ملابس العيد

بصراحه موضوع رائع وبوقته جد
انا بصراحه للحين مانزلت السوق بس مفكره اشتري بدري هالمره وارتاح لانه اذا قرب الوقت تكون كل الملابس نفس بعضها وغااااااااااليه
بس اعجبني اللوك اللي قلتيه التنوره القصيره والبلوزه الفضفاضه مع الحزام
والفستان
وشعري ابصبغه بورغندي وانشاء الله يناسبني لان انا موفاتحه مره يعني حنطيه
ومشكووووره على الموضوع الرائع لانه فادني من جد

بصراحه انا من مؤيدين الشراء بدري ... احب اجهز حالي من بدري وافتك لانه رمضان عباده وما احب اطلع السوق برمضان

لدرجة اني جهزت بناتي كمان وخلصت كل شيء ابغى اتفرغ اخر شعبان لمريول المدرسه وتجهيز ات المدرسه ........ احس البضائع مثل ما هي مافيه تغير كثييييييير يعتمد على ابداع الوحده .

الموضوع جمييييييييييييل جدا حبيته

انا بصرااااحة للحين ما قررت بس حبيت بهاي العيد إني اتنوع بالثياب والفستان ..~

وانا باخذ لي فستان بدبي ترى قريب من بيت خالي ..يمكن آخذة بالجميرة او بالقصيص ..ترى حلو الملابس هناك ..والعباء طبعا ع ذوقي وانا أفصل لعمري وأختار الموديل ..^_^

تسلمين الغالية ع الموضوع ..~

والله الموضوع حلو

عني انا ، فصلت لي عباية وان شالله بتجهز على نص الشهر
لان في رمضان يكون زحمة والشغل اي كلام والاسعار ترتفع ففصلت من الحين وافتكيت


وباقي الاشياء ان شالله على آخر الشهر ابتدي في تجهيزاتهم

الثياب
فكرت اسوي لي جلابية بسيييطه جدا حرير ودانتيل، مع اني ولا مره في حياتي لبست جلابية :shy:

واذا ماسويتها باشتري لي بنطلون جينز وتوب او اثنين وبسسس
لان الصراحه كل عيد اصف لي بدلات وكشخات وآخرتها البسهم مره وحده وبعدين يتمون في الكبت

فقررت ان اشتري لي شي راح البسه واستعمله

وطبعا باخذ لي جوتي وشنطه واكسسوارات بسيطه
والمكياج عندي اكتفاء ذاتي فيمكن آخذ لي اشياء بسيطة فقط

وشعري باقص اطرافه في بداية رمضان، لانهم صايرين خشنين
والصبغ انا توني من شهرين صابغة شعري بس ممكن افتح اللون واسويه اشقر زياده

ايييه صج ان شالله راح آخذ عدسات عسليه تناسب شعري الاشقر :bigsmile:

وبسسسسسسس

انا مشششششششغوله حيل لدرجه نسيت رمضان والعيد لاني اجهز لعرسي بسوي كم جلابيه لرمضان لاني مليت من البناطيل والبيجامات وجلابيه للقرنقعوه تكون شوي فلكلوريه عشان بتصور فيها ،وبدور فالمجمعات على لبسه للعيد تكون طقم , وبفصل عبايه كشخه وناويه اقص شعري بس الكل يقولي خليه للعرس

اهلين حلوات

مشكوره فيونكه ورديه على المرور واللون اقصده والقصات زيالي في موضوع اختي شمس وقمر ا
http://www.3roos.com/forums/t364590.html
http://www.3roos.com/forums/t298027.html

قطعة جلاكسي مشكوره على المرور بس مابنطلعك هههههه لين تعلمينا ايش اشتريتي للعيد تتهنين فيه ان شاء الله

