أخوي وزوجته .. ساعدوني بنصائحكم لو سمحتوا

السلام عليكم ورحمة الله وبركاته

بنات انا هذي اول مشاركه لي في ركن القضايا والحلول... والله اني ضايقه ومفتشلة بنفس الوقت

الموضوع وما فيه اخوي ونزواته المتكرره..... أخوي كان على علاقه بوحده ( من دول الخليج) وهذا الكلام كان قبل 13 سنه تقريبا ... وبعدين انفصل عنهاااا وتعرف وحب وحده ثانيه لمدة 9 سنوات وتزوجوا وما صار نصيب وانفصلوا ( ما جابوا عيال الحمدلله) بعدهااا على طول اتزوج وحده ( أهلي خطبوا له) يعني ما يعرفهااا والحمدلله صار لهم 3 سنوات تقريبا ومبسوطين والله رزقهم بولد ( فديته اموت عليه) والحين زوجته حامل بالثاني الحمدلله .... الموضوع ما فيه انه زوجة اخوي مسكينه ياما شافت من اخوي حركات ومسجات مالها داعي بس كانت تطنش وتقول يمكن مو هو يمكن اصدقاءه ( هي تحبه وتصدقه بأي شي يقوله) والبارحه كانت الصدمه هو نسى الابتوب ماله وهي كانت ملانه فتحت الابتوب وقعدت تلعب فيه وبالصدفه طاحت على ملف محادثات ماسنجر.... وشافت محادثات كثير من 8 شهور تقريبااا بينه وبين منو ؟؟؟تخيلوا منو؟.. البنت اللي كان يعرفهااا من 13 سنه !!!!! معقوله رجعت له الحين؟؟!!! ولا هي أصلا ما بعدت عنه..؟!! مسكينه زوجة اخوي قرات كل الكلام وبكت وبكت وبكت بس ما حسست أي حد فينا بأي شي واتصلت ع اخوي وقالت له تعال الحين وطلعوا البارحه وقالت له عن كل شي قرأته ( والله استحي اقولكم الكلام شي يفشل بصراحه ويجرح) وهو حتى منصدم وقال لها كيف قدرتي تقرأي هالكلام كله كيف استحملتي؟؟11 المهم هي ما قالت لي الا اليوم وحلفتني اني ما اقول لحد بس هي حبّت انها تفضفض لاي حد وانا اقرب وحده لهااا.... هي تبيني انصحها شو تسوي وكيف تعامله؟؟؟ وكيف تكون ردت فعلهااا؟؟؟ لانه من البارحه لين اليوم تقول انها تحس عمرها تحلم ومو مصدقه الكلام اللي قاله للبنت والمحادثات اللي كانت تدور بينهم ( يعني كان ينقل لها كل شي كل شي ويكلمها عن ابنه وعن كل شي حتى لو بيروح الحلاق بيقول لها)... بلييييز بنات بشو تنصحونهاا؟؟ شو لازم تكون ردت فعلهااا وكيف تقدر ترجع المياه لمجاريهاا طبعا هي ما بتقدر تنسى بس عندها القابليه انهااا تحاول بس مو عارفه من وين تبداااااا أخوي قال لها آسف والله ما اكررها ونزوه وعدّت ومن هالكلام ( هو يحبها واحنا كلنا متاكدين بس ما اعرف وين الخلل البنت جميله ومرتبه واخلاقها عاليه وعمرها ما قصرت لا معاه ولا معانا بس ما ادري وش اقول والله)...... هذا كل شي للحين باختصار لانه الكلام يطووول

ملاحظه: بالمحادثه اكتشفت انه اخوي قابل البنت من فتره بس هو قال لها انا قابلتها عشان نصفي حساباتنا و البنت هذي متزوجه وعندها عيال الله يهديها بس ويستر عليها لا وبعد تسب زوجها عند أخوي والله عجب!!!!


تقبلوا تحياتي وبانتظار ردودكم