المغتربات الليبيات

واخيرا طليتى اختى الزنبقة.. ربى يسعدك زى ماتساعدى فينا ديما

ام ايهم شكرا كلك ذوق غر نقيس فى غلاى بس

يسورة نيالك مقيمة ..استاحشت ليبيا
ربى يوفقك يااارب واهم شى الشهادة قبل الزواج وان شاء الله
تولى دكتورة زيى واحسن
وياريت ماتغيبيش علينا احنى كلنا اهنايا اخوات فى الله

صبااااحو ياحلوات

كيف الحال جميعا

دكتورة كيفك اختي وكيف كل العرايس الليبيات المغتربات والمقيمات

تحيتي ليكم

عروس ليبيا

[FRAME="7 70"]
[GRADE="00008B 0000FF 4169E1 00BFFF 008080"]
[SIZE=4]صباااااااااااااح الورد يا عرايس ماشاء الله القسم امتاعنا قعد كله دكتورات ربي يزيد ربي يبارك
اهلا بيك يسورة وسط خواتك بس ما قلتيلنش انتي من وين في ليبيا ودكتورة شنو ؟؟ "بدت القصقصة تشتغل" ههههههههههههه
دكتورة لمار كيف حالك شنو اخر اخبار طب الاسنان معاك ام ايهم راهي دزيتلك عالخاص لكن قالي ان بريدك مليان وما تقدرش تستقبلي لازم اتفرغي بريدك قبل
عروس ليبيا رايحة كيف اهلال العيد راهي ولا تبينا نشتاقولك ههههههههه
زيدي من الاستغفار راهي 1000 استغفار ما ياخدش منك ربع ساعة وان شاء الله ربي يرزقك بالزوج الصالح اللي يسعدك ويهنيك ياااااااااااااااااااااااارب
الزنبقة باهي اللي طليتي علينا وشفناك
[/GRADE]
[/FRAME][/SIZE]

ياعرايس شنو رايكن كل وحدة تحكي على موقف طريف صار معاها سواء ايام الدراسة او الزواج او الحمل او في العمل وخلينا نضحكو على بعضنا اشوية هيا نبي انشوف المشاركات راهي

فكرة حلوه دلوعة حبيبها خلينى نفكر شوية
امممممممممممممممممممم
خطر عليا موقف صار مع صاحبتى مرة مروحيين من الجامعة الساعة 4 يعنى دايخيين من القراية و الشمس صاحبتى متعودة ان خوها يروح بيها كل يومك تطلع تلاقاه يستنى فيها بالسيارة مرة طالعه لقت سيارة خوها فتحت الباب وركبت فى السيارة ورمت الكتب و المدكرات قدامها و بعد شوى سمعت صوت غريب يقوللها تفضلى يا اختى و لما شافت اللى يسوق لقاته مش خوها طلعت غالطة فى السيارة ارتبكت و قريب ماتت و قالتله نحسابها اجرة مشى رد عليها قاللها اجرة و تركبى من القدام ؟؟مسكينه تمنت الارض تنشق و تبلعها خدت كتبها و طلعت تجرى
هى تحكيلنا و احنى مايتين من الضحك فعلا موقف محرج
ان شالله ايكون عجبكم الموقف

هلا حبيبتى عروس ليبيا انى الحمد لله انتى شن اخبارك

فكرتك حلوة دلوعة حبيبها حاليا مفيش فى راسى موقف معين بنخش نرقد توا
وبالك غدوة نتفكر

وينكم يابناااااات اعشق دودى غيبتى هلبا والزنبقه وكل الاخوات
قسمنا كسسسسسسسد

مساء الفل ياحلوات

دلوعه حبيبها هههههههه لا مش هكي القصد غير الحق القرايه شادتني شوي بس بعون الله بنتواجد كل يوم ماتخافوا خلاص هانت قريب نجيكم الاستادة عروس ليبيا وبعدها العروسه عروس ليبيا لما ربي يفتح عليا والاتغفار طبعا ههههههه ادعولي بس انتو راهو دعاء المؤمن لخوه المؤمن في ظهر الغيب فيها اجر..((وحده اتسخف في خواتها بيش يدعولها هههههه)).

السمسم هلا كيكفك ووينك انتي مختفيه

دكتورة لامارا امتا نصير زيك دكتورة ياااارب.تسلمي وربي يخليك يااارب ,

دلوعه حلوة فكرتك بكرة نكتبلكم موقف من مواقفي بس توا مايحضري اي موقف.

تحيتي للجميع العرايس المغتربات والمقيمات.

ندعولك ان شاء الله ياعروس ليبيا وبعدين تقعدي عروس صح مش اسم بس
السمسم والله بجد كنت متضايقة اشوية الصبح لكن ضحكتيني بجد وغيرتيلي جوي موقف محرج بكل
أضحك الله سنك وجزاك كل الخير

