ملابس العيد

موضوووووع حلو
و بالنسبه لي انا سويت قطعتين وجده جلابيه عاديه مخوره و كرستال بس اللون يديد سويت اصفر
و القطعة الثانيه تيقر و عليها ورود ورديه وخضرا وفيها كريستال فصلتها فراشه و عليها شغل راقي

و العبايه والشيله من سويت ليدي العبايه ساده لاني ما احب الشغل على العباه بـ 250 درهم
و الشيله ثقيله شوي من شغل كريستال و ورود بارزه بـ700 درهم

و الشنطه خذتها من نكست لونها بني وعليها اكسسوار ذهبي بــ 185
و الجوتي ( اكرمكم الله ) بعدنب ما حصلت شي يناسب

و الاكسسوار افكر اخذ من الوشيعه ولا شواروفسكي لان الدو و اكسيسوريز ما حبيتهم وما يناسب اللبس

و المكياج من ماك اكيييييييييييييييد

و الشعر بعدني ما فكرت و بتحنا ان شاء الله فصالون رشنا

و بس واذا تذكرت شي بكتبه لكم

والله كلك ذوق :)

عدنا حلوات كنت رايحه يومين المزرعه واشتقت لكم

جسر التواصل خيارات موفقه وبي يهنيك فيهم ان شاء الله

ru7i :):) بعض مما عندكم


نجي الان نكمل لموضة المكياج هي بشكلين الشكل الاول وجه صافي مع بودره لاينر عريض والروج بارز فوشي او اورنج فاقع او بيطيخي تلقين عند ماك ماتشتهين
اللوك الثاني البشره فيها لمعه من نفس الفاوديشن والجفون فيها لونين وتحت لون ثاني افضل تكون خفيفه الالوان مع كحل داخل العين و رموش كثيفه او تركيب الروج زاهي زهر باربي الالوان الفاتحه الي فيها لون واحمر الخدود ظاهر هذا اخ مانزل بلوكات المكياج اتمنى افدتكم

اليوم اح اتكلم عن ملابس الاطفال
مريت القرعاوي والسواني والعيسائي ماعجبوني احس السنه كاجوال مافي شي رسمي وانا احس لازم العيد رسمي عجبني جاكادي عنده اشياء حلوه ورباعيات حلو
واتمنى تلقون للعيد

يسلمووون على موضوع
بس صح كلام اختنا ضي القلوب

ضي القلوب;6854271:
سلام حلوات

مشكورات على المرور والمشاركات الحلوه


انا والشوق انا مو مره خبره بالعدسات ولاعمري جربتها الا قليل انا بيضاء وابي اصبغ برغندي و مفكره بعدسات رمادي ايش انسب فاتح والا غامق و وش رايك وايش المكياج الي يناسب الرمادي

انا بانتظار الخوات الباقيات

العدسات زرقا او رماديه فااتحه، تطلع احلى من الغامقه وخصوصا اذا انتي بيضه فتبين طبيعيه وايد
ولما تلبسين عدسات يفضل ان يكون الشدو لون واحد متدرج او لونين بس وماتكثرين الوان
انا لما البس الرمادي اكثر شي يكون مكياج عيوني لون واحد مثل البني والبرونز وتدرجاته أو البنفسجي أو الكحلي اذا حق سهرات وحتى الاخضر الغامق بعد يطلع حلو
وأهم شي تحديد العيون بالآي لاينر ومايصلح كحل بس داخل العيون، اما العدسات الزرقا فأوكي يناسبها كحل داخل العين بس

ضي القلوب

الرمادي الفاتح عندي اللي عارضتها امل حجازي نسيت اسمها بس انصحج اذا عيونج واااسعه
لا تفكرين تشترينها لأنها طلعت عيوني تخوووف مررررعبه بس طالعه وااايد حلوة على حماتي
بعرس اخوها مع الميك اب لأن عيونها صغار مكبرتها وبارزه رسمة عينها

فعشان جذي بس جربتها ورديتها علبتها وراح اعطيها بنت اختي لأن تناسبها

موضوع روعه أختي ضي القلوب عندكم في دبي السيد والقرعاوي عندنا برياض بعد نفس المحلات وعندكم دقله مطرزه بعد كلامك سعودي بس كنك عايشه في دبي صح !! عموما اهم شــــــــي عندي في العيد فرحة الأطفال لازم اسوي هدايا الأطفال بدري اول شي اسوي استيكر واحط صورة بنتي عليه واكتب اسمها وكتب على الاستيكر كل عام وانتم بخير مقدمه من ساره بنت فلان الفلاني واشكال روعه مثل للبنات فستان واحط فيه حلويات العيد وحط في كل كيس 5 ريال او 10 ريال حسب الميزانيه والأولاد احط ثوب صغير لونه ابيض ومخيط من تحت طبعا واحط الحلاوه والفلوس جواته واكون ملبسه بنتي احلى فستان واروح لصلاة العيد وارجع البس انا فستان هادي مصمم عند مصممه سعوديه روعه ما اصمم الا عندها ورخيصه وبس وعساكم من عواده

