كل عروسة مصرية تتدخل تقول جابت ايه للنيش بس بس بس

مرسي للموضوع بس انا عندي اعترااااااااض يعني ايه حاجه النيش للعرض والفرجه بس لا طبعا انا باذن الله في كل العزومات هستخدم طقمي الصيني وشنطه المعالق الشيك وطقم التوزيع الغالي والكاسات الكرستال الغاليه وفي ايامي العاديه هستخدم الطقمه التانيه امال انا جيبالهم يتعرضوا في محل يا توته ولا دفعه فيهم فلوس عشان استمتع بيهم وامتع ضيوفي بيهم
ولما اخلص حاجه النيش ان شاء الله هبقا اكتبها هنا كلها ومرسييييييي للموضوع

بصو يابنات ياحلوين الاول كل سنه وانتو طيبين وبعدين بقا نيجي لحاجه النيش بصو هما الصيني والاركوبال وطقم شاي وجاتوه وطقم شربات وطقم خوشاف وممكن 3 اطقم كاسات تحاولي واحد فيهم يبقى فيه حاجه دهبي والتاني يكون كريستال والتالت ياريت يكون فيه شكل غريب زي الكاسات المارتيني مثلا وطقم المعالق والصواني بتاعه الضيوف طبعا انا مقلتش حاجه جديده بس عايزه احكيلكو بقا على طريقه الرص انا شفت ناس بتقول نحط اطباق وبتاع بس بصراحه مش عاجباني انا ان شاء الله ناويه احط طقم الشاي بالدورق بتاعو بتاع الصيني وطقم الزبديه الكبيره بتاعه الشوربه علشان هما اللي باينين وشكلهم حلو وباقي الاطباق والاركوبال في الرفوف اللي تحت بقا اللي بتبقى مقفوله وايه كمان يابت يامنورا اه الكاسات طبعا بس بيعملو حركات حلوه انك بعد ماترصي الكاسات عادي ترصي اخر وحده نايمه فوقهم علشان تلفت النظر وفيه ناس بتحط واحده معدوله وواحده مقلوبه وحاولي وانتي بترصي حاجتك توسعي المسافات علشان الحاجه تبان وتعملي سبوتات لو النيش مش مبين الحاجه اوي اه صحيح شفت ناس كمان بيحطو فناجين الشي نايمه على الطبق كده حركات يعني وخلاص وانا مع صاحبتنا اللي بتقول الحاجات الحلوه دي اكيد هنستعملها لما تجيلنا عزومه حلوه ولا ليله رومانسيه ولا حاجه المهم ربنا يكملنا كلنا على خير ويفرح كل واحده بحاجتها يارب

موضوع جميل جدااااااااااااااااااااااااااا
انا بقى هاقول احتياجات المفروشات
بسم الله نبتدي باللي جبته
3ملايات مطرزة
3ملايات منقوشه
3 ملايات فرداني
6 فوط كبار
6 فوط متوسطين
2 كوفرته
2 بطانيه صيفي
لحاف فايبر
اللي لسه مجاش ::::
3 ملايات مطرزة
4 فوط قطيفه
فوط مطبخ
برنص
بشكير
مفرش الزينة للسرير
مفرش قطيفه للسرير
مفرش سفرة
بطانيه مجوز او بطانتين مفرد
انما حاجه الاطفال لسه بقى على حسب لو في اوضه اطفال هاجيب لو مفيش مش هاجيب

فوط اطفال
ملايات
مفرش الزينة للسرير

انا جبت طقم صينى فضى وشوية فضيات
واطقم كاسات وطقم شاى وطقم قهوة وورزعتهم
وفى الجنبين حطيت فى فرعونيات يعنى تماثيل فرعونية صغيرة وورق بردى ومجموعة براويز صغيرة جدا فيها صورى وفى الجمب التانى نفس الشئ بس صور جوزى

انتوا نمتوا ولا ايه مش ناويين تكملوا انا فرحي قريب وعايزه استفيد منكم

بصراحه انااااااااااااا عجبنى الموضوع ده وحبيت اشارككم فيه بس بصراحه انا معنديش خلفيه اوى عن الحاجات والعدد الصح اللى بيتحط فى النيش بس احنا حاليا لسه بنجيب انا جبت الطقم الصينى الكامل اللى بيتحط فى النيش فى النص وطقم الشاى الكامل برده و3 طقمة كاسات روعه شكلهم حلو اوى واحد كحلى وعليه اطار ورسمه فضى وواحد دهبى وواحد جميل من مش عارفه اقولكم لونه اوووى وطقم شربات تحفه لونه نبيتى وعليه اطار ورسمه دهبى واهم حاجه وانتو بتشتروا حاجة النيش الذوق لان ده اللى فى الوش ومش لازم يبقى غالى اوى يعنى فى حدود المعقول

