شوفوا شو شفت يتني صاعقه .. وانهرت

مثل ما قالوا
كبرتي السالفة وهي اصغيرة..

استهدي بالله
ولا تخسرين ريلج عشان سيجارة..

والله عباالي يعرف وحدة

اختي كل الرجال يدخنون وشيشة وبعدين هم من نفسهم يبطلونها لما يكبروون
شوي لا تسببين مشكلة من لاشيء

ما أدري ليش مكبرين سالفة التدخين ؟؟؟؟؟

بصراحــــــــــــة حبيبتي امركــ غريب!!
تخسرين زوجكـــ عشان سيجــــــــــــــــار!!؟
احمدي ربكــ زوجكــ طول باله وماااهانكـــ او سوى شئ مقابل الاهانات اللي قلتي له اياها!!

مو كذ تتعالج الأمور يالغلا,,, الحمدللله ماسوى جريمــــــــــة ولا خانكـــ ولا تعدى عليكــ عشان تكبرين الموضوع
عالجي الموضوع بهدوء عشان ماتخسرين زوجك وحياتكـــ عشان سيجااااااااارة لا راحت ولا جت!!

حبيبتي هدي هدي اعصابك ..ترى الموضوع صح على قولتك كبير .. بس ما احد معصووووووووم .. !!
وبعدين الظاهر انو زوجك ايجابياته تطغى على سلبياته .. وبكذا اقولك حلي الموضوع برواقة .. وقربيه منك عشان تساعدية مو تبعدية ..
وبصراحة انصحك دقي علية واستسمحي منة .. وانصحك بعد تقريين كلام ((مرموم)) .. حرف حرف ..
الله لايحرمكم من بعض .. ويهدي سركم

خيييييييييييييبه عسبت صلب سيجاره كرهتي ريلج ....ليش حبوبه كل شىء بشوي اشوي بهداوه عل الاقل مايدوخ ف البيت وبعدين حبوبه جان تبين يهدأ الزقاره بس بطرق اشوي اشوي عليه

ما يسوه عليه ، صح ان التدخين يضر وحرام بس انتي اسلوبك معاه كان وايد هجومي ، يعني اذا هو صج يدخن بيقول ما ادخن ، غلط الأسلوب الهجومي ،، المفروض تتكلمين معاه بهدوء مو بصراخ عشان يقدر ياخذ ويعطي معاك وتقنعينه بوجهة نظرك ...

حبيت ارد على موضوعج لان استوالي تقريبا موضوع مشابه مع اختلاف السيناريو :)

ريلي انسان مدخن من فتره طويله..وترك التدخين من فتره خطوبتنا لانه يدري اني اكره التدخين..غير انه يعرف مضار التدخين..بس اللي يدخن مب بسهوله يقدر يترك هالشي خصوصا لو اللي حوالينه يدخنون...المهم بعد زواجنا بسنه تقريبا وانا حامل اكتشفت بالصدفه انه رجع يدخن..طبعا ما كان مخبرني ..وكان يدخن بالدس احيانا مه ربعه..طبعا اضايجت وااااااااااااااااااااااااااايد وصارحته اني عرفت بس بكل هدوء بينت له اني عرفت واني مضايجه انه خش عني هالشي..قاللي من ضغوطات الشغل احيانا الدخان يريح...طبعا عمره ما دخن جدامي ..ولا في البيت اصلا..بس اذا دخن في البيت يدخن في حمام بعيد ما استخدمه..المهم كنت دايما ابين له كراهيتي للدخان و اذكر مضاره واحسسه اني مستعده اساعده يتركه...لين الحمدلله في يوم من الايام طلب مني طلب و قاللي اذا سويتيه بترك الدخان كان يعرف اني اكره تدخينه بس ما اصرح له بس احسسه..يعني اذا مره شميت فيه ريحه دخان احسسه اني نافره منه..قلت له بسويلك اي شي في الدنيا بس تتركه..كان طالب مني اني ما اشتري شيبس و بيبيسي وكاكاو عشان كان ناوي يبدا ريجيم..طبعا من طلب طلبه خلاص تخلصت من هالاشيا اللي موجوده عندي:) والحمدلله رب العالمين سرنا العمره و دعيت له هناك و قلت له اني دعيت له وانا اطوف انه يترك الدخان..قاللي وانا حلفت عند الكعبه اني اتركه..بس ان شالله الله يصبره ولا يرد لهال خراب :(
الخلاصه انج وااايد كبرتي السالفه..هي كبيره بس انتي رده فعلج كانت اكبر من اللازم..لو تجوفين الرياييل الثانيين شو مصايبهم ويا حريمهم جان حمدتي ربج ليل نهار...ترا هالسالفه تهون...لو كان يشرب او يخونج او متزوج عليج شو بتسوين؟؟

وصدقيني شكلج دوم ردات فعلج اكبر من السالفه نفسها فهذا اللي مخلي ريلج يخاف منج وما يخبرج بشي تفاديا للمشاكل و الضرايب...