سلام حلوات وشكرا على المشاركه
تسلمي ظبانيه عسل

الف شكر انا والشوق افدتيني بس وش ترشحين افضل تراي كلر او فش لوك ؟

مشكوره مناير الكويت على الافاده

غزلان 2 انا من الرياض وساكنه بالرياض بس احب اسافر دبي كل كم شهر للشوبينق مع انه اخر مره احس نفس بضاعتنا وياحلوه علميني عن هالمصممه وين موقعها وكم اسعارها ؟

ضي القلوب;6891516:
سلام حلوات وشكرا على المشاركه

الف شكر انا والشوق افدتيني بس وش ترشحين افضل تراي كلر او فش لوك ؟

تراي كلر بلا منازع :bigsmile:

ياليت تفيدوني وين اقدر الاقي لبس للعيد من الرياض لي ولبنتي عمرها 3 سنوات

ومشكورين مقدما

سلام شيخة الزين راح نتكلم حسب الميزانيه بالنسبه لبنتك اذا من 500 وفوق القرعاوي للاطفال العيسائي شارع العليا العام رباعيات المملكه السواني الفيصليه تبين اقل انصحك جاكادي و سيرجنت ميجور

بالنسبه لك اذا بالالف وفوق عماير السيركون السواني ارتبل دونا مودرنا جنب المملكه واذا اقل دكني ميستودتي دبنهامز
اتمنى افدتك

اول شي أختي ضي القلوب القرعاوي عندهم شي زين أذكر رحت له اول مافتح أغلب محلاتها مقفله وش عندهم اشياء زينه ؟؟ المصممه اسمها سلمى الناصر اسم مشغلها ركن الأناقه قريب ملاهي الخيمه او امام ملاهي الخيمه بس تصاميم شــــــــــــــــــــــــــــي روعه تلفت الأنتباه أذا ودك برقمها عندي بس مقدر احطه ع العام مسويه عندها انا فستان الطاووووس خيال كل من شافني طالعني وسئلني عنه وبس

اهلين غزلان2 القرعاوي للاطفال فيه بربري موسكينو اولي ارماني ديور هالماركات وانا دايم اشتري منهم بس هالمره مدري ماعجبني و العالم هابه ببربري كنه ابو ريالين ينعاف
وابسالك المصممه تصمم للعيد ؟ وكم اسعارها تقريبا

السلام عليكم

ليش كلكم تقولوا العيد باقله واجد هو صحيح أنه بعيد بس ما لهذي الدرجة بعدين أنا أشوف أنه أفضل من الحين الناس يشتروا ملابس للعيد لأنه في رمضان الناس يكون متكاسلين ما يقدروا يطلعوا السوق على جوع ولما يفطروا يكونوا تعبانين من الأكل <<<<<<عاد ما أكل هذا الي ناكله
وعلشان خاطر ضي القلوب هذي ملاس للعيد بس مش أنا مصورتنهن هذيلا ناقلتنهم من النت بس بحطهم علشان تا خذوا أفكار للعيد













وهذي ملابس للكبار







أن شاء الله تكون عجبتكم

من وين تشترون ثياب العيد ما عجبوني عدل
يا ريت تدلوني على أماكن تبيع ثياب للعيد حلوه وأسعارها زينه
ماأحصل قدي لأني ضعيييييفه وطويييييله ويش اسوي؟؟!!!

محد عنده مديل بالطوا ناعم بسيط؟؟!!

واو الكل متحمس ع العيد وانا للحين مافكرت ولا جا ببالي

موضوع روووووعة

يعطيكــ الف عافية ضي القلوب
أنا بعد جالســـــــة اجهز لي ولعيالــــــــــي حق العيد ان شاء الله من ملابس وبجايم>> عادة عندنا لاااازم كل شئ جديد خخخع
وأنا بصراحة أشجع اي وحدة تجهز الحين رمضان شهر عبادة وزيارة اقارب هذا فوق الزحمة والغلاء اللي بالسوق

لي رجعة بعلمكــــــــم وش شريت!

ايه تصمم للعيد بس ترى من الحين واسعارها ب 2000 وفوق وتلقين اشياء حلوه غريبه 1500 و 1800وترى عندها زحمه مررره

Himam الف شكر على هالمشاركه الحلوه

AL'MaNaMeA شوفي بالعالي فوق في محل كبير يجيب شغلات حلوه وراقيه وتحت قدام البنديره على مااعتقد في محل صغنون في اشياء مه رايقه اتمنى افدتك

مشكوات خواتي على المرور