إجتماع مغلق لمشرفات ركن العناية بالشعر...حياكم الله..

السلام عليكم ورحمة الله وبركاته

صباح الخير غالياتي نسيم وانوار(f)

اعتذر تأخرت عليكم:o

اتمنى منكم حبيباتي مستقبلا تنبيهي عبر الرسائل

بالنسبة غالياتي لرغبتكم في تحديث القوانين فلاداعي لذلك لأننا وحدنا القوانين للجمال وتم اضافة اعلان اول للمشرفات للاطلاع عليها قبل الاعلان عنها للاعضاء وهالقوانين موحدة لجميع اركان الجمال بمافيها الشعر وارسلت رسالة خاصة بخصوصها قبل شوي

اذا عندكم اي ملاحظة بخصوصها ارجو اضافتها بالاجتماع العام

وبالنسبة غالياتي للمواضيع القديمة المقفلة من قبل المشرفات السابقات ياليت اعرف وجهة نظركم وتصوركم بخصوصها؟ واتمنى اعرف تاريخها لأي سنة

والله يعطيكم العافية غالياتي على جهدكم الرائع(f)

الأموره;9912298:
السلام عليكم ورحمة الله وبركاته

صباح الخير غالياتي نسيم وانوار(f)

اعتذر تأخرت عليكم:o

اتمنى منكم حبيباتي مستقبلا تنبيهي عبر الرسائل

بالنسبة غالياتي لرغبتكم في تحديث القوانين فلاداعي لذلك لأننا وحدنا القوانين للجمال وتم اضافة اعلان اول للمشرفات للاطلاع عليها قبل الاعلان عنها للاعضاء وهالقوانين موحدة لجميع اركان الجمال بمافيها الشعر وارسلت رسالة خاصة بخصوصها قبل شوي

اذا عندكم اي ملاحظة بخصوصها ارجو اضافتها بالاجتماع العام

وبالنسبة غالياتي للمواضيع القديمة المقفلة من قبل المشرفات السابقات ياليت اعرف وجهة نظركم وتصوركم بخصوصها؟ واتمنى اعرف تاريخها لأي سنة

والله يعطيكم العافية غالياتي على جهدكم الرائع(f)

وعليكم السلام ورحمة الله وبركاته

صباح النور والسرور ..

ان شاء الله ..:)

المواضيع ما فيها شي غير انها قديمه يعني من سنة 2003 و2004

وبعد فيه مواضيع من سنة 2004 مفتوحه

مدري انا اشوف لو المواضيع القديمه اللي مامنها فايده لو يكون فيه ركن ارشيف ننقلها له افضل لانه صعبه لو نحذفها هذي مشاركات للعضوات راح تروح ..

يعني القسم فيه 360 صفحه ما اعتقد ان البنات يدرون عن المواضيع اللي في الخلف

مثلا المواضيع القديمه اللي مامنها فايده ننقلها والاعتماد يكون على المواضيع اللي من سنه 2007 و2008 والسنه هذي

لان ما شاء الله البنات اول باول ينزلون خلطات ..

غير كذا فيه مواضيع استفسارات قدييييييييمه

وش رايكم؟ :o

والله انا معاكي نسومة

حتى انا اقترح ان المواضيع القديييمة تنقل للارشيف

لان حرام نحذفها حتى لو مواضيع ماالها فائده بس بوقتها هم تعبوا عليها اكيد

وحبيبتي الاموره ونسومه ابي اعرف متى اميز المواضيع انا سالت مشرفات يقولون ان يميزون المواضيع اذا كانت جهد شخصي حتى لو ماكان الموضوع فكرته جديده

اهم شي تشجيع الخوات اللي يصورون وينزلون موضوع

منتظره ردودكم :)

صباحكم ورد غالياتي نسيم وانوار(f)

احب انبه على شغلة مهمة لايوجد قسم ارشيف في المنتدى او قسم للتخلص من المواضيع القديمة

الأنسب غالياتي المواضيع القديمة اغلاقها وبقائها

الا اذا مواضيع صورها غير ظاهرة او عقيمة لاتحتوي على فائدة او قيمة ممكن تنقل للمحذوفات

