تلبسوون عباة ف السفر ولا لا؟؟؟؟؟؟

مرحبا اختي
انا انشاالله بأسير هونج كونج وتايلند ومصر في هونج كونج وتايلند ما بألبس عباه لاني بأسير ديزني وفي تايلند الجو ما يساعد انج تلبسين عباه بس كل اللبس تقريبا واسع يعني فساتين بقصات واسعه وتنانير وبناطلين ويا قمصان وساع .
اما بالنسبه لمصر اكيد عباه




اتمنا لج رحله سعيده وترجعين بالسلامه

الغالية ما اقوولج الا اتقي الله وين ما سرتي ؟؟؟؟ و لبسي عباتج في كل مكان

الستر زين يا حبيبتي

هاي سفرة استانسي فيها لكن عمرج لا تقصرين في حق ربج بأرخص الاثمان

الدنيا الى زوال اياج و التعلق بالدنيا

و تروحون و تردون بالسلامة

حبيتي الدنيا فانيه خليك على حجابك وعباتك احسنلك بلا تنانير بلا بناطيل والله يوفقك

كل سفراتي كنت بعبايتي و نقابي بعد :) سفرة ممتعة بالحجاب !

الله يثبتنااا على طااعته يااارب

حبيبتي انا مع البنات صح ان الوحدة ما تخلي الحجاب فالسفر بس هم بعد مو شرط العباة ممكن ملابس انيقة وساترة ومحترمة والله يسعدك وتتهني فالسفرات :)

اختي البسي العبايه افضل وحده اعرفها راحت لفرنسا بالعبايه والنفاب محد همه اهم شي الله هم مايتفشلون من لبسهم حنا نتفشل ليه وبعدين اللي تقول تايلند حاره مش احر من جونا ومع هذا نتغطى نصيحه وقلته من ترك شي لله عوضه خيرمنه 000000

مشكوووورااات خواتي ع ردودكم الله يجزيكم كل خير ان شاء الله

أخواتى جميعا مشكورات وماقصرتوا والله يستر عليكم

والله موجود بكل مكان أهم شئ الستر ورضا الله عليكم

بارك الله فيكم ووفقكم الله يارب

حبيبتي لاتنسين ان عبايتك رسااااااله وهي الحجاب
فا البس عبايتك من يدري يرجع الواحد اولا
موفقه

الصرااااحه أنصحج بالعباه لنه ساتر


انا كل سفراتي الحمدالله

البس عباءه بس ماأتنغب

حجابك ..حجابك


والله يوفقك في سفرتك ..

تسلمووون حبيباتي ع ردودكم ماقصرتوااا

ربي ان شاء الله يجزيكم كل خير

انا اول سفره لي(شهر العسل ) كنت بعبايتي وطرحه سوداء كان الكل يطاااالعني
واذا دخلنا المصعد يطلعوووون بسررعه خايفين منا انا الصراحة تعبت وبكيت وما كنت اطلع كثير
كل من نظراتهم زي الاسهم اوووف فاخذتها درس السفرة الثانية فصلت عباية بلون غامق وخليتها
لتحت الركبة ولبست طرحات ملونة الصراحة ارتحت مررررررررررررررره صرت العب واخرج وين ماابغى
على بالهم انا ايرانيه هههههه لااحد يقطعك بالنظر ولا شي انت سوي الي ترتاحين له خصوصا الصينين
ناس مو كويسن شايفين انفسهم واحسهم يكرهون الكل حتى الماليزيين قالولنا بعدوا عنهم
وموفقه حبيبتي الله يرجعك بالسلامه

طالما حجابج عليج ولابسه ملابس ساتره وسيعه ليش العباه بعد ...... الصراحه العباه تبهدل في السفر ...ملابس واسعه وسكارف على راسح ورحله موفقه انشالله .... انا يوم اسافر ما البس عباه الافي دول الخليج بس :) ربي يوفقج

على حسب الدوله

يعني احس الصين مو متعودين على شوفة العبايه ....والا؟

انتي لبسي طويل ومحتشم ...يعني بالطوات للركبه....وهذا يكفي



ربي يوفقك

بنات شفيكم على البنت حجابج وحجابج وخافي ربج!!!!!!!!!!!


البنت ماراح تتفصخ البنت تسأل تبدل العباة بالشئ اللي يمثلها ؟؟!! بس


يعني اشوف ان الاسلام يوم امر بالستر ابدا ماقال عبايه .!!! المهم ان تكون هناك شروط للستر لايصف ولايشف وووالخ


انتي مو مضطرة تلبسين عبايه .. انا بسفراتي اللي باوروبا كنت ألبس واكشخ لكن بستر .!