لوسي وام هزاع مشكورات على المشاركه الحلوه

رودين السنعه علمينا وش شريتي لعيالك ربي يخليهم لك

انا والشوق اهنيك على الاختيار الحلو اتوقع الحرير والدانتيل بيعطي فخامه واذا تبين لوك هادي زهر بدانتيل فضي واذا لوك ملفت نيلي بفستقي فسفوي اتوقع فلته والعدسات تغير انا العام لبستهم بالعيد اول مره بحياتي عملت جو. مع ان عيدنا عند حمولتي فيه فوق 80 حرمه عشان كذا تلاقيني مهتمه هههههه الحموله غير


عروستنا موغي ربي يوفقك بحياتك المستقبليه ويهنيكبالنسبه لقص الشعر خليه على العرس بس بالعيد اتوقع خطيبك بيعايدكم هههه ربي يحليك في عينه ان شاء الله اختاري لوك انثوي الشعر ويفي وفستان ناعم مو شرط فخم ومكياج هادي اتوقع ما راح يطلع ههههه لين يوم العرس

الصور الي اقصدها في لوكات الشعر

" alt="" loading="lazy">

آآه يآبنآآت

انا رحت دورت التحليه الي بجده

والله مرره احترت ايش اشتري
اكترهآ اسبووور

بس شفت بنطلون يوصل لين تحت الصدر وآآآآآو عجبني مرره شكله من يو رآيت u-right

بس طلع اصغر من مقآسي يالله انقهرت لمن قسته طلع صغير عليآآ ولا كآن اشتريتو ويكون لبسه معآآه بلوزه

رسميه كآروهآآت بيطلع وآآآآو بيكون هوآ اللبس التآآني

بس اشتريت بنطلونين جينز عآدي وكم بلوزه بس مو للعيد

آآآه

دورت كلهآ اسبور طفشت مآني عارفه ايش اشتري ولسه بدور بنتي ابغآالها فستآن عمرهآ سنتين وللحين مآحصلن رحت آدمز اشتريتلها تنور وبلوزه

وولدي خلاص باقيلو بلوزه كآروهآت وبنلطون والبلوزه الي فوقها اشتريتها خلاص

والله يعين

اشوف انتو ايش اراآكم كمآآن في الملابس والموضه

مشكورين افدتوني مره انا افكر اول يوم البس فستان قصير لونه بنفسج واطقم معه كل شيء

وثاني العيدباخذجلابيه احاول افصلها بالكويت طلبيه لكن ابغاها كشخه اوباخذمن اليشمك الي

بالدمام عشاني حامل والباقي بجهز لزواج اخوي بشتري فستان ناعم لكن موعارفه اللون اتمنى

تفيدوني

والعباءه بفصل بعدالعيد عشان شكل جسمي راح يتغير

والشنطه لسى موعارفه اي ماركه الرائجه لاني اشوف اشكال تهبل بالسوق

ومحتاره وانا بالنسبه لي مااحب الشنط الرسميه احب الغريبه والالوان الفاتحه

وفيها كرستال تتر او اي حاجه تلمع كاني طقاقه

ولبنتي بجهز لها من الان لكن وشموضه الاطفال الدارجه هذه اول بنت لي

ارجو تفيدوني

وبالنسبه للصبغه انا احب اصبغ بلبيت لان اختي عامله بمشاغل كثيره والمشاغل غاليه خاصة

شعري طويل لكن ودي اصبغ احمر عنابي لكن ابغى صبغه ماتنزل بسرعه

اي صبغه تتوقعون ايش ماركتها

[COLOR="DarkOrange"]بلا تغنيج

صبغة كوليستون اللي تصير أنبوبة مارونيه حلوه والوانها واضحه

ضي القلوب

ماشالله 80 حرمه
احنا بس خالاتي وعماتي اللي نشوفهم كل اسبوع خخخخخ
يعني مافي احد جديد
عشان جذي استخسر اشتري هههههههه
من شوي قلت حق امي عن الجلابية وشكلها استانست اني بسوي لي
وقلت بعد كم يوم عقب ما اخلص امتحاناتي بنروح نشوف
انا شفت قطعه حرير نفس جلد النمر بس اللون بني وتركواز،، تهقونها بتصير حلوة ولا صارت قديمه؟؟؟
انا عجبتني عشان المكياج :shy:

[/COLOR]

انا ودي اشتري للعيد من الحين وماراح اشتري بدلة فخمه راح يكون لبسي بسيط وناعم
بس محتارة لأني حامل بالشهر الثاني وعلى العيد بكون ان شالله في الشهر الرابع
بيبرز بطني واخاف اشتري من الحين واتوهق ...

فقررت اني اشتري للعيد فستان طويل او قصير بس مو وايد لان الحامل مو حلو عليها القصير حيل
مع قصة من تحت الصدر

و بلوزه واااسعه بقصات حلوة حرير او شيفون مع بنطلون يمكن يكون سكيني

وراح افصل لي دراعه ناعمه او اشتري

والألوان ابيها فاتحه

وطبعا الجنطه والجوتي عزكم الله فلااااات عشان يكون مريح

وافكر ما اسوي عبايه لأن عندي عباية للمناسبات جديده بكرستال ذهبي وعسلي

وشعري توني صابغته لعرس حماي من ثلاث اسابيع برغندي وما ابي اغير الصبغه لما اولد بالسلامه
ان شالله وشعري طووووله واحد اطرافه متساويه ويمكن اسوي حركه بسيطه بالأطراف وطبعا ماانسى
العدسات لأن غرامي العدسات ..


وووووبس هذا اللي فبالي الحين

ضي القلـــوووب


هلا وغلا تسلمي ع الموضوع التحفه

ممكن تحطين لي صوره للعبايه اللي فصلتيها

الاكمااام المنفوووخه ؟؟؟

سلام حلوات

عروسة بيتي اذا تبين للاولاد حلو عندك جاكادي اتمنى افدتك

بلاتغنيج ذباحه اذا حابه لوك هادي البسي جزمه فضي واذا لوك ملفت اقترح الجزمه الحمراء واشارب ضغير على الرقبه لون احمر اتوقع يطلع فلته للشنط الالوان عندك برادا و كفالي وبالنسبه للصبغه موكنك قلتي حامل ؟؟؟ اتركيها اريح انتي حامل مو صحيه الصبغ لك شوفي الفنانات يصورون اغاني ونص شعرهم مصبوغ والنص الثاني لا ماضرهم

انا والشوق بالنسبه لجد النمر قديم الا اذا محد لبسه من جماعتكم وانتي حابته مره اقترح حطي معاه فستقي بيطلع غريب شوي

مناير الكويت خيارات موفقه صحيح وش احسن ماركه عدسات ودي اجرب رمادي فري لوك جربت توتي وطلعت كني سنجاب هههههههه


تووفه للاسف مااعرف انزل صور :ss:

نريد المزيد من افكاركم :D:D:D:D

هلا هلا لحيني ماقررت أشتري شي للعيد
بس أبغي أسوي لي بالطوا وشيله للعيد وخاطري في شي ناعم ويناسبني
ممكن كل وحده فيكم تعرض لنا مديل عبايتها ناخذ أفكار
أني أبغي أسوي لي وحده ناعمه يوم الأربعاء بروح أسوي لو زين تساعدوني ماأمبي ساده سويت لي ساده وبتبرز قريب وأبغي وحده ناعمه
ياااريت تساعدوني

هااااااااااااي

شلوونكم وشخباااركم


صج صج المووضوع عجبني وانا من مساعه ادووور عن هالمواضيع حق العيد

واستغرب على البنات اللي يقولون تو الناس

انا احب اخطط وافكر شنو البس واسووووي وناويه اشتري كل اسبوع مثلا شي هههه

عشان لا انسه شي


وانا اليوم فصلت لي عبايه حق العيد سويتها مربعه وسيعه مررررررره حلوه سويت لونين ازرق فاتح وغامج

