المسموح في أيام الملكة

موضوعج وايد حلو خيوتي

انا صارت خطبتي وملكتي مع بعض ..

وانا الحين مملوكة

وعادي اطلع مع خطيبي لحالنا ويجي يقعد معاي بالبيت واقعد معاه بالبيت

طال ما ان هالشئ حلال .. لأن خلاص صرت زوجته وصار زوجي وصرنا حلال على بعض ..


وانما الدخله تكون ليلة الزواج ...


تحياتي

السلام عليكم ورحمه الله وبركاته

يعطيك العافيه اختي على طرح الموضوع الحلووو ..والله يوفق جميع العرائس ويسعدهن ويديم عليهم المحبه والموده..

انا مومتزوجه ولا حتي مخطوبه >>بس لقافه داخله الموضوع ههههههههه

والله حبيت اشارك خواتي في الموضوع والله يعطيكم العافيه..

مشكورة حبيبتي على الموضوع الرائع

انا حاليا متزوجه وخلال فترة الخطوبه قضيت ايااااااام لاتنسى غايه في الروعه

كنت اكلم خطيبي على فترات متباعدة يعني مو كل يوم وكل وقت

لا بالاسبوع مرة بس (( لهدف التعارف )) وبعد الملكه خلاص صار يجي بيت اهلي واطلع معه بروحنا
و كل اسبوع ازور اهله والحمد الله الاهل واثقين فينا وطبعا هذا مايمنع من النصايح امي كل فترة تعطيني نصايح وتحذيرات هههههههههههه من حقها تخاف علي
بس الاهل حاطين شرط ان طلعتنا ماتطول لنص الليل
وحتى جياته لي بس يومين بالاسبوع بحكم عمله في منطقه ثانيه

واذا جا لي بيت اهلي بس 4ساعات او اقل

لان بصراحه مو حلو يتم الخطيب بيت اهل خطيبته لييييييييين يوم ثاني هذا من (وجهت نظري )

وطبعا كانت علاقتنا علاقه حلوة مبنيه على الاحترام وفي اشياء بسيطه ولكن بحدود
احنى اتفقنا على هالشي

وسلامتكم

وعذرا على الاطاله

حبيبتي ted مشكووووووره يا قلبي على المشاركة

وبالعكس ما أطلتي لأن الهدف من الموضوع إننا نتناقش

وفعلا المعرفة من قبل الزواج أحسن وحتى من قبل الخطبة

يعني أنا لما انخطبت أهلي وافقوا نتكلم مع بعض بالتلفون كلام عادي يعني للتعارف

وأتمنى دايما أشوف مشاركتك في مواضيعي حبوبه :o

هلا حبيبتي دريم ويب

ومشكوووووره على الدعاء الحلو

والله يتمم لك إنتي كمان على خير حبيبتي

وأتوقع إن أيام الملكة حتى أحلى من أيام الخطوبة

وأتمنى دايما تعطرين مواضيعي بعبير مشاركاتك يا قمر

نووور الايمان

حبيبتي إن شاء الله يرجعك لبلدك وأهلك وخطيبك بالسلامة ومعاك الشهادة حبيبتي

وهانت إن شاء الله راح الكثير ما بقي إلا القليل

والله يتمم هناكم إنتي وخطيبك حبيبتي

ومعاك حق لازم الزوجين يتعاملون كروح واحدة هدفها رضا الله

ومشكوووره على المشاركة يا عسل

هلا حبيبتي اصغر عروسة

فعلا يا قلبي هو زوجك وإنتي زوجته

لكن فيه حدود لازم ما يتعداها الزوجين يعني مثل ما قلتي الدخلة يوم الزواج

ومشكووووووره يا قلبي على المشاركة نورتي موضوعي

حبيبتي نوارة الحياة2

أولا إنتي الرائعة حبيبتي

وثانيا أنا رأيي نفس رأيك أشوف إنه يفضل إن الخطيب ما يظل في بيت أهل خطيبته ليوم ثاني

حتى لو بعد الملكة أقصد

وأكيد يكون التعامل بينهم فيه شوية حركات :wink: بس ما يمنع إنه لازم يكون فيه حدود

ومشكوووووره يا قمر على المشاركة وأتمنى دايما أشوف مشاركاتك في مواضيعي

والله ذكرتونا بالذي مضى..... أيام حلوة..

أنا أول ماتكلموا أهل زوجي ليوم الملجة كنت أكلمه بالتلفون وأهلي يدرون.. وماشفته الا مرتين من بعيد..

