ليه العرس له كل هالهاله الاجتماعيه..بديت اكره اهميته

الأفضل حبيبتى أنك تحطي حد لأي متطفل أو متطفلة تحاول أن تتدخل في حياتك الشخصية ..

و وسعي صدرك
يعطيك الف عاااااافيه على الموضوع

ربنا معاكى:D

صح سالفة اللقافه والاسئله وايد منتشره مو شرط بالزواج بالدراسه بعد ،، شنو تدرسين؟ في اي جامعه؟ ليش هالجامعه؟ صعب وله سهل؟ دوامج شلون؟ طريقة الاسئله؟ توزيع العلامات؟ اووووف مايخلصون خلصتي دراسه تنتظرين الشغل،،اشتغلتي؟ في وين ؟ جم معاشج؟ دوامج شلون؟ مرتاحه او لا؟ وغيرها من الاسئله الي اتعب الواحد ،،،انخطبتي متى العرس؟ بسافرين شهر عسل؟ وين بتسكنون؟ بعدين سالفة الحمال هاذي بتتألف عليها روايه كاااااااامله،،،والله يصبركم ويصبرنا

نورة المزيونة;6026257:
صح سالفة اللقافه والاسئله وايد منتشره مو شرط بالزواج بالدراسه بعد ،، شنو تدرسين؟ في اي جامعه؟ ليش هالجامعه؟ صعب وله سهل؟ دوامج شلون؟ طريقة الاسئله؟ توزيع العلامات؟ اووووف مايخلصون خلصتي دراسه تنتظرين الشغل،،اشتغلتي؟ في وين ؟ جم معاشج؟ دوامج شلون؟ مرتاحه او لا؟ وغيرها من الاسئله الي اتعب الواحد ،،،انخطبتي متى العرس؟ بسافرين شهر عسل؟ وين بتسكنون؟ بعدين سالفة الحمال هاذي بتتألف عليها روايه كاااااااامله،،،والله يصبركم ويصبرنا

الرسول قالها

( نهى عن القيل والقال وكثره السؤال)

لانها تبط الكبد وتقصر العمر

ماتدرين شكر هالموضوع مهم ولو مانزلتي موضوع عنه كنت انا بنزله


والله اني نفسج اكرررررررررررررررررررررره هالأشياء ذي وكلامج صح وخصوصا جملتج اللي وقفت عندها وهي

[COLOR="RoyalBlue"]السالفه ومافيها انو كل وحده راضيه بنصيبها يجون ويسالونها اسئله تحسسها انو في شي ناقصها
شي زوجها ماسواها
شي اهي غلطت فيه
ماتتهنين بشي الا يقولونلك سوي نقيضه

اي والله انا واااااااااااااايد تصيدني هالمواقف،، انا اقول في نفسي بطنش هالأسئله ترى البنات يغارون يعني لو شنو كنتي مسويه بعد بطلعون عيب فيج او في زوجج،، ويخلونج تفكرين وتصدقين هالتفاهات،، بس تدرين شنو قمت أسوي؟؟

قمت أحمد ربي على كل اللي عندي وماهتم بكلامهم وأقول ان الدنيا فانية وهذي أشياء مابتنفعني في آخرتي فليش أعطيها كل هالاهتمام..


أختج لاليتا[/COLOR]

تماما

انا اقول لنفسي نفس الكلام

انا ماحطيت الموضوع ابي حل

انا داريه انو مافي حل الا الحقران

انا بس حطيته ابي افش خلقي

لانو والله نفسيا تتعبين

واذا مااثروا فيك بس انهم يغثونك

سلاام رجعت لج عشان نكمل سوالفنه
الي اقصد انه امي كانت تكلمني على اساس انه فيني الدورة وتعطني كم نصيحه
راتبه اقصد معاشه
في ناس فضولين حتى لوتعطينهم بالويه ما يستحون ولاا يتخاشون خصوصا لوكانو اخوات زوجج وانتي ما تبين تسوين مشاكل شنوتسوين (هذا ردي للأخت الي قالت لازمت اخلون حدود واشلون يدخلون الغرفه ويفتحون الكبت )ناس ما يستحون