والباقي .. نستنا فيكم

السلام عليكم: اصبحنا واصبح الملك لله ولا اله الا الله وحده لا شريك له ربى اسألك خير هدا اليوم وخير ما بعده واعود بك من شر هدا اليوم وشر ما بعده اللهم بك اصبحنا وبك امسيناوبك نحيا وبك نموت واليك النشور صباح الخير يا حلوات كيف حالكم شنو امديرين والله توا الساعة تمانية الا (7:54) بتوقيتنا سقدت الصغار معاد جانى نوم كان انقوللكم حاجة تضحكوا ليا يومين وانى خاطرى فى اكلة من ليبية ترا قولوا شن هيا ( عسلوز ) بس الاسف كلمت اماليا فى ليبيا ضحكوا عليا قلولى مش وقته توا استنى للربيع وانى :sm215: خاطرى فيه توا ريتوا شن بندير توا شن رايكم فى العسلوز واللهى انموت فيه بلدات بعد ما طلعت من ليبيا ابدت انحبه اكثر الله مع هداكا الجزر والصلصة والكسكسى ترا كل وحدة اتقولنا هل عندهم فى البلاد الى هيا فيها مكونات الاكل الليبيى وكف تستبدل بيها بلنسبة للامارات الحمد لله فتح واحد يبيع فى كل شى من المطبخ الليبيى حتى من الوشق والقرقوش لكن الا (العسلوز ) مجاباش :mad: بنستنا لشهر 3 وخلاص سامحونى مفجوعة على صبح ترى هيا كل وحدة تهدرزنا كيف ادير وشن اطيب فى الغربة وسلام ( ما تفهمونيش غلط ما نتوحمش هكى وخلاص اصلا كيف جايبا :D)سلااااااااااااااااااامممممم(c):21_159:

[FRAME="14 70"]
[GLOW="CC6699"][B][SIZE=3][COLOR=darkgreen]أم ايهم [/GLOW]والله نحسابك اتوحمي .. بس انا ماعرفتش شنو [BLINK]العسلوز[/BLINK] اول مرة نسمع بيه ياريت اتقوليلي عليه وكيف ايديرو فيهبالنسبة لنا هنا في محلات تركية ايبيعو في كل حاجة زي الكسكسو و الدشيشة والمحمصة ودقيق الشعير والعدس وغيرها وفي حتى المحلات السيريلانكية اتجيب في الحلبة وبهارات وحاجات هكي لكن الا حاجتين مافيش هنا ... عصير اللوز (الروزاطة)والحرارات الليبية هذينا توصية من ليبيا وماشي الحال
بس طبعا في حاجات اخرى انوصو عليها زي السحلب والروينة والزميتة ..
وانا حامل توحمت علي تمر وحويرة .. التمر عندي لكن الحويرة دزيت عليها من ليبيا والصدفة جتي بعد اسبوع لان قبل لازم نستنو لين ما يكون في واحد جاي من ليبيا .. ومش من كترهم الليبيين اللي يجو لسويسرا ..


ادعلي يا بنات انا في 25/11 نبدا في كورس لغة وحيكون وقتي كله مليان وضغط عليا اشوية خصوصا مع البنات .. ادعلي ربي يسهلي الامور
[/FRAME][/COLOR][/SIZE][/B]

السلام عليكم ورحمة الله وبركاتة
عزيزاتى كيف الحال انشالله بخير انا ام ريسان ليبية كنت فى غربه بس توا فى بلدى موقتا وانا اتشرف بمعرفتكن وكيف ما يقولو فى اعراسنا ما تغرب غير الحرة ---- ما تقولوش الغربه مرة

[frame="8 60"]

[/frame]

http://go.3roos.com/QZfrg8Tdm2Q

http://go.3roos.com/9uR4om8i8Mu

اخواتى الليبيات لقيت هالموضوع فى واحد من المنتديات ياريت تشوفوه ولو ممكن تساعدوا باى شكل لان المريض طفل ليبي

ام ايهم تصدقى ماعنديش هلبا عالعسلوس وبالنسبة لحاجاته مش عارفه اذا كانت موجوده ولالا فى مصر
وبالنسبة للكسكسى نجيبو فيه معانا من ليبيا والباقى الحمد لله متوفر

هلا بيك معانا اختى ام ريسان

اختى نغم الخلود اهلا وسهلا المنتدى منور بيكم اكيد
انتى متجوزة ولا عزابية ولهجتك من الشرق؟

منورااااااااااااااات يابنات :87457:

ليا هلبه ماخشيتش ماسلمتش عليكم :21_201:
ليكم وحشةةةةةةةةةةةةةةةةةةةةةةةةةةةةةةة:8875:

سمسم الموقف يضحك ومحرج

دلوعة حبيبها ماتعرفيش شنو هو العسلوز !!!!!!!!!!!:sad:

السلام عليكم ورحمة الله وبركاته
اقدم ليكم اليوم صورة مشاركة معكم اخواتى الليبيات وهى صورة عزومتى لاخوتى يالى درت فيها رشدة - وسلاطات - وكباب ورز خلطة - ومناقيش - وكفتة التن- وسندوشات التوست -
لكم التحية ومرة تانيه بالتفصيل بس كميرا الجهاز بايصة وانشالله نسقمها فى اقرب فرصه ادعولى يوفقث زوحى يارب هو محامى وبكرة عندة قضية مهمة ادعولى
السلام عليكم

السلام عليكم
كيف حالكن حبيباتى يارب انتن وازواجكن وعيالكن بخير
ام ايهم كيف حالك وحال عيالك شنو نحسابك تتوحمى لكن طلعتى دوبك جايبه باهى مبروك عليك البيبى امتى جبتى قصقصه معلش
دلوعة حبيبها كيف حالك انتى وكتكوتاتك بوسيهن ليا وربى ايخليهن لكى وان شاء الله ربى ايوفقك فى الكورس
باقى الغاليات سلامى لكل وحده فيكن

اهلا بيكم اخواتى الليبيات والله لى فترة طويلة ما دخلت لانى كنت تعبانة اشوية المهم شن اخباركم