خلج عاديه وخلي الامور تكون عاديه وان شالله الله يهدي الحال

انا بعد اشوف انج مكبره السالفه وايد ..رايي من راي اختي الامـ بنت زايد ـارات ^_^

ياختي نصيحه من اخت محبه لكي اتمنى ان الله يصلح مابينكم والله هاذي الامور ماتصير بلزعل اوالمشاكل مالك الادعوة بجوف الليل ان الله يفك عنه وان الله يكرهه فيه اذاكان يستخدمه ومن ناحيه الكذب اومايقولك الابعد فوات الاوان فهذا شي طبيعي لكل الرجاجيل اليمنطبعهم الف والدوران

أول مرة اسمع ان التدخين حرام؟!! مثله مثل الشرب؟!!
يعني كل الرجال المدخنين قاعدين يسووا حرام؟ :D
طيب ما البلد مليان قهاوي وشيش.. وأغلبية الرجال تدوخ وعلناً!!
أرجوا توضيح هالنقطة؟

لكن اذا مش حرام.. صحيح ان في اشخاص تكره ريحة السجاير وانا منهم لكن ما توصل لدرجة انك تكرهي زوجك ابو عيالك وتحتقريه عشان شفتي معه سيجار.. أنا لما قريت العنوان افتكرت انك شفتيه مع بنت لا سمح الله..
يعني لو شفتيه بأم عينك بيدوخ شو كنتي سويتي؟!!
اسمحيلي اختي يمكن انك انزعجتي انه زوجك يدوخ لكن الموضوع ما يستاهل انك تكبريه لدرجة الإنهيار!!

اختي انا اشوف انج تسرعتي ف حوارج شوي

بس انا ادري انها ردة فعل وانه مو قصدج بس اللي صار صار


خلاص لا تذكرين السالفه معاه مره ثانية بس بين كم يوم لمحيله بكرهج للتدخين طبعا هذا اذا ثبت انه يدخن اساسا

وربي يوفقج يارب

اختي بدر 14 ...

فعلاً التدخين حرام .. لأنه فيه مضار بالصحة ومضيعة للمال .. وفي فتاوى وايد عليه

اصلاً سبحان الله اي شي له مضرة بالجسم حرم علينا والحمدلله على النعمة..

اختي بجعة .. تذكريني بنفسي ..

ريلي كان مدخن وعلى اساس ترك التدخين من وقت الي خطبني بس اوقات لما يتضايج كان يرد لها .. لكن هالكلام من زمان .. يعني الحين لو اتضايج الحمدلله ما يرد لها..

واذكر لما كنا في مصر شفت باكيييييييت زجاير .. وانهرت وزعلت.. مب عشان شي .. لأني اكره انه يخبي علي شي او اني احس اني مخدوعة .. واكره اني اشوف شي ممكن يضره ..

وزعلت ليش خاشنه عني وماقال لي .. سبحان الله قالي انه كان ويا خاله وربعه ووزعوا زجاير ولما خلصت زجايرهم سار وشرالهم واحد ووزع عليهم والباقي تم وياه.. ويحلف انه ماداخ منه شي ..

زعلت وخذت في خاطري بس ماكبرت الموضوع جي ..

انا فاهمه احساسج انه من ناحية رفضج للمبدأ.. صدقيني نفس فكرتي ..

اقول لريلي دووووم ..

اني اخاف على صحته .. واكره ريحة الدخان .. وعاااااادي انفر منه واكره اقررب منه لو ريحته دخان ..

انتي بس تسرعتي برد فعلج او لأنها كانت صدمة . وترا صدق الوحدة تنصدم لما تشوف شي في ريلها هي ماتحبه ..

اما عن موضوع انه مش صريح وياج .. هالشي يعتمد على كل واحد وشخصيته .. وهالشي يتأسس من بداية الزواج .. يعني يا انج تعودينه انج تقولين له كل شي عنج فهو بالتالي يبادلج الموضوع .. او انج تتعبين الحين لين ما تحاولين تعودينه انج تشاركينه افكاره..

