ابي اضعف بنااااااات

مرحبا حبوبه
يسعدني اكون اول من يرد عليك

كان نفسي انظم معاك لاكن انا في مجموعه ثانيه

الله يعينك

بس يا حظك اذا كان وزنك ينزل بسرعه
وهذا اكبر شي يشجعك
لاني انا من انوع الي وزنهم يزيد بسرعه بس ما ينزززززززل بسرعه وهو ابطي من السلحفاء

الله يوفقك و تحققي امنيتك
بس ادعلى كمان اني انحف

الله يوفقج حبيبتي ويعطيج اللي في باااالج

وينكم بنااااات؟؟؟

وينكم بنااااات مافي تشجييييع

والله انا بخاطري اكوون ويااااااج

انا اضعف لا ارادي وامتن لا ارادي ماعرف شو الحل

نفس الحاله والله

بقولج على طريقه واايد زيينه

منها تضعفين و منها ما تحرمين عمرج

شو رايج نبدا ويا بعض من اليوم؟؟؟

السلام عليكم اختي ..

اهم شي عزيمتج مدامها قوية خلاص

واحنا هني كلنا نشجعج ومثل ماقلتي تبين تلبسين كل شي بخاطرج .. خليه هدف

والله انا نفس الحاله خاطري اضعف والحين ناويه اسوي رجيم الوجبات السريعه لانه صديقتي سوته وضعفت عليه لانها تحب الوجبات السريعه وما تقدر تقاومها وسوت لها رجيم يعتمد على السعرات الحرارية ومافيه حرمان واغلب وجباته من المطعم طبعا بعد ما تحسب السعرات لو حبيتي تسوينه معاي بكتب لج اياه

مرررررررررحبا
رغوده وانا بعد وياكم
ودي اضعف وربي زهقت من المتن
باذن الله ببدي رجيم بس ليما الحين ماقررت شنو الرجيم الي بمشي علي
الي عنده رجيم حلوو يفيدني وماااااتقصرون
ودمتم سالمين (f)

:9_33::sa31::9_33:

أختي الغالية ...:21_201:

الحقيقة أنا بدأت مند 12.05.2008 ودلك عندما أهداني حبيب قلبي زوجي الغالي ألة مشي كهربائية ،

كان وزني 92كيلو ولأن مشكلتي بالأصل مع أدوية الكرتزون ....الحمد لله فقد أوقفتها ......

أما الأن فقد صار وزني 82كيلو ...والحمد لله أنا مواضبة على المشي كل يوم 10كيلو متر 5 كيلو صباحا

و 5 كيلوا مساءا .... مع التخفيف من الأكل دون إتباع أي نظام عدائي :21_92:

ويسعدني أن نشجع بعضنا ونتواصل حتى نصل إلى الوزن المثالي ....ماشي

وأتمنى أن تكون معنا أخوات عديدة بهيك بيكون التشجيع وايد حلو ....

:8875::Zd_bye_3::8875:

:21_177::21_177::21_177:

فديتكم والله يالله حبيبااتي كل وحده تشجع الثاانيه وانا الصراحه ماعندي نظاام اكل امشي عليه ياليت اللي عندها تفيدنااا وبقول لكم بناااات انا يوم كنت اسوي الريااااضه اللي خله بطني ينشط هو الضغط والله مااتصدقووون شلون خف ونشد المشي بعد

snow__white;6372365:
نفس الحاله والله

بقولج على طريقه واايد زيينه

منها تضعفين و منها ما تحرمين عمرج

شو رايج نبدا ويا بعض من اليوم؟؟؟

من بااااجر يالغااليه شرايج

مصدر الحب;6372635:
والله انا نفس الحاله خاطري اضعف والحين ناويه اسوي رجيم الوجبات السريعه لانه صديقتي سوته وضعفت عليه لانها تحب الوجبات السريعه وما تقدر تقاومها وسوت لها رجيم يعتمد على السعرات الحرارية ومافيه حرمان واغلب وجباته من المطعم طبعا بعد ما تحسب السعرات لو حبيتي تسوينه معاي بكتب لج اياه