او مكررة للمكررة

اما فكرة الارشيف فهذا امر غير مستحب

بالنسبة لتمييز المواضيع غاليتي انوار
هذا رابط يفيدك

ايضا اضيف عليه ان المواضيع المنقولة لامانع من ختمها بالتميز حسب قوانين المواضيع المنقولة الأخيرة

على فكرة غالياتي الأخت صمت الدروب ترغب الانضمام لكم في الإشراف على ركن الشعر
مارأيكم

صباح الورد حبيبتي الاموره

خلاص الحين المواضيع القديمة المقفله راح ارجعلها واسوي اللي قلتي عليه

اللي مو ظاهره صوره احذفه

واللي مكرر انقله للمكرر

و بالنسبة للرابط جزاج الله كل خير فادني

وبالنسبة لصمت الدروب حياها الله بينا و ان شاء الله تكون متعاونة معنا يارب

نسومه اليوم بديت انقل الاستفسارات القديمة اغلقتها ونقلتها لركن الاستفسارات

ياريت لو تبدين معاي اول شي ننقل الاستفسارات ونغلقها

بعدين نحذف المكرر و القديم مو احسن

ليش ننقلها ونغلقها انا مانقلت شي اغلقتها على طوول
لان مافي فايده من نقلها حتى لو كان فيه نفس الاستفسار
راح يضيفون موضوع جديد فالاسهل اننا نغلقها
ولو اي وحده سوت بحث لموضوع معين راح يطلع لها حتى لو ماكان في قسم الاستفسار
انا اغلقت الحين المواضيع ابتداء من اخر صفه الين صفحة 153
ليش الحذف ؟!!!
لا لا تحذفين المواضيع لانه بالبحث بتفيد البنات
اغلقيها عشان ما تصير بالصفحات الاولى حتى لو كان فيه اي سؤال بخصوص
خلطه معينه او اي شي ثاني اكيد صاحبته ماراح ترد ...
المواضيع اللي من السنه اللي فاتت والسنه هذي راح نخليها ومن 2007 وورى راح نغلقها
مو كذا افضل ولا وش رايك ؟

ماادري صح كلامك

لكن انا ركن القص والصبغات ماخليت استفسار كلهم اغلقتهم ونقلتهم للركن المناسب وهو ركن الاستفسارت

يعني نبي نرتب القسم من كل ناحيه ماادري انا هذي وجهة نظري

عالعموم مافي اختلاف ان شاء الله اهم شي نغلق المواضيع القديمه الحين

اي و بالنسبه للتاريخ انا اشوف بعد من 2007 ونازل ينغلقون

اوك ولا يهمك
بعد ما اغلق المواضيع راح انقل الاستفسار في قسم الاستفسار
ان شاء الله :)
اي افضل من 2007 والسنه هذي واللي قبل عادي
راح اكمل غلق المواضيع لين 2008

يعني انتي خلصتي ركن الصبغ ولا باقي ؟

اوكي نسومة

ركن القصات والصبغات مخلصته من زمان

بس راح ارجع اجيكه بعدين

وامس بديت معاج بركن الشعر اغلقت مواضيع وايد وصلت لصفحه 120

اوك يالغلا يعطيك الف عافيه
انا خلصت من القسم الرئيسي
اغلقت المواضيع لين صفحة 60

طيب قسم الاستفسارات نغلق المواضيع القديمه
ولا لا؟

الله يعطيج العافيه نسومة

لا ركن الاستفسارات مااعتقد اكو داعي نغلقهم
لان محد يرجع للاستفسارات القديمة و يرفعها

اعتقد جذي تمام و كفاية

بما انه خلصنا والحمد لله

الحين ابي اعرض فكرتي و حابه اخذ رايكم فيها

عاجبني نسوي مسابقه بالركن تحركه شوي

و الفكرة هي مسابقة اجمل اكسسوار الاكسسوار يكون تصوير شخصي مو صورة من النت

مثل تاج اكسسوار مميز ربطة بكلات الخ

الصور لازم تكون واضحه والصور طبعا يرسلونها على الخاص

وبعدها بكم يوم نجمع الصور وانزل موضوع للتصويت

واللي تفوز نعطيها شهادة تقدير اقول لنور العين او مشرفات ركن التصميم يصممونلنا

شنو رايكم الاموره و نسومة

الله يجزاكم خير غالياتي على جهدكم الاكثر من رائع

ربي يبارك لنا فيك ويديم هالحماس والنشاط (f)

