تجمع بنات مصر فى ركن العناية بالشعر (2)

انصحك عزيزتي ( شوق الي الجنة) انك تروحي لدكتور جلدية كويس وتتابعي معاه
....
بنات أنا جبت بانتين بديل الزيت الي لونة أزرق هل هو كويس ولا اية?
وبستخدم لوسيون تيتان خلصت أول علبه وحاسة شعري أحسن شوية

انا استعملت بديل الزيت من بانتين بس ماعجبنيش بصراحة. بس الحاجات دى بتفرق من شعر لشعر. طالما جبتيه جربيه وشوفى هيعجبك ولا لأ.

السلام عليكم ورحمه الله وبركاته اولا الموضوع جميل جدا والواحد بيستفيد من البنات اللى جربت اما بالنسبه لى جربت بديل الزيت من بانتيت وكان سئ جدااااااااااااا جربت حمام كريم صانصيلك ممتاز ومشكلتى التساقط الفظيع وتعقيد الشعر من عند الرقبه من الخلف وحابه اعرف منين اجيب حمام كريم فشكول ويكون مضمون يعنى اصلى غير العزبى ولو حد يعرف سعره

نواره2005;6884409:
السلام عليكم ورحمه الله وبركاته اولا الموضوع جميل جدا والواحد بيستفيد من البنات اللى جربت اما بالنسبه لى جربت بديل الزيت من بانتيت وكان سئ جدااااااااااااا جربت حمام كريم صانصيلك ممتاز ومشكلتى التساقط الفظيع وتعقيد الشعر من عند الرقبه من الخلف وحابه اعرف منين اجيب حمام كريم فشكول ويكون مضمون يعنى اصلى غير العزبى ولو حد يعرف سعره

فاشكول فى رويال هاوس وسعره تقريبا 112 جنيه

بنات على فكره المحلات اللى فى ش الموسكى بتاعت الجمله رحت واشتريت منها حمام كريم دابر فتيكا وكان ممتاز ولما خلص حبيت اجيب منه تانى رحت وبعد ما اشتريت فجأت ان العبوه مفتوحه وشميت الكريم لقيته رحته فظيعه ذى كريم الفرد ورجعتو لانه كان من محل كبير هناك والراجل اللى شغال هناك قالى ان اغلب الشامبوهات الموجوده فى المكان اللى هناك بتكون مضروبه

ممكن تقوليلى رويال هاوس ده فين بالضبط واى عبوه اللى سعرها112 انا رايحه بور سعيد اشتريه من هناك هو زيت كازانوفا ولا من هنا افضل

نواره2005;6884639:
ممكن تقوليلى رويال هاوس ده فين بالضبط واى عبوه اللى سعرها112 انا رايحه بور سعيد اشتريه من هناك هو زيت كازانوفا ولا من هنا افضل

رويال هاوس فى عمارات الميريلاند فى مصر الجديدة، عند سيراميكا كليوباترا. العبوة 1 كجم تقريبًا.
الحاجات دى لو هتجيبيها من هنا من مكان نضيف هتبقى مضمونة. ماعرفش ايه النظام فى بورسعيد.

pippo;6884664:




رويال هاوس فى عمارات الميريلاند فى مصر الجديدة، عند سيراميكا كليوباترا. العبوة 1 كجم تقريبًا.
الحاجات دى لو هتجيبيها من هنا من مكان نضيف هتبقى مضمونة. ماعرفش ايه النظام فى بورسعيد.

اشكرك على ردك وكنت عاوزه اعرف جربتيه او جربتى توب ماكس

لا والله ماجربتش حاجة منهم. فاشكول البنات بتشكر فيه. وتوب ماكس اول مرة أسمع عنه.

متشكرة على اهتمامك بامري يا Dr. Angle وإن شاء الله هاروح قريب وكنت حابة أسأل ايه رأيكم في الحنة الأسواني حد جربها وكمان هاضيف ليها لبن وبيض وزبادي حد استخدمها قبل كده وجربها ياريت تردوا عليا

معلش ليه سؤال تاني انا شعري ناعم ونوعه عادي بس بحس الأطراف متقصفة وكده جافة عايزة اعرف حد شعره زي بتاعي وكمان ازاي بيهتم بيه وشكرا مقدما

شوق إلى الجنة;6885580:
متشكرة على اهتمامك بامري يا Dr. Angle وإن شاء الله هاروح قريب وكنت حابة أسأل ايه رأيكم في الحنة الأسواني حد جربها وكمان هاضيف ليها لبن وبيض وزبادي حد استخدمها قبل كده وجربها ياريت تردوا عليا

أنا بستعمل حنة أسواني وبحط عليها زبادي وكركديه وحبة خل صغيرين وعصير لمونة

الصراحة مبسوطة بيها وحسستني إن شعري تقل شوية رغم اني عملتها مرتين بس

شوق إلى الجنة;6885593:
معلش ليه سؤال تاني انا شعري ناعم ونوعه عادي بس بحس الأطراف متقصفة وكده جافة عايزة اعرف حد شعره زي بتاعي وكمان ازاي بيهتم بيه وشكرا مقدما