يوم الملجة أول مرة نطلع مع بعض، عقب ماخلصت الحفلة ولبسنا الدبل رحنا الأستوديو نصور وبعدين تعشينا بفندق ورجعني البيت الساعة 1،، ماشوف الا أمي وأبوي قاعدين على الدرج، قلت ياقلبي من أولها مراقبة وحساب للوقت.. ظلمتهم عاد كانوا يبون يشوفوني سعيدة او لا... ويومها زوجي قهرني مامسك يدي بالسيارة قلت وع من أولها مافي رومانسية.. عاد يقول كنت وايد مستحي،، ليومكم أعايره إن مامسك يدي.. صج قوية عين.

وبعدين صار عادي يمر علي ونطلع وآروح الجمعة بيتهم نتغدى وهو يقعد عندنا... ومرتين من أيام الملجة نام عندي (لظروف) بس خليته بغرفتي وأنا رحت غرفة أختي ونمت معاها،، لهني وكان الأمر غير مسموح...

وشهر قبل العرس كنا نلتقي بين فترة وفترة بالشقة لما نجهز أغراضنا،، بس هالسرير مانمنا عليه الا يوم عرسنا...

يعني أحنا في بيتنا عادي مسموح الا سالفة النوم،، بس آتوقع خواتي اللي بعدي بيكون كل شي لهم مسموح، لأني أنا البكرية وكل شي هلي كانوا يقولون لا،، والحين خواتي كل شي عادي ومسموح...يعني لما كنت آبي موبايل قالوا ممنوع وماشريته الا يوم أشتغلت والحين البزران أخوي وأختي من الإعدادي عندهم....

هلا حبيبتي رانيا البحرينية

أولا ضحكتيني على إنك لما شفتي الوالد والوالدة جالسين ينتظرونك وإنك ظنيتي إنهم بيحاسبونك

وثانيا ضحكتيني أكثر لما قلتي إنه ما مسك يدك وإنك للآن تعايرينه بهالشي هههههه يا حليلك

والله يهنيكم مع بعض يا رب ويسعدكم

وأتمنى دايما تشاركينا بمشاركاتك في مواضيعي يا قلبي

بسمة أمل حبيبتي إن شاء الله الله يرزقك بالزوج الصالح

إنتي وكل العرايس

ويكفيني نورتي موضوعي بمرورك ومشاركتك يا قمر

من جد كل وحده واهلها الله يتمملك على خير

اسيره غاليها

مشكوره حبيبتي على المشاركة نورتي موضوعي بمشاركتك وفعلا هذا الهدف من الموضوع لأن

كل عائلة تختلف عن الأخرى

ومشكوره على الدعاء يا عسل

وأتمنى دايما تنورين مواضيعي بمشركتك فيها

انا لسه بنوته ومش مخطوبه <<بس ملقوفه

بصراحه عجبني الموضوع جدا

بالاخص ان في قلبي كلام كثيييييييييييير بخصوصه

اختي اللي اكبر مني لما كانت بفترة الملكه اهلي ماكانوا يرضون لها تطلع معاه لحالهم

يعني هي كانت كم مره ومعاهم واحد من اخواني

واذا جاء بالبيت كل شوي ابوي مسير عليهم

واذا مشى خطيبها يقول ابوي لها يابنتي ابيه يفهم انك غاليه عندي

هذا الشيء صحيح بس مش لهدرجه

والدليل ان اختي لما تزوجت تفاجأة بأشياء كثيره بزوجه والسبب يرجع لانها

ماتعرفة عليه عدل فترة الملكه

انا متأكده ان الموضوع راح يتكرر معي <<الله يعيني

انا لحبيبي

أولا تشرفت بمشاركتك يا قلبي ونورتي موضوعي بمشاركتك فيه

ثانيا إنتي اللي عيونك حلوه مو الموضوع

ثالثا حبيبتي كنت باسأل مثل إيش المشاكل اللي اكتشفتها أختك بزوجها وفي ظنك إنها كانت

بتعرفها في فترة الملكة لو كانوا يطلعون مع بعض

ترى أسأل هالسؤال مو لقافه بس لمجرد النقاش لأن الموضوع أنا منزلته للنقاش عشان نفيد

ونستفيد وعشان كذا مو شرط تكونين مخطوبة أو مملكه أو متزوجة عشان تشاركين

وبانتظر ردك يا عسل

وأتمنى ايما تنورين مواضيعي بمشاركاتك فيها

والله ياحبيبتي فياشياء لو كانت فترة الملكه عارفتها كان يمكن تصرفت معاها بطريقه افضل

وفي اشياء ماتنعرف الا بالعشره

بس مثلا علاقته باهله واصدقائه

يعني لو كانت تعرفه اكثر كان من ايام الملكه عرفت كيف تتصرف



وشاكره لك حبوبه

مشكووووووووووووره حبيبتي انا لحبيبي

ما قصرتي يا قلبي بالرد

ومثل ما قلتلك هو الموضوع للاستفادة من النقاش

وأتمنى دايما تنورين مواضيعي بردودك