مســــــــــــــــيرة الحـــــــــــب

ربي يعطيك على قد نيتك وطيبتك 00 والله يكثر من امثالك ويهدينا جميع ياااااااااااااارب

حبيبة محبوبها..

أشكرك لمشاركتك الكريمة وجازاك الله خيرا

السلام عليكم

انا كمان يانوجا بديت اول حاجة مع زوجي لاني من فترة حسيت ان علاقتنا صارت فاترة وهو كمان بيعصبني

في اموركتيييييييرة..انا بحبه وبموت فيه كمان بس هو كمان من النوع اللي اذا بعدت بيقرب واذا قربت بيبعد...


بس مع مشروعنا حااحاول اغير واخليها بيني وبين ربنا...


وكمان اولادي فاليومين دول ضاعفت جرعات الحب والحنان ومش رح اخلي مشاكل الحياة وهمومها تلهيني

عنهم...ياااارب...

وللمرة المليون شكرا حبيبتي نوجا...

amanes

شكرا ليكى أنت حبيبتى ... كلامك أسعد قلبى جدا

وبالتأكيد عندما تجنى ثمار مبادرتك مع زوجك وأولادك وتجدى السعادة تحوطك من كل جانب ستشعرى بزيادة الصفاء والنقاء فى نفسك أكثر وستقبلى على الحياة بمعناها الجميل أكثر .. ولن تندمى على بادرة حسنى أو خير أبدا لأنها ان شاء الله فى ميزان حسناتك الى جانب رضا ربك عليكى فى الدنيا والأخرة

أمنياتى لك حبيبتى بالسعادة الأبدية مع زوجك وأولادك وكل من حولك

أيه يا بنات هو الموضوع مش عاجبكم ؟ فين المشاركات ؟!!! طيب اذا لو مش عاجبكم الموضوع أو الاقتراح اللى احنا ماشيين فيه وعندكم اقتراحات فى أى شىء يخص الموضوع ده ياللا كلمونى وقولوا اقتراحاتكم أو تعليقاتكم على اللى بنقوله .. خلونا نتناقش لأن النقاش ده هيكون مفيد لينا كلنا .. صدقونى ياللا تشجعوااااااااااااا

بما أنكم مش متحمسين أنكم تشاركونى التجربة أو حتى تعلقوا على اللى بيحصل فأنا قررت كل جديد بعمله أو يحصل فى التجربة هدخل وأكتبه حتى ولو كنت هفضل أكلم نفسى كده كتير ههههههههه وأنا هدفى طبعا أنكم تستفيدوا ...

أنا مستمرة فى المعاملة الطيبة لحماتى ولبنتها عسى ربنا يهديهم .. وأخر حاجة حصلت أن حماتى رجعت سعيدة أوى بطول الحوار بنا فى التليفونات وأصبحت يوميا تحكى لى عن مشاكلها بالتفصيل الممل وده طبعا حسب قولها علشان بترتاح فى الكلام معايا ... بنتها بأه اللى بتقابل معاملتى معاها بحذر وطبعا براحتها أنا فى الأول والأخر بعمل ده لوجه الله

وانهاردة أنا اللى غلطانة وغلط فى جوزى من غير ما أقصد .. وحاولت أسترضيه بكل الطرق وقالى سيبينى لما أهدى أو أفكر بهدوء بعيد عنك شوية وفعلا سمعت كلامه وحاولت أبعد عنه خالص بس مش أوى يعنى أنا لسة فى نفس البيت لكن بعمل كل واجباتى فى البيت له ومش ممكن أقصر فيها وببوس راسه كل يوم قبل ما أنام وأيده علشان يسامحنى .. أدعولى يسامحنى وربنا يهديه....

كم هو جميل الانسان الطيب المحب بلا ثمن
ما اجمل ان يعطي الانسان بدون التفكير بالمقابل او الثمن
صدقيني حبيبتي ان الطيبه والحب في الله مهما قابلوه بالجحود والنكران
مع استمراره بالعطاء بالاخير هو ينجح وهو الذي يضع بصمه قويه عند الانسان المقابل
يعني لو انتي عاملتي انسان بحب مره ومرتين وقابلك بالجحود والغيره والحقد
وانتي استمريتي واصريتي على فرض حبك وطيبتك بيجي يوم وتخور قوى الشر والكره الي بقلبه ويستسلم لك
وتنتصرين عليه بالحب وحتى ان لم يعترف بذلك بعد مرور سنوات بيتذكرك ويقول الله يذكر فلانه بالخير
ياما قسيت وغلطت عليها وهي ردت علي بحبها وتسامحها وطيبتها
صدقيني زمان كنت حمقاء اقابل الجحود بالجحود والقسوه بأقوى منها وكنت اعتقد هالشي شطاره
بس مع مرور الوقت عرفت ان الحب يصنع المعجزات ويعطي لصاحبه راحه نفسيه عجيبه
بالذات اذا كان الغرض هو الاجر من الله والحياء من رب العالمين
كثيرررررررر من قساة القلوب اذا عاملتيهم بالحب مره ومرتين وعشره يستسلمون بالاخير
وتطلع طيبتهم ويحطونك على راسهم لان ساعدتيهم بالتخلص من الشر المكتسب الي بداخلهم
مشكوره موضوع رائع تقبلي تحياتي

