أخوي وزوجته .. ساعدوني بنصائحكم لو سمحتوا

انا من رايي انها تبتعد عنه اشوي وماتعطيه ويه كلش عشان يحس بقيمتها ويب لها دليل يثبت ان مابيرجع للهسوالف مب شىء سهل والله لاحوله ولاقوته الا بالله

شوفوا احسن شي تعرف م هم اهل البنت وتكلم اهلها عشان يكلمونها وتقطع علاقتها في اخووك

وخلاص بعدين ترجع المياه لمجاريها

تسلمون يا بنات ع الردود .... مشكورات ما قصرتوا ... الحين هم تقريبا في فترة هدنه ... يعني شبه تصالح بينهم واتفقوا انه هالموقف ما يتكرر ابدا... و أخوي وعدها انه لو اتصلت البنت مره ثانيه راح يخلي زوجته ترد عليها وتكلمها وتوقفها عند حدهااا ... لكن زوجة اخوي لاحظت شي غريب ع اخوي صاير وايد يدقق عليهاااا ويغار ... وحتى يوم يطلعون لو بتسوي مكياج يقول لها مافي داعي !!!!! هي وايد مستغربه من تصرفه هذاا يعني صاير غيور بزياده

يا الله وايد مؤلم الموقف

لاني شهدت مع زوجه اخوي نفس الموقف بالضبط

الله يهديهم يارب

انا اتوقع انه اخوج بس يتسلى كونها حبه الاول وماكو سبب ثاني ابد

باين عليه يحب زوجته وايد وكان يسوي اللي سواه لمجرد التسليه لاغير

خلها تحافظ ع ريلها ومع الايام راح يتداوى الجرح صدقيني

لانه شكل اخوج مايبي يفرط فيها ابد

بس فعلا نزوه وان شاء الله ما تنعاد

وربي يصلح حالهم

لو مكانها ببتعد عنه وبزعل منه فتره خل يحس بقيمتها ويخاف بنفس الوقت انها تتركه ..

وشي ثاني أحس انه ما راح يبتعد عن صديقته الاولى لانه من 13 سنه ويا بعض وما قدر يبتعد عنها الحين بيكون هالشي صعب عليه ..

من رايي انج اتكلمينها وتقوليلها تبتعد عن اخوج وحرمته وانها راح تهدم حياتهم وجيه وان شالله تتقبل منج .. أما اذا ماتقبلت هدديها انج راح تخبرين زوجها وهلها .. يمكن تخاف




والله يهدي اخوج ويعين حرمته

زين ما سوت حرمت اخوج سترت على ريلها قوليلها تتطمن هيه سوت الصح والله بيعوضها ان شاء الله

لو زعلت وسوتها سالفه ودرابها البعيد والقريب بتخسر وايد اشياء بينها وبين ريلها حتى عيالها في المستقبل بيسمعون عن السالفه وبيطيح ابوهم من عينهم واحتى يمكن يقلدونه


قوليلها ما تتغير عليه بالعكس تغير للاحسن وتحافظ على بيتها وعيالها وصدقيني الله بيعوضها عن جرحها بالسعاده ان شاء الله

تلقين الرييال صدق ندم وحس بالذنب

ومافي انسان في الدنيا مايغلط

هذي الدنيا عسى الله يصبرنا عليها وهذا وقتنا كله خيانات عسى الله يستر علينا ويابخت من بات مظلوم ولا بات ظالم

نصيحه تدعي ليل نهار ان الله يرضيها هيه هالفتره مجروحه والجرح يخليك مرات تفكر في اشياء غلط بس قوليها مع الوقت وبالدعاء وبالنيه الصافيه ان الله بيساعدها


بس تحاول ما تخبر حد ثاني عن الي صار عشان ما يجرجها على ريلها ويسولها مشاكل او حتى يفضح السالفه


وزين ما سوت يوم طلعت معاه ونصحيه قوليها اذا سامحته انها ماتمن في يوم من الايام على انها سامحته وانها تقوله انسى السالفه كنها ما صارت ابد عشان يقدرون يسترجعون حياتهم

والله يستر عليها شكلها عاقل

تسلمون يا بنات والله ... مشكورة أختي شما ... بنات الله يخليكم ادعوا لزوجة اخوي اليوم الفجر دخلت المستشفى وسوت عمليه ... الحمل عندها طلع خارج الرحم ... الله يأجرها في مصبيتها ويعوضها خير منهااا ..

تقبلوا تحياتي

شوفي اختي انتي امدحي زوجة اخووو على تصرفها وهي انسانة رائعة لايعلى عليها وهي تحافظ على مملكتها والله يهدي رجلها انصحها تهددالبنت وتقطع علاقتها فية تغيرجوالة وايميلة وتذكرة بالخيانة وانااعرف واحدمتزوج وحرمتة نفاس يكلم وحدة متزوجة وربي فضحهم والحين بالسجن وبيقام الحد علية اللة لايفضحنا وخلي زوجتة تستودعة ربي اذاجاء يطلع وتقرب من اللة وتدعي له وانصحهم ياخذون عمرة ويغيرون جو وربي يسعدهم ويصلح شانهم وتذكر زواجها بهالجملة لاتجعل الله أهون الناظرين إليك وربي يفرج همها وانصحها تدخل مركز مملكة يلقيس وفية قسم الزوج والزواج وتدور أسلوب التعامل مع الزوج الخائن ونصيحة خليهاتكثراستغفاااااااااااااار وربي يسعدهاااااااااااا

الله يقومها بالسلامه00
ويعوضها خير ان شاء الله00
زين سوت انها سترت على الموضوع
انا عني مريت بمثل تجربتها تقريبا
خيانه زوجي لي مع وحده على المسن
طلب مني الستر ونفذته له
لاني ابي احافظ على بيتي
بس ما قدرت اسامحه بسرعه
لاني مب مقصره وياه بشي
وهذا كلامه بعد
بس مثل ما قالي الشيطان
هو اللي خله يسوي جي
دعيت الله انه
يرجع حب زوجي لقلبي
لاني كل ما شفته اتذكر اللي سواه
مع انه تاسف وايد واقسم انه ابد ما يسوي اللي سواه
بس فقدت ثقتي فيه
يعني نفسيا تعبت
بس هو وقف معاي وقد ما يقدر
يحاول يرضيني
ودايما يقولي اسف
لاني قصرت معاج ومن هالكلام
وافهم انه يطري الموضوع بس مب بشكل مباشر
اتجهت لله بالدعاء
الحين الحمد لله رجعت ثقتي بزوجي مثل قبل
وهو صار يدور بس رضاي00
وبين فتره والثانيه يقولي ان ضميره انبه وهو ندمان ومن هالكلام
والحين نحن سمن على عسل
بس لازم في خلافات بسيطه شوي لانها ملح الحياه الزوجيه00
خليها تصبر واكيد ربي بيسعدها
واذا عن اخوج مستحيل ينظر لانسانه خاينه
عندها ريل ومب خايفه من رب العالمين
تره بس يضيع وقت وبييه وقت بيمل وبيتركها00
ربي يوفق الجميع00

الله يقومها بالسلامه ويعوضها خير إن شاء الله وانا عجبتني شلون تصرفت بالموضوع الله يسعدها مع زوجها ويبعد عنهم الشر

تسلمون بنات والله ما قصرتوا .... يعطيكم العافيه