أنا واااااايد مضايجة ... محد يحس فيني

[COLOR=red]اشحالج مرحبا الغالية[/
حبيبتي ليش تتضايجين الله بيفرجها ان شاء الله,, وبعدين انت ليش مستعيلة على وجع الراس ,, حبي انت ماتعرفين الزواج شو ممكن يسوي فيج,, والله بتتعبين وايد بتتعبين من الريل, الله بيرزقج بولد الحلال اللي يستاهلج,, عيشي حياتج واستانسي لانج راح تنحرمين من الوناسة اذا تزوجتي بتعيشين في هم ونكد وضرابة ويمكن ريلج مايحس فيج وبيعاملج اسوأ معاملة وكنج ولاشيء استانسي فديتج

[GRADE="00008B FF6347 008000 4B0082"]يابنت الناس هذي مب مشكله وبعدين في العشرينات لسه صغيرة :):)
لا ترمي نفسك على اي شاب يتقدم لك الا لما تعرفي اخلاقه(y)(y)
واذا الخاطب صرف النظر فلا تتحسفي عليه بيجي لك خيرا منه وعساكم تحبوا شيئا فهو شر لكم
وعساكم تكرهوا شيئا وهو خيرا لكم وكل تاخيرة ولها خيرة :wink::wink:
ارجو ان اكون افدتك حبيبتي[/GRADE]

فطومة الحبوبة;6670079:
صح أكيد بتقولون لي إن في بنات تزوجوا بعمر 30 أو 35 سنة فما فوق بس أنا أبغي ألحين وأنا صغيرة بالعشرين


مب حلوة البنت تتزوج وهي كبيرة والله وبعد بيخطبها الرجل المتزوج أو المطلق يعني مب شاب .. شو الفايدة تتزوج وهي كبيرة ويوم الزفة تظهر جدام الناس والكل يأشر عليها وقولون شوفوا هذه كبيرة عمرها 50 أو 40 سنة .. وبعد البنت الكبيرة مافيها حيل إتتيب عيال أو اتربيهم لان عمرها 40 سنة .. بالعكس هي بتستحي ... الله يخليكم لا لا لا .. أبغي ألحين .. لا تذكرون لي قصص بنات كبار بالعمر أكتئب أكثر ..
لا لا أنا ماأبغي أكون بهذا الموقف أفضل الموت على إن أتزوج وأنا كبيرة ...

أبغي ألحين وأنا صغيرة ... صدقوني أنا أمر بمحنة ...

ساااااااامحوني يا بنات .. أنا أعتذر لاني قلت عن البنت الكبيرة .. والله من غير قصد ما كان قصدي أجرح حد .. والله ري العالم بقلبي إني ما اقصد أجرح ,,, إعذروني لاني وايد مضايجة وطول الوقت أبكي .. نفسيتي وايد تعبانة ... خايفة من الايام .. خايفة والعمر يجري . الكلام إللي قلته عن البنات الكبار والله والله والله من غير قصد

