هل تقدري تعيشي من دون الشغالة لبنات الخليج

بيت بلا شغااالة كشعر بلا شباصة...>>>شي يضحك صراااحة مثل أختي الصغيرة
أما أنا أرفض وجود الشغالة نهائيا

انه اشتغل دوامين صار 15 سنه متزوجه وعندى بنت ومنظمة وقتى مستحيل افكر انى اجيب خدامه مستحييل

يوووه ماورى الشغالات الا الهم والمشاكل

لكنها بجد تريح :o

انا بصراحه عندي شغاله جبتها وعمر بنتي 11 شهر لان كنت ادرس بالجامعه ومحتاجتهاكثيريعني ضروري اجيبها وصار لها عندي الان سنه ونص لاكن واالله ما فيه يوم طبخت لنا شي ولاتمسك بنتي الافترة الصباح وتغسل ملابس وتكوي وتغسل الصحون فقط لاغير والباقي كله علي انا ولامره خليتها تعمل لزوجي شي ولاتخدمه في شي وخلصت دراسه والان انا حامل وداخله التاسع واللله ما اعتمد عليها بشي ابداً وخلاص اذا ماكنت على وظيفه وجالسه بالبيت خلاص اذا راحت ما افكر اجيب الا للضروره القصوى من غير شر لانها تكتم الحريه

اما انا والله ماطيقهم لانهم عينهم فيك تسوي حركات قدام زوجي يعني شوفني انا احسن منهم انا زوجي قال بجيب قلت ماتطب لي بيت خصوصا انا عندي بنوته عمرها 6شهور الله يخليها لي بس كل يوم اشتغل ساعتين او 3 ساعات ولاني اصحى مبكر انظف حد بنتي نايمه وبعدين اصحيها اشرب هالحليب والله شغل البيت سهل وانا بيتي كبير بس اذا جاء ضيوف الله يعيني

الحمدلله ما عندي شغااالة ومااااراح اجيب باذن اللة مافي غيري انا وزوجي
وبيتي صغييير في يوم انظفة كلة ههههههههه
والوحدة اذا نظمت نفسها تقدر اخوات زوجي ماشاء الله تبارك الرحمن
ما اعندهم شغلات رغم ما شاء الله بيوتهم كبااار و اولاد وزوج لكن ما جابوا
شغلات يليه يجيبون المشاكل وعوار الراس لحدهم ..ماشاء الله مشترين راحة البال

غرام القلب;6384454:
المعروف ان الشغاله لشغل البيت اذا كان كثير و ثقيل بس للأسف الزوجات يجيبوا الشغاله عشان تربي اولادهم و تأكلهم و تنومهم و تلبسهم وتنظف البيت و الغرف و تغسل الملابس و الزوج ياكل من طبخ الشغاله يعني الشغاله لغت مكان الزوجة المسؤولة الاولى عن بيتها و عيالها و زوجها، يعني الزوجه صارت مهمله بس عشان تجيب العيال و باقي المسؤولية بالكامل صارت للشغاله و فوق هذا كله لو صارت مشكله مع زوجها تلقين الزوجه تقول والله انا مومقصره مع زوجي قايمه بالواجب مهتمه فيه و في اولادي... أي اهتمام تتكلمون عنه؟ قصدكم اهتمام الشغاله صح؟ والله حاله بدال ما تجيبون شغاله انا اشوف لو الزوج يتزوج وحده ثانية و يسكنها بالبيت معاه أحسن عشان يصير وجودها حلال بينكم و بالمره تساعد في شغل البيت مو صح؟ اللي تقول غلط ليش غلط؟ اللي ترضى تدخل حرمه ثانية يعني المفروض ترضى بزوجه ثانية صح؟

لا حبيبتي الشغالة مش زي الزوجة الثانية ابدا ابدا ابدا

الصرااااااااااحه


ماقدر تعودت عليها في كل شي

بس الحين بتغرب وبعتمد على نفسي والله يعيييييييييين

اااااه ياحبيبتي جيتي على الجرح انا ماعندي شغاله ولااحب وجودها في البيت لان بالفعل تكون عيونها علي وعلى زوجي غير مشاكلهم وبلاويهم بس المشكله اني ماني قادره اوفق بين تنظيف البيت والطبخ وبين الاهتمام بنفسي تعرفين الرجال مايرحمون لو قصرتي بشي الله يعينا

انا بصراااااحه مو موظفه وجااااالسه في البيت لا شغل ولامشغله ,,, وعندي ثلاثه اطفال اكبر وحده عمرها 4 سنوات ,,, احس انو ماافي داااااااعي لشغاااله ,,,
بس وحده موظفه وعندها اطفاااال لااااااااااااازم الشغاله في حياتها ,,,
وبعدين عملو دراسه على وجود الخادمات في منازل الاسر السعوووووديه بنسبه 91%
والبقيه مااعندهم شغالاااات ,,,, وانا منهم هههههههههههه