واعتقد ان هالبلدان ماتتحمل تكونين غريبه فيها .!!

والحجاب الاصل فيه .. عدم لفت نظر الرجال للمرأه .. يعني في الخليج .. لما الكل لابس اسود واتيينا بنت لابسه ثياب ملونة .. بتلفت النظر لها


اما في الخارج .. لما يكون كل البنات لابسين ملون .. واهيه الوحيده لابس اسود بتلفت النظر عليها .. واهني تخترب قيمة الحجاب ..

انا اشوف ان البنت لازم تواكب الشكل المتاعرف عليه في الدول .. بحيث تتسر ويكون حجابها عدل ,, من ناحية الستر واللباس الفضافاضة .. عشان ما تلفت النظر .. وهاي الاصل

صراااااااااااااااحه عجبني كلامج واااايد حرم السويدي

وانتي الصاجه الاصل في الحجاب ان لا يشف الجسم ولا يحدده

وانا من رأيي تلبسين ملابس واسعة فضفاضه بنطلون يعني فوقه شي طويل ووسيع

واتوقع بكون اريح في المشي والتنقلات ويبعد النظرات

السلام عليكم ورحمة الله وبركاته
اشوف الردود مختلفة ولازم اول شئ نوحد كلمتنا حول اللباس الشرعي بغض النظر اذا عباية او اي شكل آخر من انواع الجلباب المهم انه يكون ساتر ونازل من فوق لتحت يعني بنطال وحاجة فوق هذا ماهب لباس شرعي لانه الآيةتقول يدنين عليهن من جلابيبهن وطبعا لازم يكون فضفاض ولايصف الجسم ولايشف عما تحته وبدون عطر الى آخر الشروط وهذا اللباس اذا انتي مقتنعة فيه وانو اللباس اللي امر الله به النساء المؤمنات اذن لازم يلبس في كل مكان وزمان وحجة ان الناس اجانب اصلا ماهي بحجة لانهم لو هم اللي جايين لبلدك ماراح تهميهم ولا راح يحترموك راح يعملوا اللي هم يبغونه فليش انا اقارنهم برب العزة واحتار مين ارضي والاخت رمش تركواز اللي كانت تبكي من مضايقاتهم اقولك بالعكس لازم تفرحي لانك بتاخذين اجر على صبرك على الاذى وحجابك دعوة في حد ذاتها زيادة انك بتفرضي مبادءك وشخصيتك وهويتك عليهم مثل ما هم بيفرضوا مبادئهم علينا ونحن لسنا اضعف منهم لانك انت الاقوى بحجابك فلاتخجلى ولازم اطنشينهم وتتصرفي عادي كانهم مو موجودين وتكون عينك قوية معاهم لانهم دائما يعتبرونا ضعفاء وخجلانين من ديننا
اما من ناحية الالوان فالمستحب هو الاسود ولكن ممكن لبس الالوان الغامقة والتي لاتجدب الانظار ولك اختي حرم السويدي مين قال ان قيمة الحجاب بتخرب بالاسود قيمة الحجاب في تطبيق السنة وليس بانظارنا او انظار غيرنا ومن ناحية لفت النظر فحتى لو نظروا لك ما المشكلة انت اصلا مستورة فهذه ليست حجة لاتنازل عن المستحب حتى لو كان تنازلني ما فيه اثم فانا ارى ان الداعي للتنازل مايستاهل
والله سبحانه وتعالى عالم بتغير الزمان ورغم ذلك امر بلباس واحد ليوم الدين وفي اي مكان وكل افكار جديدة نقترحها كاننا وصلنا الى شئ لم يكن الله يعلم به وهذا خطا ومواكبتنا للدول الاوروبية يكون في اشياء علمية او غيرها ولكن ليس في الثوابت الدينية والتمسك باي مبدا ديني يعطيني قوة كبيرة وقيمة في نظر الاخر حتى لو اجنبي وهو لايمنع باي حال من الاحوال التنقل والاستمتاع وانا اقول هذه الاشياء عن تجربة لاني كنت ساكنة في بلد اوروبي قبل انتقالي للامارات واحب اعرض بعض المواقف وانتو احكموا شو احسن تتمسكين بمبادك الاسلامية حتى لو ظننت انها تحرجك ام العكس