من كم يوم كنت رايحه ازور بيت عمي( اهل زوجي) الساالفه وما فيها انه حماتي اخت زوجي تبي تعرف انه حامل او لا ماشفتها الا اطالعني بنظرات غريبه عجيبه ومرة وحده الا تقول ليي شكلج متنانه (انه اصلاا ضعفانه ومبين عليي الضعف) قلتليها لاا بالعكس اصلاا ضعفانه الا تقولليي شكلج حامل وما تبين تقولين
اهني عاد ارتفع ضغطي يعني بحمل وبخش عليكم
في بعدسالفه تقهر بس مو الحين ليي رجعه
مع الف سلامه

هلا سارونه

ههههههههههههههههه

الا يبون يعرفون اي شي
اهم شي تقولين لهم

الحين احنا بالعيله صايره عندنا مشكله

رحنا خطبنا لاخوي وماقلنا لهم

ماتوا
يبون نعلمهم قبل لانخطب البنت وقبل لاتوافق
علشان يشهرون فيها
افرضوا ماوافقت او صار شي ورفضوا

نقعد نشوه السمعه ليه

خلوهم يردون علينا قبل بعدين يصير خير

لا
لا

لازم نقول ونعلم الكل قبل البنت نفسها
والا ياويلكم

تبين الصراحة انا بعد ما قريت الموضوع لاحظت هالشي لأول مرة عن الزواج
بس اختي إذا لاحظنا كل شي يديد في حياتنا يستوي هالشي له
مثال:حصلتي رخصة السيارة ، نتايج الثانويه العامة ، او سن البلوغ للبنت >>>> في ناس تسأل عن هالشي بعد ولا يبغون حفلة لهالمناسبة الله كرييييييم

بس انا عن نفسي تعلمت انه الناس شغلها الشاغل تحري العيب والكلام الشين

مهما يبون يتكلمون خليهم نحن المهم ما نتعب نفسيتها لأنه رضا الناس غايه لا تدرك

المهم أنتي تكونين واثقة من نفسج

وبعد اقول الناس تسالج انتي احسن من انه تسال غيرج لانه غيرج بيحطون شويه بهارات على السوالف تعرفين عشان الموضوع يحلى

بس خلي شغلج الشاغل رضا الله مب الناس

هههههه
يبون يعرفون كلشي وصح كلاامج يمكن ما يصير نصيب

مرة كنت في جمعه بنات ووحده من اول مادخلت الين طلعت وهي ماعندها الا تعيد نفس الاسئله ماحملتي ماراجعتي المستشفى؟
انتي علاقتج زينه ببيت عمج؟

اشلونج وياهم؟تزورينهم؟ ما يتحججون على تاخرج بالحمل؟
وكل ما نفتح مو ضوع ونغير السالفه ترجع تعيد نفس الاسئله لأنه كنت ما اجاوبها اجابات شافيه اوالاجابات الي في بالها

هههههه

انتى بقى بتفكرينى بواحد جارتى وفى نفس عمرى وكانت معايا بالكليه
لما تخطبت كانت تسالنى ما فيش حد بيتقدملك طب مفيش حاجه جايه فى الطريق ولما اجى اسالها على خطيبها على طول تقولى متخانقين وبعد اما اتجوزتكل لما تشوفنى او نتقابل فى بعضتسالنى على اصحابنا فى الكليه تجسسنى انى قاعده قدام وكيل نيابه وانى قاعده فى استجواب وكل مهمتى انى قاعده ارد على اسئله مثلا تقولى منى عامله ايه مع جوزها حملت ولا لسه وجوزها عامل معاها ايه بيتخانقوا ولا الا وحماتها عامله معاها ايه بتعمل معاها مشاكل ولا لا وغضبت ولا لسه وهكذا وشيرين عاملع ايه اتجوزت طب حملت ولا لسه وجوزها عامل معها ايه وحماها عامل ايه وجوزها بيشتغل ايه وبيقبض كام وساكنه بكام وداخله فى جمعيات ولا ولسه فى مشاكل مع اهلها ولا لا واختك عامله ايه وحماتها عامله ايه وبت عمك عامله ايه وفلانه وفلانه وفلانه ولما نيجى نسالها عن جوزها تقول دا عامل فيا ومزعلنى وكنت هاغضب ومش راضى يجيب حاجه لابنى وتدعى الفقر والحاجه ومتخليش حد يشوف ابنها مع العلم ان جوزها مهنيها ومش مخليها عايزة حاجه بس هى بتخاف من الحسد دا مثال من الامثله الكتيره فى وطنا العربى

