كل عروسة مصرية تتدخل تقول جابت ايه للنيش بس بس بس

عجبتني فكرة النيش

في السعودية عندنا هالاشياء على الرجال
بس انا اتفقت مع خطيبي ان اشتري الاشياء على ذوقي

عجبتني فكرة البوفية اللي تحطوا فيه الاغراض بتوع الضيوف عشان ماتتلخبط مع الباقي

انا عندي كل الاطقم في المطبخ مع الصحون العادية
بس فكرتكم كثييييييييييييير حلوة

وخاصة طقم السفرة جوناااااااااااان

لا يا بنات اللي عندها افكار جديدة ماتبخلش علينا

بنات موضوع جميل
بس انا بقى الحاجات اللى جايباها للاستعمال جايباها حاجات شيك وغالية وهى هى اللى هحطها فى النيش. مش هجيب حاجة واركنها بصراحة من غير استعمال ومش هجيب حاجة للعرض.
الاعداد مش فاكرة خااااالص لانى مجهزة الحاجات دى من فترة.

طبعا طبعا طقم الصيني
طقم الشربات ده اللي هو الشفشق وست كبايات
عندي طقم واحد بس للكاسات بس هشتري كمان واحد وخلاص
عندي كمان ايه مش فاكره ليه لاني حاطاهم تحت السرير هههههههههه
الفكره بقه
ان شاريه كميه مهوله من الشموع و البراويز بموت فيهم يا بنات وبتبقى شكل اي حجه معاهم كلاس اوي وشيك موت فكروا في ان مش كل حاجه لازم ازاز وبتاع ممكن الشموع وتحطي كمان برواز وصوركم كده صوره مثلا للفرح بتبقى شيك برده
و اطقم كتير للميه عندي من زمان كتير بصراحه ححط الشيك بس

بنات انا مش حابة بصراحة و لا طقم الشربات و لا طقم الخشاف يتحطوا في النيش خالص و كذا حد من صحابي لقيتهم فعلا مش حطينهم و لا اطباق هو كاسات و كريستالات و طقم الشاي و خلصنا بس كانو حطينهم بطريقة شيك مووووووووت ايه رأيكم؟

بوسي كوكو;7126437:
بنات انا مش حابة بصراحة و لا طقم الشربات و لا طقم الخشاف يتحطوا في النيش خالص و كذا حد من صحابي لقيتهم فعلا مش حطينهم و لا اطباق هو كاسات و كريستالات و طقم الشاي و خلصنا بس كانو حطينهم بطريقة شيك مووووووووت ايه رأيكم؟

فى يابوسى نظام النيش المودرن مش كله بقى يحط فيه دلوقتى غير كاسات ومش طقم كامل كمان بتبقى كاس مع طبق مع حاجة كريستال وبيبقى لذيذه

منورين الموضوع جداااااااااااااااااااااا


عندي فكرة جديده ليه كل عروسه متصورش حاجتها وتنزلها وتفيد اللي لسه ماشتروش


لو عاجباكوا الفكرة ردوا عليا

انا لسه ماجبتش حاجة هههههه بس قريب ان شاء الله هبقى احطلكو االصور عشان انا مستنية اللحظة اللي هبتدي انظم فيها بيتي....بحبك يابيتي

ياااجماعه,,,,,,,,,,, انا فرحى فى شهر 4 ولسه مجبتش حاجه خالص خليكوا معايا واحده واحده عشان منساش حاجه وكمان تتكلموا عن كل الجهاز زى مقولتوا وكل سنه وانت طيبين

sally2007;7126464:

فى يابوسى نظام النيش المودرن مش كله بقى يحط فيه دلوقتى غير كاسات ومش طقم كامل كمان بتبقى كاس مع طبق مع حاجة كريستال وبيبقى لذيذه

اه يا سالي فعلا النظام ده بيكون لذيذ بس انا سفرتي مش مودرن ينفع عليها النظام الي انتي بتقوليه ده؟
و احط بقية حاجتي كلها في البوفيه؟

لما اعرف اصورلكم حاجتي هصورها عشان هما تحت الانقاض :gum::gum:

حبيبي نونو

ربنا معاكي يارب وتجيبي حاجتك كلها يارب واحنا معاكي اهو كلنا

رمش الكحيل

كلنا معاكي ان شاء الله وهنتكلم عن كلحاجه

بوسي كوكو

ان شايفه وده رايي ان النيش ليه فخامته برده ولازم نحط فيه الحاجات كلها امال شارينها ليه مش لازم نجيب كتير بس نجيب حاجات شيك ومش غاليه قوي ومش كتيرة عشان بحس انكل حاجه في النيش بتدل على زوق صاحبتها وياسلام لو اترص بفن شويه

انا ماجبتش طقم خشاف واكتفيت باللى موجود فى الصينى والاركوبال.
وماعرفش ايه طقم الشربات ده؟؟؟؟؟؟؟

pippo;7132260:
انا ماجبتش طقم خشاف واكتفيت باللى موجود فى الصينى والاركوبال.
وماعرفش ايه طقم الشربات ده؟؟؟؟؟؟؟

طقم الشربات اللي هو شفشق و بيكون معاه 6 كوبيات او كاسات و مش شرط انه يكون للشربات هو بس اسمه كده لكن ممكن للعصير او للمياه

اهااااا ميرسى يا جميل على الرد
وانا اللى افتكرت انه حاجة غريبة وانى غلطت فى حق نفسى وماجبتوش بس الحمد لله طلعت جبته :D

حلوه الفكره اوييي
انا بقا بما ان المساحه عندي صغيره ف اتنازلت عن حلمي في السفره الكلاسيك والنيش والبوفيه وقررت ان اكتفي بسفره مودرن مع دولاب فضيه مودرن صغير ومش هحط فيه غير شويه انتيكس كده قيمه ووالكاسات ال ايدها طويله اوي وطقم شاي وجاتو والحاجات ال بيبقى فيها سيلفر على بسيط من الحاجات ال مش هستعملها مجرد منظر علشان ميبقاش فاضي وبس

بصوا أنا من النوع اللي عنده فقدان ذاكره علي حسب ما افتكر هكتب محدش يتريق عليه
بصوا تقريبا والله اعلم اكيد فيه الصيني و اكيد فيه الشربات بس عسول موت و طقم الخشاف و 8 كاسات فقط فطبعا هشتري ان شاء الله كاسات و فيه ايه كمان مش فاكره بس اللي اعرفه اني مش هجيب طقم سمك سوري السمكه مش هتنط وتقولي متكلنيش من غير طبقى ولا هجيب طقم الايس كريم برده مش هيقولي حرام عليكي عدم التخصص ايه تاي مش فاكره لسبب ايه هو بقه ؟
اني لسه مش رصيت حاجاتي خالص للاسف

انا حقول حسب خبرتى المتواضعة
طقم الصينى
طقم الشاى و القهوة ( اذا كان مش موجود مع طقم الصينى و لو الصينى معاه يبقى كفاية اوى )
كاسات ( من رايى طقمين او 3 بالكتير كفاية )
طقم اكواب ماء
طقم شربات
طقم خشاف
طقم جيلى او ايس كريم
طقم المعالق
طقم اكواب شاى
طقم صوانى للتقديم
شوية تحف و شموع وديكورات

انا كنت عاوزة اقترح عليكو بعد ما نخلص النيش ندخل على حاجة المطبخ وبعدها المفروشات و الملابس و كله كله عشان الفايدة تكون اكبر

حلوة اوى فكرة الموضوع دى ياشهد

بصوا انا لسه فى الاول قلت لسه شوية على فرحى اطمن بس لما شفت الحاجات اللى المفروض اجيبها دى كلها اتعقدت :confused:
انا تقريبا مجبتش منهم لسة غير الصينى وشنطة المعالق والخشاف والصوانى طقم واحد بس بس اهم حاجة فى الموضوع انى بجهز دلوقتى فى اللعب والانتيكات اللى بيتزين بيها النيش :D
الباقى كله الشاى والكاكاو والقهوة الحاجات دى جبت اطقم جميلة اوى طالعة موضة بس فخار هما مينفعش يتحطوا فى النيش لسه هاجيب تانى للنيش
اما الكاسات والكوبايات اى حاجة ازاز عموما عايزة اجيبها قبل فرحى بحبة مش كتير علشان كل شوية بتنزل موضه جديدة ليهم ناوية اخليهم اخر حاجة

صحيح طقم السمك ده مسمعتش عنه كتير بس مش حاسة ليه لازمة اوى كمان طقم الايس كريم ده مش ناوية عليهم بصراحة