هل تقدري تعيشي من دون الشغالة لبنات الخليج

اقدر اعيش بدونها وتقريبا اغلب الاوقات ماعندنا شغاله وبصراحه بدونهم راحه نفسيه

انا ما احب فكرة الشغاله من الاساس مع تجربتي مع الخدم في بيتنا
قدامج شي ومن وراج شي ثاني الشغالة مع امي الله يحفظها لي تعاندها وما تسمع كلام امي
بس قدام الوالد تبدا الدموع والحركات اللي تنرفز تخيلوا نحن عندنا 3 شغالات وهاي اول مره نسويها لان بيتنا ما شاء الله كبير وبعد ما شاء الله العزايم فيه وايده وخواتي واخواني ما يخلون شي في مكانه يعفسون البيت فوق تحت والخدامات ما يلحقون عالبيت وحده من هالشغالات اتهمت اخوي بانه لمس عرضهاومن هالكلام وقعدت تصيح ابوي عصب عليها واخوي بعد لانها تتهمه
ووحده من هالشغالات رفعة الكوايه عند ويه اخوي الصغير ( عمره 7 سنوات ) كانت تبي تحرقه الحين بتتسفر على اللي سوته بس بالنسبه لي انا لو الله كتبلي وتزوجت ما راح اييب خدامه عندي لاني اقدر اشتغل فالبيت بروحي بس ها لو ما اشتغل بس لو اشتغل بنجبر اييب شغاله
لاني بكون بالدوام

ماجربت الشغالات وان شاء الله ماجربهم ولا احتاج لهم

واذا على كثرة العيال علميهم لما يخبصون البيت يرتبوه بنفسهم وان شاء الله تستغنين عن الشغالة

ماوراهم الا وجع الراس

السلام عليكم ورحمة الله وبركاته

انا ام 4 اطفال لي 15 سنه متزوجه ولا عند شغاله وزجي رفض جدا وانا كانت عيش في بيت ابوي خادم وسواقين بس الزوج غير وانا احس ان الخادمه ترابط ومخيفه من الي نسمع الكلم صحيح الشغال متعب مع الاطفال بس اللحمد لله والشكر علي كل حال

لازم شغاله في بيتنا والحين ماعدنا يارب يرزقنا بشغاله

لان بيتنا كبير مره

اي اقدر اكرف واتعب ولا ادخل بيتي شغاله

وبالي مرتاح على بيتي وعيالي وزوجي اروح وارد على راحتي لا احاتي وحده في البيت مادري شتسوي من وراي ولا احاتي عيالي شتسوي فيهم ولا اعور قلبي على تنظيفهم الي مو منقلب

بيتي انظفه واعتني فيه بروحي اريح لي من هم الخدم وبلاويهم

الحياه بدون شغاله = تعب وشقى وشيخوخه مبكره
بالنسبه لي انا بتزوج بعد 3 شهور وشغالتي قبلي لازم تدخل الشقه
انا لا اعرف ولا اقدر اغسل ملابس واطبخ وصحتي ما تتحمل اساسا
بسرعه اصخن واتعب .
لذلك اشوفها مهمه جدا هي تنظف وانا اتدلل وارتاح .
تحياتي

والله العظيم احنا بس بندلع الي بتعمليه بمبتعملوش الشغالة وراهم غير المصائب
انا ارتحت منهم بعيش بحريتي في بيتي مع زوجي وبنتي وعمل برنامج اسبوعي عندي ماشي شغالة تجي تنظف لي البيت مرة في الأسبوع و بنضف كل يوم أحمد ربنا مع اني باشتغل بر البيت وعندي بنت عمرها 11شهر بآخدها الصبح عند ماما وارجع آخدها لما أخلص شغلي معي البيت اموري ماشي والحمد لله شغلي مرتب بيت نضيف زي الفل زوجي مرتاح

انا بعد ما احب الشغالات بالمره ولا افكر اخذ لي شغاله لا الحين ولا بعدين مع اني الحين ادرس في الجامعه وعندي ولدين وعمارهم متقاربه 3 سنوات وسنه وشقتي كبيره مطبخ وصاله و3 غرف و3 حمامات غير ملحق الغسيل ومع هذا انظفها وادرس واهتم بعيالي واطلع مع زوجي واجلس معاه وقت ما يحب اهل زوجي عندهم خدامه وزوجي يدفع راتبها وقالوا بقولون لها تنظف فوق وتحت بس انا رفضت قلت ما ابغيها وبعدين اللي تقول تتعب وما تقدر لانها ما تأقلم نفسها من البدايه مثل الرياضه لما الشخص يمارسها اول الايام يحسب بتعب وكسل بس بعدين لما يمارسها تصير عنده شي عادي وبالعكس يا بنات الحركه بركه ولما يشوفج زوجج انتي شايله بيته وعياله تكبرين في عينه ويحس انه صدق اخذ له وحده تهتم فيه وفي عياله وبيته

اقدر اعيش من دون شغالة لاني ما عندي اطفال بس اذا بيكون عندي اطفال ان شاء الله اكيد باحتاج لاني اشتغل

وتحياتي

انا ودي ما أجيب بس اشتغل ودوامي من الصبح للمغرب وجريب باولد ان شاء الله، وجودها ضروري بس بإشراف الوالده طبعاً