بصوا بقى يا جماعة انا ما جبتش حاجات كتير علشان شقتى صغيرة واكيد النيش ها جيبة صغير طقم صينى وطقم اركوبال وطقو جاتوة وكاسات وطقم قهوة وصوانى وشنطة معالق

ازيكوا يابنات انا بقي لسه مخطوبه قبل رمضان بأسبوع ولسه معرفش اجيب ايه ولا عرفه ارتب نفسي خالص وعاوزه اعملي جدول يكون فيه كل حاجه علشان هابدأ ان شاء الله انزل اجيب وياريت تسعدوني علشان انا هاتجنن خالص وربنا يكرمنا كلنا ونتجوز كلنا
اه نسيت كمان ياريت تقولولي علي الاماكن اللي اقدر اجيب منها الحاجات في القاهره انا اعرف ( حمام التلات - الغوريه- الوكاله - كارفور علشان بيعمل عروض كتير ) لو في اماكن تانيه ياريت تقولولي

موضوع جميل ومميز جداااااااااااااااااااااااااااااااااااااااااااااا

صوره لنيش مبتكر ومرتب


وشوفوا النيش هنا شكله هادى ومرتب
ازاى

شوفى يا شهد كل اللى انتى قلتيه كفاية بجد لان زى مانتى قلتى حاجات بتتحط فى النيش يعنى تقريبا للعرض فقط
بس يا ريت حد يقولى هو لازم شنطة للمعالق والشوك والسكاكين انا فيه واحدة صاحبتى قالتلى انه الافضل انك تجيبى حامل ليهم وانتى تنظمى بقى عليه المعالق والشوك والسكاكين وبيقولوا كمان اوفر
انتم ايه رايكم :)(w)

بسم الله ماشاء الله انا من كتر الحاجات عملت 2 نيش واحد 4 ضرف والتانى 2 ضرفة وبوفيه
اما بالنسبة للحاجات فهى كالتالى هو انا لسة مفرشتش لما هفرش ان شاء الله هنزل ليكو الصور
طقم صينى اندونيسى
طقم صينى فرنسى
2 طقم ملاعق واحد منهم سولينج الالمانى
طقم شاى وقهوة ايطالى
طقم اركوبال فرنسى
2 مفرش سفرةواحد تركى وواحد سورى
فاظة و2 طبق فاكهة كريستال
2 طقم خشاف ايطالى
طقم ايس كريم مصرى
12 طقم كاسات كريستال فى منهم الفرنسى والمصرى والايطالى
حوالى 4 اطقم عصير
2 طقم ماء كريستال
3 اطقم صوانى استيل منهم من 6 اكتوبر ومنهم من برا مصر
طقم شاى استانليس
شمعدان فضة للبوفيه
3 شمعدان صغير عادى للبوفيه
1 طقم كاكاو
1 شيالة كحك وبتيفور وغريبة
بونبونيرة للسفرة
بس انا كنت هبلة وبشترى بافتراء وهبل اوعو تعملو زيى
الحاجات اللى جيباها للنيش تمنها يشترى شقة

تسلم ايدك يا قمر وربانا يتمملكم على خير

انا بقي يابنات لسه شايفه الموضوع ده دلوقتي

انا فرحي قرب بأذن الله

وقفلت حاجت النيش الحمد لله

جبت 6 كاسات 4 للنيش و 2 للتقديم
وطقم شربات
وطقم الصيني وبايركس والاركوبال بس ده فرنساوي اصلي خالي جابهول من الامارات
و3 اطقم كبيات مايه
وطقم الجاتوه وطقم القاهوه
وكاسات فروت سالات الواسعه
وشنطة المعالق جايباها من المانيا حتي شكل المعالق غريب غير المعالق هنا
وكمان جبت صواني التقديم طقم 3 باحجام مختلفه ده شيك بس مش عليه زخرفه
و2 لوحدهم عليهم ورد زهبي
وجبت 6 اطقم كوبايات شاي 3 للنيش و3 للاستخدام
وجبت تحف كتييييييييييييييير للنيش ولما كان يجيلي سبوع من حد اشيل التحفه بتاعت السبوع ههههههههههههه عشان النيش لما لميت كتير غير هدايا اصحابي

وادعولي يابنات ربنا يتمم لي علي خير ويبعد عني عيون الناس