عسولة قلبه;6382519:
:( اليوم ريلي داوم بشغله اليديد طبعا دوامه يكون يوم بيومين يعني يوم كامل من الساعه 7 الصبح لين 7 الصبح اليوم الثاني بعدين يومين off وانا الصراحة مو متعودة على جذي :( بس بقولكم شنو سويت امس بليل زهبت شنطته حطيتله بلوزتين وشورت وعطرتهم وكتبتله ورقه صغيرة وحطيتها بين الملابس :) وبعد حطيت داخل كيس صابون و شامبو ونثرت ورد مجفف داخل الكيس وكتبت ورقة ثانية بعدين حطيت الفوطة بعد ما عطرتها ونثرت عليها ورد مجفف :) وبعد عطرت المخدة والكمبل تدرون بعد يوم كامل بالدوام لازم يريحووون عاد ناطرته يرجع واشووف ردت فعله لانه ادري مو متوقع اسوي هالشغلات :)
بعد ما عرفتوا سالفة زوجي مع دوامه الي يضيق الصدر:(
بحط لكم جم صوورة فرش توني مزهبة الشغل كله وصورته لكم
اول شي طبعا نطرت ولدي لين ينام عشان افضى صلو على النبي وآل بيته الكرام
الحين نبدأ بالشغل أول شي علقت هذي الورقه على باب الغرفة
وبعدين وزعت بوسات من بداية الغرفة لين مكان ما ينام على السرير وفي اخر بوسة كتبت ( والله لا ابوس الارض الي تمشي عليها ):o
وبالورد المجفف كتبت على الارض I miss u
وعلقت هالورد على ستارت الغرفة
وآخر شي كتبت على جامة الحمام (اكرمكم الله) بالروج الاحمر وحطيت هالوردة
صج انه شي بسيط وعلى السريع سويته بس ترى رراح يكون كبير بنظر الزوج
ان شاء الله اكون افدتكم ولو بشي قليل :15:
