المسموح في أيام الملكة

والله عندنا مافي مسموح غير المكالمات والباقي لبعدين خخخ

تسلميييين يالغلا

احنا الطلعة ممنوعة بتاتاً البتة ,, ويجي ينام عندنا ممنووووووووووووووووع والعكس نفس الشيءوحتى الزيارة لأهله مثلا صادف مناسبة ,, انا ما اروح بس اهلي يروحون انا ما اروح بيتهم الا بعدالزواج ,, بالنسبة للزيارات بالبداية كانت كل شهرين بعدين كل شهر مرة بعدها بالشهر مرتين وبعدين بالشهر اربع مرات يعني كل اسبوع مرة ,, وكانوا متشددين مرة مايتركونا مع بعض عشان مايصيرشيء وبعدين شوي شوي خففوا علينا وتركونا ساعات مع بعض من تسعة بالليل مثلا الى 12 او 1وطبعاً سواليف وعشا خفيف ويتخللها بعض الاشياء البسيطة والحمدلله ,, بالنسبة لي الملكةاحلى بكثيييييييييييييييييير من الزواج لأنه تكونوا ملهوفين على بعض ويجيك مافي باله شيءغيرك انت وشكلك وحركاتكم مع بعض بعكس بعد الزواج انت عنده على طول اللهفة مو مثل الملكةوغير كذا الدوام ياخذه منك مرة ويهد حيله وتصير الحياة معد تنطاق >>> معاناة متزوجة

الحقيقة يا بنات مقدرش افيدكم في الموضوع دة لان كتب كتابي كان قبل الدخلة بيوم واحد فقطططططططططططط
فكل اللي عملناه اننا خرجنا قعدنا في كازينو شيك

بالنسبه لنا نحن عاداتنا شوي صعبه

يعني طول فترة الخطوبه ممنوع يكلمني

ووقت الملجه يكلمني ويجلس عندنا في البيت

ممنوع الطلعه مع بعض و ممنوع يجلس في البيت اكثر من ساعتين

لازم يستأذن من ابويه قبل لا يدخل البيت .. و اذا بنطلع نشتري اغراض امي وامه يكونون موجودات

حتى ممنوع اروح بيتهم حتى في العزايم والحفلات ..

وانا صراحه راضيه بهالشي ..

مش مسألة ان ماشي ثقه بس هذي عاداتنا وتقاليدنا في منطقتنا ^^


ومشكوره ع الموضوع المفيد

جارب

أيه ..

ذكرتوني بالأيام الجميلة ..

انا فترة الخطوبة " الملكة " كانت 6 شهور ..و هذا طبعا بسبب الوالد الله يحفظه و خليه ما يحب الخطوبة الطويلة حتى أختي الأكبر مني كانت خطوبتها 4 شهور ..

بس خلال فترة الملكة عادي كان يزورني بالبيت بس ممنوع يدخل غرفتي بي بالمجلس ..

و انا أروح أزور أهله في بيتهم ..

ونطلع مع بعض تمشي و مطاعم و من هالسوالف ..

كان تصير حركات رومانسية أحم أحم ..
بس كله بحدود يعني كنا متفقين على هالموضوع من البداية :)

هلا اختي
هو صحيح كلام الأخوات ان قوانين الملجة تختلف من عيلة لعيلة
بالنسبة لي انا صارلي معرسة تسع شهور وبالنسبة للملجة انا ريلي كان يني البيت مرة كل اسبوعين لأنه دوامه كان اسبوعين دوام واسبوعين اجازة بس طلعت مرة وياه عشان نختار الغرفة وكان مع اختي واخته بس والله احلى الأيام كانت ايام الملجة.
وعقبال البنوتات انشاالله

الله يسعدكي من زمان وانا ادور على موضوع من هنووع
والحمدلله لقيت

اممم
انا مملكه

في فترة الخطوبه

كنت اكلمه وامي كانت تدري وماشفته ايام الخطووبه
ولا مره غير النظره الشرعيه وكان بعد النظره الشرعيه
بيومين الملكه
ايام الخطوبه كنت اكلمه بس يمكن بالشهر مره
او كل بعد فتره يعني
بس ماكنا نطول كلها ربع او نص ساعه
اممم ايش بعد ايوووا
كنا نكلم بعض على المسن بس طبعا مو على ايميلي
على ايميل اخته
اعطتني الرقم السري حقها وصرت اتكلم معاه يعني اكثر
شي طولنا قعده ع المسن
كانت ساعتين


ايام الملكه ((اللي اعيشها حاليا))

احلى الايام (الحمدلله)
اولا
المكالمات

يكلمني بأي وقت طبعا على موبايلي الخاص

وبالليل نسهر ونقعد نتكلم ساعه ساعتين
على حسب

الزيارات

نشووف بعض بحكم انه ولد عمي
فـ الاهل لازم يجتمعون لو مره بالاسبوع عند واحد من اعمامي
ولما تكون الجمعه ببيتنا او بيتهم
نشووف بعض
ويجينا البيت بس مايطول
زيي ماقالت وحده من البنات
بين المغرب والعشااء


وطبعا زيي ماكل البنات قالوا قُبل و لمسات على الطااير
بس طبعا انا وياه عارفين انوا ماالازم نتعدى الحدوود

على فكره ايام الخطوبه كانت
5 شهور
وايام الملكه الى الان 3 شهور

مشكوووووووووره يالغلا على احلى موضوع

بس ممكن اطلب منكم طلب ...؟!

دعواتكم لي ان ربي يسر لي زواجي