وان شاء الله تتطلع حلوووووووووه
لان انا مخطوووبه وحدي مستااانسه والله يخلييه لي

واعتقد اهوه السبب اللي يخليني اجهز من الحين من فرحتي هههههه ادري بتقولون مينونه

اممم وبس وافكر اشتري شنطه ونعال بكعب اكشخ نفس لون العبايه ازرق

وشعري اممم توني قاصته تقريبا من شهر بس احسه شووي طوول والقصه حلو مقططع بس طولت

ماراح اسوي شي يعني بستشوره عادي ويمكن اسوي فيه حركات بس مادري للحين وباحط فيه اكسسوار يعني هلوون

وامم وايد استفاديت من كلامكم عن الملابس

قررت اني اشتري فستان ناعم وحلووو وقصير لي الركبه ان شا ءالله احصل حق اول يوم

وبشتري تنوره قصيره مع توب حرير عشقي الحرير

واممم مادري يمكن اشتري جينزز

واممم بعد شنو اي واليوم بعد رحت الموول اتفرر اشوف لي عطورات وعود ودهن العود حق العيد الدفه الكشخه هههههه

وشميييت واااايد حلوووين من كذا محل من اجمل والقرشي والعربيه للعود واصغر علي في بعضهم عجبوني وبعضهم لا


وامممم بعد شنووو بس هاذي اللي في بالي الحين

واذا في شي بعد بايي اطل عشان اجوف شنو اليديد



ياريت الكل يتفااعل ويا هالموضوع


والله يوفقج يارب ياصاحبه الموضوع ويتمم لج على خير ان شا ءالله كل امووورج

لان وايد عجبني الموضوع


ادري وايد سولفت هههه

بــاااي :)

ونسيت اقول شي


الللي عنده فساتين لي الركبه حلووين او نعل او شنط لون ازرق يحطهم


ولي عنده افكار بعد يحطهم لنا لايبخل علينا

وبس

اخت ضي القلوب يعطيك العافيه بصراحه موضوع حلوو وبوقته ،،:eek2: :flower:

وانا أيد اللي قالت ان السنه اول مره يكون رمضان اجازه=مكه وجده زحمه مووووووت

يعني لو نخلص بدري احسن واصلا في رمضان مافي وقت و(الرجال مايعطوك وجه للسوق)

في افكار كثير حلوه وحلو نستفيد من افكار واذواق بعض

انا ناويه باذن الله انزل السوق بهاليومين وودي القى فستان ليموني تحت الركبه للعيد

وبركب عليه اكسسوارات يكون لونها قوي محتاره بين الاخضر والموف... اللي تعرف محل
منزل اللي طلبته ياليت تفيدني،،

ومرررررررررره محتاره ايش اشتري لبنوتتي العيد ان شاءالله بيصير عمرها 6 شهور


حاسه اني متوووووووورطه لانها اول مولود ماني عارفه كيف ارتب اموري :cry:


ياليت تساعدوني

مشكورين(w)

ضي القلوب

:dd::dd::dd:
صج ضحكتيني على السنجاب
لانه نفس الشعور حسيته يوم اجربها خخخخخ، حسيت اني في فلم ويايه من الفضاء :dd:
اذا تبين لون رمادي فاااتح ووااااضح عندج عدسات تراي كلر
وعندي صورتها على عيني اذا تبين تشوفين

سلام حلوات

مشكورات على المرور والمشاركات الحلوه


انا والشوق انا مو مره خبره بالعدسات ولاعمري جربتها الا قليل انا بيضاء وابي اصبغ برغندي و مفكره بعدسات رمادي ايش انسب فاتح والا غامق و وش رايك وايش المكياج الي يناسب الرمادي

انا بانتظار الخوات الباقيات