إجتماع مغلق لمشرفات ركن العناية بالشعر...حياكم الله..

اسفة على تاخري بالرد

خلاص حبيبتي الاموره احنا نجهز صيغة المسابقه وننزلها بس نخلص

وبالنسبه للتجمعات نسومة انقليها

مبارك عليكم الشهر يارب

نواره اخبارك يالغلا ..

انا رجعت عزيزتي وراح اكمل معك ان شاء الله

واعذريني على التاخير ..

نواره لاحظت كذا موضوع منزلين فيه صور لمنتاجاتهم للعنايه بالشعر
اذا شفتي اي موضوع كذا ادمجيه مع الموضوع المثبت بالركن
ولا تنسين تسوين عدم ترك رابط ..

الله يعطيكم العافية غالياتي نسيم وانوار(f)

أرجو منكم الإطلاع على هذا الموضوع

http://forums.3roos.com/t479739.html

انا اللي دمجت موضوعها بموضوع مثبت بالركن

بخصوص مشتريات العنايه بالشعر ..

السلام عليكم ورحمة الله وبركاته

هذا موضوع بخصوص فرد الشعر لصالون معين

http://forums.3roos.com/t482357.html

هل يعتبر مثل التسويق او لا !!

يعني هل احذفه او اتركه ؟

هلا نسووومة

وين هالغيبة يابنت (f)

شلون صرتي ان شاء الله احسن؟؟

حبيبتي خلينا ننتظر الاموره ترد علينا احسن :D

صباح الورد

شلونكم خواتي اكيد مشغولين بتجيزات العيد الله يعيده علينا بالصحه والعافيه يارب

اليوم وصلتني رساله من ساره افندي عضوة من تجمع بنات مصر للعنايه بالشعر

تقول ان المشرفه القديمة ستايسي من لمن كانت مشرفه كانت هي اللي تبي بس تفتح التجمعات الجديده ووقتها اذا اي عضوة تفتح تجمع تسكره كونها مشرفه وتفتح تجمع هي !!

تقول ساره ان هذا مو عدل واحنا كنا ساكتين كونها مشرفه

اللي صار امس انا سكرت تجمعهم القديم لانه تجاوز الردود والاخت ساره فتحت امس تجمع جديد

فستايسي باعثه رساله امس الها انه قفلي الموضوع وانا اللي ابي افتحه لانه هذا موضوعي قصدها فكرته

فساره تقولي هل هذا عدل فقلتلها ان مو حقها تتعامل معاكم هالمعامله حتى لو فكرتها مو محصوره عليها ان هي اللي لازم تفتح التجمع والتجمع اللي فتحتيه ماراح اقفله انا لان مو مخالف ليش اسكره

وخبرتها اذا ستايسي دخلت للتجمع وتجاوزت خبريني عالخاص

فالحين كتبتلكم علشان تكونون بالصورة وعلشان نسومه نراقب التجمع لان ممكن تصير فيه مشاكل

وبس قولولي شنو رايكم؟؟؟

بخير ربي يسلمك ..كيفك انتي نواره كل سنه وانتي طيبيه

التجمع مو مقتصر على المشرفات فقط عادي الكل له الاحقيه انه يفتح موضوع
واذا الفكره لها عادي اهم شي وجود تجمع خاص فيهم والغايه اول واخيرا هي الفايده
غير كذا صار تبليغ اتوقع من ساره
دخلت ادور على اي شي مخالف مالقيت الا انها بلغت على رد وحده من البنات
كاتبه الله يعطيك العافيه لوحده ردت عليها بخصوص سؤال سألته
ومافيها شي لو كان بالموضوع رد زي كذا هي ماتبي
واللي اعرفه انا ان ايقونة التبليغ يكون لشي مهم !!

السلام عليكم ورحمة الله وبركاته

من زمان ماتجمعنا هنا

تفضلوا حياكم القهوة والحلو






الحين بعد مااكلتوا وماخليتولي شي <<< دخلت جو الاخت

اي في شي بالركن احب اناقشكم فيه

مثلا في عضوة رفعت ضغطي من كثر ماتنقل بالمواضيع احس الركن صار بس مواضيعها

ومو شي جديد والمشكله ان اغلب المواضيع اللي ناقلتهم مايطلعون بالبحث انهم مواضيع مكرره وجد اتعب على ماالقى الموضوع المشابه واوقات ماالقى

بصراحه انا مره بعثت لهالعضوة ان اعطي مجال لمواضيعك وخلي وقت بين الاول والثاني

بس ماكو فايده رجعت لنفس الشي رجعت تنقل ومااقدر بس احذف بمواضيعها بدون سبب

فشلون ممكن اتصرف :mad:

رجعتلكم خخخخخخخخخخ

بالنسبة لمسايقة الشعر لازم نحدد الفكره

ونسوي المسابقه ونحرك الركن شوي

الحين الافكار اللي اتذكر اخر مره تكلمنا فيها


مسابقه اجمل تسريحه للبنوتات من عمر 4 ل 10

مسابقة افضل وصفة او خلطه للشعر

مسابقة اجمل اكسسوار للشعر واتذكر ماعجبتكم الفكره :o

منتظره افكاركم وردودكم :)