يسلمو على الموضوع

انا ودي لي تزوجت مايكون عندي خدامه لان صج ماتثقين فيها وهم ماتاخذي راحتك بالبيت لكن شقول يبيله تنظيم وقت وخطه عمل مجدوله لان ماتعودت اعيش بدون خدم هذي المشكله

انا وحده فيني دسك مااقدر على الشغل
ولو انه متاعبهم وبلاويهم تلوع الجبد
لكن مانقدر نستغني

ولله الحمد عايشه بدون شغاله ولكن وبصراحه أرغب وأتمنى وجودها اليوم قبل بكره شغل البيت ما يخلص وتعبت من الشغل أحس بوجود الشغاله بتفرغ لنفسي وزوجي وعيالي أكثــــــــــــــــــــــــــــــــر أدعو لي الله يسخر لي وأجيب شغاله وتكون مثل ما أتمنى

انا بعدني ما ممتزوجه بس يحرم عليها الشغاله تدوس بيتي لما اتزوج بشيل بيتي وزوجي وعيالي بروحي من دون شغاله ...اقدر اعيش بدونها ونص

بصراحة ما احبهم
اني ما اايد الشغالة خاصة للعايلة الصغيرة ببدايتها بصراحة
استغفر الله

ببيت آهلي لازم شغالة لانه بابنا مفتوح الكل يدخل علينا ويسير صعبة كل شيء علي :( ..
بس اذا تزوجت ان شاء الله ماراح اجيب كلهم غثا وبلاااااااااااااااااااااااااااااااااااااااااااااااااااااااوي ..

اي عادي اقدر اعيش بدونها

انا ابي اكون مرتاحه مع زوجي مو اجيب لي وحده حق عوار الراس

وحتى بيت ابوي مافيه شغاله لان كذا مرة انجيب وحده وتطلع مو اوكي

وخواتي ماعندهم شغالات بس وحده

وثانكس

اسمحيلي اختي على هالسؤال موضوعج غريب شوية اشمعنى مختارة بنات الخليج بالذات في بلدان غيرنا و عندهم خادمات اعترف انه اكثر عندنا من غيرنا بس كل بلد وظروفه و حياته ............و مش يعني وحدة ما عندها شغالة تكون احسن و افضل من اللي عندها شغالة كل انسان ظروفه و لعلمج انا مدرسة و عندي معلمات من جنسيات عربية اخرى و عندهم شغالات و مرة تناقشت معاهن على هالسالفة فقالت وحدة الله يذكرها بالخير انه الحياة و مشاغلها صارت صعبة تخلي الوحدة تهتم بكل شي من بيت وزوج و عيال و غيره و هذي اللي مش متعودة على الخدم في بلادها و سالتها شو بتسوين يوم بتروحين بلادج ردت بجيب وحدة تساعدني و هي اصلا اذا نزلت اجازة في بلادها الازم خادمة تكون معاها تساعدها ...شفتي مو بس بنات الخليج اللي يحتاجن خادمة تساعدهن........
على عموم تتمنى تتقبلين رايي بصدر رحب ويحتمل الصواب او الخطأ ...
ملاحظة عندي خادمتين بس امي وراهن وراهن مو تاركة كل شي عليهن ويوم يروحن نحن البنات نشتغل و معانا اخواني الشباب بعد

انا أول ماتزوجت كنت انا إلي انظف غرفتي وأرتب ثيابي وأجيب غدا زوجي وأسويله الريوق بس..

لمدة 3 سنين تقريباا حتى لما حملت ... بس بعد ماجبت ولدي ,, بصراحه إحتجت الخدامه لأني أطلع مع زوجي وأروح بيت أهلي ,, وتعبت وااااايد لمدة 6 شهور عقبها جبت خدامتي ,, والحين ماأقدر استغني عنها والله ..

حتى لما أمي مره إحتاجتها وطلبتها مني ,, ماقدرت أطرشها بروحها ’’ لأن ولدي متعلق فيها .. فرحناااا كلنااا بيت هلي عشان الخدامه .. ^_^ ,,,

عن نفسي ,, مااااااااااااااأستغنيييييييييييييييييييي

انا مب متزووجه .. ومااااقدر اعيش بدووون خدااامه @@

لكن اذا عرست بخدم نفسي وزوجي لين مايجي اول مولود عقب بجيب لي خدامه عشان تساعدني وبالعكس وجودها عادي ولا مغثه ولا شي بس تلتزم حدودها واظن كلن عنده عيون ويشوفها شتسوي مب تهملين بيتج وعيالج وريلج بحجه وجود الخدامه لا راقبي وانتبهي وان شالله مب صاير شي ^__^