حصريا على عروس .. كتاب المربية المثالية .. اكتبي المشكلة و انا انقل لك الحل !

انثى حيبتي ما ادري إذا مناسب اكتب مشكلتي مع بنتي اهنيه وله لا لانها تتعلق بالأكل

ما شاء الله عليها بنتي لمه بديت اككلها تاكل وكل شي اوكيه بس الحين الاحظ عليها انها بس تبي تلعب حتى لو خليت في يدها الثانيه شي بعد تسد بوزها عشان ما يدخل اكل وتبي بس تعلب بالمعقه وحتى طاسه الأكل حتى ما تجرب الأكل عشان يعجبها او لا بس عندها الأكل يعني لا ولا اعرف شنو اسوي وياها وخايفه عليها بس اني بضل احاول وياها بس إذا عندك طريق تساعدني بكون لك شاكره

تحياتي

أم جود القمر;6421427:
أنوث في مشكلة عند بنتي غريبة نوعاً ما


أتمنى يكون لها حل في الكتاب اللي عندك



مشكلة بنتي لما تنام دائما تنقلب وتنام على إيدها وتصحى من النوم وإيدها تألمها وتزن تعرفين هالإحساس لما تكونين مثلا قاعدة على رجلك وتنام رجلك شعور مؤلم وأتضايق لما تصيبها هاحاله
ولاحظت تكررها حتى لو حاولت اني انيمها على حد الجنبين لا مايفيد لازم تقلب على ايدها


اتمنى في حل لهالمشكلة

ولك مني ألف تحية ومتباركة بالمولد الشريف

أنوث مالها حل مشكلة جووود في الكتاب

ولك جزيل الشكر

لي رجعة .. في نهار الغد !

الاخت ريحانتي .. !

عزيزتي .. الكتاب ما يحتوي على حل لمشكلة طفلتك اللي بعمر السنة ، المشاكل المشابهة لها كلهابعمر ال 3 و مافوق ! مثل اسلوب

التجاهل أو العزل و غيرها ما تصلح الى البنوتة و ماراح تستوعب عليها .. !


بقولك تجربتي و ان شاء الله تنفع مع بنتك .. !

طبعا هالتصرفات دائما تكون للفت نظر الام او الاب ، و لو تجاهلتيها راح تتمادى أكثر حتى تجذب انتباهك لها و تنجح خطتها !

ولدي لما بدأ يأذي نفسه ( يرقع راسه بالارض او بالجدار ، يسحب شعره بقوة و يصيح ، يضغط بصبعته السبابة داخل عينه بقوووة ) ، صرت

من زود ما أخاف عليه يصير فيه شي اصرخ و ابعد يده عن عينه او عن شعره بقوة و عصبية احيانا .. لقيته زاد ! و صار يستمر بهالتصرفات و

يطالعني بعد !

و قلت اجرب العكس ، لما يسوي هالتصرفات الممنوعة مباشرة احضنه و احمله ( اوقف به ) و اسوي اي شي ينسيه ! اركض معاه مثلا او

افتح له الثلاجة و يختار له شي يحبه يلتهي فيه ‍!

الحين مااقولك ما يعيد حركاته ! انما قلت بشكل كبير .. يعني يمكن مرة بالشهر اذا تملل !


انصحك تجربي هالطريقة و ان شاء الله بتلاحظي الفرق !

للأخت أم شجاع .. !

انا اعتذر جـــدا ، تأخرت عليك و على باقي الاخوات بسبب ظروف السفر اللي تأجل للشهر الجاي !

المهم عزيزتي .. مشكلة البنوتة عانــيت و مازلت اعاني مع ولدي منها ، و الحين لما كبر صارت

تكبر بدل ما تخف شوي .. يكسر خاطري المسكين يدور لحاله بالشقة ما معاه طفل ثاني

يونسه و يسهي معاه ، لما اطلع معاه لبيت عمي ( ابو زوجي ) او بيت ابوي و يشوف الاطفال

كأنه مطلعينه من سجن ! يركض معاهم بكل سرعته و انطلاقه ، و أحاول اعوضه قدر الامكان ،

بس تمر علي أيام مأساوية معاه ! يظل طول اليوم هو يزن و يصيح يبي يطلع و اكون تعبانة او

مالي مزاج الطلعه ،، عن جــد مشكلة صعبة !

اول بقولك رأيي و بعدها بخلي لك النقاط اللي ذاكرتهم سوبر ناني !

لما يبدأ ولدي يزن مباشرة انزل له العابه من سلة الالعاب او اخليه داخلها يلتهي لمدة نص ساعه تقريبا و بعدها يمل و اشيله .


