كل مايتعلق بالسفر مع الأطفال.. من هنا

تسلمين ..

مرحبا بالجميع

الحمد لله حبيت أخبركم عن تجربتي مع سفري ويا بنتي اللي عمرها سنة واللي تمت بسلام وأمان ولله الشكر

طبعا جهزت شنطة السفر تبعها وفيها كل المستلزمات والضروريات ( حفاض + فوطة صغيرة + محارم رطبة + فوطة صغيرة + 3 لبسات خفاف + مريلات طعام مدري شو تسمونها + ترمس فيها ماي دافي للرضعات + رضعات حطيت فيها بودة الحليب جاهزة بحيث إن بس أضيف لها الماي الدافي + لعبتين تحبهم + قصة فيها صور تتسلى فيها + برطمانات فارليز منوع - موز،كوكتيل،خضار + بسكوت تتسلى فيه + ماي + غطا لما تنام خفيف وعملي + المصاصة ) ..


رحلتنا كانت الساعة 1 الفجر .. في خلال نفس اليوم ما خليتها تطول في النوم أبدا وقت الصبح ، ووقت الظهر نامت شوي ونفس الشي صحيتها بدري في العصرية وقريب المغرب عشيتها شي خفيف من عقب طووول اليوم كانت صاحية ومجوعتها ما رضعتها كله مؤجل للطيارة ركبنا الطيارة وعلى طول قبل لا تقلع الطيارة بديت أرضعها ( عملية الرضاعة تساعد على منع طنين الطيارة وعشان الأذن بعد ما يصير لها ضغط ) .. ويا حليلها نامت طووول مسافة الرحلة لين وصلنا كنت مزهبة لها رضعتها الصناعية وقبل لا ننزل من الطيارة شربتها ونزلنا السكن ..

بس في عودتنا كله كانت صاحية وعطيتها كل التسالي اللي بالشنطة - قصة أو بسكوت أو لعبة وكانت مستانسة تلعب فيهم ومركدها شوي ههههههه وتمت تطالع على الناس اللي ورانا وتكلمهم بلغتها الخاصة الله المستعان

يعني بس أنا عرضت تجربتي عشان ما تتخوفوا من أمر السفر مع عيالكم المسألة يبالها شوي تركيز وصبر وتصرف وما يصير إلا كل اللي تتمنوه بإذن الله تعالى ..

وآسفة على الإطالة بس حبيت أفيدكم حبيباتي ..

RoyalBlue"]انا من الامهات الي كرهت السفر من كل قلبي لانا سفرتنا مره طويله تمتد الى 20 ساعه بين الطيارات والمطارات ...........مهما اسوي لعيالي من العاب واكل وتسالي ودي في دي ما يجيب فيهم في النهايه من التعب مرات ابي اصرخ من قلبي من صياحهم بس ارجع اشوف نفسي الى اي حد واصل فيا التعب فارحمهم ............ لذلك قررت اني ارجع بلدي في السنه مره وحده بس ............. وراح اذكرلكم كل الاشياء الي اسويها اولا اخذ شنطتين وحده كبيره احط فيها ملابس واغطيه وغيرات وغيرها من الاشياء .......... والشنطه الصغيره اخذ فيها العاب للولد وللبنت وقصص مصوره ودي في دي صغير مع اشرطه ودفاتر تلوين.. وبزل ..........

دائما اختار التوفيت الليلي للسفر يكون اسهل علشان يناموا الاطفال .........ولا تنسوا تعطوهم سوائل بشكل مستمر لانا بعض الاطفال يتاثروا من الطياره فترتفع حرارتهم ..........دائما اختاروا اماكن الجلوس بعيد عن جناح الطياره علشان صوت المحركات تاثر في اذن الاطفال ......... دائما اختاروا البسه قطنيه مريحه للاطفال في الطياره علشان يرتاحوا اكثر ........لما توصلوا المطار في حالة تبديل الطياره خلهم يلعبوا يركضوا لا تمنعوهم علشان لما يركبوا الطياره الثانيه على طول يناموا من التعب..... حاولوا تبعدوهم عن الحلويات والغازيات علشان ما ينشطوا اكثر ........... هذا كل الي اذكره الحين .[/

أم ميورة..أسعدني مرورك