المغتربات الليبيات

اهليييييييييييييييييين بااحلي بنات شفتهم كيف حالكم
ان شاء الله انتم بخيرررررررررررررررررررررررر

(f)(f)(f)(f)(f)(f)(f)

بخير يا عسولة بس البنات مختفيات اشوية ؟؟ صح ؟؟

صراحة ايه بدي فاضي
نبيه ينشط شوية
اه قبل لاننسي

نتمني تنورو الموضوع الجديد في ركن السفر وسياحة عن جبل الاخضر اول مدينة عن وادي الكوف
وكل مره ندير مدينة جديدة بالاجزاء
عاد كل مره خشو تفرجو مره مره ندير في موضوع خليكم معاي شوية ماتحبطونيش

وانشطو شوية عاد خيركم هكي ماعاش تخشو على المغتربات الليبيات

حبوبة توا هالوقت خاشة على موضوعك

يارافعة راسنا

دلوعة حبيبها;7738621:
حبوبة توا هالوقت خاشة على موضوعك

يارافعة راسنا

صحيتي
اخجلتيني والله:o

لو عندكم اي تعليق قولولي على موضوع الجبل الاخضر او واحد من المواضيع الاربعة على ليبيا

سامحيني مازلت ما خشيت لان بنتي تبي ترقد والاخرى اتعيط يعني الدنيا شايلة عندي

بس توا الامور تمام

مرحبا اخواتي المغتربات
كيفكم
انا كمان ليبية
بس الحمد لله مش مغتربه
حابة اونسكم
ورح امر عليكم دائما لأحكي معاكم واهون عليكم غربتكم

حبيبتى الله يسلمك ويحفظك
معنى اسم الريسان هو المشى بعلو وهمه عاليه انى
اتشرف بالتعرف عليك انى مصراتيه متزوجة من خمس سنوات عندى بنتيين كيف العسل وزوج يهبل وهو محامى وانى كدلك محامية بس نشتغل توا معلمة تانوية فى مادة التربية الاسلامية بنتى الكبيرة اسمها لجين عمرها 3سنوات قمة فى الدكاء الحمد لله (شكارة العروس)وانى نحب انتواصل معاك ومعاك كل الليبيات على فكرة مريت بغربه شويه بس عدت بكل ما فيه سلاماتكم

ام ريسان يا حبوبة احكيلنا على غربتك اشوية ...

مدام سيمو مرحب بيك يا عسولة .. نحنا هنا خوات .. بالك تحكيلنا عالبلاد لانا مشتااااااااااااااااااااااااااااقين

مرحبا بنات ليبيا منورات والله كلكم انا مش ليبية لاكن ليبيا واهلها كلهم الهم خير وفضل علي ما نقدر ننكره انا عشت وتعلمت في ليبيا بلدي الثاني وحابة اتعرف عليكم واتواصل معكم
في مكان لي ؟؟؟؟

السلام عليكم ورحمة الله وبركاته اهلا اهلا بلاخوات الجدد ومنورا يا توبا بمواضيعك الرئعة على ليبيا ام ادم انشاء الله لابس عليك وصغارك شكله فايروس ايلود علينا حتى انى الصغار كانو مرضى كن تو ا الحمد لله دلوعة حبيبها كيفك وربى ايعاونك وان شاء الله اليوم تطلع اعزومتك برفكت وانى نتوقع انك امديرا امبطن وسلايط وممكن طاجين وبيتزا وممكن حاجة غليظة رز مثلا ها صح ولال لا المهم صورينا شن طيبتى:essen: اهلا بيك ام ملك معنا اخت وصديقا والفلسطينيين غاليين علينا وعندنا فى ليبيا اصحابنا فلسطينين زى اهلنا حتى انهم نقلوا لمصر بس قاعدين على اتصال ونمشوا انزوروا فيهم لما نمشوا لمصر اهلا بيك بين اهلك ام ريسان وينك وينك معاش طلتى وانشاء الله ربى ايخليلك صغيويرتك وباقى البنات وينكم معاش بنتوا خيركم اللطووف(:21_133: كلمة امى) يا بنات الى فى مصر نبى نسال على اسعار المدينة الى فى الساحل الشمالى بورت مارينا ايجار اسبوع وشهر بكم. هى توانديرلكم لعبة كل وحدة تحط لغز وما ينحطش التانى لين ينحل الاول _1 ماهو الشى الدى يحتاج اليه كل شى ؟؟؟؟ ها ورونى شطارتكم.

ام ايهم كلك ذوق ودايما الليبييين ما خيبو املنا فيهم وان شاء الله بنكون اصحاب

العفووووووو يابنات وينكم:ss::ss:

حلو المعني ياام ريسان :21_8:
وان شاء الله تشوفي الخير والفرحة مع صغارك وراجلك ويكملك الفرحة معه :21_201:

ام ملك اهلييييييييييييييييييييين بيك بين خواتك :9_28:
مرحبتين بيك
وكلامك عجبني فيك الخير والله
:8875:
موجودين ياام ايهم هما صح راقدين شوية لكن اهو مره مره يخشو :sm229:

العفو ام ايهم:9_28:

لغز نفكر فيه شوية :sm229:

ام ملك راهي انت خيتنا واكتر وبس من شروط الاشتراك هي يانك تحكي عن نفسك بالتفصيل الممل .. هههههه انبصر معاك


بس ياريت تحكيلنا عن نفسك ونحنا حتلقي في الصفحات السابقة نبذة علينا عشان تعرفينا اكتر


ام ايهم ممكن يكون ... (الهواء) مش متاكدة لكن يمكن بس لعبة حلوة ههههههه

توبا الحبوبة شنو اخبارك منورة يا عسل


اه خطرتن عليا اغنية انقول فيها لبناتي لما ينوضن اسمعن

صباحك سكر ويفتحلك كل باب امسكر

صباحك فل صباحك زبدة بالعسل

صباحك بريوش معسل بالسكر مرشوش

ويحبن انقوللهن صباحك وردي يا وردة

هههههههه (تحساب روحها اتهدرز في مربوعتهم)

والباقيات احسابهن عندي لو ما خشنش اليوم عندهن عقاب

يمسكن المطبخ 3 ايام ورا بعضهن ( عقاب ماما اللي ما انحبش بكل)

واللي اطول اخرى عليها غسل وتحديد الدبش (الطوووووف يا ام ايهم ) ههههههههه

عن اذنكن انشوف بنتي اتصرخ .. من يوم ما جبتها وهي اتعيط هي واختها دلوعاااااااات كيف امهن ههههه

tuba nona هذا اقل شي ممكن اعبر فيه عن امتناني لهاي البلد ولشعبها الي عشت احلى ايامي معهم
دلوعة حبيبها تسلمي حبيبيت وانا عشت بليبيا في مدينة بنغازي ودرسة في مدينة البيضاء في جامعه عمر المختار وكانت احلى ايام حياتي وكانت صديقاتي ليبيات من احلى ما يكون لاكن للاسف لما رجعت لبلدي انقطع الاتصال عنهم بسبب الظروف الي بنعيشها ولاكن ان شاء الله بعوضهم معكم

الان انا متزوجة من شخص كان عايش ايضا بليبيا ودرس في نفس جامعتي وهو يحمل نفس الشعور والامتنان للشعب الليبي لليبيا الحبيبية وهو ايضا اصدقائو ليبيين وعاش احلى فترة في حياتو معهم والان انا ام لبنتين والثالثة في الطريق:o