تجمع بنات مصر فى ركن العناية بالشعر (2)

أمةالله;6904779:
لو الشعر مش مقصف يبقى الهيشان ده جفاف

أنا جربت حاجة الصراحة كانت جايبة معايا نتيجة تحفة

هاتي أي زيت شعر بس يبقى خفيف وريحته كويسة

وبعد ما تغسلي شعرك حطي في إيدك نقطتين زيت(نقطتين بالعدد، حبة صغيرين مووووووت)

وامسحي إيديكي في بعض ووزعي حبة الزيت الصغيرين موت دول على شعرك مع الابتعاد عن الجذور

ونزلي على شعرك مية تاني، وبعدين اخرجي من الدش ونشفي شعرك بالفوطة عادي إلخ

طبعاً انتي بالتجربة هيبان لك كمية الزيت اللي شعرك بيحتاجها، يعني لو لزق قللي الزيت المرة اللي بعدها، ولو لسة بيهيش كتري سنة صغيرة، ولو حسيتي إن الأطراف بس اللي محتاجة بلاش تحطي على بقيت شعرك وكده يعني

لما بتحطي الزيت بتعوضي بعض الزيوت الطبيعية اللي الشامبو بيزيلها من الشعر، لما بتشطفيه بتنزلي منه شوية، ولما تنشفيه بالفوطة، بتشيلي منه كمان شوية، ومش بنحط على الأطراف علشان الشعرة متتخنقش

طبعاً الطريقة دي مكنتش بعملها كل مرة، ممكن مرة بعد مرة

إن شاء الله تنفعك

بس لو الهيشان ده تقصيف يبقى لازم يتشال لأن التقصيف مش بيتعالج لازم يتقص وبعدين تعالجي شعرك وتحافظي عليه

جزاك الله خير

ان شاء الله اجرب وادعيلك يعنى احط على شعرى زيت الاطراف الهيشه وابله تانى وبعدين اسرح عادى صح كدا

بس فعلا شعرى مقصف بس التقصيف طالع لفوق ماهو هيشان يعنى تقصف بس هجرب لانى لو قصيت شعرى يبقا هحلق زلبطه هههههههههههههههه

بعد الشر عليا يارب

جزاك الله خير

يعنى محدش رد عليا و الى رد عليا رد بالانجليزى حد يعبرنىىىىىىىىىىىىىىىىى

انا مبسوطه انى بشارك معاك بس انا عندى مشكله و تعابنى نفسيا شعر بنتى وحش و بيجبلها شامبوهات و حمامات كريم و كريم شعر غالى و برضه شعرها زفت مقصف و هايش و باهت يارايت تقولى اعمل ايه هى عندها 6 سنين و لا اوديها للدكتور قوللى اعمل ايه: هو ده سوالى فى واحده ردت بالنجليزى و انا ضعيفه فيه يا رايت حد يترجملى

ayaaaaa;6905575:
ميرسي يا امه الله ربنا يخليكي بس انتي متأكده من موضوع اللوسيون ده ولا ايه؟ يعني اجيبه واتكل علي الله ولا ايه؟

متأكدة يا جميلة ما تقلقيش

ناس كتير غيري كمان مدحوا فيه بس خلي بالك إن أي حاجة بالصبار بتنشف الشعر شوية، فحاولي تعملي لشعرك حمام كريم يرطبه في الأيام اللي مش هتحطي فيها اللوسيون

ازايكم ياجمل مصريات
انا عرضت مشكلتى قبل كدة وقولت اهتم بشعرى
لاقيت شعرى بعد الاهتمام دة كلة بيقع اكتر من الاول واسخم
انا عاوزة اسال على حاجة هو الامبولات ايفا بالصبار لازم نستعملها شهريت بس
يعنى مايبفعش اكتر من كدة
وسوال تانى معلشى
هو لوسيون هيلثى هير بالصبار من ايفا برضوا دة حلو يعنى هيعمل اية فى الشعر بيطولة ولا بيساعد على نموة
ولا اية حكاية بالضبط
وكمان هيكون احسن من لوسيون تيتان
معلشى طولت عليكم

mora2008;6910861:
ازايكم ياجمل مصريات
انا عرضت مشكلتى قبل كدة وقولت اهتم بشعرى
لاقيت شعرى بعد الاهتمام دة كلة بيقع اكتر من الاول واسخم
انا عاوزة اسال على حاجة هو الامبولات ايفا بالصبار لازم نستعملها شهريت بس
يعنى مايبفعش اكتر من كدة
وسوال تانى معلشى
هو لوسيون هيلثى هير بالصبار من ايفا برضوا دة حلو يعنى هيعمل اية فى الشعر بيطولة ولا بيساعد على نموة
ولا اية حكاية بالضبط
وكمان هيكون احسن من لوسيون تيتان
معلشى طولت عليكم

bossy howa ta2reban el sha3r el adeem bey2oa3 3ashan el gedded yetla3 aw momken kotr 3''aseeelo
ana gebt titan enaharda 3ashan tebby 3an eva 2olt agarabo bass 7asab tabey3et sha3rek law titan 3agabny ab2a a2oloko.

ayaaaaa;6904109:
انا يا بنات عندي مشكله ...............انا شعري منحول من قدام ومش عارفه اعمل ايه ؟ لو واحده مجربه حاجه كويسه تقوللي عليها وتقوللي النتيجه تظهر بعد قد ايه ؟ هستناكوا يا بنوتات

fe banoota kanet katba 3an lotion bentovate haga keda shofy mawdo3ha

looloo86;6911697:
fe banoota kanet katba 3an lotion bentovate haga keda shofy mawdo3ha