اذا كان لي مزاج الطلعه ، آخذ عربته و امشي معاه بالطريق .. ! او آخذه على الساحل القريب لنا يلعب ( لكن بالرجعه يقتل نفسه من الصياح ) ! من جذي قليل اذا اخذته للبحر !


اذا كان ليل و مو وقت الطلعه ، العب معاه كرة او لعبة الصيدة و تمر ساعه كاملة و انا على هالحال معاه ، و بصراحة انا بعد استانس باللعب ، وناسة ارجع ايام الطفوولة !


أو املي بركته الصغيرة ماء و اخلي فيها الالعاب و انا اقعد على باب الحمام ( الله يعزك ) و اراقبه مدام انا اقرأ كتاب او آخذ الاب توب معاي و هو يلعب بالالعاب و اخليه لمدة ساعه الا ربع حتى بالربع الساعه الباقية البسه و اعطيه أكلة خفيفة بعد السباحه .. و ينام بعدها نومة عميــقة !


يعني بالنهاية مافي حل غير اللعب .. !


أتمنى ما طولت عليك و هذي نصائح المربية المثالية :


المشكلة :

الملل .. !






الحــل :

اللعب .

متعة الطفل الحقيقية تتجسد في كلمة واحدة هي اللعب ، و هي كذلك وسيلته للتعلم . فمنذ

كان طفلك في شهره السادس يحرك لهايته و يضعها في فمه . الطفل الذي لا يحظى بفرص

كافية للعب سيشعر بالضجر . و حينما يشعر بالضجر ، فإنه سيصبح شخصا غاضبا و عدائيا .


كيف تجعلين طفلك يسعد بوقت اللعب ؟


التنوع هو أجمل مافي الحياة و هو ما يعطي لأيامنا معنى و طعما مختلفين . حافظي دائما على تنوع الانشطة التي يقوم بها طفلك و تأكدي انه بذلك سيصبح طفلا اسعد . و اللعب لا يعني فقط اللهو بالدمى ، بل إنه كذكل الخروج في نزهة أو رحلة في الهواء الطلق .


1 . دعي طفلك يختار اللعبة التي يريدها .


2 . شجعي طفلك على القيام بالاشياء بمفرده ، أريه كيف يقوم بها ، لكن دعيه يقوم بها منفردا .


3 . لا بد ان تشاركي طفلك اللعب ، و المشاركة هنا تعني أن تعودي أنت طفلة في مثل عمره ، أركضي معه ، قلديه ، كوني على سجيتك تماما .


4 . أثري مخيلة الطفل و أجعليها في نشاط مستمر . اجعليه يرتدي قطعه من ملابسك القديمة و انت ارتدي قبعه !


5 . لا تجبري طفلك على اللهو بلعبة تفوق قدراته العقلية و الجسدية . فلن يسرّع ذلك في نموه بقدر ما سيعرضه إلى الاحباط .


6 . لا تشتري العابا قابلة للكسر و غالية الثمن للأطفال الصغار ، انك بذلك تضيفين سببا آخرا لشعور بالقلق . و سينتهي بك الامر عادة بلوم الطفل لكسره لعبته ، و هذا ليس عدلا بالنسبة إلى الطفل . المادة لا تعني له شيئا .


7 . أخرجي من المنزل كلما سنحت لك الفرصة . فالاطفال بحاجة دائمة الى التنفس في الخارج و إلى الحصول على مساحة مفتوحة يفرغون فيها طاقتهم الزائدة . و أنت كذلك بحاجة إلى الشيء نفسه !



موفقة عزيزتي !

الأخت ام جود القمر .. !


مالقيت شي بالكتاب له علاقة بمشكلتك للأسف !


فصل ( وقت النوم ) يحتوي على بعض المشاكل اللي لها علاقة بالعادات الخاطئة وقت النوم .. لكن النوم على اليد ما فيه ، اتوقع لانها مشكلة سهلة !

امي الله يخلي لي و يحفظها ماتعرف تنام الا على يدها .. و اخوي و اختي اخذو منها هالعادة و على طول يشكون من وجع باليد ( الساعد ) لانه يحمل ثقل الراس طول الليل !

الحل المشترك بين المشاكل اللي تتعلق بالعادات السيئة وقت النوم هو تغيير مكان النوم !

جربي تغيرين مكان نومها ، ان شاء الله ينفع معها ..


خليها جنبك على السرير و التفتي لها من تستخدم يدها كوسادة اعدليها .. من الحين حتى ماتكبر معاها العادة ليما تكبر أكثر !



اختي تواصلي معي اتمنى انها تخف عنها .. خبريني !

