زوجة أخو زوجي التقليدية تغار مني !!

الله يساعدك أختي ..

يمكن بعض الأخوات ما فهموا قصدش لأن مو عايشين في نفس المجتمع ..

لأن كل مجتمع تصرفات أفراده وقصدهم يختلف عن المجتمع الثاني ..

اعتقد ان المفروض انش تعاملينها بالطيب ، أي كلمة تقولها تطنشينها .. يمكن بتتعب وتصير علاقتكم زينة ، ويمكن من النوع اللي همهم يطفشون الناس ، فأنتِ لا تستسلمي لهذا الهدف .. أهم شي صورتش قدام بيت أهلش ما تتغير >> ترى اني بعد تعبانة واحاول قد ما اقدر وان شاء الله ما اطفش واستسلم ..

أني ما صار ليي مخطوبة الا 5 شهور ، وأخو زوجي (التوأم) متزوج وزوجته أصغر مني لكن شفتها في مرات قليلة ودائماً تبغي تقول ان هي تفهم أحسن مني ..واني على نياتي انصدم من كلامها واسكت.. بعد فترة بسيطة من خطوبتي صارت سالفة كبيرة (طبعاً ما ارجحها إلا لصغر سنها وحالتها النفسية) وكانت بتوصل للطلاق اعوذ بالله منه.. المهم >> عرفت من بعض الكلام هي غيرانه من معاملة عمتي ليي ، والله يهديها عمتي لابد أن تتعامل بحكمة أكثر في هذي المواقف وبقية المواقف >> الزبدة الحين ما اشوف مرت حميي ولا تشوفني لأنها ما تنزل بيت عمي !!

مرة وحدة بعد عزمتني على عرس عندهم ورحت ما اشوف الا امها (اول مرة اشوفها في حياتي) تطالعني بنظرات كأني مسوية ليهم شي ... ورجعت ظليت مريضة كم يوم ..

الله كريم .. ونسأل من الله الصبر والفرج ..

>>> عجيب كلامي نصه عامي ونصه فصحه

اقول احمدي ربك على هالحركة اجل لو شفتي بنت عم زوجي وهي زوجة اخوة ايش سوت فيني تخيلي جابت لى هدية بنفاسي مغلفة ولما فتحتها لقيتها سرير طفل مستخدمه ومكبوب عليها ببسي مقصود وش رايك؟؟؟غير الحركات الى دايم تسويها من ايام الملكة

بل شوي شوي على البنت شفيكم

كلكم شديتوا عليها هي جاية تطلب نصيحتكم مو تغثونها بكلامكم ..

يعني في اسلوب ثاني حلو في الكلام انه تقدمون لها النصيحة وتفهموها اذا اهي صح او اهي غلط وانه الي تسويه مو عدل ..

حبيبتي انا اقولج ياما وياما بتصير حزازيات ونغزات بين النسابي وزوجات الاخوان ويمكن من الحموات يصير بعد ..

بس انتي دورج اهني يطلع وتبين شخصيتج ..

فنصيحة لج بما انج توج في بداية الحيةا الزوجية طنشيها ولا تردين عليها وخلها تتكلم لين تتعب .. وانتي لا تحطين في بالج الكلام الي تقوله لانه جدي بتقهرين روحج وبتكرهينها اكثر وبتسوين حزازية بين الاخوان يعني بين زوجج وبين اخوه وريلج بياخذ فكرة عن مرة اخوها مو اوكي من كلامج وتوعيداتج عنها ..

فالاحسن انج اي كلام يبدر منها او من حمواتج لا سمح الله او عموما من اهل زوجج انج تقابلين الشي بابتسامة وسكوت وهدوء .. فيداخلج بصيدج قهر وضيقة خلق كلمي ريلج وقولي له عن الشي بس بطريقة حلوة وبكلام زين مو كلام حقد وكراهية ووعيد يعني تكرهينه في هالشخص مو عدل ..

وانا اشوف انك شكلك حساسة وايد ,, يعني من اقل موقف تتحسسين وتحطينه في بالك ويمكن لانه عمرك صغير وتوك في بداية الحياة ماقرصتج عدل الحياة عشان جدي من اقل حركة او اقل كلمةتقوليها تتأثرين وتقعدين تنقهرين وتكرهينها اكثر وهالشي مو عدل ولا في مصلحتج جدي بتتعبين وبتملين من الحياة وبتنغصين عليج حياتج ..

انا اقولك لا تحطين كل شي في بالك وخلج من هالحساسية ولا عليج منها شنو سووت وشنو قالت عشان ماتنقهرين اكثر ونصيحة حتى لو هي جدي تسوي وياج انتي صصيري احسن منها يعني عاملها بالاحسن وصيري معاها اوكي وضحكي وسولفي صدقيني بتشوفينها من احسن مايكون وياج ..

والله يوفقج وييسر لج امورج

مشككورين حبايبي
الله يبعد عنا و عنكم المشاكل يارب
و يجعل حياتنا و حياتكم مليئة بالحب و الصفاء

خلي اعصابج باردة ولا تفكرين فيها ولا تعطينها اي اهنمام او تحسسينها بهذا الشي وصدقيني انتي اللي تكونين كسبانه

اختي قولي الحمدلله انج مو عايشة معاهم بنفس البيت انا معاهم بالبيت ومرت اخو زوجي هي بنت عمتي ومسوية فيني بلاوي وحقد مرضي فيها بشكل لا يطاق وشاسوي هذاني صابرة وناطرة الفرج

ياحبيبتي هم بعد انا اعاني مثلك من سلفتي فقعت مرارتي برمي الكلام والنغزات والحين بالصيفيه جايه هي وخشتها عندي الله يعيني على مد بوزتها هذا وانا ماشوفهم الا بالصيفيه او بالاعياد بس انا بالبدايه كنت اعبرها ومعطيتها اكثر من حجمها اللحين بعد ماعرفتها زين وللاسف ماعرفتها الا متاخر صرت اعاملها بنفس الاسلوب ولا عاد اجاملها كنها عقلت شوي يعني بالمختصر لاتعبريها وكلامك معاها مختصر وحسسيها انها ماهمتك وخليك من زوجك وبس والباقي مع السلامه الا امه وابوه اذا جوك اكرميهم

انا راي بان لا تحكمي عليها بهذه السرعة صار لتج 3شهور متزوجة لا تقدرين تحكمين علي الناس بعدين هي عمرها 29 مب عجوز شابة تقدر تلبس وتكشخ وإعذريها يمكن حامل تعبانة ثاني شي يوم تروحين بيت اهل زوجكي حاولي لا تتبرجين كثير والبسي عباءة واسعة ومستورة اكشخي عند ريلك ولا تنسي اخوة زوجك الرسول ص قال (( الحمو الموت )) وبعدين لا تهتمين وايد في كلامها سواء هي او اي احد من البيت كوني احسن دائم والكلمة الحلوة تكسر قلب الحجر

رايي من راي الاخت مرموم
وازيد بانك تحسنين الظن بالاخرين وربك يحاسب على مافي القلوب
الله يوفقك اختي

شكرا لكم جميعا
بحاول امشي وياها بمبدأ طنش تعش تنتعش ..بس انا الأن حامل ما يسوالي الزعل و الضيقة و الله كريم

اقلبي قد سمعتي بطكلمتة الحقران يقطع المصران
ابد طبقيها ومثل ماقالت اختي دلوعه بحناني كلامها مضبوط وهذا الي انا اشوفه بين اليلف اذا جت وقت االذروه المشكله شهدوا وقاموا مع الطيبه بس للعلم اذا شفتي اي اختلاف بينك وبين زوجك زي ما يدانيكي يصد عنك يبعد ما يبي يجي البيت اخاف انها مسويه لك سحر ترى نفس بني ادم ضعيفة وبعضهم ما يخافون الله ولا يفكرون فيه وانتبهي على اي سي تسويه ما احد يدري الي في قلوب الناس

هلا عيوني لاتزعلين

انتي الان فرحانه وطايره مالك الا 3 شهور وماتعرفين الحرمه زين

لكن لاحظتك سبيتيها واجد وانتي اسمحي لي ماراعيتيها لاتكشخين قدام زوجها طيب وليه تفتنينه؟

وليه تتطنزين فيها انها تحمل وعندها اطفال لاي سبب كان يمكن حملت خطا بالحبوب وماتدرين جوات البيوت وش يصير ولا يغرك زوجها يتميلح قدامك


تعوذي من بليس والحقران يقطع المصران

بنات اعذروني .. انا معاكم ان في سخافات ديما تحصل .. وعدم تفاهم

خصوصا لو الوحدة داخله بيت جديد وحياة جديدة اكيد راح تقابل ناس جديدة

واكيد مختلفين في الطباع والتربيه والمستوي اللاجتماعي والعلمي .... والخ

لازم نتكيف مع الوضع بطريقه سليمه لا تنكد علينا حياتناااا ولا تجرح الي قدامنااا

وهنا عندي تعليق ياابنات انا لاحظت ان الموضوع انقلب نميمه علي زوجو اخو صاحبة الموضوع

كل البنات الي تجي تعلق تنم هااذي غيبه ياابنااااااااات انتبهو احنا مو ناقصين ذنووووووب

اتمني انكم ما تزعلو من كلامي بس الا هل بلغت اللهم فشهد