وأنا بكل صدق أعتذر .. سامحوووني

لا ياعمري لا تتأسفين لانج كنتي تتكلمين في غمرة مشاعر مو مستوعبه

وانا مع البنات الوقت الي قاعده تبجين فيه وتتضايقين فيه انتي الخسرانه اولا واخرا...خلي الايام تمشي وعيشي يومج اللي انتي فيه اصنعي لنفسج ذكريات حلوه مو ذكريات مليئه بالضيق والهم بسبب تفكيرج المستمر بالزواج
انا معاج لما تضايقتي بان اختج تزوجت مع ان انتي اكبر منها...لا تفقدي الامل ان شاء الله تتزوجين بعدها...عاد ياكثر اللي يقربولنا تزوجو خواتهم اللي اصغر منهم وعقب هم تزوجوا بعدهم...ترا مو نهاية العالم ولا نهاية الدنيا ولا نهاية السعادة ان اختج تزوجت قبلك...انا ادري بان ضيقتج هذي بسبب انج خايفه محد يتقدملج عشان اللي اصغر منج تزوجت...بس صدقيني عادي بس انتي لازم تنجحين بالاختبار اللي الله يختبرج فيه..الله يخليج لا تسقطيت بالامتحان ولاتخلين الشيطان يضحك عليج...خلي ايمانج بالله قوي وصلي الليل بالثلث الاخير من اليل لان اله ينزل للارض ويقول من يدعوني فأستجيب له من يستغفرني فاتوب عليه...واقري سورة البقره مدة اربعين يوم وبتشوفين الي يسرج باذن واحد احد الحي الذي لا يموت...وبذكرج كل ردود افعال تطلع منج من بكاء وضيق واحساس بالهم والكلام اللي تقصدينه والي ما تقصدينه هو خسارة للدرجات الامتحان اللي الله يختبره فيج..الصبر مفتاااااااااح الفرج...تفاءلوا بالخير تجدوه والرسول ماقالها عبث...واتمنى اول شي تغيرين نظام حياتج اللي مضيقه خلقج عليه...والله يرزق كل بنات المسلمين بالازواج الصالحين

صج ماعرف ظروفج عدل بس لازم تحمدين الله يعني تتوقعين اللي عمرهم 30 او 40 وفوق مايبون يتزوجون اكيد يبون واعرف وايد بنات بهالعمر بس يعرفون انه هذا نصيب من جذيه اهم ما قاعدين طول وقتهم ينتظرون الباب يدق بالعكس الوحدة تشوف نفسها وتطور من نفسها الحين المراة مو مثل قبل تقدرين تدرسين وتشتغلين وتصيرين احسن من المتزوجات من العلم والثقافة وتعرفين امور دينج ودنياج وترى 3 او 4 او 5 سنين مدة بسيطة انا الحمدلله انخطبت عقب ماخلصت دراستي واشتغلت مع اني خاطري قبل بس ليش اضايق نفسي والحمدلله الله رزقني ولد الحلال وشخص فاهم وطيب وخلوق لكن مابنسى احلى السنوات اللي قضيتها في الجامعه وفي حياتي المهنية واتمنى ادرس اكثر علشان حتى عايلتي وزوجي واعيالي يكونون فخورين بامهم

حبيبتي لا تتضايقين ما تدرين يمكن خطبة اختك خير عليكـ .. ممكن يشووفنك ناس في عرسها ويخطبونك ..:)..
أكثري من الاستغفار والدعآء والله كريم ..
عسى ان تكرهوا شيئا وهو خيرا لكمـ .. يمكن اللي خآطبك شاب مو زين وغير مناسب لكـ ..
تفائلي بالخير يا قلبي..
الكل يمر في هاللحظآت والحزن .. الله كريم ..

الله يرزقك عاجلا غير اجلا

الله يعينج

حبيبتي هذي وسوسات من الشيطان
تعوذي من ابليس
و احمدي ربج سبحانه و تعالى على كل حال ... و مثل ما قالوا الاخوات ..... كل تأخيرة وفيها خيرة
استغفري ربج .... وعليج بالدعااااااء قبل صلاة الفجر و عقبها على طول

الله يفرج همج ويرزقج بولد الحلال ........... يا رب

ياعمري قريت موضوعك حسيت بمعاناتك..

مابيدي الا اني ادعيلك..يارب ازل همها وارزقها ولد الحلال اللي يسعدها وينسيها همها ..

حبيبتي

اكشخي بحفلة اختج وخليج مبتسمه

شدراج يمكن نصيبج بيكون بحفلتها : )

خليج دايم متفائله

(( تفائلوا بالخير تجدونه ))

لا تخلينها تحس فيج وتتضايق عشانج

اللـه يوفقج ويرزقج بالزوج الصـالح

لاتضايجين ابدن كلنا نمر بنفس هاللحظات بس ابد ماكانت سبب لهمنا شو يعني اذا ماردو عليكم مب هي اخر الدنيا والله اكيد كاتبلج بلي احسن منه يمكن هو مايستاهلج ولاتنسين الطبيون لطيبات الغاليه
انتي اهم شي اهتمي في نفسج اثبتي وجودج كوني اي شي تبينه شغلي وقتج مع هلج قدمي ع وظيفه
صدقيني العرس مب كل شي فديتج
والله الغاليه انا اعرف بنات صارت لهم هالحظه اكثر من 4 مرات فلاتزعلين الله بيعوضج بلي اخير منه
الله كاتبلج ويمكن هالشي خير لج .. والخيره في ما كتبه الله لج