هلاااا غاليتي انثى..
طبقت اللي قلتيه من اليوم وان شاء الله ينفع معاي
انا بعد لاحظت انها تزيد لمن اتجاهلها!!
ولمن تضرب راسها بالارض بقووووة
اقوم اسوي مثلها فتقلب الموضوع الى لعب وضحك
وتغيررر اسلوبهااا..
اللله يوفقك حبيبتي والله نورتيني الله ينور حياتش..

! أنــثــى !;6481328:
للأخت أم شجاع .. !

انا اعتذر جـــدا ، تأخرت عليك و على باقي الاخوات بسبب ظروف السفر اللي تأجل للشهر الجاي !

المهم عزيزتي .. مشكلة البنوتة عانــيت و مازلت اعاني مع ولدي منها ، و الحين لما كبر صارت

تكبر بدل ما تخف شوي .. يكسر خاطري المسكين يدور لحاله بالشقة ما معاه طفل ثاني

يونسه و يسهي معاه ، لما اطلع معاه لبيت عمي ( ابو زوجي ) او بيت ابوي و يشوف الاطفال

كأنه مطلعينه من سجن ! يركض معاهم بكل سرعته و انطلاقه ، و أحاول اعوضه قدر الامكان ،

بس تمر علي أيام مأساوية معاه ! يظل طول اليوم هو يزن و يصيح يبي يطلع و اكون تعبانة او

مالي مزاج الطلعه ،، عن جــد مشكلة صعبة !

اول بقولك رأيي و بعدها بخلي لك النقاط اللي ذاكرتهم سوبر ناني !

لما يبدأ ولدي يزن مباشرة انزل له العابه من سلة الالعاب او اخليه داخلها يلتهي لمدة نص ساعه تقريبا و بعدها يمل و اشيله .


اذا كان لي مزاج الطلعه ، آخذ عربته و امشي معاه بالطريق .. ! او آخذه على الساحل القريب لنا يلعب ( لكن بالرجعه يقتل نفسه من الصياح ) ! من جذي قليل اذا اخذته للبحر !


اذا كان ليل و مو وقت الطلعه ، العب معاه كرة او لعبة الصيدة و تمر ساعه كاملة و انا على هالحال معاه ، و بصراحة انا بعد استانس باللعب ، وناسة ارجع ايام الطفوولة !


أو املي بركته الصغيرة ماء و اخلي فيها الالعاب و انا اقعد على باب الحمام ( الله يعزك ) و اراقبه مدام انا اقرأ كتاب او آخذ الاب توب معاي و هو يلعب بالالعاب و اخليه لمدة ساعه الا ربع حتى بالربع الساعه الباقية البسه و اعطيه أكلة خفيفة بعد السباحه .. و ينام بعدها نومة عميــقة !


يعني بالنهاية مافي حل غير اللعب .. !


أتمنى ما طولت عليك و هذي نصائح المربية المثالية :


المشكلة :

الملل .. !






الحــل :

اللعب .

متعة الطفل الحقيقية تتجسد في كلمة واحدة هي اللعب ، و هي كذلك وسيلته للتعلم . فمنذ

كان طفلك في شهره السادس يحرك لهايته و يضعها في فمه . الطفل الذي لا يحظى بفرص

كافية للعب سيشعر بالضجر . و حينما يشعر بالضجر ، فإنه سيصبح شخصا غاضبا و عدائيا .


كيف تجعلين طفلك يسعد بوقت اللعب ؟


التنوع هو أجمل مافي الحياة و هو ما يعطي لأيامنا معنى و طعما مختلفين . حافظي دائما على تنوع الانشطة التي يقوم بها طفلك و تأكدي انه بذلك سيصبح طفلا اسعد . و اللعب لا يعني فقط اللهو بالدمى ، بل إنه كذكل الخروج في نزهة أو رحلة في الهواء الطلق .


1 . دعي طفلك يختار اللعبة التي يريدها .


2 . شجعي طفلك على القيام بالاشياء بمفرده ، أريه كيف يقوم بها ، لكن دعيه يقوم بها منفردا .


3 . لا بد ان تشاركي طفلك اللعب ، و المشاركة هنا تعني أن تعودي أنت طفلة في مثل عمره ، أركضي معه ، قلديه ، كوني على سجيتك تماما .


4 . أثري مخيلة الطفل و أجعليها في نشاط مستمر . اجعليه يرتدي قطعه من ملابسك القديمة و انت ارتدي قبعه !


5 . لا تجبري طفلك على اللهو بلعبة تفوق قدراته العقلية و الجسدية . فلن يسرّع ذلك في نموه بقدر ما سيعرضه إلى الاحباط .


