كل مايتعلق بالسفر مع الأطفال.. من هنا

هلا الغوالي
انا واعوذ من كلمه انا مسافره بعد اسبوعين ووايد خايفه لاني اول مره اسافر وعندي عيالي 5 اشهر وخمس سنوات وثلاث سنوات وموعارفه شو اشل وشو اخلي حتى والله في الطياره احاتي كيف نركب وشو نسوي لاني مابي اخرب الروحه باغلاط تكدر علي الروحه الله يعينا وردو علينا من خبراتكم المجربه
وعسانا على الخير مجتمعين

مواضيع حلوة ومفيدة جزاكم الله خير

وانا وحدة بعاني بعد شهرين بالضبط ان شالله .. :(

تخيلوا بسافر مع طفل ان شالله عمره شهر ويمكن اكثر بشوي ... ومع مصبح الشيطون

وبدون ريلي هههههههههه مدة 7 ساعات .. بس اخوي بيكون معاي ..

الله يعيني على ذاك اليوم شكلي بعطي مصبح دوا كحة عشان ينام طول الرحلة ههههه

مسافره أن شاء الله مصر بعد أسبوعين تقريبا بس شويه خايفة على بنتي 5 سنوات من تعب الطائرة من أنه تمرض من تغير الجو ومن الأكل وساوس كثير

شنو نصائحكم وشنو الأدوية إلا أخذها معاي

أم الثامنة عشرة.. الله يحفظ لج عيالج وإجازة سعيدة... أختي الروابط مفيدة وتقدري تستفيدي منها قبل السفر.. بالسلامة...


عيون بوظبي.. تولدين بالسلامة إن شاء الله قبل كل شي.. الحمدلله دام أخوج معاج خل يتكفل بمصبح والله يعينه عليه... وأنت بعد اللي يكون بعونك مع البيبي، بس يله إن شاء الله ساعات وتوصلون بالسلامة وخلي بالج على روحج..


كتوم.. أسعدني مرورك...


the Queen82 .. بالسلامة إن شاء الله... أهم شي من الأدوية عشان القرص وايد أخذي كريم القرص وخليه معاج بالشنطة.. شوفي رابط المشرفة عروس جنان فيه الأدوية الخاصة بالقرص..

روووووووعة جزاك الله خير

هلااااااااااااا انا سافرت مع ولدي وعمره 3 شهور ولا فاتكم بالسياره الى قطر مو بعيده صح لكن متتعب ولا بالرجعه كان تعبان تخيلي الله يعزك كل مايشرب حليب يقضي حاجته وربي تعبت من جد صعب

يسلمو على الموضوع بس بصراحة السفر ويا الاطفال زحمة واجد متعب

موضوع مميز راح يفيدني بهالصيفيه ان شاء الله

مشكورة اختي وان شاء الله الكل يستفيد

موضوع قيم ومفيد
تسلم ايدك

مشكوره سهلتي علي البحث
وصراحه في اشيه كنت ناسيتها وتنبهت لها

هالموضوع حلو وايد

http://www.3roos.com/forums/showthread.php?t=171078&highlight=%C7%E1%DD%E4%CF%DE&page=4

مشكورين على هالموضوع الشامل بس عندي استفسار

راح اسافر ان شاء الله بعد اسبوعين ورحلتي راح تكون ترانزيت و بتكون في الليل

و اكثر المعلومات عن اطفال القل من سنة

انا بنتي عمرها سنتين وشهرين يعني ما تشرب حليب في المرضعة خلاص

بس حبيت آخذ معلومات الي عندها لا تبخل علي وخصوصا في هالعمر يحبون يتحركون وما يبون يقعدون مكان واحد

اي عضوة عندها خبرة سابقة تشاركني فيها الله يحفظ لكم عيالكم آمين

الله يعطيكي الف عافية...

Candle Glow ربي ييسر لكم السفرة واختي انتي لا تخافي اهم شي وعيها لاتقولي صغيرة بتفهم عليكي
حذريها باستمرار بانها لاتبعد عنك حذريها بشي تخاف منه افضل بحيث تكون قريبة منك وماتسرح بعيد
وجيبيلها شنطة صغيرة خفيفة وحطي فيها دفتر رسم صغير الوان خشبيه حتى ماتوسخ نفسها لعبة هي تحبها
بالاضافة الى بسكويتات وعلبة عصير والذي منه
الدفتر والالعاب يسلوها وتتونس فيهم واللعبة كمان اما البسكويتات خليهم بينفعوا وبيخلوها ملتهية هالشنطة ماتفكر بشي ثاني
وربي يحميها ان شالله

أختي كندل.. دام السفرة بالليل لاتحاتين الأطفال ينامون بهالوقت يعني أكيد بنتك من حالهم وراح تنام.. أنا سافرت مع ولدي السنة اللي فاتت وكان له 3 سنوات تقريبا والسفرة بالليل والحمدلله ماتعبني حط راسه ونام.. أهم شي كل العابها وكتبها وألونها معاها وهي راح تلهة وتنام.. والرضعة خلي المضيفات يعطونج ,,,

موظوع مهم للغاية .. يباله قعده هههه

مشكورة ام عبدالله ويعطيج العافية

يسلمو