شوفوا شو شفت يتني صاعقه .. وانهرت

أختي مثل ما عندك عندي أكثري الدعاء بين الصلأة والأقامة وفي السجود وأهم شىء الصبر :21_131:

وأنا رأيي من رأي الأغلبية ... كبرتي الموضوع واااااااايد ... انا اتفق معج في مضار التدخين بس انتي تتعاملين مع ريلج مثل الأم لما تكتشف ولدها سوى شي غلط من وراها ....

حبيبتي هذا زوجج مو ولدج!! لا تكبيرين المشكله جذي!! اهوا مو ملاك وبعدين اهوا ريال!! اذا كان حاط اباله يسوي شي بيسويه.. و ترا مستحيل يكون يدخن بدون ما تعرفين لان ريحت السيجار قويه قويه قويه و ممكن تشمينها بملابسه..!!!!!! لا تكبيرن السالفه!! وانشالله ماكو شي

بالحب والاحترام بتقدرين تمنعينه مب بالعصبية والزعل ..وان شاء الله زوجج ما يدخن وتعود المياه لمجاريها بينكم

دع الايام تصلح ما افسده الزمان

سكارف

زمنا ما يصلح يفسد وبس ..

والدلييل جرايم القتل الي قاعده تصير كل يوم والثاني ..

حبيبتي انا ريلي كان يدخن واربع عشرين ساعه بس عمري ما رديت عليه بطريقتج بالعكس00
يوم اشوفه يدخن اقوله الله يبعدك عنها عشان صحتك ومن هالكلام
حتى هو استوى يرد
وراي امين الله يسمع منج..حبيبتي ترى الريال اذا عاندتي وياه يعاند اكثر واكثر انتي ادعيله ودوم حسسيه انج خايفه عليه وعلى صحته00 وذا كان يدخن ترى مب معقوله في يوم وليله بيودرها..
شوي شوي وبدعائج وصبرج ربي بيوفقه يودرها00
وانا سمعت معلومه انه عصير الطماطم بعد يفيد00
اصبري حبيبتي..

انا بصراحة مع اخواتى انتى كبرتى الموضوع جدا صحيح التدخين حرام سواء سيجارة عادية او اكثر لكن لن يحل الموضوع بهذا الاسلوب لازم تاخذى زوجك بهدوء ولازم تقوليله انك تحبينه وانى اللى قلتيه كان في لحظة زعل وبينيلة انك تخافى عليه من عذاب الله ومن امراض الدنيا وربنا يوفقك لما يحب ويرضى

الموضوع مايحتاج كل هذا لصراخ المفروض تسالينه بهدوء

وعن انه مايصارحج في رجال طبعهم جذي مو كل شي يقولونه لحريمهم

أختي صراحه أسلوبك ما عجبني مع زوجك أحمدي ربك أنه ما يسوي شيئ يغضب ربه
ومسئله الدخان شيئ بسيط هو أدرى بمصلحته ويعرف الصح من الخطأ وزوجك إنسان طيب
لدرجه أنه متحمل أسلوبك لو واحد غيره ما رضى بهذا الاسلوب والمعامله الخشنه
صحيح أن الرجل طفل صغير ولكن يعامل بمعامله رقه وحنيه وأنوثه حتى يعرف خطأه لو كان مخطئ
أجلسي معه جلسه مصارحه وكلميه بكل هدوء وقولي له أني أخاف عليك وصحتك غاليه عندي
عشان خاطري ما أبي أشوف عندك سيجار أوعدني حتى لو ربعك أقنعوك بالتدخين لا ترضى
ويكون أسلوبك راقي حتى يتقبل الامر وحاولي أن تتفهمي وجه نظره حتى لا تكبر المشكله ويؤدي به للعناد

الله يصلح حالكم

السلام عليكم و رحمة الله تعالى و بركاته،

بصراحة حبيبتي إنتي إللي صعقتيني .. أنا لما قرأت عنوان الموضوع فكرت إن المسألة أكبر من هالشي .. أنا ما أقول لج إن التدخين عادي و ما في شي بس ردة فعلج و الكلام إللي قلتيه كبير على هالموضوع .. خصوصاً إن زوجك قال لج إنه هو ما يدخن و إن موزعينه عليهم .. كان ممكن تتفاهمين معاه بالطيب و تسألينه بالطيب و و تقولين له يتخلص من هالسيجار ...

شكله زوجك طيب إللي قعد ياخذ و يعطي معاج و إنتي معصبة و تقطين عليه هالكلام ...

تعوذي من إبليس .. و حمدي ربج إنه ما يدخن و إنه يتعامل معاج بالطيب و باللين .. و بعدين حبيبتي حتى لو إكتشفتي إنه يدخن ترى مو آخر الدنيا .. صدق من وراه مضرة بس ترى الرجال ما كفر .. و بعدين عن الإثم خلي الحساب على رب العالمين شدراج شنو في قلب زوجك و شدراج رب العالمين شنو حاكم عليه من خير و إثم في حياته مو إنتي تقولين موزعينه عليهم في إجتماع شدراج بنيته لما خذاه و شلون عرفتي إن عليه إثم ..

أنا أقول لج ترى الدنيا فيها مآسي و مصايب أشكال و ألوان .. و تدكري أمر الله سبحانه و تعالى إلى الرسول (ص) في القرآن الكريم :"ادع الى سبيل ربك بالحكمة والموعظة الحسنة وجادلهم بالتي هي احسن ان ربك هو اعلم بمن ضل عن سبيله وهو اعلم بالمهتدين"

شوي شوي و هئي نفسج و ما توصل لدرجة إنج تكرهينه ...

أنا من رايي إن تروحين له و تبوسينه و تدلعين عليه شوي و تتعتذرين منه و تقولين له إن عقلج طار لما شفتي السيجار و قولي له إنت صورتك في عيني حلوة و ما أتحمل أشوفها تهتز و لو بشي صغير و هذا إللي خلاني أبالغ بردة فعلي .. و صلي على النبي و كل شي بالطيب و بالحكمة إن شاء الله يصير