب بعض اكثر من قبل
حبيبتي لا تردي عليهم ما الك الا هو بعد ربنا لا تسيبيه
ا
خليه يولى
X