بالنسبة لفكرة غاليتي انوار بعمل مسابقة لاكسسوار الشعر

معليه غاليتي بس الاكسسوار بعيد عن فكرة ركن العناية بالشعر واعتقد انه ممكن يكون اقرب لركن الاكسسوارات او ركن التصوير وفي كل الأحوال غاليتي لو طبقناها بأحد الركنين ..
أين الابداع فيها

المسابقات الرسمية واللي على اركان هامة مثل اركان الجمال لابد أن نراعي فيها معايير التميز والابداع في فكرتها اولا

ليه ماتتجهون الى عمل موضوع كنشاط للركن وتشجيع للاعضاء على اضافة مواضيع مميزة

مثلا لاختيار افضل خمس مواضيع في مثلا طرق العناية بالشعر او افضل جدول عناية بالشعر من خلال تجارب الاعضاء ..او مجلة ..يعين تخصصوا فكرة معينة لمحتوى الموضوع مع اضافة شروط وضوابط تحدد مدى تميز الموضوع سواء في مضمونه او في تنسيقه ..وغيره... وتختاروا افضل 3 او 5 مواضيع فيها
ويتم تكريمهم بتوقيع او عضوية مميزة وممكن نرسل مواضيعهم على الخاص

وبالنهاية القرار الاخير لكم (f) او اذا عندكم اي فكرة ثانية

هلا حبيبتي الاموره

خجلتيني :o صح يمكن فكرة الاكسسوار يمكن مو مناسبة لركن الشعر

بس قلت ان تكون من باب تحريك الركن بس خلاص مو مشكله مدام الفكره ماعجبتكم :)

و بالنسبة لاختيار مواضيع مميزة فكرة حلوة وممكن بعد نسوي العضوة المميزه لكل شهر

ونعطيها شهادة تقدير مثلا

مساء الخير حبيبتي الاموره

كيف حالك؟؟

صارلنا انا ونسووومه يومين نتناقش بفكرة جديده للمسابقة

وبالاخير اتفقنا على فكرة وهي

اجمل تسريحة بنوتات من عمر 5 ل 12 سنة

التسريحه طبعا تكون تسريحة كبار بس تطبيقها على بنوتات صغار

يعني يصورولنا خطوات التسريحه والشكل النهائي

و انا ونسومه شفنا هالفكرة انسب شي وجديده مو مكرره

شروط المسابقه الصور ماتحتوي على وجه البنوتات و ممنوع كتابة الاسماء على الصور

والمشاركه بتسريحة وحده فقط

والصور ترسل على الخاص لي ولنسيم الشوق



هذا كل شي ومنتظرين ردك حبيبتي الاموره

صباح النور غالياتي

طيب مافيه مانع اخواتي خاصة وإنكم متحمسين كثير لفكرة طرح مسابقة

لكن لاتنسون إن كثير من الأعضاء في اجازة بما انها فترة صيف والتفاعل قد لايكون حسب المطلوب

إذا تشوفون التوقيت مناسب .. جهزوا الصياغة حسب شروط المسابقات المثبت بركن المشرفات ليتم الاطلاع عليها بشكلها النهائي قبل الاصافة او الاعلان عنها

الله يعطيكم العافية غالياتي

مساء الرضا والعافيه /

اكيد مانسينا الشي هذا ..

احنا راح ننسق الحين ان شاء الله ونطرحها في الوقت المناسب
بس حبينا ناخذ رايك ,, حتى نستعد

بخصوص التجمعات كثير من البنات ما يعرفون انها في قسم الاستفسارات
يعني لو تكون في القسم الرئيسي افضل
حتى الكل يشوفها ويشارك فيها .

ولا وش رايكم ؟؟

طيب غاليتي نسيم انقليها