الموضوع جدا رائع والله يجمع الجميع على الخير والحب ..

رائـــــــــــــــعــــــة

وتــسـتحــقــيــن الــتـــمــيــز

ربي يديم عليك هالنعمة ويسعدك

فكرتك حلوه اوىىىىىى
وبالذات موضوع الورد ده

مع انه مضحك شويه وعايز جراءه
بس المبادره نفسها حلوه اوى انك توصلى الرحم واتمدى علاقات مع الى حواليكى يطيبه قلب
لان امتثال ل امر الله
ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ }فصلت34

والمفروض فعلا ان الانسان يسامح الى غلطوا فيه عشان نفستنا كمان متتعبش لان كتر تذكر الاسائه
بيورث حقد وكره فى القلب
وبيخلينا كارهين الناس والدنيا
لكن السماحه بيتطيب القلب

ربنا يعينك على مشروعك ده واتمنى لك النجاح فيه

انا بعمل زيك كده وان كان على صغير لسه موصلتش لمرحله الورد دى هههههه
بس بنسى الى غلط فيه ومبفكرش فيه
واتعامل معاهم بطريقه عاديه
لاقيت ان ده الافضل بس مش لاقيه وقت عشان اتكلم معاهم واوصل الود

دلوعةحناني;6503055:
كم هو جميل الانسان الطيب المحب بلا ثمن
ما اجمل ان يعطي الانسان بدون التفكير بالمقابل او الثمن
صدقيني حبيبتي ان الطيبه والحب في الله مهما قابلوه بالجحود والنكران
مع استمراره بالعطاء بالاخير هو ينجح وهو الذي يضع بصمه قويه عند الانسان المقابل
يعني لو انتي عاملتي انسان بحب مره ومرتين وقابلك بالجحود والغيره والحقد
وانتي استمريتي واصريتي على فرض حبك وطيبتك بيجي يوم وتخور قوى الشر والكره الي بقلبه ويستسلم لك
وتنتصرين عليه بالحب وحتى ان لم يعترف بذلك بعد مرور سنوات بيتذكرك ويقول الله يذكر فلانه بالخير
ياما قسيت وغلطت عليها وهي ردت علي بحبها وتسامحها وطيبتها
صدقيني زمان كنت حمقاء اقابل الجحود بالجحود والقسوه بأقوى منها وكنت اعتقد هالشي شطاره
بس مع مرور الوقت عرفت ان الحب يصنع المعجزات ويعطي لصاحبه راحه نفسيه عجيبه
بالذات اذا كان الغرض هو الاجر من الله والحياء من رب العالمين
كثيرررررررر من قساة القلوب اذا عاملتيهم بالحب مره ومرتين وعشره يستسلمون بالاخير
وتطلع طيبتهم ويحطونك على راسهم لان ساعدتيهم بالتخلص من الشر المكتسب الي بداخلهم
مشكوره موضوع رائع تقبلي تحياتي

حبيبتى ... كلامك منتهى الصدق والاحساس .. يدخل أى قلب دون استئذان .. أشكرك لمرورك وأتمنى لك الشعور دائما بالصفاء والنقاء ..

نظرة امل;6503162:
الموضوع جدا رائع والله يجمع الجميع على الخير والحب ..