مرحبا
وانا اقرا في ردودالخوات واتصفح في المنتدى تذكرت مو قف عن اللقافه
ليلةزواجي جات وحده تسلم علي وتبارك ليي بعد كلمه مبروك سالتني اي صالون رايحه وتبي تسوي تحقيق واهي واقفه تبارك يعني هذي حزتها تسالين عن الصالون هههههه

هههههههههههههههههههه

ضحكتوني

سارونه

سالفه الصالون مو اللي يقهر فيها السوال

لا

اللي يقهر فيها

لما تقولج ليه مارحتي الصالون الفلاني

يعني بعد بتعاتبيني

شو القصه معهاهم

اي والله
يعاتبونج ليش مارحتين لفلانه وعلانه وكانهم ما يدرون انه الناس اذواق
والي يعجبني ممكن ما يعجب غيري

ايه بس يضيقون خلقج

بس مرات اتعذر لهم

احس انهم يبون يسولفون وبس

يعني يبون يفتحون موضوع ويجاملون بس مايعرفون شلون

عجبني ردج حبيبة S
وصج المفروض اي شي تنزعجين منه تبينين للناس ان هذا الشي زاعجج وخصوصا اذا كانت السالفه تتكرر اكثر من مره
طيب وان قالوا عني قليله ادب؟؟ اهم شي انا ارتاح من غثتهم

انزين الحين نيي حق رايي في الموضوع
اول شي الموضوع فيه شوي مبالغه
وسالفه الاسئله ماعتقد ان في وحده فينا ماتسأل واللي بتقول لها ماصدقها ولا هي فيها خلل، صج والله
يعني اذا صديقتج صار لج فتره ماجفتيها وجفتي صديقه مشتركه بينكم طبعا راح تسألينها عن آخر التطورات وشنو اللي صاير معاها الحين
تخرجت؟؟ اشتغلت؟؟تزوجت؟؟؟ حملت؟؟؟ الخ الخ
لان هذا هو "التسلسل الطبيعي للاحداث" بالنسبة لنا هني في المنطقة
وطبعا هالاسئلة تختلف الاسباب في سؤالها من شخص الى آخر
ناس مهتمه فيج وتبي تعرف اخبارج وتنصحج،،، وناس فاضيه وماعندها شي،، وناس حسوده،، وناس مهتمه فيج وتبي تسولف معاج فتسأل بس عشان انها تسولف وياج
فلازم انتي تعرفين نوعية كل وحده واعتقد ان انتي مابتقعدين تسولفين مع من هب ودب عشان الغرب يبتدون يسألونج هالاسئله، واذا صار هالموقف ممكن تسكتينهم ولا تخافين ان يقولون عنج قليله أدب

يعني بالنسبة لي الحين عندي بنت عمة مخطوبة وصار لها تقريبا اكثر من سنة الحين وان شاء الله بتتزوج في الصيف، واحنا مانتلاقى الا في الشهر او الشهرين مره فشي طبيعي اسألها عن آخر التطورات وشنو تجهيزات الزواج والسفر والتأثيث
وحتى اسألها اذا شرت ثياب واشيا ثانيه لان انا في بالي يمكن هي غفلت عن نقطه او فاتها شي وانا ممكن اساعدها وهي الحمدلله عارفه بنيتي شلون حتى تاخذ رايي بغرفه النوم والاثاث

اما عن الصالون وليش مارحتي تمكيجتي عند فلانه ماشوف ان فيها شي واللي بتسأل هالسؤال وتقول لج رايها ماعتقد بتكون حاسدتج او تبي تضايقج بس لانها جايفه ان هالشي احسن وكان ودها انج تاخذين الاحسن لج
ولو هي ماتبي الخير لج جان ماقلت لج على شي هي عاجبها

فهني المفروض دايم يكون عندنا حسن ظن بالناس، وترى الناس الحين حياتهم صارت ممله والروتين ذابحهم ومرات يبون اي حدث او اي شي عشان كسر الروتين فاي شي يصير عندهم مثل زواج او خطوبة او حمل يصير مثل محور حياتهم