الأطراف المتقصفة مالهاش غير انها تتقص

وبعدها تقدري تاخدي بالك من شعرك وتعملي له حمامات كريم بانتظام علشان أطرافه مش تنشف

وبوجه عام يستحسن تقصي شعرك كل 3 شهور مثلا أو أربعة علشان تشيلي الأطراف الجافة وتاخدي بالك من انك تسرحيه بشويش وتستعملي توك مش تقطعه علشان تحافظي عليه من غير جفاف أو تقصف

ميرسي يا ستاسي يا حبيبتي على ردك و ربنا يوفقك ديما يا قمر

صوت العيون , ازيك يا جميل .. انا جربت كازنوفا الاصفر ولسه عندي ,هو تقيل اوي وبيلزق عامل زي بالمرز الاصفر , انا بحب الكريمات الي بتطري من غير ما تلزق ... بس ان شاء الله يناسب شعرك

نواره 2005 .. اتكلي على الله واشتري من بورسعيد بس من محل او صيدليه , الحاجات هناك ساعات بتكون احسن من الي هنا و ساعات ارخص .. يعني مثلا كريم بوناويل الي هنا كله مصري هناك استرالي, سوريير لسيون الشعر هناك ارخص و زي الي هنا و ان شاء الله تلاقي الي انتي عاوزاه

ازيكم يا بنات انا مبسوطه اوى انى معاكم هنا
انا شعرى مجعد ونفسى ينعم بطريقه طبيعيه من غير كريمات فرد او فير او سشوار
وانا عملت وصفة ثوم بس مش عارفه صح ولا غلط عباره عن ثلاث رووس توم صغيرين و ملعقه ونصف اكل كبيره زيت زيتون وملعقه ونصف اكل كبيره زيت خروع وملعقه ونصف اكل كبيره زيت جرجير
بليز يا جماعه بالله عليكم لو حد يعرف حاجه عن الوصفه دى يقولى
انا بستخدم كريم دابر فاتيكا باللوز والحنا وجميل قوى وكمان بستخدم دابر املا جولد جميل اوى وريحته تحفه
وانا لما بستخدمهم بعد اما اغسل شعرى واعمله رولوا مع ان شعرى مش حلو فى الاصل بيبقى شعرى حلو بس لما بسيبه وما اعملش فيه حاجه بيبقى بشع
ارجو الافاده للجميع والكل يبقى شعروا حلو وادعولى انا ومحمد خطيبى ربنا يوفقنا

هاي يا جماعه
بليز حد يعرف مكان اجيب منه امشاط خشب بس نوعهم كويس ومش بيقطعوا الشعر , انا عندي كذا مشط جبتهم من اماكن متفرقه بس كلهم بيقطعوا و الاسنان خشنه ( مش متسنفره) فبتقطع الشعر اووووووي

ميرسي يا حلوين

Isis;6886260:
ميرسي يا ستاسي يا حبيبتي على ردك و ربنا يوفقك ديما يا قمر

صوت العيون , ازيك يا جميل .. انا جربت كازنوفا الاصفر ولسه عندي ,هو تقيل اوي وبيلزق عامل زي بالمرز الاصفر , انا بحب الكريمات الي بتطري من غير ما تلزق ... بس ان شاء الله يناسب شعرك

نواره 2005 .. اتكلي على الله واشتري من بورسعيد بس من محل او صيدليه , الحاجات هناك ساعات بتكون احسن من الي هنا و ساعات ارخص .. يعني مثلا كريم بوناويل الي هنا كله مصري هناك استرالي, سوريير لسيون الشعر هناك ارخص و زي الي هنا و ان شاء الله تلاقي الي انتي عاوزاه

انا متشكره جدااااااا لردك على وكنت عاوزه اعرف ايه اللسيون ده وبيعمل ايه ولو تعرفى سعره وصنعته اكون شكره فضلك

بالنسبه للامشاط الخشب انا سمعت من واحده صحبتى ان بيتباع ورا مسجد سيدنا الحسين من ناحيه خان الخليلى عند بتوع مستلزمات الكوافير لكن لسه ماشترتش وناويه اشترى ان شاء الله

Isis;6886680:
هاي يا جماعه
بليز حد يعرف مكان اجيب منه امشاط خشب بس نوعهم كويس ومش بيقطعوا الشعر , انا عندي كذا مشط جبتهم من اماكن متفرقه بس كلهم بيقطعوا و الاسنان خشنه ( مش متسنفره) فبتقطع الشعر اووووووي

ميرسي يا حلوين

لو سمحتى يا ستايسى تكتبى عنوان سنتر ابو النجا اللى فى المهندسين