أنا واااااايد مضايجة ... محد يحس فيني

بسم الله الرحمن الرحيم ...
شوفي انا بصراحه اشوف الزواجات الي حولنا وربي ولا زواجه تحمس تخليني ابي اتزوج انا قبل كنت ابي اتزوج وانخطبت وقسم بالله من انخطبت سنتين خطبتي كان احساسي زفت وقتها حمدت ربي اني رفضت ولا ارتبطت مو نقص بالانسان بس ضيقة صدر يمكن مو هو خيرتي وانا بالجامعه ادرس ولا ابي مسؤوليات وانا اصغر من اختي ترا واختي انخطبت مره من واحد مايجيب بس ولا همها ابدا بلعكس هي تحس نفسها صغيره تقول توني على الزواج وعمرها ترا 26 واعرف بنات كثير انخطبو ومايبون يتزوجون ليه لان الزواج هالايام صعب مو مثل اول من ناحية الرجال مافيهم المسؤوليه زي رجال زمان والوحده مننا تبي زي ابوها ومستحيل الاقي زي ابوي عشان كذا مخليتها على الله متى ماجاء رزقي وقتها غصبن عني بوافق لانه مكتوب علي بس شوفي وش استفدت لمن سنتين مخطوبه ولا شي بس ضيعتها هم وبكى المشكله خوفي بهالسنتين كان اني بكرا يمكن مااتزوج وهذا يعتبر عريس لئطه وبنفس الوقت مكتومه بموافقتي.... لو اني من البدايه قلت لا مو كان افضل وعشت هالايام الي راحت ... بس برضو تعتبر هالسنتين تجربه ..
فانا اقولك لا تتحسفين انهم ماكلمو هذي تجربه ولا تجلسين تفكرين بالزواج وتخلين اهلك يشيلون همك افرحي واستمتعي يمكن حظك يكون افضل من اختك ماتدرين وين الخيره الي يختارها الله لك ...
لو تفكرين اعمارنا كم 60 - 70 سنه بنعيشها لو بتجلسين تنكدين على نفسك راح ربع عمرك ويعتبر عمرك احلا عمر وانا اعتبر اعمارنا قليله يعني لو ماتزوجت ابد ربي بإذن الله بيعوضني بالجنه الصبر مفتاح كل شي ... والله ماخلق السماء والارض بلحظه مع انه قادر سبحانه تفكري بهالاشياء تعمقي تأملي ليه ماخلقها بلحظه وهو قادر ؟؟
اشغلي نفسك بالتفكر والتأمل صدقيني بتعوضك كثير ... كملي تعليمك اذا انتي ماكملتي ابدي فكري بمستقبلك كشخصك ونفسك دوري الفرحه بنفسك لا تنتظري رجال يحققها لان ممكن تلاقي هالرجال بكرا سكير ولا خاين ولا ولا ولا كيف بتواجهي هالمواقف لازم انتي تكوني معتمده على نفسك وخليك واثقه بنفسك ولا تتكلي على رجال يسليك ولا زواج يفرحك شوفي اهلك دوري مكامن متعتك مااعرفك انا لو اعرفك كان فتحتك على اشياء بنفسك انتي غافله عنها
اللهم ياخالق السموات والارض ياحي ياقيوم ارزقها بالزوج الذي يسعدها ويعينها بدينها ودنياها باسرع وقت ويارحمن ارحم ضعفها واجبر بخاطرها ...