الصراحه حبيبتي انا اول مره اسمع فيه

جورية 85;6372668:
مرررررررررحبا
رغوده وانا بعد وياكم
ودي اضعف وربي زهقت من المتن
باذن الله ببدي رجيم بس ليما الحين ماقررت شنو الرجيم الي بمشي علي
الي عنده رجيم حلوو يفيدني وماااااتقصرون
ودمتم سالمين (f)

فديت قلبج نفس المعاناه يالله توكلنا على الله حتى انا ماعندي نظام رجيم امشي عليه(f)

انا بقول لكم شلون كان نظاامي كان ريوقي حبه وحده توست مع جبن قليل الدسم وقصير جريب فووت والغداء اما نوع واحد من الفواكه او دجاج مشوي وبس من عقب السااعه 7 مااكل شي كلش وقبل مااناام اشرب قصير جريب فوووت الصراااحه واايد زين حق التخسس والانناس بعد وكنت كل يوم اروح الناادي وامشي نص ساااعه

هلا اختي نظام ربيعتي كان عبارة عن بعطيج مثال
الريوق كان حبتين توست الوحده فيها 88 سعره حرارية + ملعقة مربى خالي من السكر 60 سعره + كوب كابتشينو نسكافيه 60 سعره
الغداء كان سندويج ماك شيكن من ماكدونالدز بدون بطاطا والكولا يكون دايت 360 سعره وواحد كاتشب 15 سعره
العشا كانت ما تتعشى وكانت اخر وجبه تكون وجبة الغداء وتكون الساعه وحده الظهر وبعدها ما تاكل اي شي غير كوب زنجبيل بالنعناع في الليل تشربه وسعرات اليوم كامل كانت 671 سعره حرارية

مثال ثاني

الريوق كانت تتريق اثنين توست في كل واحد 88 سعره + ملعقة نوتيلا 100 سعره + كوب كابتشينو 60 سعره
الغداء كانت تاكل من صب واي سندويش دجاج ترياكي 380 سعره
والعشاااء طبعا ما تتعشى وسعراتها في هاليوم 716

اليوم الثالث
الريوق اثنين توست كل واحد فيه 88 سعره + ملعقة فول سوداني 90 سعره + كوب كابتشينو نسكافيه بالكاكاو 77 سعره
الغداء شريحه وحده متوسطه من بيتزا سوبر سوبريم شريحه وحده بس فيها 340 سعره حرارية
والعشاء ما تتعشى والسعرات كانت 693 سعره حرارية

اليوم الرابع
الريوق اثنين توست كل واحد فيه 88 سعره حرارية مع ملعقة عسل 66 سعره وملعقة جبن فيلادلفيا قليل الدسم فيه 33 سعره + كوب كابتشينو نسكافيه بالكراميل 75

الغداء شيز برجر من ماكدونالدز برجر الاطفال بدون بطاطا مع واحد كتشاب ومع دايت كولا 330 +15
العشا ما تتعشى والسعرات لليوم الكامل695 سعره حرارية

اليوم الخامس الريوق واحد توست 88 سعره مع ملعقة نوتيلا 100 سعره مع تفاحه 80 وكوب كابتشينو من نسكافيه 60

الغداء جونيور وابر من برجر كنج بدون بطاطا مع دايت كولا طبعا هالبرجر للاطفال فليه 460 سعره
والعشاء ما تتعشى والسعرات كلها لليوم 788

اليوم السادس
الريوق واحد توست مع ملعقة مربى بدون سكر 60 مع جوهره وحده من جواهر جالكسي 55 سعره وكوب كابتشينو نسكافيه 60 سعره
الغداء كوب واحد من البرياني او الكبسه بدون لحم او دجاج 370 + كوب صغير سلطه 25
العشا ما تتعشى السعرات كلها لليوم 658
اليوم السابع
الريوق اثنين توست 88 +88 + ملعقة فول سوداني90ملعقة نوتيلا 100 سعره وكوب كابتشينو 60 سعره

الغداء دونات وحده من دانكن دونات كانت تاخذ بونستان كريم الي فيها من داخل كاسترد من برع شوكولاته فيها 270 سعره ( ادخلي موقع دانكن دونات بتحصلين سعرات الدونات بكل انواعها )
العشا ما تتعشى السعرات لليوم الكامل 696

طبعا كل يوم كانت تشرب شاي السناماكي رويال بعد كل وجبه وفي الليل كانت تشرب الزنجبيل مع النعناع ونزل وزنها واااااااااااااااااااااااايد