اما عن سالفه الاسئلة اللي مالها معنى واللي قليله ادب عن تفاصيل شخصيه فهاذي المفروض تتوقف عند حدها
وانا عندي بنت عمه جذي الحمدلله والشكر من تزوجت وهي عبالها انها تقدر تتكلم في كل السوالف عادي وبحريه
بس انا مرات اوقفها عند حدها لانها تقول كلام....... :eek: بس انا ماخليها اقول لها وش هالالفاظ السوقية وش هالكلام وافشلها جدام كل اللي قاعدين
عاد هي ينقلب وجهها وماتعرف شتقول وتحاول تبرر

وعن سالفة الخطوبة وليش مانخطبتي
طبعا هاذي وايد تصير لي مع الاهل بس ماتكون بطريقة مباشره، يعني مب سؤال مباشر بس تلميحات وانا اعرف ارد عليها


الخلاصه، انج لازم تعرفين شلون تردين على الناس اللي تسأل اسئله مالها معنى يعني الاسئله الشخصيه جدا او اذا ناس مالج علاقه بهم وينطون لج بأسئله مادري من وين
ولا تقولين اجامل ولا شي، لان هذا بيتعبج اذا انتي من النوع اللي مايتحمل هالاشيا مثل ماباين عليج
بالعكس كوني شاطره ونبيهه وعرفي تردين باسلوب خلو ويخلي الواحد يحس ويسكت، ولا تقولين مايحسون بالعكس اذا لقوا الرد نفسه كل مره بيملون وبيروحون يدورون لهم سالفه غيرج

الاختالي طارحه الموضوع تقصد الي يسالون بس من باب اللقافه وتنقل الحجي
ما تقصد الي يسالون من باب الاهتمام

حبيبه اس


بالضبط هذا النوع اللي اقصده

اللي حتى يستغلك علشان يعرف عن غيرك

يعطيك العافيه


انا الشوق

انتي تعرفين اللي تحبينهم وتمونين عليهم
واذا ماسالتيهم عن حياتهم ..انتي غلطانه
اهم احبابك لازم تسالين

بس عارفه
انا حتى احبابي
احط براسي اني بقولها كل كلمه حلوه
تفرحها ماتشغل بالها

يعني انا جايه من المشغل وماعلي كلام
وكل شي مضبوط
تجيك وحده تحقق معاك ليش مارحتي للي هي راحت لها في عرسها
؟؟؟؟؟؟؟؟؟؟؟؟؟؟؟؟
واذا انتي تقدرين ورجولك ترجف تجاملين
انا مقدر

اهم بس يبون يسولفون في اشيا ردورها ماتهمهم
بس تشغل بالك

انا اللي اقصده
الذوق العام

انا ملاحظه انو عموما مافي ذوق بالكلام
الكل يتكلم باي شي
ويسال عن اي شي


وانا مااتكلم عن احبابي والقراب مني

انا اتكلم عن اللي حولي
ويسولفون للتقصي
مو للاطمئنان

وانتي تعرفين مين يطمن عليك ومين يبي اخبارك وبس

انا مدرسه
يوميا بانسال من المدرسات
اذا تزوجت والا لا

انا اداوم معكم كل يوم متى باتزوج
( اقول يمزحون)
كل يوم نفس المزحه
شالدم الثقيل

والا اسئله الخصوصيه ؟؟؟؟؟؟؟؟؟؟؟؟؟
واهم مجرد زملاء عمل


فيه وحده قالتلي

شتبين لين الحين ماعرستي

روحي عرسي

قدام الكل
بالذات شالمزحه

لا
انا لازم اتحملهم
حرام مايقصدون شي

علشان كذا
فيه فرق
بين
الناس المحترمين الا ماتسمعين منهم الا كل خير
وبين اللي يقعد معك يبي بس اخبارك لغرض او لاخر


يعطيك العافيه على مرورك وردك ووجهه نظرك
اسعدني تفاعلك

انليمتد لوف

موضوع يستاهل التميز والدليل تفاعل كل عرايس المنتدى

وبصراحه كل ما ادخل المنتدى لازم اتابع باقي الردود

والحلو في الموضوع اسلوب الكتابه الشيق والبساطه وانه من واقع الحياه اليوميه لكل بنت وحرمه وانثى