يعني موضوع فيه فلوس وبهالمبلغ .. احس انه المفروض يدرس ويناقش بين الزوجين لأنه فيها حياتهم .. يعني انتي عوديه من الحين انكم تتشاركون في مثل هالاشياء وان شالله يتأقلم مع الوقت

انا اول ماقريت الموضوع حسيت ان الموضوع ما يستاهل بس عقب لما كملت ردودج عرفت ان هاي القشة اللي قصمت ظهر البعير ..
شوفي الريايل اغلبيتهم جي ما يحب يدخل المرة في مواضيعه انا ريلي دايما اكتشف انه مسوي اشياء من وراي واعصب بس احاول ما ابين له
واحيان لما احس ان في شي قاعد يصير من وراي اجيبها له بطريقة غير مباشرة لين ما يعترف بنفسه بس اسمحيلي اسلوبج هاي غلط وبيصير يخش عليج اكثر لانه يدري بردة فعلج

اختي بجعه .... ما ترومين تجبرين ريلج انه يرمس في شي ما وده يقولج اياااه ... صدقيني انا عندي نفس الطينه .. موول ما اعرف عنه شي ويا دووب اذا اكتشفت .. خليها على الله بس انتي لا تكبرين المواضيع والله يهدي الرياييل يا رب

غاليتي مرررررره كبرتي الموضوع وردودك كانت قويه لازم الزوجة تعرف كيف تخاطب زوجها وكيف تقنعه الان الشغله صارت عناد

والله محد بيفهمني غير الي مر في موقفي ...

بس تعرفون انا امس قعت معاه وقلتله انت ما تصارحني بكل شي انت مش صغير عشان تعطيني كل شوي جواب غير عن الثاني مرة تقول انا ادخن مرة فالشهر ومرة تحلفلي انك ما تدخن وعطوك فالاجتماع خذته مجرد مجاملة ومرة تقول ربيعك نساه فالسيارة ..

والله ماني عارفه اي جواب من الاجوبة الي عطاني صح ..

قالي لا والله ما ادخن .. يعني ما تعرفيله ...

وكلمته عن ولد خالتي من فترة طاح عليهم وطلع عنده الشرايين مسدوده من الزفت الي ياخذه (الدخان) بكل انواعه

المهم رجعت طبيعيه .. تغديت معاه وقعدنا نلعب مع اليهال وهو من النوع الي اذا تضايق منج عقب 5 دقايق تشوفينه طبيعي مو بس وياي مع كل الناس .. وانا كل شوي اشوفه وعيوني شوي وتنزل الدموع الي فيها خايفه ان يسوي اشيا ثانيه غير الي اكتشفتها .. وتضر بصحته ..

انا بقولكم هو ليش ما يقول عن الي يسويه لانه ابوه من النوع الي يعايره على اخطائه وخاصتا اذا خسر في شي معين (اهله تجار وماديين كل همهم الفلوس وهم متربين على هالمبدا)

حدي متضايقه .. وخايفه على صحته ...

اختي عليج بالدعاء ............ صدقيني كثر الدعاء يرد القضاء حتى.............الله بيهديه انشالله ولا تكبرين الموضوع كل مشكلة ولها حل انتي بس اصبري عليه............... والسموحة منج الغالية

انت بصراحة كبرتي الموضوع كتيييييييير وعملتي مشكلة مع ان القصة ماتستاهل اصلااااااااا ليش بتنكدي على نفسك وعلى زوجك ؟؟؟ الاخوات ماقصرو معاكي واتمنى تعملي بكلامهم والله يصلح الحال

مرموم;6593064:
أختي بجعة...

إنتي كبّرتي الموضوع جدا...و هو ما كان مستاهل أبدا !!!

و الراجل وضّح لك ليش السيجار معاه.....تقومي تردي عليه ( كرهتني فيك وطحت من عيني ) !!!

قوية بصراحة

رأيي...ردودك ما كانت في محلها...و كانت زيادة عن حجم الموضوع

و لو زوجك يدخن فعلا...تعتقدي بتقدري تمنعيه لما تتخانقي معاه أو تعملي له مشكلة ؟ هل هذا هو الحل ؟

و مكن فعلا كلامه يكون صحيح...و السيجار إتوزع عليهم...و هو لو يدخن ما بيحطه في البيت أمامك...

و لو عايز يدخن بيروح عند أصحابه بعيد عنك...

ما تخليه يطفش منك...لو كلمتيه بالهداوة كان ممكن تعرفي منه كل شيء...

الله يوفقك يا رب

انا معاها
اشاركها ردها
الله يعطيها العافية

حبيبتي بجعه..

ادعي الله في الصلاه انه يسخر لج ريله و صدقيني ربي ما بيردج :) عن تجربه

و مووول لا تناقشين ريلج في الموضوع عشان ما يعاند ترا الريايل شرات اليهال والله...

اعرف انج تحبينه و تخافين عليه... بس وكلي امرج لربج و ريحي عمرج

و خله اذا هو يدوخ مره في الشهر احسن عشان ما يضر نفسه و ما يدمن عليها.. انا ريلي كان جي قبل و امه حنت عليه و احينه يدوخ مره كل ساعه و هو فيه الربو بعد! تخيلي الفرق... هذا و انا ما بطلت حلجي و لا علقت على الموضوع..

الله يسخرهم و يهديهم يارب