طبعا انتي تعرفين انه اذا الانسان كلى 1200 سعره في اليوم ينزل كيلو كل اسبوع وربيعتي كانت تسوي اقل عن 1200 سعره وما تحرم نفسها وكانت تمشي كل يوم ساعه

هذا مثال على نظامها ان شاء الله تستفيدين وانا ناويه اجربه لانه حلوووو ومافيه حرمان حتى ايس كريم باسكن روبنز كانت تاكله بعطيج مثال

كانت تتريق كوره وحده من باسكن روبنز النوع الي تحبه فيه 270 سعره في الكوره الوحده بدون مكسرات وبدون صوص وهيه طبعا دخلت موقع باسكن روبنز وشافت السعرات
الغدى كانت تتغدى واحد من خيارات الغدى الي ذكرت لج اياهن والعشاء طبعا ما تتعشى

الصراااحه اختي ماقتنعت فيه لانه انا ماااقدر اكل وجباات سريعه ماتطيح على بطني خصووص ماكدونز

انا عندي لج رجيم اذا ودج تتبعين قولي لي انا اوردي بحط هني للبناات وانتي اللي يريحج بس احس وايييد صعب

هذا نظاام ينقص 5 كليو بنشمي عليه اسبووعين وبعدين نغير


الأسبوع الأول:
الفطور:
كوب حليب خالي الدسم.
6 ملاعق طعام كورن فلكس أو 2قطعة توست أسمر أو نصف رغيف صغير خبز. 2
ملعقة صغيرة لبنة دايت أو قطعة جبن أبيض خالي الدسم أو بيضة مسلوقة مرة في الأسبوع.
ملعقة صغيرة زيت زيتون أو 5 حبات زيتون.
شرائح طماطم + خيار.
وجبة خفيفة:
تفاحة متوسطة الحجم أو نصف كوب عصير برتقال.
الغداء:
7ملاعق أرز أو فريك أو برغل أو ثمرتان بطاطس مسلوقتان أو 2توست أسمر أو نصف رغيف صغير خبز.
ملعقة صغيرة زيت زيتون أو 5 حبات زيتون أو ربع كوب مرق دجاج.
كوب سلطه.
علبة تونة صغيرة أو صدر دجاجه مشوي أو قطعة سمك مشويه أو قطعة ستيك مشويه.
كوب من أي نوع من الخضار.
وجبة خفيفة:
تفاحة أو برتقاله أو ربع كوب ترمس أو نصف كوب جلي.
العشاء:
1,5توست أسمر أو حبة بطاطس مشوية أو ثلث رغيف صغير.
2ملعقة صغيرة لبنة أو جبن خالي الدسم أو نصف علبة صغيرة تونة أو بيضة مسلوقة.
نصف كوب حليب خالي الدسم. كوب سلطة.
الأسبوع الثاني:
الفطور:
عصير نصف ثمرة جريب فروت.
بيضه مسلوقة (3مرات في الأسبوع) أو ملعقة صغيرة لبنة دايت أو قطعة جبن خالي الدسم.
1 شريحة توست.
وجبة خفيفة:
3/4كوب حليب خالي الدسم +نسكافيه (بدون سكر أو مع باستخدام سكر الريجيم)
الغداء:
كوب شوربة خضار+ صدر دجاجة مشوي +كوب سلطه.
أو كوب فاصولياء خضراء +قطعة لحم +3ملاعق أرز.
أو كوب شوربة عدس + كوب سلطة.
أو حبة بطاطس صغيرة + صدر دجاجة + كوب سلطة.
أو كوب شوربة خضار+ علبة تونة صغيرة + 1توست + كوب سلطة.
أو كوب شوربة كرنب +قطعة ستيك مشوي (90غم) +3 ملاعق زبادي.
وجبة خفيفة:
نصف ثمرة فاكهة.
العشاء:
ثمرة فاكهة.
أو كوب سلطة زبادي خالي الدسم بالخيار.
أو قطعة جبن + 2 شريحة بطيخ.
أو نصف كوب حليب خالي الدسم + 3ملاعق كورن فلكس.

انشالله من باجر كلنا بنبدا أوكييه ؟؟:D

اوووكيه حبيبتي