6 . لا تشتري العابا قابلة للكسر و غالية الثمن للأطفال الصغار ، انك بذلك تضيفين سببا آخرا لشعور بالقلق . و سينتهي بك الامر عادة بلوم الطفل لكسره لعبته ، و هذا ليس عدلا بالنسبة إلى الطفل . المادة لا تعني له شيئا .


7 . أخرجي من المنزل كلما سنحت لك الفرصة . فالاطفال بحاجة دائمة الى التنفس في الخارج و إلى الحصول على مساحة مفتوحة يفرغون فيها طاقتهم الزائدة . و أنت كذلك بحاجة إلى الشيء نفسه !



موفقة عزيزتي !

يا الله يا انثى مثل ما قلتي احيانا ما يكون لي خلق طلعة بس اكون مضطرة والبنية تموت في شي اسمه عباية وشيلة

اما الالعاب فهي تلعب شوي وتمل

يعطيكي العاااااااااااااااااااااااااااااااافيه والكتاب متوفر في السعوديه في مكتبة جرير

انا رحت باشتري الكتاب من جرير اللي عند الشاطئ مول في الدمام
مالقيته
دورت عليه في جهة كتب التربية ومالقيته اللي لقته بالسعودية تقول وين

مشكورة ياعمري بس انا مشاكلي كثيرة مع ابني بس قوليلي هو موجود بمكتبة جرير

ام فدوكة ، ان شاء الله الامهات اللي يعرفون يساعدونك !

قلبي مهند .. الاخت ام وسن تقول انه موجود بجرير .. يمكن خلصت كل النسخ و راح ينزلون من جديد .. اسأليهم !

مشكوررررررررررررررررررره على الموضوع

من وين شريتي الكتاب

زهرة اليقين

حاليا هو مو موجود بالمكتبة الوطنية كل النسخ مخلصة ..

ان شاء الله قريب يمكن يتواجد عندهم في القريب العاجل.

مرحبا اختي انثى ،
دورت على الكتاب وللحين ماحصلته ، عندي مشكلة وموقادرة احلها مع ولدي ( مشكلة الضرب ) يضرب اليهال ويضربني أنا و أبوه ويرمي الأغراض ، مااعرف شلون أحل هالمشكلة حاولت وبدون فايدة .

انثى شكرا لك على موضوعك بس اني ما رديت عليه على موضوعي :o

ليش ما ادري ،،، وله بنعم وله بلا :ss:

بس يله الحمد لله حالت مع بنتي لاني خليت مشكلتي في موضوع خاص واللأمهات ما قصروا معاي وضليت احاول وياها ،، صج اتم تلعب بس لمه تكون يوعانه تاكل

الله كريم

! أنــثــى !;6487214:
الأخت ام جود القمر .. !


مالقيت شي بالكتاب له علاقة بمشكلتك للأسف !


فصل ( وقت النوم ) يحتوي على بعض المشاكل اللي لها علاقة بالعادات الخاطئة وقت النوم .. لكن النوم على اليد ما فيه ، اتوقع لانها مشكلة سهلة !

امي الله يخلي لي و يحفظها ماتعرف تنام الا على يدها .. و اخوي و اختي اخذو منها هالعادة و على طول يشكون من وجع باليد ( الساعد ) لانه يحمل ثقل الراس طول الليل !

الحل المشترك بين المشاكل اللي تتعلق بالعادات السيئة وقت النوم هو تغيير مكان النوم !

جربي تغيرين مكان نومها ، ان شاء الله ينفع معها ..


خليها جنبك على السرير و التفتي لها من تستخدم يدها كوسادة اعدليها .. من الحين حتى ماتكبر معاها العادة ليما تكبر أكثر !



اختي تواصلي معي اتمنى انها تخف عنها .. خبريني !

هلا انوث

مشكوووووووووووورة اختي على ردك الكريم


والحمد لله قمت احاول معاها بشتى الطرق وكل ماصحيت ولقيتها كذا اعدلها

والحمد لله صار لها فترة اللحين مااشوفها تشتكي من يدها ولله الحمد


مشكورة عزيزتي ويعطيك العافية

السلام عليكم
يعطيش العافيه اختي على المجهود

عندي مشكله مع بنتي عمرها 3 سنوات ماتنام الا اذا تشاهد تلفزيون اذا خليتها في سريرها ماترضى تنام لوحدها لازم تشاهد تلفزيون
والحل؟

عنوني .. العيناوية .. و قمرة حبيبها .. ان شاء الله بنزل لكم الحل قريب !

بهالايام مشغولة بالتجهيز للسفر .. لكن تستاهلون اخلص نفسي شوي حتى اكتب لكم .. و كل مشاكلكم موجودة بالكتاب !


لي عودة !