أشكرك يا قلبى ... وربنا يحقق دعوتك ويجمعنا على خير وحب

أورفليم;6512278:
رائـــــــــــــــعــــــة

وتــسـتحــقــيــن الــتـــمــيــز

ربي يديم عليك هالنعمة ويسعدك

ألف شكر يا جميلة والرائع هو مرورك حبيبتى ودعوتك .. وربنا يسعدك

سكره منوره;6513041:
فكرتك حلوه اوىىىىىى
وبالذات موضوع الورد ده

مع انه مضحك شويه وعايز جراءه
بس المبادره نفسها حلوه اوى انك توصلى الرحم واتمدى علاقات مع الى حواليكى يطيبه قلب
لان امتثال ل امر الله
ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ }فصلت34

والمفروض فعلا ان الانسان يسامح الى غلطوا فيه عشان نفستنا كمان متتعبش لان كتر تذكر الاسائه
بيورث حقد وكره فى القلب
وبيخلينا كارهين الناس والدنيا
لكن السماحه بيتطيب القلب

ربنا يعينك على مشروعك ده واتمنى لك النجاح فيه


انا بعمل زيك كده وان كان على صغير لسه موصلتش لمرحله الورد دى هههههه
بس بنسى الى غلط فيه ومبفكرش فيه
واتعامل معاهم بطريقه عاديه
لاقيت ان ده الافضل بس مش لاقيه وقت عشان اتكلم معاهم واوصل الود

مرسيه حبيبتى على مشاركتك الرقيقة ... وعلى فكرة موضوع الورد فعلا عايز جرأة بس كان نفسى أعمل كده من زمان والحمد لله عملته هههههههههه فيه ناس قالوا عليا دى مجنونة بس مش هقولك على الاحساس اللى يجنن لما بتشوفى السعادة أو الفرحة فى عيون حد عملتى معاه حاجة حلوة .. أكيد أنت حستيه لما بتعاملى حد معاملة حلوة أو بتقدمى له خدمة أو حاجة كان محتاج لها .......
هو ده بأه الاحساس بالحب اللى نفسى كل الناس تحسه .. الاحساس بالرضا والسعادة ... ساعتها مش هيكون فيه مجتمع وحش أو ظالم أو مؤلم بالعكس ., هيكون مجتمع راضى ونقى وكله حب وتسامح .. وزى ما أنت قلتى ..السماحة بتطيب القلب

أمنياتى لك بكل السعادة فى الدنيا والآخرة

بنات .. ازيكم .. وحشتونى
أنا مستمرة الحمد لله فى طريقى ... وأحب أبشركم بأن طريقتى مع حماتى نجحت شوية بعض الشىء .. على الأقل طريقة كلامها معايا أختلفت وبطلت تقولى كلام يحرق دمى .. وأنا الحمد لله برضه بحاول أتعامل بمنتهى الحب مع ناس تانية أذونى بدون سبب ليس الا الحسد والغيرة ........ وفيه حاجات مثيرة حصلت من صديقة ليا كانت بتغير منى جدا وبتحسدنى أووووووووى وأنا ما كنت أعرف النوايا ( ربنا أعلم بالقلوب ) لحد هى ما قالت لى فى وشى والله وبمنتهى الغل أنها تحسدنى .......... أنتظرووووووووونى هحكى لكم التفاصيل المرة الجاية وأزاى أنا اتعاملت معاها وأزاى هى بطلت غناء لأنها كانت مغنيه وأين هى الأن ؟؟؟؟؟؟ أنتظرونى فقصتها بجد مثيرة جدااااااا

بــــــــــــــــانتظارك حبيبتي

سلااااااااااااااااااااااااااااااااااااام يا احلى نوجة

وحشتيني

انا اسفة طولت بس كنت كثيررررررررررررررررررررررر مشغولة والان طالعة بس حبيت اسلم بكرة ادخل واكمل مع موضوعك

باي

الله يوفقج يالغاليه لما يحبه ويرضاه أنت مثال راااااااائع وقدوه للجميع
قال رسول الله صلى الله عليه وسلم (( ليس الواصل بالمكافئ ولكن الواصل الذي إذا قطعت رحمه وصلها ))

أورفليم .... مرسيه حبيبتى ,,, ومش هتنتظرى كتييييييييير:wink:

أموووووووووووووونة :wavetowel2: :8875: وحشتيييييييييييييينى .. أختفيتى فين ؟؟؟؟؟؟؟؟ ياللا أنا هحكى حاجة صغننة كده على ما تيجى


هنوده ..... يا قمر أنت وجودك دايما له طعم فى مواضيعى أشكرك جدا حبيبتى:flower:

أزيكم يا قمرات ... أنا هقولكم حكاية صاحبتى انهاردة وازاى طول السنين اللى فاتت كنت بعاملها بحب وبضحى كتير علشانها وازاى هى كانت بتحسدنى وقالت ده ليا فى وشى أخيييييييييرا وليه هى بطلت غناء؟!!!! تعالواااااااااااااااا:21_8:








أنا وماهى كنا أصحاب جدا لدرجة أن مامتها كانت بالنسبة لى أمى التانية وكنا كعائلتين نعرف بعض كويس ومامتى ومامتها أصحاب وكمان كنا جيران .. المهم وأنا فى الحضانة كنت مع ماهى وأختها أكبر مننا بسنة أسمها رورو ده طبعا أسم الدلع .. فى الحقيقة هما كان قلبهم طيب جدا وكنا بنحب بعض أوى وأحنا صغيرين ولما كنا فى ثانوى هما البنتين كانوا أنضموا لفرقة موسيقية وأصبحوا مغنيات .. كان بصراحة صوتهم حلو أوى ..أنا مش هحكى بالتفاصيل أنا هقولكم بس باختصار المفيد
ماهى كانت أقرب ليا وكنا مرتبطين ببعض وفى الجامعة كل واحدة من الأختين أنفصلت عن التانية فى الغناء وأصبحوا بيغنوا فى فنادق 5 نجوم وفى حفلات مهمة خارجية وداخلية أنا كنت معترضة على ده بس هما قالوا أنهم عارفين أن الغنا حرام بس دى هواية وهما بيحبوها وطالما مش بيعملوا حاجة غلط خلالاص
المهم أنا كالعادة فاهمة دايما واجبات الصداقة كويس الحمد لله ( مش غرور ) لكن والله كنت بعاملهم زى أخواتى وأكتر وكنت بضحى بحاجات كتير وأعملهم حاجات هما مش قادرين يعملوها لظروف شغلهم وكنت ساعات بقصر فى حق نفسى علشانهم ... المهم ساعات مثلا ماهى عندها حفلة .. ودايما كانت بتصحى من النوم الساعة 6 المغرب .. وكتير كانت بتتأخر فى اللبس والميك أب وخلافه هى دايما كمان بتلخبط فى لبسها ومش بتعرف تعمل ميك اب ولما كنت بساعدها( والحمد لله أنا بعرف أعمل ميك أب كويس أوى لأنى واخدة كورس فى كده الى جانب أنى بفهم شوية بالحاجات دى والبشرة عموما ) كنت دايما ألاقيها تشك فى طريقة عملى معاها يعنى كانت بتعمل عكس اللى أقولها عليه أقولها مثلا شعرك كده يجنن حاولى ما يغطيش وشك أو أظهرى جمال عنيكى أو اللون ده عليكى تحفة دايما كانت تعمل عكس ده وبتعمل أى حاجة بتخليها شكلها ملخبط ولما ألفت نظرها تقولى لأ بالعكس كل الناس بيقولوا حلو أنتى بس اللى بتقولى كده فلما أقولها هما بعيد عنك وبيجاملوكى لأنك ما تعرفيش منهم حد دول زباين فى الأوتيل مثلا أو حد من الأستاف هيتكسفوا يقولوا لك ده شكله مش حلو عليكى أو الروج ملخبط أو شعرك منكوش !!!! أنا بحبك وعايزاكى دايما فى أحسن صورة .. وكانت بترد طيب طيب أنا مستعجلة بعدين نكمل الحوار ده وجه وقت عليا قلت لها ما تطلبيش رأيى فى حاجة تانى طالما مش بتعملى بيه

ماهى كبرت فى شغلها وعلاقاتها كبرت معاها وأختها برضه مغنية جامدة وأخوها أصبح هو كمان مطرب مشهور أوى فى البلد وبره البلد كمان وعلاقتنا مع بعض زى ما هى بس دايما كانت بتشتكى كتير من الوحدة ...!!! ومن الحظ السيىء .... ومن العرسان اللى بتطفش ..... ومن العلاقات الفاشلة والنحس وخلافه ..... ولما أقولها صححى بعض تصرفاتك وقربى من الناس بشكل كويس أو خدى حذرك من فلان تقولى طيب أو تفتكرى !!! وتقولى بحدة جدا يعنى أنت اللى عدلة أوى عاملة فيها الأخت لويزا الصالحة !!!! وترجع تانى لنفس الأخطاء.....
وكنا بنتخانق كتير مع بعض لكن بنرجع لبعض بسرعة ومش بنقدر نبعد عن بعض .

لحد ما فى يوم لقيتها بتتصل على تليفونى الساعى 11 بالليل وبتصرخ وبتقولى ألحقينى .....تعالى خودينى وبتبكى جااااااااااامد ,,,:21_131: قلت لها فى أيه ...تعالى بس بسرعة أنا فى الشارع فى المنطقة الفلانية
نطيت فى عربيتى بالبيجاما وروحت لها .................
خليكوا معايا هكمل لكم بعد شوية