اهلين ياحلوه

لا خليها اجمل تسريحه بس مو تسريحة اطفال لا تساريح كبار
بس على اطفال عشان الصور ان شاء الله ..
التصوير يكون من 3 زوايا ,,

انا اشوف كذا افضل ولا ؟

السلام عليكم ورحمة الله وبركاته

الله يعطيكم العافية يالغاليات

بالنسبة لفكرة المسابقة .. الاكسسوار اتفقنا انه يميل لركن الاكسسوارات اكثر من الشعر
الخلطة .. لايوجد مقياس ثابت للحكم على نتيجتها او تميزها.. بمسابقة وبتصويت
التسريحة للكبار وتطبق على الأطفال... في هالحالة هل التسريحة ممكن تضبط على الاطفال وهي اساسا للكبار ؟ و أين الابداع والتميز فيها؟

لابد أخواتي ان يكون هناك تميز وابداع في الفكرة وفي النتيجة اللي نطلع فيها
اين الابداع بتسريحة كبار على شعر طفلة ..

كنت اقترحت عليكم سابقا ان تستبدلوا المسابقة الى نشاط خاص بالركن .. مثل طرح موضوع معين او فكرة وهدف معين والاعضاء يجتهدوا ويجهزوا موضوعهم بناءا عليه... مثلا جدول العناية بشعرهم .. الوصفات اللي يستخدمونها ...او غيرها من الافكار.. وتميزوا المواضيع على ضوئها بشكل اسبوعي مثلا او شهري .. وتخصصوا شعار يوضع في اعلى الموضوع .. لتمييزه.. بمثلا ..افضل موضوع لهذا الشهر.. وهذه راح تكون من المواضيع المفيدة والقيمة و بتثري الركن اكثر من مسابقة بوقت معين وتروح

يعني ممكن نبحث عن انشطة مشجعة ومحمسة وتأكدوا ان المسابقات لاتعني دائما أن هذا دليل على نجاح ركن او تميزه اذا لم تكن المسابقة بشئ متميز او يكون فيها ابداع ...

دمتم بخير وعافية

صباح الورد حبيبتي

والله كلامك صحيح وانا عجبتني فكرة ان نسوي فكرة العضوة المميزه لكل شهر

مثل ماقلتي اللي تكون عندها برنامج عناية مميز تاخذ شهادة وتكون العضوة المميزة لشهرها

نسومة والاموره شنو رايكم خلاص ننزل اعلان بالركن ونقوللهم من الشهر الجاي اللي نختار افضل جدول عناية للشعر وصاحبته تحصل على شهادة تميز ؟؟؟

وطبعا الشهادة بصراحه انا مااعرف اسويها هل ممكن مشرفات ركن الابداع يساعدونا؟؟

مساء الخير ..

افكر نخلي المواضيع في قسم الشعر ماتنشر على بعد ما يتم اعتمادها عشان لو فيه مكرر او استفسار او مخالف
نتدراكه على طول قبل ما ينشر ونفضل ندور له

وش رايكم ؟؟

مساكم الله بالخير غالياتي

فكرة العضو المميز فكرة جيدة وكذلك ايضا تشجيع الأعضاء على الابداع في مواضيع العناية بالشعر والتجارب الناجحة وتمييزهم وفقا لدرجة ابداعهم وشمولية موضوعهم سواء بختم التميز او تثبيت الموضوع او اختيار افضل المواضيع للشهر


بالتأكيد يمكنكم الاستعانة بزميلاتكم مشرفات التصميم لعمل شعار يوضع في التوقيع مثلا أو شهادة كما ترغبون

بالنسبة لاعتماد المواضيع في اركان الشعر .. كما تعلمون ان هناك 3 اركان , الرئيسي والصبغات والتسريحات والاستفسارات وبالتالي سيكون هناك عدد كبير في الانتظار في حال تفعيل الخاصية ولابد في هذه الحالة أن يكون هناك متابعة منتظمة لتفعيل المواضيع من قبلكم كمشرفات للركن ؟ لأننا نخشى أن تتراكم المواضيع في لوحة التحكم لدينا في حال تأخركم او انقطاع احدكم

احنا متابيعين بإنتظام للركن ولو فيه اي ضغط بيكون لانهم 3 اركان
اهم شي الركن الرئيسي عندنا لانه اكثر المواضيع فيه
على الاقل يكون الاعتماد عليه فقط ؟؟

السلام عليكم ورحمة الله وبركاته

حبيبتي الاموره بالنسبة الحين لفكرة العضوة المميزه خلاص اتفقنا يعني :)

وبالنسبة لفكره نسومه بصراحه انا معاها لان احنا متابعين لقسم الشعر

دخولنا يومي ولو على انهم 3 اقسام خلاص نخلي الفكره بس على الركن الرئيسي لانه الاهم..... وبكذا مانكون مسوين ضغط على لوحة التحكم .....

وعليكم السلام ورحمة الله وبركاته

الله يعطيكم العافية اخواتي الغاليات على متابعتكم واهتمامكم الطيب

طيب غالياتي

تم تفعيل نظام اعتماد المواضيع في الركن الرئيسي للشعر فقط وإن شاء الله يسهل عليكم المتابعة ويخدم الركن أكثر

ونشوف نتائجها معكم

بارك الله فيك ويعطيك الف عافيه يالغلا ...