اوكيه يا قمر بس موضوعها جوه الموضوع ده ولا فين؟؟؟؟؟؟؟؟؟؟؟؟؟؟؟؟ ميرسي يا حبيبتي :15::15:

http://www.3roos.com/forums/t338870.html
el link aho ya ayaaa

مرررريم;6912796:
يا بنات محدش رد على اسئلتى دى ليه ؟:(

بصى يا مررريم كل الى اعرفه عن الزيوت اذا عاوزه تعملى حمام زيت او كريم بيكون الاول الشعر مغسول ونظيف عشان الشعر يستفاد منه واهم حاجه فى حمام الزيت التدليك
وعندى ليكى حمام كريم حلو اول مره استعملته خلى شعرى طرى شويه وحاسه انه مع الاستمرار طوله شويه صغيره بس انا كسوله يعنى ممكن ينفعك والجميل انه [GRADE="00008B FF6347 008000 4B0082"]بزيت الحيه[/GRADE] اسمه(raniage) بس مش عارفه انتى ممكن تلاقيه فى الصيدليه ولا انا اشتريته من محل عادى بيبيع صابون وادوات نظافه وكده يعنى اسالى عليه
ومشكلة تقصف الشعر بقى انا كمان شعرى من قدام متقصف جدااااا
واى سؤال انا معاكى

اسمه بتنوفيت وسعره رخيص جدا 10 جنيه

بس فى بنت ردت بانه فيه

brbr;5958087:
حبيبتي مشكورة على المعلومة بس هدا الكريم يحتوي على الكورتيزون ومايصلح استخدامه لفترة طويلة
انتي استفدتي عشان كان عندك التهاب بس يمكن يضر الاخوات

والسموحة حبيبتي بس انا سويت بحث عنه
ووالله يهنيك بشعرك ياااارب

نغم الربيع;6913489:
بصى يا مررريم كل الى اعرفه عن الزيوت اذا عاوزه تعملى حمام زيت او كريم بيكون الاول الشعر مغسول ونظيف عشان الشعر يستفاد منه واهم حاجه فى حمام الزيت التدليك
وعندى ليكى حمام كريم حلو اول مره استعملته خلى شعرى طرى شويه وحاسه انه مع الاستمرار طوله شويه صغيره بس انا كسوله يعنى ممكن ينفعك والجميل انه [GRADE="00008B FF6347 008000 4B0082"]بزيت الحيه[/GRADE] اسمه(raniage) بس مش عارفه انتى ممكن تلاقيه فى الصيدليه ولا انا اشتريته من محل عادى بيبيع صابون وادوات نظافه وكده يعنى اسالى عليه
ومشكلة تقصف الشعر بقى انا كمان شعرى من قدام متقصف جدااااا
واى سؤال انا معاكى

ميرسى يا نغم يا قمر على ردك وان شاء الله هجرب حمام الكريم وعشان مكونش مخالفه عاوزه اسال عن لوسيون تيتان انا اشتريته ومكتوب عليه انه يدلك بيه فروه الراس يعنى معنى كده انه مينفعش احطه على الشعر ؟

مرررريم;6914648:
ميرسى يا نغم يا قمر على ردك وان شاء الله هجرب حمام الكريم وعشان مكونش مخالفه عاوزه اسال عن لوسيون تيتان انا اشتريته ومكتوب عليه انه يدلك بيه فروه الراس يعنى معنى كده انه مينفعش احطه على الشعر ؟

ميرسى يا ستايسى ع التوضيح جزاك الله خيرا يا قمر وعلى فكره كتير بيشكرو فى لوسيون تيتان ده

السلام عليكم يابنات انا شعري مش مجعد قوي بس بيهييش ياتري حد جرب اي فرد للشعر

انا سمعت عن كريم هير كوين وبرده سمعت عن كوافير في المعادي لفرد الشعر 50% chemicals و 50% اعشاب ياباني

حد يرد عليا الله يكرمكوا

يا بنات في حد جرب كيمونوموتو
ونتايجه ايه
وجبتوه منين
والي جرب زيت الحية بتاع حراز يقولي جاب نتيجة ولا لا

Dr. Angel
ايه ال كيمونوموتو ده

انا عايزه اعرف هو ينفع اعمل حمام كريم وشعري مصبوغ؟؟ولا ده بيغير اللون واقدر استعمله بعد قد ايه من وقت مااصبغه؟؟

ده منتج عاملين عنه موضوع هنا في المنتدي وبيقولو انه بيطول ويتقل الشعر
دوري في الموضوعات الي ف أول صفحة هتلاقيه

فى حاجة إسمها تلميس للشعر حد يعرف عنها حاجة؟ وإن كانت حلوة ولا إيه ؟ بتبوظ الشعر يعنى زى الفرد ولا إيه؟وكمان لو سمحتم عايزة أعرف أنا ولا بعمل شعرى بالمكواه ولا اللإستشوار إلا فى المناسبات ده زمان طبعاً قبل الحجاب لأنى كمان مش بعرف أستخدم الإستشوار أصلاً لازم حد هو اللى كان بيعملهولى ،، وأن مشكلة شعرى أنه بيهيش،، فممكن تنصحونى أشترى إيه(يعنى نوع إستشوار أو مكواه) أو أعمل إيه (بس حاجة تكون سهلة يعنى وأقدر أستخدمها لوحدى من غير مساعدة حد ) علشان أنا فرحى قرب ومش عارفة أظبط شعرى إزاى؟؟