انت احمدى الله ان فى ناس جات وخطبتك

انا اعرف بنات عمر ما دق بابهم ولا عريس وعايشين يفرحون لكل البنات الى ينخطبوا وواثقين فى الله انهم راح يتزوجون

حبيبتى سوى حزنتى والا فرحتى نصيبك هيجيك فى الوقت الى كاتبلك فيه الله ان هو هيجى

وعيشى يومك بيومه

وان شاء الله نسمع عنك خبر سعيد

اختي الله يسلمك انادشيت العشرين دوبني واختي ملكت قبل شهرين وهي اصغر مني شي عادي عمرها 17 موهاذا اللي يضايقش اللي يضايق اهلك لمن يقولولك انشاء الله تتزوجي معاها ويطفشوك كل مايشوفوكي كانك عانس عندهم وزواج اختي في الحج تصبري والله بيرزقك انتي ماشاء الله وايد خطاب خطبوكي انا واحد يوم كنتي في الثانوية ورفضته وماعندة جنسية سعودية الله ييسرلك اللي فيه الخير ادعيلي اتزوج قريب انا وياك من واحد كويتي اواماراتي اوسعودي شاب حسن الخلق والاخلاق

عزيزتي كل واحد عنده مشاكل وهموم


ورب العالمين رحيم جعل القرآن شفاء للصدور


عليكي بقيام الليل والدعااااااااااااااااااااء

لو تعرفي الأسباب ممكن تعالجيها


الله يرزقك الزوج الصالح


آآآآآآآآآآآآمين

فطومة الحبوبة;6670079:
صح أكيد بتقولون لي إن في بنات تزوجوا بعمر 30 أو 35 سنة فما فوق بس أنا أبغي ألحين وأنا صغيرة بالعشرين


مب حلوة البنت تتزوج وهي كبيرة والله وبعد بيخطبها الرجل المتزوج أو المطلق يعني مب شاب .. شو الفايدة تتزوج وهي كبيرة ويوم الزفة تظهر جدام الناس والكل يأشر عليها وقولون شوفوا هذه كبيرة عمرها 50 أو 40 سنة .. وبعد البنت الكبيرة مافيها حيل إتتيب عيال أو اتربيهم لان عمرها 40 سنة .. بالعكس هي بتستحي ... الله يخليكم لا لا لا .. أبغي ألحين .. لا تذكرون لي قصص بنات كبار بالعمر أكتئب أكثر ..
لا لا أنا ماأبغي أكون بهذا الموقف أفضل الموت على إن أتزوج وأنا كبيرة ...

أبغي ألحين وأنا صغيرة ... صدقوني أنا أمر بمحنة ...

حبيبتي عليكِ بالدعاء والاستغفار وتذكري ان ده رزق والرزق من عند الله وما له وقت فارضي حبيبتي يرضيكي الله ويعطيكي من حيث لا تحتسبي


كنتي ممكن تزوجتي الشخص ده وعانيت الامرين معاه هل هتكوني سعيده بزواجك ؟؟؟
وأعذريني أختي يعني هو حد ضامن نفسه ناس مين اللي هيقعدوا يقول في الفرح دي كبيرة ولا مش كبيرة هما جايين يباركوا ويدعوا بالذرية الصالحة ولا يعيبوا في بنات الناس ويشمتوا فيهم ؟؟؟

الله يهديهم

وتذكري ان إرضاء الناس شئ لا يدرك
لو البنت تزوجت صغيرة قالوا أهلها ما صدقوا جوزوها وخلصوا منها
ولو كبيرة قالوا عليها فاتها قطار الزواج

الموقف ده أختي الحبيبة معرض يقع فيه اي أي حد
ربنا يرزقك الزوج الصالح ويجعلك سكنا له ويجعله سكنا لكي ويجعلك قرة عينا له ويجعله قرة عينا لكي ويرزقكم الذرية الصالحة عاجلا ليس آجلا ... اللهم آمين وبنات المسلمين

اخـــــــــتي فطومــــــــــــــــــــهـ

ان شاء الله خيره اللي صارلك,,
وترى الزواج موب كل شي..

انتي استغفري ربك وادعيه من قلبكـــ

والله يكتبلك اللي فيه الخير

الغالية لا تضيجين بعمرج ..

يمكن انتي من اهنه متكدرة وحالتج حاله وفي ناس يخططون وانتي ما تدرين انهم ايون يتقدمولج جريب ..

صدقيني لا تحطين الموضوع على بالج وان شاء الله في يوم وانتي غافله ولا مفتكرة بالسالفة بيونج الاهل يقولولج عن خطيب يا يدق بابج ..

فكري بالسالفة من ناحية ثانية .. ان هالفترة فرصه لج عشان تسوين الي خاطرج فيه .. في بنات ما شافوا الدنيا .. الي تخرجت من الثانوية وعرست والي فنص دراستها الجامعية والي تخرجت وفبالها خطط بس ما لحقت تسوي شي ..

ارتاحي وتوكلي على ربج ونصيبج بييج لا تحاتين ^___^

غاليتي ,,( عسى ان تكرهوا شيئا وهو خير لكم) صدق الله العظيم

تمر بنا الدنيا بفترات وامور تحزننا لكن الله الطف بعباده من انفسهم ,,
قد يكون اختبار لك من الله عز وجل ليرى مدى ايمانك ورضاك بقدره ,,
والاكيد ان في الامر خيرهـ ,, فقد يكون صرفه الله عز وجل لخيرة لك ,,وليزرقك
بمن هو خير منه ,, واعلمي انه اذا كان غير رايه او اهله غيروا رايهم فالخساره لهم
مو لك انتي ,, وانتي لساتك بسم الله عليك وردهـ وليه تفترضي انك اذا ماتزوجتي الان
مابتتزوجي الا في الخمسين او الاربعين؟؟
حبيبتي ترا ماهو اخر رجال في البلد .. وباذن الله الله بيرزقك باحسن منه .. وبالنسبه لخطوبة
اختك فانا اختي الاصغر مني تزوجت قبلي وبموافقتي ,, ولله الحمد انا مرتاحه لامر الله
لاني اعلم ان هذا نصيبها ونصيبي قادم ,, والحمدلله على كل حال ,,

لاني حاطه في بالي ان الزواج ليس كل مافي الدنيا .. قد نتوق اليه احيان لكن
لنشغل يومنا بالطاعات

وحاليا خليك مركزه على الظهور بنعومه لاتبالغي في زينتك في خطوبة اختك
عشان مايحسوا انك مررره مطيوره عالزواج وتبغي تكوني حلوه باي شكل خليك ناعمه
وحلوه اكيد ,, ويمكن يكون نصيبك في خطوبة اختك

اعرف وحده حصل لها كذا انخطبت اختها قبلها وفي خطوبة اختها شافوها ناس وخطبوها
وتزوجت قبل اختها باسبوع ,, شفتي كيف النصيب وكيف الرضا بما يقسمه الله

الله يوفقك ويوفقنا لكل خير

مساء الخير
عزيزتي قد صارتلنا هالمواقف وشبعنا بس ياأختي العزيزة لا تنهاري ولا تحصري نفسك في زاوية مظلمة
بالعكس قدر الله وماشاء فعل 000 اخرجي من هذه الزاوية ولا تزعلي فرفشي وانتبهي لصحتك
وشاركي أختك فرحتها فوالله لاتعلمي ماذا يخبأ لكي النصيب وتوكلي على الله
يمكن عزوفهم عن الخطبة فيه خيرا لكي000 أدعو لكي من خالص قلبي أن يرزقك الزوج الصالح الحنون
وعليكي بالإستغفار والصلاة على النبي محمد صلى الله عليه وسلم
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد