تعالو نخطط لليالينا الرومنسيه مع بعض ونفيد بعض

عسولة قلبة
الله يسعدك ياعسل ويفرح قلبك
من جد أشيائك روعة وذوووق
ورومنسيه الله يهنيك يارب
مره فرحانه ومتحمسه أنا إن شاءالله بكمل لكم
مارح أنسى حتى لو سويت الحفله باقي عندي افكار
شوفوا معايه هذي القوالب حقت الثلج
على شكل قوب اخذتها من ايكيا


سويت توت وحطيته فيها ممكن تحطين
ايسكريم فانيليا في صحن وجمبه هذا القلب
ديكور+طعم


ممكن بعد المغرب تسوين نسكافيه وتجلسون
تسولفون بجد بتحسون بإنكم أقرب لبعض وتروقون
مرهـ ولو أي شي بخاطركم تقولونه لبعض
ولاتنسون الشوكليت يمممم


شوفوا هذا شي بسيط لليالي العاديه اللي تكونين
مستعجله فيها او ماعندك وقت وبنفس الوقت يكون
جوكم رومنسي..شمعه وفواحة ووردة وآخر روقان


هذا الي عندي اللحين والقادم أحلى وأحلى
بس بانتظار تفاعلكم وتشجيعكم
يللا صوروا لنا أغراضكم وأفكاركم:(
وخصوصن الشغلات البسيطه..اللي ماتستاهل تكون
بموضوع بحاله............
أشوفكم على خير وادعولي اختباراتي ذابحتني
بس داخله أتسلى شوية..
وأشكر عسولة قلبه مره ثانيه...

شوووق بانتظاااااااارك
وبانتظار كل البنات
اشكر عسولة قلبه مره ثالثه:)

الصراحة افكارج روووعه وتكسر الروتين ههههههه وتصدقين انا عندي نفس قوالب الثلج الي عندج ونفس للون بعد كان فيه الوان ما اخترت الا هذا بس للحين ما استخدمته شفتي شلون تفكيرنا نفس الشي :) وان شاء الله راح احط لكم بعد صور بعد شوي يله بنات خلونا نستفيد من بعض والعفو يا قلبي

مشكوره اختي بدري عالشقا ياقلبي
صراحه افكارج روووووووووووعه
وموضوع جا في وقته المناسب
بس بقيت اطلب منش طلب واتمنى الاقي طلبي عندش
انا زوجي مسافر وبيجي قريبا وناويه احجز في فندق واخليها مفاجئه بس المشكله مو عارفه اشلون اسويها مفاجئه

ما شاء الله عليكم انشاء الله كل وحدة بتفوت وبتستفيد من هالافكار الحلوة . ان شاء الله جوزك يديموا لك ويعطيكي الصحة والعافية

الحين بحط لكم بعض الشغلات الي عندي بس قبل لا ابدي ابي اقول انه حلو الوحده كل ما تطلع وتشوف شي حلو يناسبها وينفع للليالي الرومانسية تشتريه افضل من انه كل تشتريه بيوم واحد اول شي هذا صابون ماخذته من محل اسمه مناسباتي عنده شغلات روووعه شوف شلون شكل الصابون يهبل







وهذي مجموعه متنوعه من الورد المجفف


وهذوله الدباديب الصغار ماخذتهم اذا بغلف فيهم هديه او اعلقهم ممممم يعني

لها عدة استخدامات




وهذي مجموعه من التحف عطيتها حق زوجي طبعا كانوا من غير مناسبة بس جذي كهدية رمزية والصورة الاخيرة عبارة عن استاند حاطة فيهم صور





وووبس ان شاء الله نلقى تفاعل من البنات وان شاء الله تعجبكم افكاري واغراضي :)

وااااااااااااااااااوعسولة قلبه تجنن شغلاتك الله يهنيك

عن جد انك خيال واسع ماشاء الله

من وين اخذتيهم وين يكون هذا المحل

عسووووووووووووووووووووووووووووولة قلبه شغلاااااااااااااااااااااااااتك تجنن الله يهنيك:)

عسولة قلبه
الله يسعدك ياشيخه انتي مبدعه
ومبدعه قليله في حقك..
يللا ياعرايس ورونا حركاتكم..
بنات اللحين تعبانه شوي بروح أريح
وأصور لكم كم صورة وأشوفكم على خير
ياعراااايس مو بس أنا وعسولة قلبه اللي
نحط صور..كلكم حطوا صور شاركوا بتجاربكم
ليه كذا تشكرون وتخرجون!:(
يلاااااااااااااااااا..

مشكووورين وسعيدة لانه شغلاتي اعجبتكم وفعلا مثل ما قالت الغالية بدري عالشقا وين ابداعاتكم :( shoog2006 مشكوورة يا قلبي بس ممكن توضحين شنو بغيتي ؟ اي محل ؟ :)

:( اليوم ريلي داوم بشغله اليديد طبعا دوامه يكون يوم بيومين يعني يوم كامل من الساعه 7 الصبح لين 7 الصبح اليوم الثاني بعدين يومين off وانا الصراحة مو متعودة على جذي :( بس بقولكم شنو سويت امس بليل زهبت شنطته حطيتله بلوزتين وشورت وعطرتهم وكتبتله ورقه صغيرة وحطيتها بين الملابس :) وبعد حطيت داخل كيس صابون و شامبو ونثرت ورد مجفف داخل الكيس وكتبت ورقة ثانية بعدين حطيت الفوطة بعد ما عطرتها ونثرت عليها ورد مجفف :) وبعد عطرت المخدة والكمبل تدرون بعد يوم كامل بالدوام لازم يريحووون عاد ناطرته يرجع واشووف ردت فعله لانه ادري مو متوقع اسوي هالشغلات :)

حلوة الحركه ياعسولة
بس أنا أسوي هذي الحركه
يوم أروح أبيت ببيت أهلي
وأخذ ورقه من اللي فيها صمغ من ورى
وألزقها على مراية الحمام أو على
السرير ألقاه يتصل ومشتااااااااق لي مرهـ
نجي اللحين للصور..
شوفوا هذي الرساله حطيت فيها شعر حق
نزار قباني وشوفوا كيف قدمتها..
لاحظي ياعسولة تشبه التحف اللي أعطيتيها
زوجك...<<مثل ماقلتي نفس الذوق سبحان الله


وهذي فكرة بسيطه لتقديم هديه بسيطه برضه
أنا لمن أشتريت العطر احترت كيف أقدمه..
خذيت شريطه سماويه وسويت فيونكه
وخذيت وردة وعلقتها قدمتها بين الريش بس
يمكن قبل كذا شهر..بس مافي مانع تستفيدووون..


شوفوا هذي الحركه خذيتها من عند أبوريالين
تتعلق على المرايه مره حلوة وفيه أشكال ثانيه
عندي بس بعدين أوريكم هي..
شوفوا..


وأتمنى تستفيدووون وبانتظار التفااااعل:(

المغرمه
أول شي لازم يكون عندك أخ كبير
أو أي محرم يعني انتي تحجزين بالتلفون
وترسلين أخوك أو محرمك يدفع العربون
ويشوف الغرفه..
وممكن تحجزين برضه كيكه من أي محل
الجونة سعدالدين تشيز كيك الذواق....
وتقولين لهم مواصفات الكيكه ونفس الشي
تخلين محرمك يوصل لهم العربون..
وعاد الشموع والحركات من بدري..
وبيوم رجعته لاتسوين شي خليه يرتاااح
واليوم الثاني فاجأيه....بس أتوقع لو كان
فيه مناسبه ثانيه رح يكون أفضل ولو تسوي
الحفله في البيت أحسن بكثير خلي الفندق
لمناسبه ثانيه(ذكرى زواج-تخرج-ترقيه-....الخ)
لأن هو راجع من سفر ويحتاج يستقر في بيته
تقومين تودينه فندق...
براحتك بس الأفضل تسوين الحفله في البيت
والكيكه سويها بإيدك أو اطلبي..والحركات أبدعي
في البيت يكون عندك وقت طويل لتنسيق
الحفله..والله يوفقك..
شوفوا انا حاطة الرد عالعام عشان الكل يستفييييد..

ما شاء الله عليج وصج سبحاان الله افكارنا وحده ههههه وطبعا افكارج تهبل وناعمه مثلج :) وهذول اللصقات الي تنحط على الجام عندي نفسها بس اشكال ثانية الشكل الي عندج واايد حلووو بس ما حصلت نفسه :( عالعموم تتهنين باغراضج الروووعه الله يوفقج يااارب وبنات نبي تفاعلكم

ماشاء الله ابداااااااااااااااااع الله يبارك فيكن بدري على الشقا يا قلبي والاخت عسولة قلبه الله يكثر من امثالكن ويثيبكن على ما قمتن به من جهد . حمرة الشفق*

عسولة قلبه

شغلات القلوب والحركات للتعليقة الورق وهذه ومنها الي انتي عاااارضه

من جد انك ذووووووق الله يهنيك انتي وزوجك

بدري على الشقا ياقلبي

ماشاء الله عليكي وعلى حركاتك بديت اتعلم منكم الله يوفقكم

انا عطيتكم سبب اني الان مشغوله في النقل

بس افضه ان شاء الله راح اعرض لكم تجاربي

shoog2006;6386751:
عسولة قلبه شغلات القلوب والحركات للتعليقة الورق وهذه ومنها الي انتي عاااارضه من جد انك ذووووووق الله يهنيك انتي وزوجك

تبين الصراحة القلوب مااخذتهم من مشهد ( ايران ):eek: تصوري عندهم هالشغلات الحلووة وفي بعد ماخذتهم من محلات الهدايا وسعرهم جدا معقول اسم المحل بوابة الهدايا وهو محل مشهور عندنا بالكويت انتي دوري بمحلات الهدايا الي عندكم ان شاء الله راح تحصلين ومشكوورة يا قلبي انتي الذوق كله وتسلمين على الدعوه الحلوووة:15:

موضوع عجيب
بنات عندي صور واجد بس ما اعرف اشلون اصغرهم
لان اذا حملتهم وهم في نفس حجمهم ما يتحملون لان حجمهم كبير
فشلون اصغر الصور ؟؟