تلبسوون عباة ف السفر ولا لا؟؟؟؟؟؟

عزيزاتي


انا برأيي انه كل واحد حر في نفسه

بس ودي اقوللكم أشياء شفتها بعيوني


الخليجيات يلبسون العبايات والطرح ببلدهم وبمجرد انهم يخرجون من بلدهم يشيلونها

وهذي حرية شخصية

اما انا كل مكان سافرته بالعباية والنقاب بعد

وتصدقون لو قلت لكم اني بالدول العربية الاقي تعليقات سخيفة اكثر من دول اوروبا او دول شرق اسيا

وربي على ما اقول شهيد

حتى اني مره بسويسرا مريت جمب نساء عربيات يضحكون علي كيف منقبة باوروبا

والاوروبيين نفسهم ينظرون لي نظرة استغراب في البداية بعدين يصبح شي عادي عندهم

ولكل منا وجهة نظره

ولكن ودي اقول شي



كوني انتي ولا تتغيري من اجل احد لا يستحق منك التغيير


والاختلاف بالود لا يفسد للود قضية

دمـ ع ـة;6580861:
الله معاك في كل مكان والوحدة لاتفكر في رضا وراحة نفسها
أول شي فكري برضا وطاعة رب العالمين والستر مصونة لك دنيا وآخره
وتذكري ملك الموووووووووت دائماً
الله يبارك في سفرتك وتروحين وترجعين بالسلامة
ويابنات خليهم يفكرون إني إرهابيه ويأذوني أفضلي ولا أغضب رب العالمين وكل وحدة تتذكر إن ماتكتبه بيكون شاهد عليها ولاتدعون لمنكروالأفضل لاتردين في أمور الدين إذا ترجع لأمور شخصية
فطاعة الله قبل طاعة الخلق الله يرضا عليكم

(y)(y)

حبيبتي قريت موضوع عن الصين وكان في سؤال مطروح من سيدة انها ماتبي تلفت الانظار بلبسها وان محد يضايقها.. فرد عليها صاحب الموضوع الي عايش اصلا بالصين : " الشعب الصيني يحترم العادات والاديان الاخرى وناس وايد لابسين نقاب وعباءة"

وتوكلي على الله

وتقبلي تحياتي

حبيبتي البسي عباتك عشلن ربي يفتحها في وجهك ولا تغيرين شي

مش دايما

الدول العربية ودول شرق أسيا أحس لازم نلبس العباه بس دول اوروبا صعبة لأن تكونين ملفته وهذي وهذا رايي والقرار لج

لمبه سهاري;6504036:
بالعكس انا لو منك اثق بنفسي والبس اللي الحجاب الشرعي ليه؟؟لانوهم يوم يجون ديرتنا مايحترمون مشاعرنا ويجون خالعين مشغلعين ومافكرو فينا شعلينا منهم...
بعدين موشرط يكون الحجاب لونه اسود انشا الله حتى يكون وردي بس اهم شي مايلفت اللي حولك ...واهم مافي الموضوع الوجه ...

وانا معاها

اللهم استرني فوق الأرض وتحت الأرض ويوم العرض

قل نار جهنم اشد حرآ
اتقي الله حيثما كنت
لاتجعل الله اهون الناظرين اليك
لاتنسي رقابة الله لك في كل مكان وزمان
لاتبيعي دينك بعرض من الدنيا


تحياتي ودعواتي للجميع بالتقوى والأيمان

استغرب من بعض البنات الي مايلبسون العباءه لما يسافرون

يعني الاجانب لما يجون عندنا ما يلبسون العباءه عشان

مايكوننون ملفتين على قولتكن .

وانتم يابنــــــــــــــــــــات الاسلام على طووووول لما تسافرن مافي عباءه



سئلن انفسكن انتم في وطنكن تلبسن العباءه عشان الناس او ايمان بالله

محد سوى تناقضات غيـــــــر هذي الفئه

اللهم ثبتنا على طاعتك

فنصيحه اختي البسي عباتكِ

سلام
انا عب اسبوعين مسافرة ماليزيا بلبس العباة بس الاماكن اللي تتطلب بروح بدون بس اهم شي ان يكون شي طويل و ساتر

اختي راحت شهر العسل ماليزيا وكم بلد بدون عباة و تقول ان هناك الخليجيين معظمهم يروحون بعباة والشي عادي
فهذي السنة لين بنروح بنلبس بس لين بنروح حديقة او شي بنلبس ثياب

بس اختي كانت تدرس في بريطانيا و دايما بدون عباة وشيلة ملونة و الانجليز لين شافوها ساعات يستهزئون بالمسلمين ويسبون
فكيف اذا رحتي بعباة؟!!
بس احنا ما نحاول نخليهم يعتقدون ان الاسلام لهذي الدرجة معقد و صعب فيسخرون منا فنروح باللي يناسب بيئتهم بس باحتشااام

و هذي حريتج وانتي كيفج

انا عن نفسي اذا سافرت دوله خليجيه بلبس عبااااااااه

اما لو رحت دوله اوروبيه او اسيويه لا طبعا بلبس بدلاااااات بناااااطيل وفوقه نفانيف وسيعه ومحتشمه
انا وحده ابي لبس عملي امشي واركض فيه مو عبايه بتغبر وتعفن واتفشل منها اذا توصخت والحمدلله مرح اتفصخ او البس ملابس فاضحه...وبنفس الوقت راح احافظ على هويتي الاسلاميه عن طريق ارتدائي للحجاب وهذا اللي بخليني انا وشكلي مسلمه وبس

تنانير طويله مع شيله

الستر مطلوب في بلادك ولا أنت مسافره والستر ما يكون بلبس العبايه ولا تفصخينا المهم يكون لبسج واسع ومحتشم مع الحجاب طبعا

انا بقوووولج يعني انا ما سرت شرق آسيا بس سرت أوروبا ,, ما بقولج يستغربوون من لبسنا لأنه خلاااص العرب م أكثر من ثلاثين أو أربعين سنه يسيرووون لندن والأماكن الثااانيه ,, بس إلي مستووي ألحينه أنهم يخاافوون منا ويتحروونا أرهابين مثلا

انا بتكلم عن نفسي ما بجمع البنات ويايه انا أميه ما عقب عباتها ولا شي تمت بعباتها ونقابها بعد وشي وااايد عرب لابسين ولو تبغين بعد البرقع بتشوفينه والجلابيات مال البيت بتحصلين الشباب ناازلين تحت ولا في الدكاكين


لكن انا أفصخ العباه مثلا أول الصيف ما يكوون شي وااايد عرب وما تضايقين واايد وأنه مطر وخرس وكل يوم بغسل العباه فعقيتها ويوم أطلع برع لندن بعد أفصخها

هلاااااااا حبيبتي

بصراحه انا كل سفراااااااتي بعباتي وحجااابي ... مع الكل يقولي البسي لبس محتشم وبس
واناا ماارضى إلا بعباتي .... حتى لو كنت في جنيف عباتي وين مااروح

اهلي سافروا هونك كونج واسترااليا وماليزيا الصيف اللي طاف بالعباه حتى اسأل اختي اقولهاا
في ناس اهناك تلبس تقول شو عليه من الناس اهم شي انااااااا

انصحج تلبسين عباتج وربي يوفقج ياارب ورحله سعيده

الغالية ما اقوولج الا اتقي الله وين ما سرتي ؟؟؟؟ و لبسي عباتج في كل مكان

الستر زين يا حبيبتي

هاي سفرة استانسي فيها لكن عمرج لا تقصرين في حق ربج بأرخص الاثمان

الدنيا الى زوال اياج و التعلق بالدنيا

و تروحون و تردون بالسلامة
صحيييح

وانتي تضمنين انك ترجعين من السفر او لا

الله واحد في الارض والسماء
اعتزي بدينك

انا يوم رحت ماليزيا وتايلنند وامريكا بعبااتى وبعد كنت متغطيه فاشى عااااااااااااااااااااادى جدا

كل وااحد ولبسه

اما انا عني سافرت كذا مكان ولا عمري مالبست العباه رحت لندن وماليزيا ولا فكرت حتى اني مالبس عبااه متعوودين عليها واذا مالبست احس اني مصخه خخخخخ